Sue87: Ja isch jetzt ebe mega verzwickt. Einersiits hani mir das au denkt und andersiits wers scho schön gsi so bis am 2 tanze und den no chli sii. Evt. sinds ja tolleranter was Zimmerlutsterki abelangt aber wenn nöd den isch am 1 fertig mit tanze. Mir münd eus das jetzt nomal überlegge.
Janedoe: Danke glich… Das isches ebe. Die wo mir suscht aglueged hend und das sind ganzi 5 anderi Lokations hämmer genau s gliche gha wie ihr au. D frag isch wenn isch mer den so fertig mit em ganze Esse… Kei Ahnig… Wens so um die 11i los gaht mit tanze den wers i.o. aber wenns den us irgendwelle Gründ hald erst am 12i losgaht den isches eifach zwenig. Bueched händ mir no nüt i dem Sinn… Du häsch doch au so Vintage Stil für eui Hochziit? Ich han en Shop (AlisaMayde) uf Etsy gfunde de het soo cooli Sache. Ich bin richtig am Etsy durstöbere und dun immer wieder öpis uf mini Liste. :)
Öpert het mal no gfröged wege Wegwerfgschirr ufem Schiff. Ich finds garnöd schlimm wenn mer nöd gad unbedingt dass wiise standart Plastik nimmt. Es git total lässigi Sache. Gahn doch mal uf Etsy go luege het so cools Züg und das au no i jedere Farb... Den chasches gad uf d Hochziit abstimme.
@Pfingstrose Das stimmt scho, wenns Esse länger duuret denn isch doof! Isch denn eui Location zmitzt ime Wohngebiet? De Fall hend mier ja gha mit eusere erste Loaction und für eus isch das en Mitgrund gsi, zum die denn zwechsle. Ansuschte würdi ned verstah, wieso iher müend uf Zimmerluutstärki abestelle. Und die bliibed stuur was das betrifft, meinsch nomal rede bringt nüt? Oh wow, das sind wirkli super tolli Sache!! Muessi nah grad chli stöbere, merci viel mal!
@janedoe wie gseht de ds Kleid us wo dini Muetter kouft het? isch ja u härzig dass si sich das leischtet für öies Hochzit mir hei keni passende Böxli gfunde in Thailand obwohl mir mega gsuecht heidi günschtigschte wäre de glich so 5 Dollar gsi ds Stück und de hetme ja no kei Karte und Porto und nüt und de heimer die Idee (schwerenherzens vo mire site her) begrabe das uf SIXX kenni ou!!! dete hets mängisch ganz spezielli sache ha mau sone Nudisten-Hochzeit gseh gha
@Sue Lade gad mal es Bild vom Chleid vo mim Mami ufe. es isch es 50i! Aber mer gsehts nid findi, ich finde sie gseht eifach wunderschön us! Mier hend jetzt au Boxe bstellt für eusi Charte. Aber nur für die engste! Willmer die ned verschicke wend. Han so total Freud!
@ Pfingstrose: Jo i weiss au nid wasi so vodere Ziitbegrenzig söll halte, irgendwie doof aber chan mir au vorstelle das ald en Ziitrahme gsetzt wird. Mir wüsset vo eusem gar nid grossi Details, will de Chef eifach immer seit es isch eui frei überlah wiener wend Hochziit gstalte, aber irgendwenn wend die Lüüt sicher au Fiirabig ha Naja, i lahns jetzt eifach uf mich zue cho au wens echi es Risiko isch, i plane und stell mir jetzt min Obig vor und teils am Resti den im März mit und den mal luege.
Und danke wegem Typ vo Etsy, ich bi nämli die mit de Gschirrfrag gsi. Joo klar heti nid grad die wisse Pappteller gnah, aber i find für so es bitzeli Snack und was Trinke gits au scho u schöni Sache. Ich ha vo paar Täg Pinterest entdeckt, hani au nonig kennt und i finds absoulut hammer
@Janedou: Ich wünsch dir viel Erfolg bim 2.Shoppingtrip im Chez Janine und uf e netteri Beraterin
Janedoe / Sasileu: Nei also isch nöd direkt im Wohngebiet aber nebed emene Naturschutzgebiet und obe ine hets hald paar Hotelzimmer. Ich glaub ehrlichgseit sie lönd nöd mit sich rede. Und irgenwie isch mer de Typ gad so unsympatisch inecho das mich ehrlichgseit chli aschisst mit dem rede. Letschtmal hemmer ebe d Sache mit de Lehrtochter und den eimal mit de Stellvertrettig aglueged und die sind viel ufgstellter gsi. Min Schatz und ich hend gseit hüt Abig mached mir zäme "Krisesitzig" wege de Lokation und den entscheidemer.
Janedoe: Also s Chleid vo dim Mami gseht super us und staht ihre sehr guet. Mit em Priis het sie ja würlich voll Gas geh! Aber isch ja herzig wenns ihre au sehr wichtig isch wie si a eues Hochziit chund.
Sasileu: Pinkfisch wer suscht e Schwiizersiite wo au chasch Kartonteller bstelle aber ich finds det ehner türer. Chund hald drufah wie viel Lüt ihr sind. Oh ja Pinterest... Ganz schlimm und super gföhrlich. Am Afang wonis gha han bini richtig süchtig worde. Jetzt gahts aber guet. Han au scho paarmal chli de Ordner ufgrumed mit Zügs woni nüme wott usegschmisse.
@sasileu: Das kenni, aber isch doch super wenn de umi uf am Wäg zur Besserig bisch. Das verstahni mit am früeh verschicke, de weisch einisch wora das de bisch, u chasch plane. Ah ok, de isch natürli nit so. Wäg am Apero, frag doch mau Beck, Metzgi oder Chäsi, die mache doch aube ou gueti u schöni Apero. Chasch ja würkli guet säuber was zum knabbere koufe, isch ja nüt schlimms. I würdi haut eifach chli schöns "Einweg-Gschirr näh" u nit so z'normalste.
@Pfingstrose: Brucht ja gar nit meh. U 3 Tag si doch wunderschön! Heit Dir vorher oder nächer no chli Frei zämä? Mir hei dSonja Vaucher (si fötelet aber "nume" Kt. BE & FR) Wieso hei si öich de das nit vorher offe komuniziert? Isch ja ne mega Quark! Meinsch nit di Mails mit de Agabe etc si ziemli üblich?
@squishy: Hey, das tönt nach am ne glungnige Nami! Isch super, jtzt sit dr umi e grosse Schritt witer!
@Sue: Willkomme zrugg! Muesch es positiv gseh, am Wucheändi wei si ja umi schöner... Süsch chunsch vrbi, i ha no Tomate vor am Huus... Jep, i bekenne mi schuldig, gugges nit immer, aber nimmes de viu uf oder gugges nache... Ohh so schön, mani öich so gönne! Het schöni Fotis gäh für üs deheimblibnige?
@munggi: Ach Du Schande! I gloub i hätti Schreikrämpf brcho, wenn mi so was erwartet hätti! Hesch das umi chönne kläre? I hoffe dSituation het sech so chli entspannt, u Du geisch am Morge umi gärn ga schaffe?!
@Taeboyana: Ja, das gloubi. Hesch kes guets Buech wo di so fesslet, dass de dr Huushalt gad vergissisch? Isch doch lieb vo Dine Froue, dass si sech so umi di kümmere! U so ne Obespaziergang mit GG het doch süsch ou öbis. Wie geits Dim Laptop? Oder het er eifach kei Saft meh gha? Chasch ja nüt drfür, füre Arzttermin, meinsch nit Du brchämisch dä Tag glich frei?
@Pricana: Sowohl als auch. Isch aber gar nit mini Region, aber für dTorte, viellech wirsch hie fündig http://www.lienert.ch/content/index_ger.html
@Jane: Na super, serigi Termine chönnti meh aube eifach ou stiche! Aber schön het wenigstens Dis Mami Erfolg gha! Aber stolze Priis, mou. U de dr Satz si wöui nit, isch eifach aube schad! Aber gseht ämu schön us, chunnt ihre guet.
@Pricana: ja da glaubi. Treffed ihr eu au mehrmal…so Ehevorbereitend, oder eifach für dZeremonie? Kennded ihr eue Pfarrer?
@Sue: da findi e gueti Idee dPostkarte und denn für di gladene auno die schöne goldige. Ihr hend doch in Thailand no welle öppis us Thaisilk sueche oder? So schöni Boxe oder? Aaah, etz hani grad glese
@Pfingstrose: I cha dir mega guet mitfühle und cha sehr guet verstoh wieso das bi dir grad en sehr faade Nachgschmack hinterloht. Es sich leider a vielne Ort eso dasmer früehner mues dMusig zruggdrülle – und id Bar wechsle. Und selber isches au unvorhersehbar wievieli denn würkli länger als 2:00 Uhr bliebe/tanze möchted. Für dLüt isches ja au en strenge Tag. Wa aber no viel es dööfers Gfühl git isch wenn mer für de Manager vode Location eifach nur e Nummere isch und gar kei Infos bechunnt. Es isch wohl nöd z’viel verlangt, dass mer anerchennt was für en wichtige Tag das für JEDES einzelne vo de Päärli isch wo den hüroted. Konzentriered eu eifach uf s’Gfühl wonir IM SAAL gha hend! Und lischted euri Froge uf und emaileds, oder lüted a – ignoriered d’Lustlosigkeit vo dem Ma (de het vlt en schlechte Tag gha). Hoff dir gohts chli besser! Mir händ übrigens au so chli Vintage-Style! Danke für de Tipp AlisaMayde uf ETSY
@Janedoe: Mann, dVerkäuferin chan echt mega viel kaputt mache…doofi Trulla! Sie isch sicher so unmotiviert will sie nüm lang det schaffed…denn macht sie doch kein Finger meh chrum. Wetsch würkli nomol det anegoh? I finds grad sehr unprofessionell. I mein, du hesch dich sehr guet vorbereitet und ihne alli Frage vorab gstellt. I finds würkli unter aller Kritik, dass etz du dich muesch nerve will sie’s verbockt hend. Da tuet mer richtig leid. Und weisch was…bim Chleid…lueg nöd uf dNummere – lueg eifach dasses DU bisch ! dass sChleid dich wiederspieglet denn wirsch zu 100% strahle und wunder wunderschön si!!! Hani s’Bild nöd inetue gha? Weisses gar nüm…aber würds susch nomol…extra für dich s’Kleid vo dim Mami findi uuh schön. Super Farb und guet tailliert, stoht ihre usgezeichnet. Mini TZ het do au glueget weg Kleider und mir hends au z’tüür gfunde. Mer het jo denn nöd so oft Glegeheit zums wieder alegge. Aber dis Mami het sicher a dim HZ au welle e bsunders feschtlichi Brutmueter si.
Me: Ich han mir scho länger de Chopf drüber zerbroche über dGaschtgschänkli. Ich han so es meeega härzigs Bildli gfunde uf Pinterest (siehe unten). Im Nanu Nana hani denn so selbstklebendi Spitzebändli kauft (die bruchi ebe au für dDeko ide Mitti vode Tisch). Etz hani hüt bim Opitec so Terracotta Töpfli bstellt. 10 Töpfli für Fr. 3.50!!!! Geil oder? bruched ja immerhin 60 Stuck, ha denkt mer chönnti chli Kressi aseie, und die Töpfli sind ja zuglich Gastgschenk als au Platztäfeli...wie findeder das? Chönders eu vorstelle wies miteme Tontöpfli wär) Ich finds mega schnüge
Anmelden
di günschtigschte wäre de glich so 5 Dollar gsi ds Stück und de hetme ja no kei Karte und Porto und nüt und de heimer die Idee (schwerenherzens vo mire site her) begrabe
Naja, i lahns jetzt eifach uf mich zue cho au wens echi es Risiko isch, i plane und stell mir jetzt min Obig vor und teils am Resti den im März mit und den mal luege.
