@ pfingstrooose het die person au e homepage? de wür dete au male go luege.. 400.- weri au na bereit zum zahle aber das wo ich gfunde ha am mittag isch alles viel me gsii.. 690.- oder name.. für öppe das wo du etzt ufgschriebe hesch..

@Chliini: Ig lah mir d Frisur vom Mami vore guetä Kollegin lah mache. I ha no nid mit ihre übere Priis gredet, aber i ha mal 200.- budgetiert für das...

@Principessa: Also i weis nid... Wahrschinlech isch de Gäst ja eh klar, dass dir när ä Party weit, vo däm här chöit dirs sicher ou so lah. Aber jetz so ganz neutral agluegt hätti gseit wärs villecht guet so öpis i die Richtig no schribä. Irgendwie: "Danach möchten wir mit dir / euch im ART DECO HOTEL MONTANA in Luzern ein Festmahl geniessen und anschliessend unser Glück feiern." Ausklingen lassen tönt für mi so nach gmüetlechem zämähocke. Aber das isch ou nur mini persönlechi Asicht - und d Gäst kennä öich ja...
Ja, das cheibä Volley... Aber ohni chönnti glich nid si - i weis gar nid was ig jetz mit all denä freiä Äbä söu afah woni eigetlech Training hät...

@Pfingstrose: I ha im Gschäft eifach d STD-Chärtli verteilt... Vorhär hani niemerem öpis gseit gha und es hei sich när alli mega drüber gfröit. Da mir nur es chliises Team si unds mega guet zämä hei, isch für mi halt eh klar gsi, dass ig alli wirde zum Apéro ilade. Du chönntsch ja villecht ou es Znüni spendiere oder so, wenn du sie nid wettsch ilade...

@principessa: gern gscheh... für das isch ds Forum ja da! Hey vori hani ganz vergässä z schribä: isch ja mega cool wägä dr Theologin! De het sich für das Problem ja doch ä super Lösig gfunde!!!

uii die sit soooo flissig do magme fasch nüme noche:) u de mail i gang explodiert aube fasch ;)

@laprincioessa jep bi konditere u ou für die verantwortlich mus aber nur zu mir luege ;)
aber das mit em früeche ufstoh hmm ha immer wie meh müeh gniesses ou gärn aso so ca 8.00
ojee finge das blöd wen sich d lüt i mische wär söusch i lade
ich han mi götti ou ned i glade ha dä sit de konf nüme gse u e nie soo viu kontakt gha u mis mam het de gmeint das muesch du wüsse :)

@ chlini üü du hesch ou e huere sach got jo absolut ned das si bestimme was louft wensis scho wei zahle de söuesi ou öiche lo si es isch öiches hochzit aso neii äch i wär grad ustigget :)

hochzits frisur prislich hani ou ke ahnig aber mit schminke u schischi zügs dänki ou so uf die 200-250fr.

@Lula: Das tönt ja nocheme glungene Jubiläums-Weekend

@Principessa: Da hesch glaubs falsch verstande wege de 10 Fr. Ich han nur de Squishy gseit sie hend Agebot AB 10 Fr. Üses choschtet Fr. 17 p.P. Aber euen Pris, also nur für Häppli findi happig! Für 200 Lüt wäred das ja 5600 Stutz nur für sEsse am Apéro. Uiuiui..
Ja es isch au würkli es mega tolls und wie gseit emotionals Gspröch gsi.
D’Iladigstext für eues HZ findi sehr schön und iladend. Bide Sprüch chönti mi etz nöd entscheide. Da mues eifach so ufs Paar passe…zu was tendiereder? Mir hend eine vo mim Lieblingsautor gnoh, vom Antoine de Saint Exupéry (Autor vo „der kleine Prinz“).
de Spruch weg de Geldwünsch findi mega härzig. Ha gad müese schmunzle.

@Pfingstrose: haha, ja Traumeister, nöd ganz…er isch wie gseit evangelische Diakon, das isch eifach en Sozialarbeiter vode Kirche, aber er dörf Trauige vorneh.
Das sich nöd viel änderet ide Ehe das isch glaubs für jede andersch….ich weiss scho was du meinsch, aber für üs sind die Gspröch mit ihm wo üs traut wichtig.
Ich finds sehr guet zämä über sini Vorstellige vode Ehe z’rede.

Gfalled mir sehr guet die 2 Bilder vode Iladige wod aghenkt hesch. Sind individuell und dFarbe findi no erfrischend, falls ihr die au wänd. Wänder selber mache?

@Sasileu: Mir hend üse Ring denn au bim Goldschmied mache loh. In Konstanz bim Formenco…sehr z’empfehle! Und au gar nöd tüür! Klar mues mer no de Zoll rechne, aber mer chan defür dMehrwertstüür wieder go hole.

@Schmuck Konstanz: Dä wo dSasileu gseit het isch grad bide Marktstätte, ebe fascht gegeüber vom Müller und isch eifach en Vertreter vo 1 2 3 Gold

@Chliini: du ARMI!!! I merks dass du chochsch vor Wuet!!! Lass es raus!!!!
Was seit denn de Göttergatte? Boah das chani aber verstoh, dass sauer bisch. Da würdi au druf und dra si zum sägä – machemers heimlich ufem Standesamt.
Goht eifach nöd immer drirede. Weisch i glaub das isch voll so wiemers früehner gmacht het. Det hend ebbe dEltere oft sHZ organisiert oder ebe das was zahlt hend selber usgszuecht – so wies susch au würdet es Gschenk ussueche. Und sBrutpaar mues eifach pariere so nachem Motto „einem geschenkten Gaul, schaut man nicht ins Maul“.
Sie merked sicher NULL dass sie dich/eu? In Wahnsinn triebed!!!!
Aber i finds au furchtbar wenn sich alli drimisched und gar nöd losed was DU willsch!!!!
Bi üs het sin Papi au mal welle was drazahle (vlt wetter das immerno) denn hetter aber drüber abeloh bim GG wie doof er das findet dases so es grosses HZ wird und das mir so viel Geld usgänd und drum wämmer etz kein Tschent vo ihm !
Weize: Ich hans durch Usschlussverfahre usegfunde und s’gaht mer würkli viel besser (isch nöd sone appetitlichi Gschicht…susch müemer denn per PN wenn’s gnauer muesch ha)
Styling am HZ: uiii 690 Stutz??? Boah die nützed au us das dBrut a dem Tag bsunders hübsch wot si…zsssss!!! Also ich han denn nöd soviel budgetiert und ha au kei Ahnig was da choscht, aber bi mir macht sMakeup e Kollegin wo Kosmetikerin und Makeup Artist isch. Und bi ihre im Lade schafft auno e Coiffeuse (also mit ihre zämä). I frog denn grad s’negscht mol – bi also grad chli schockiert


@Malinchen: ja dörfsch gspannt si! I bi auscho gspannt wies denn wird würkli dZeremonie z’bespreche und so…huii ui ui…bald gohts gar nüm lang !
Ouu shit, gueti Besserig mit dinere Hand (oder Duuume besser gseit)

@Janedoe: Chasch sicher chum me warte biser dini Überraschig denn gseht!? Mir gohts amigs so weni für öpper e Überraschig han, hehe.
Mir hend üs immer nonig entscheide chönne weg de Gravur…tsss üsserscht schwierig!
Jaaaa, sehr ergriffend. Gell, i finds au so treffend was er gseit het!
Morn gohsch go probiere???? Ouu so toll, mach dir kei Gedanke! Das wär ja sehr schlimm wenn’s für dich nix hetti. Ganz sicher wirsch du wunderschön usgseh. Hoff du chasch dich doch no freue und denksch nöd nur dra was alles chönnt verurteilt werde…
Chasch miteme guete Gfühl goh würkli – sie findet sicher öppis wo dich umschmeichlet!

@La Mariee: aaaah so kuul euen Spruch, mir hend de erschti Teil au bis Bitte und denn chli was anders. Und find de Spruch uh super – so witzig, keck und fröhlich
Da freued sich dLüüt sicher zum chli Geld locker mache, hehe

@Taeboyana: wieterhin gueti Besserig!!!

@malinchen
Hüt bini schowider chli milder gstimmt, ha geschter bim Coiffeur ime Heftli gläse... Dett heds e mega fülligi Bruut gha wo im Chez Janine zParadies gfunde hed. Jetzt bini scho chli weniger ängstlich

@chliini
Aso ich ha so alles i allem 300.- grechnet für Haar und Makeup. Ich denke aber ehrlich gseit, dass das chli knapp chönnt wärde.

@principessa
Guet, immerhin wends nöd, dass Lüüt usladisch und quasi mit unbekannte Gsichter ersetzisch. e blödi Situation isches trotzdem. Ich verstah dich so guet!! Hoffentli sägeds eifach ab!
Cool wege de Theologin, ei 'Sorg' weniger

@Pfingstrose
Ich han direkt nachem Atrag müesse go schaffe. Ha de Atrag am Valentinstag zum zmorge becho. bin de is Gschäft und ha erstmal mini Hand de Kolleginne anegstreckt Muess aber sägä, das mier nume z 5te sind und eher familiär.
Würdsch mier au verrate, wer dier Haar&Makeup für de Priis macht? Das wäri meeega lieb

@Taeboyana
Au dir wiiterhin gueti Besserig. Lah dir Ziit!
Mini Bronchitis besseret so langsam aber sicher. Merke zwar dLunge no recht aber es chunnt guet.

@daenu
Ich bi, was das betrifft, genauso! Chas nid erwarte endli die Ring zhole und sis Gsicht zgseh Geschter ischs mer fascht usegrutscht.. Ich cha so Sache nur soooo schwer geheim phalte. Darum wirdi, FALLS ich hüt es Chleid sött finde, bestimmt au keis Föteli devo mache. Suscht wüssed nah sicher scho alli wies wird usgseh

@all
Danke für eui ufmunternde Wort! Bi langsam chli nervös und muess no bis am 6i warte!!

Wünsch eu allne en schöne, churzwiilige Tag!