| Bräute 2014 |
|
|
1 .. 186 .. 370 371 372 373 374 .. 686 .. 997
|
|
|
|
|
|
|
17.09.13 10:56
sasileu 
|
Re: Bräute 2014
@chlini:
Danke für din Tipp i gahnen grad emal go google
I chume vo Winterthur ZH und hürate in Homburg TG das isch bi Steckborn ide nöchi.
|
|
|
|
17.09.13 11:07
Lula
|
Re: Bräute 2014
Hoi zämä
@munggi: Ah de isch ja super! Hesch guet umi gstartet?
@principessa: Danke
Drücke Dir Düme, dass es klappet, chunnt sicher guet!
Jep, isch dr Hammer!! 
I würdi dr erscht Spruch näh, dä mit de Ängle. Finde dr Text für dKartene guet. Chasch uf jede Fau so bhaute, gloube nit, dass dGäst uf dIdee chöme das nach am Ässe fertig isch.
U wenn ihr öich eifach weigeret? I mein es isch öiches Fest, u es isch ja u seich, wenn ihr Lüüt drbi müesst ha, wo ihr nit kennet! U es isch doch wou Dini, resp. Öichi Entscheidig, wär Dir wie oder überhoupt iladet! U wenn Du am Obe meh Lüüt us Dim Fründeskreis drbi hesch, wie vor Familie isch das völlig ok, Fründe si ja schliesslech dFamilie wo me sech säuber ussuecht
Aber i verstah Di vou, i gloub i wäri düregstartet, wenn mini SchwieMu so was bote hätti. Mir hei vo anfang ah gseit, es dörfi aui säge was si meine, entscheide tüe mir zwöit in Rueh!
Das mit öichere Theologin tönt super! Härzlechi Gratulation!
@Pfingstrose: Gseht cool us, öichi Iladig! Mau ganz was anders, isch super!
Bi üs wüsses dGschäfter, zumau ja ou dIladige dusse si. I gloub GG het eifach mau gseit, er brüchi de nächst März frei (aso sim Chef gägeüber), die zwöi wo am Obe drbi si, hei scho lang gwüsst, u dr Räscht hets de zT eifach mit dr Iladig erfahre.
@sasileu: Wie geits Dire sexy Stimm? 
Und, sit dr se scho am verschicke?
U wenn de bi denne Empfählige mau e Termin abmachsch? U wenn de Päärli us am Kollegskreis fragsch? Viellech chönnti sie Dir ja häufe?
Mir hei im fau weder Chips no Proseco...
@chliini: Hoffe es geit Dur umi besser?
Dr Iwand mit de Flittis verstahni no so haubers, mir schänke ou nit würkli gärn Gäld, aber dr Räschte, HALLO?!? Es isch dch wou öichi Entscheidig! Das si öich zApero wei zahle isch ja scho härzig, aber bitte, de gah vorschribe wo ihr söuet fiire, geit ja wou gar nit!
U nume wüu Du kei Sommelier bisch, weisch ja glich ob Dir e Wii passt oder nit! I trinke ou fasch kei Rote, aber trotzdem chani säge, ob mir e Wii passt oder nit!
I würdi siner Eutere komplett zu öichere Planug usegheie, u se ou über nüme informiere!
GGs Mam het mau gseit, si zahli üs e Teil vom Apero oder ous ganze, aber mir hei se nie gfragt, was ihri Wünsch si, sondern eifach für üs planet. Ob si aber öbis zauht si mir üs no nit sicher, si het niemeh öbis gseit. Aber loh drirede hätte mir üs derte düre nit, de lieber säuber zahle!
Was meint Di GG drzue? U wenn ihr de eifach dr Ziviler würdet vorzieh u dä heimlech würdit dürezieh? Viellech würdi das ihne zeige, dass si zwiit gange si, u si würde sech zrughalte? Oder würdi das für öich nit stimme?
@malinchen: Gueti Besserig!
@jane: Du seisches! Nee, säge mir gar nüt! Wenn hesch dr Termin zum Kleid probiere? Ha de morn, soferns geit. Wieso meinsch das si Dich verurteilet wäge dr Figur? Geit ja de wou gar nit!! Has gad gseh, aber hei, das chunnt sicher guet! I ha definitiv keiner Troummass aber ha mir ämu nüt müesse alose!
@Mariee: Merci viu mau, letscht Jahr hei mirs verpasst, viellech klappts ja das Jahr
@Taeboyana: Wie geits Dir? Isch guet deheime? Dini TZ isch ja mega härzig! So liebi Lüüt si eifach aube Gold wärt!
ps. Ha Dir no ne PN gschickt
@Hochzytsfrisur & Make-Up: Frisur zahli 125.-, weiss aber nit, ob das mit oder ohni Probe isch. Make-Up weiss i no nit.
@Fotograf: Mir zahle zwüsche 1'200-1'600, je nach Awesenheit vor Fotografin, aber da mir dr Tagesplan no nit hei (setti mir viellech mau drhinger) wüsse mir das no nit so gnau
|
|
|
|
17.09.13 12:00
sasileu
|
Re: Bräute 2014
@ Lula:
Mini Stimm chunt langsam zrug
Aber sind würkli viel echi verschrocke usserd min GG hets amüsant gfunde
I nüm ah du meinsch ob mir scho Kärtli am verschicke sind, aber neinei i bin jetzt am alli Adresse isammle und den münd no eusi Magnet gmacht werde, hend jo nur emal Muster becho. Und den machi na so "Itrittkarte" woni bide Kartene wot bilege und denn verschickemas Das wird so endi Oktober si, eventuell au Afang November. Wends ebe früh verschicke.
Wege dem wo gmeint hesch bide Empfehlige emal was abmache...mir hend gar nid würkli empfehlige becho und das mitem Fründeskreis isch ebe sone Sach...mir hend zwar es paar Hochziite cha ide letste Johre womer iglade gsi sind. Nur sind die Hochziite (2) in Österrich gsi, 1nur Standesamtlich im Rheintal und 2x Standesamt da bi eus umenand, jedoch isch die eint Fotografin anschienend usgwandert und Apéro hemer nid de hit gfunde und deht wo ich TZ gsi bin hemer Kontaktdate vo dene Fotografe sind aber nid grad überzügt vode Arbet Apéro het seb Päärli vode Migro cho lah, eifach so Meterbrötli. Was nid ganz eusne Vorstellige entspricht
Aber das mit de Getränk werdi wahrschinli au überneh, wemer seb cha. Find seb nämi au nid schlimm wemer selber na was muen mitbringe.
Ich und min GG würet jo gern no e Schifffahrt mache, hend au scho Kontakt ufgnah und er het den gmeint er schiki eus Offerte, jetzt hemer irgendwie was becho vowege Schifflein deck dich.....
Das bruechema eigentli nid, da mir ufem Schiff nüme würkli wend was abüte.
ich und min GG hend den gseit das wemer was wend Trinke abüte und viellicht nachi Salzstängeli mir au bereit weret seb selber z'kaufe und mit Einweggschirr abütet...isch das schlimm anere Hochziit?!?
|
|
|
|
|
|
17.09.13 15:18
squishy-fishynicht registriert
|
Re: Bräute 2014
Grüäzi mitenand
I hoff iihr hend all guät in d'Wuche gstartet?
Es iisch so viil gloffe. Verzeiihet mir wenn ii nöd alles lese. Mir hend dähaii kaii Internet und jetzt ii dä Schuäl tüänd d'Steckdoose nöd und mii PC het glii kaii Akku meh 
Make Up: I ha 360.- budgetiert. I ha mal eini gfunde, wo Haiichunt, Nägel, Hoor und Make up macht. Aber jetzt hani jo ä anderi Coiffeusin. Muä mol abkläre, was sii alles macht... I find da sehr schwierig zum sägä, ob diiä 360.- eher viil sind. Isch eiifach diä einziig ii dä Region wo haiichunt 
Taeboyana: Wiiä gots diir? Chasch dii langsam erhole? Miir hend jo au no kaii Kärtli dusse. I denk amigs au wenn ii do inne lese, dass mir brutal hiinedrii sind. Aber all rundum sägät, mir siind extrem früäh aplane. Giit Lüüt wo s'Hochziit in 5 Wuche plant...
Daenu: Diä zweii Fraue mit em Apéro tönet so guät. I ha gest welle alüte, aber will ii kaii Internet gha ha, han ii's nöd suächä chöne (ii ha ebe keii Internet ufem Handy...) und da mit dä Landi findi au no ä guäti Idee. Bringet diä Getränk ans Apéro? Muäni gad google 
Sasilu: I denk, hend diiä Schiffsgsellschaft missverstande. Nomol nafrage. I find Einweggschirr nöd schlecht. Bruchsch es jo nur einmal. Und für Salzstängeli bruchts jo keiin Teller?
Chliini: I ha glese vo diim Wuchenend! I cha dii so guät verstoh. Mii briinget amiigs scho chlinigkeiite zum überlege, werum mir so es pompöses Fest planet, wenn doch eigentli nu eh unterschrift brucht... Es isch eues Fest und ihr dörfet das so fiire wiä du und dii GG wönd. Wiiä stot denn er zu de "Agebot" vo dä Schwiegereltere (oder han ii da verpasst)? I hoff soo, dass ihr mit ihne uf öpis gmeinsams chömet und du wiider d'Froiid aah euem Fest finde darfet!
Janedoe: Viiil Spass bim Hochziitskleid shoppe! Bin scho meega gspannt uf dä News!
Me: Miir hend unser TZ-Treffe gha. Es isch suuper gsii. Mir sind vomene Wespi attakiert worde aber sus hend miir viil glache und ustuuschet und sii hend sehr froiid gha an unserem Säckli. d'Location het ihne so guät gfalle, denn hend mir unseri prov. Reservierig zunere fixe gmacht. Mir bechömet Dnde Dezember diä aktuell Bankettmappe über (sii änderets jedes Jahr ab) und im neue Johr wird denn wiiter planet.
So jetzt lauft mii PC uf reservestrom. I hoff am Obiig tuäts Internet wiider. Denn chan ii gnauer uf eu igoh
Wünsch eu sus ä schönä Abiig
|
|
|
|
|
|
17.09.13 17:02
munggi87
|
Re: Bräute 2014
@ lula aso guet gstartet isch öbis angers volles chaos i meine läbensmittuberich do erwartetme aso scho öbis a suberkeit!! aber das wo mi stv u d ablös gmacht hei isch unger aurer sou! hanes de ou grad gseit u gfötelet dasis hüt am chef ha chöne zeige :)
u de het eine es mail mim chef gschribe wöu i ihm de ganzi ablouf gänderet ha :) de isch mi chef hüt morge uf mi los gschosse wiso är begriffis ned wiso i das eifach machi u bla bla bla de hanim grad retur gä u gseit jo u das wo si mir hinger lo heig begrif i ou ned u finges unverschämt! de ischer stiu gsi u gange... haha
@sasileu aso s migro het natürlich ganz feini sache u ned nur meter brötli :) s migros het eifach so ihre klassischi stiu meh erkents eigentli grad dases es appero vo ihne isch aber mir hei amene hochzit so chlini sändwitschli gha ufemne stüropor härzli u poulet spiessli (warm) chäschüechli u so isch aso super fein gsi! i würdi sofor es appero vom migros nä wen mir chönte ;)
i weis ned so vo du bisch aber uf em hallwiler see hei mer de ou e schiff rundi gmacht bimene hochzit u si hei de eifach öbis z trinke a bote u für jedes no e chlini cremschnitte...
|
|
|
|
|
|
|
|
1 .. 186 .. 370 371 372 373 374 .. 686 .. 997
|
Anmelden
E Frag hani no, het öpert vo eu scho e Band engagiert? Wie viel zahled ihr dene so? Ich han da echt kei Ahnig wer mir sölled neh. Und zviel usgeh wotti eigentlich au nöd.