@sasileu: Für Apéro Catering si aube Metzgereie oder Bäckereie immer no e guete Tipp und nid so tüür. Mir hei üses no nid definitiv buechet, aber ha mau e Offerte ighout vore Metzgerei wo bi üs grad vis-à-vis vor Chile isch und dert oft Apéros macht. Die kenne sech dert perfekt us, wüus sie oft für Apéros dert buechet wärde und gemäss Sigristin vor Chile sige die biuiger as ds Migros Catering... Itz muesi de nur no abkläre, ob mir o dörfte Getränk säuber mitbringe, i ha nämlech e Kolleging wo bi Rivella im Kader schaffet und unberschränkt Getränk cha bezieh, sie heit gmeint i söus nur säge Rivella het ou Schorle und Fruchtsäft u Mineral, de müesste mer nur dr Wii über ds Catering bezieh. U de möchti die Metzg no afrage, ob sie vielech es paar Fotos hätte vo Apéros wo sie hei gmacht. Mir isch drum d Präsentation schono wichtig. Nur 1 Glas inbegriffe fändi definitiv zweni und wirkt de ou chli giezig... aber Eiweggschirr nur für ufem Schiff findi itz o kes Drama, es git ja afa rächt schöni Variante, evtl. i eune Farbe?

@Pfingstrose: Merci fürs Komplimänt wägem Priis für Frisur und Makeup. I ha o mega Fröid, ha bi ihre scho mau fürne Ball la frisiere und schminke und bi totau happy gsi. U wes no so guet im Budget liegt, isch ou super.Sie het ou sehr viu Erfahrig und super Idee, die macht us aune Haar und jedem Gsicht öpis Geniaus.

I Sache Band hei mir no nüt buechet und da bini o no chli ratlos... I weiss äbe o no nid gnau was mir wie und sicher nüt auzu Türs... Ha aber scho paar Tipps im Kollegekreis becho und evtl. liess sech so öpis Guets finde, wo nid es Vermöge choschtet.

@Lula: Ja merci, es geit rächt guet. I mues mer zwüschine immer wieder säge, dassi wieder chli mues härehocke und nid scho zviu im Hushaut wott mache, süsch chunnts nid guet. Mit mire TZ isch super gsi, sie het es superfeins Zmittag bracht und när heimer no zäme Hochzitschleider, -frisure und aus Mögleche agluegt und si de no e Rundi use ga loufe. Luege dassi jede Tag chli usechume und mi zumindscht es Bitzeli cha bewege. Mega schöns Bsüechli gsi vo ihre! Am Donnschti chunnt o nomau e Kollegin, freue mi scho. I ha dir e usfüehrlechi Antwort uf dini PN gschriebe u de het sech mi Laptop ufghänkt, grml! I probieres de speter nomau...

@malinchen: Ja i mues mi meh bewusst no chli zrüggnäh, wüui i gspüres de scho weni de scho wieder zviu ha wöue... Ui aber das tönt no chli kompliziert bi dim Duume... hesch viu Schmärze? I bi froh isch d Bikini-Saison vrbi... ha 4 Narbene u 2 drvo si scho chli grösser und lenger, asi dänkt ha... ke schöne Ablick mi Buuch im Momänt.
E guete Start zrügg im Studium!

@squishy: Danke, es geit! Ab hüt hani gemäss "Medikamentenplan" keni Schmärzmittu meh u das isch itz no chli es dragwöhne, aber i gloub es geit de scho. MI dünkts dini 360.- wo du budgetiersch hesch sötte scho machbar si. Chunnt sicher drufa, ob de o gad öpis findsch wo ir Nechi isch und du zfriede bisch, aber da fingsch sîcher öpis.
Ja das stimmt, mir hei drfür scho viu Sache, wo no gar nid würde pressiere

@me: Ig ha itz am 7. Oktober dr Termin für das Röhrli useznäh. Das chame ambulant ir Praxis mache, aber wüu sie eim churz müesse bedusle, chani när wieder e Tag (oder ämu e Haube, isch am Mittag) nid ga schaffe u am 8. hani frei gnoh für ga Brutchleider zshoppe... hoffentlech darf itz dä frei glich ha...

Süsch hani no gueti News, i ha bir Nemo d Stuelhhussene inkl. rote Organzabänder chönne ergattere und chume so viu biuiger wäg as we mir se würde vom Restaurant näh! Ha so Fröid dass das klappet het u GG findets o super. Itz hani immerhin scho öpis a Deko und cha mi de vor Farb här am rot vo de Bänder orientiere.

So, i erhole mi itz no chli witer Wünsche euch aune e schöne Firabe!

@taeboyana:
Das mit dem Metzgerei und Bäckerei hani gar nonig dra denkt, seb luegi emal na. danke.

Ansonsten für alli andere ebefalls Danke für eui Hiwis etc.
Ebe,bi mir isch alles no recht easy, da ich würkli no guet Ziit han für alles

@Janedoe: ich chan dich soooo guet verstoh! Ich chan bi so freudige Ereignis au fascht nöd mini Klappe halte. Dumm nur dass ich es Bildli han (zwar kei Föteli vo mir) mitem Kleid wo praktisch glich usgseht
WIE ISCH GSI HÜT?

@Squishy: ach nei, so dooof! Aber morn isch ja auno en Tag, denn chasch alüte oder emaile...oder hesch au morn kei Internet? irgendwie hesch ja etz au chönne is Forum schriebe
Ja das mit de LANDI het mini Cousine gmacht und sie lieferet...finds ebe au e Hammeridee

@Sue: Welcome back ide regnerische herbstige Schwiiz!

@Pfingstrose
ja isch würkli nid fair bewertet zum teil aber findes aube no spannend was die so für Ideene hei und Dekoratione isch ja würkli ganz unterschiedlich!! findes mängisch chline witz isch ja klar dass vilicht d Stimmig und Unterhaltigswert für "frömdi" Gastbrüt nid so höch isch wie weme ds Brutpaar und andreri Gescht persönlich kennt und de findi chöi die das ou nid so bewerte

@Taeboyana
dir wünschi ganz e gueti Genesungszeit!! wie geits fengs mitde Schmerze?? Ja mir nehmes ou uf mit Swisscom - TV hets bi dir scho e Hochzit gha wott hesch gfunde das wäri der Hammer oder es Kleid oder öpis?

Karte
mir hei üs ize für die Karte im Ahang entschide. Mir werde ner e Postkarte mache mitemne Föteli vo üs druffe und Infos zur kirchliche trauung womer de gladne Gescht i die guldigi Charte werde inestecke und die wo zum apero iglade si bechöme de nume die charte mitem Föteli
in Thailand heimer ner so bruuni Seckli kouft und wiissi Rosebletter. De gladne Gescht werde mer di guldigi Charte i somne Seckli mit wiisse Rosebletter dinne geh und ufd Seckli de mit wiiser Farb no mit Schablone oder so Orchideeblueme male.

so i wünsche euch e superstart i de regnerisch chüel Tag

Datei-Anhänge

Hochzeitskarte Raihana gold.JPG (31x) Mime-Type: image/jpeg, 39 kB

Guete Morge Mädis!

Sorry, bin chli im Stress, drum brichti jetzt mal churz über min gestrig Abig und liese spöter alles nah!

Also,
nachem schaffe bini toootal ufgregt gsi, ha mich mit mim Mami, minere Schwes und ere Arbeitskollegin vo mim Mami uf halbem Weg zu Chez Janine troffe. Mier sind extra scho mega früeh losgfahre, dasmer de au ja pünktlich sind wenns Stau ufem Seedamm hetti Heds de aber nid gha und mier sind öppe e halb Stund zfrüeh im Gschäft gstande. Die stv. Gschäftsfüehrerin hed eus denn öppis ztrinke abotte und gmeint, mier müessed no paar Minute warte, will mini Beraterin no am znachtesse sig. Denn sind immer wider so meeeeega gstylti, gerteschlanki Fraue us de Personalrüüm cho und ich ha immer ghofft „hoffentli bedient mich nöd die, hoffentli bedient mich nöd die“. Natürlich isches denn doch en Frau mit Topmodelfigur gsi. Sie hed eus denn in unterste Stock mitgno und dett simmer ine eigni Abteilig mit Übergrösse (s’hed vo Gr 44 bis glaub Gr 54). De seit sie zu mier ‚die Chleider wo sie eus gmailt hend… da hemmer leider keis einzigs meh da‘ und ich bi us allne Wolke gfalle. Ich finde, mer hett ja denn rasch chönne es Mail schicke, am Telefon hed sie nämli gseit, dass sie die Modell paratmached. Naja, bi de chli enttüscht gsi aber sie hed gfunde, dass sie ganz e Huufe anderi schöni Modell hend.
Denn hemmer afange dureluege. Ufem Bügel hani keis einzigs gfunde wo mier zu 100% gfalle hed. Han denn ca. 6 Chleider agha und bi jedem irgendwas uszsetze, es isch eifach keis Chleid mitem Wow-Effekt da gsi. Plötzli hani es Chleid im 44i gseh, woni traumhaft schön gfunde ha und denn seit doch die, dass sie das, und au alli andere i dem Ruum nümme cha nahbstelle. Die neu Kollektion chämi Afang bis Endi Oktober. Denn hani ihre gseit, dasi doch extra gfragt ha am Telefon, ob denn die neu Kollektion scho da segi und die am tel hed gfunde, JA! D’Beraterin meint de so ‚ich gseh eifach keis Strahle uf ihrem Gsicht‘… Ja komisch, wenns die Sache wo mier gfalled ned chönd bstelle….
Mier hend denn a dem Punkt abbroche und en neue Termin für im November abgmacht. Es isch total frustrierend gsi für mich, da ich zGfühl gha ha, alles abklärt zha und trotzdem simmer eigentli vergebens dett hii gfahre… Zwar… Doch nid ganz Us Frust simmer denn id Partychleiderabteilig und hed für mis Mami z perfekte Bruutmuetterchleid gfunde. Sie gseht traumhaft schön us drin!! Also hed wenigstens sie en Erfolg z verbueche gha
Ufem Heiwäg hend die drüü Fraue denn zu mier gseit, dass sie mini Beraterin eifach nume schlecht gfunde hend, will sie gar nüt gseit hed zu mine Chleider woni agha ha oder was mier allgemein würd stah. Sie hed mich au nöd nach mim Budget gfragt sondern eifach Chleider ussueche lah. wennis mier so überlegge hend sie voll recht. Ha mich au nöd sehr wohl gfühlt um sie ume. Da sie aber i zwei Wuche ihre letscht hed, wirdi sicher en neui Beraterin becho. Hoffe es lauft denn bitz besser.
Uf jedefall weissi jetzt, dass de Stil woni scho uf de Bilder usgwählt ha, zu mier passt und dasi bestimmt was finde. Das beruhigt mi.

So es tued mer leid, ich muess ganz dringend zum Dokter! Bis nachher!!

So, weiter im Text :D

@chliini
Ich muess zuegäh, de eint oder ander Schnitt hed mier sehr guet gfalle a mier. Bini fascht selber erstuunt gsi

@squishy
super dases so toll gsi isch mit de TZ!! Magi dir sehr gönne.

@Sue
Welcome back! Schön bisch wider da! Henders schön gha demfall? 4Hochzeiten und eine TR luegi amigs wennis grad breiche. Was leider fast nie isch. Defür bini Fan vo dene Sändige uf SIXX, halt s'englische Format aber egal
Hender Boxe gfunde?
Mis Mami hed für ihres Chleid 930.- zahlt und zuesätzlich no e Stola für 98.- (!!!!!!!!!!!), ich hanere gseit sie spinni, sovill Geld uszgeh, e Stola chieng ich ihre au uf ebay für 15.- poste. Das hed sie de aber nid welle, will alles so super zemepasst hed. Oh was mi de au no gnervt hed: mit Abzug vo 2% Skonto bi direkter zahlig isch sie komplett uf 1007.40 cho. Denn sägi so zu de Verkäuferin, dass sie doch us dem Betrag grad 1000.- cha mache und sie seit, nei, das machi nöd. Nid 'nei das CHANI nöd' sondern es isch so überecho, ich wott nöd. Aso ich finds für s'Chleid viel zviel!! D'Priise seged durchschnittlich um die 500.- wobii alli wo ich agluegt ha sind zwüschet 700-1000.- gsi...

@daenu
Zeigsch eus das Bild au mal? hihi

@Pricana
Eusi Fotografin choschtet au fast 3000.- ohni Album. Sie macht eus jetzt en Fründschaftspriis vo 2100.- wasi au immerno recht e Huufe finde aber ebe, du luegsch die Föteli nah zganze Lebe lang a....
Ou hoffentli wärdeder fündig z Konstanz!

@Pfingstrose
Das isch wirkli chli doof. Hender scho fix Musik buechet? Bi eus wirds au so sii, das mer ned voll ufdreihe dörfed aber... Ich finde das macht nüt will bi eus sicher ned alli tanzed und die wo a de Tisch sitzed findets de vielleicht ned so super, wenn sie enand müend alärme will dMusik so luut isch.
Vielleicht, daser bis am 1 voll Party möched und denn chli romantischi liisligi Tänz? Hach, findes scho au no schwierig, vorallem will de am 1 en CUT muesch mache und am 2 wider. Weiss gar ned wasi söll rate, sorry