nicht registriert

Guuuätä Morge mitenand,

I ha wiider ä Vorlesig und drum endli mol wiider Internet. I les eiifach mal und schriibe. Irgendwenn muän ii wohl aber unterbreche, will d'Vorlesig irgendwen fertig isch. Aber theoretisch sött, ab hüt dähaii s'Internet au wiider tuä

Sue: Welcome home! Ihr hend siicher wunderschööns Wetter gha!! Schön hend iihr euch guät chönä erhole und s'verhürotet sii richtig gniässä! Hesch es Foti vo dä Iladigskarte? Für welli hesch dii entschiide? Diä goldige? Dä Moment gseh Meega kreativ mit dä Säckli, dä Rooose und und und! Bin begeiisteret und eui Gäscht werdets au sii!

Pfingstroose: Für ego-posts muä meh siich doch nöd entschuuldige. Für so Sache iisch das Forum dooh! I cha guät nahvollzieh, dass eu da chlii enttüscht. Will d'Info dass dä Ruum gwechslet werde muän, hends eu vorbehalte. Find ii nöd so fründlich... Mir hend diiä wiiter Planig au grad müässä nachfraage. Für s'Resti isch klar gsii wiiä's wiiter got und das mir da nöd wisset, hends wiä nöd tscheggt. Aber sii hend denn natürli gern Uskunft gäh. Und d'Bar wär denn für eu allai, denn chöntet ihr ja dert wiiter feste? Isch verzwickt, tuät mir leiid für eu und hoff dass eui Begeisterig für d'Location wiider chunt

janedoe: Tönt nacheme komiische shopping-abiig.... Schööön het diis Mami ihres Klaiid gfunde. Wooow, diä Farb vo dem Kleiid findi dä hammer. Miis Mami muän ii au überzüüge so was azlege I hoff fest, dass es diir au so go wird. Suuuper hend ihr gad en noiie Termin chönä abmachä. Hoffe sehr, dass dii noii Kollektion diich aspricht!!

Daenu: Wooow, diä Töpfli find ii meega herzig!! Find iich eh kuuli Idee. Schön hesch diä passende Sache gad gfunde!! Das isch jetzt s'Bildi vo pintarest? Bi scho gspannt uf dini Version
Hend iihr scho ä offferte vo dä Landi? Darf ii so indiskret fraage, wiä viil iihr dert zahlet?

Sasilu: Exgüsi, bim überflüüge han ii was verpasst. Für was bruuchsch dä lässig Pizzaschniider? Und vo wo hesch de? Gseht meega herzig uus!

Me: Giit nixx mii GG hets Studium agfange und ihm rucht im Moment dä Kopf. Chömet gar nöd so zum Hochziit. Da han ii mir jo au so denkt und im Moment giits au nöd viil zum plane... Aber ii würd ebe gliich gern

Wünsch eu ä guuätä Namittag und hoff, dass ii scho gliiiii wiider au dehaii schriibe chan!

@squishy-fishy:
De Pizzaschnider söt euses Gastgschenk werde an engere Familiekreis bim Standesamt
Finde dueschen uf Amazon und sust ganz vielne Site,ich hanen gseh bi weedix und glaub bi dressfirst au.seb sind eh au site woni cha empfehlä

Guets Tägli

chume chum zum antworte bi ziemli im seich und dezue ane hüt moorge mit ere vercheltig ufgwacht..super sach..

Aber danke eu allne für die links und eue feedbacks wege decko oder gastgschänkli.. ich hoffe i chume am weekend chli dezue zum chli umeschneugge..

lg

Hoi zämä

@sasileu: Wow, cool Pizzarad!
I dänki i würdi dä Schlüsselahänger mit de Kärtli verrume u nit a mi Schlüsselbund tue. dIdee isch härzig, aber i gloube nit, dass das närne viu am eigete Schlüssu hei.
Aso e Name für a dKleider? Jep, i wetti das mache, eifach wüu sech bi üs nit aui kenne u wüu is schön finde, de Obegäscht di Ehr lah zuezcho, gägeüber de Aperogäscht (tönt jtzt äuä ziemli blöd?!)

@me: Bi üs louft momentan so gar nüt, am Samschtig göh mir ga Deko reiche vor Nemo, u nächst Donnschti hei mir es Träffe mit üsne TZ u bis denn setti mir äuä mau no einiges agugget ha.
Heit Dirs Shooting vor dr Kirche oder während am Apero? Die wos am Morge hei, wie lang heit Dir da iplanet? U wie lang planet ihr ca für Frisur u Make-Up?

@malinchen
Hehe ihr sind liluca Fans, ich merkes. Mal güxle, han jez es paar Mail verschickt mit dene Chleider womer gfalled und agfragt obs die zur Prob dette hetted

@Pricana
Es hed leider gaaar nüt unter 500.- gha bi de Abigmode. Findes voll gspunne. Und wenn sie mal im Jelmoli oder so gaht go luege? Hani mim Mami ebe au vorgschlage eigentli.
Hey, hesch s'Monogramm eigentli chönne bruuche?

@squishy
Mis Mami hed au voll Überzüügig brucht. Sie hed voll Angst, dass sie die einzig wird sii wo sich so chic macht. Aber mier hend ere denn gseit, dass sie das 'muess' und vorallem au dörf als Bruutmuetter.

@Sue
d'Boxe macht eus eini us Österrich, sie macht das aber privat. Bi per Zuefall über das Bild gheit bim stöbere im Internet und ha sie de agfragt ob sie eus ned chli chönnt helfe bi de Iladige will ich nöd so 100% zfriede seg und jetzt rettet sie eusi Charte, macht Boxe dezue und no zuesätzlich Böxli für Gastgschänkli

@Lula
Mir wüssed no ned wegem Shooting. Da ja min Dad mich jetzt nöd zum Altar bringt, wirdi mit mim GG inelaufe, also chönntemer s'Shooting tatsächlich am Morge mache. Findes denn halt guet, will sMakeup no perfekt isch, d'Frisur no sitzt und so...

@me
Eusi Ring sind fertig!!! Bi sooooooo ufgregt, am Mäntig wemmer sie go abhole!

Hui sit dir wieder fliessig gsi!

@daenu: Mega härzigi Dekoidee, gfaut mer sehr! Tontöpfli si sicher oberschnucklig, cha mirs guet vorsteue!

@sasileu: Würklech härzig die Pizzaredli, findi e tolli Idee! Namensschiudli mache mir äuä scho, eifach nur für d Abegescht. Nur fürs Apéro findis itz nid so wichtig. I ha mau die gseh wo mir no würde gfaue und ou nid tür si: http://www.hochzeitsgaudi.ch/product_inf...rz---6-st-.html

Die Drahthärzli gfaue mir o sehr.

@munggi: Das tönt würklech sehr müehsam bi dir im Job, tuet mer leid hesch sone doofe Start gha! Oh Swarovski Stärnehimu tönt super!

@malinchen: Bi hüt id Drogerie ga Ringubluemesaubi hole, die heisi mir empfohle. Dr Drogist het mi würklech super berate und mer no viu Tipps gä. Ig ha süsch eigentlech e gueti Wundheilig, drum hoffi itz mau, dassi bis nächst Summer wieder bikinitouglech usgseh Ha ja GG scho vorgwarnt, dassi de vielech nur no im Eiteiler ga ga bade, aber da het er nüt wöue wüsse drvo

@janedoe: Di 1. Bsuech im Chez Janine tönt würklech nid so toll... du hesch ja aus richtig gmacht und no äxtra abklärt, da hei sie auso scho vou verseit. Da hätti o ke Rappe für d Beratig zaut! Hoffe du hesch bim 2. Mau Glück, e super Uswau und e gueti Beratig! Dim Mami sis Outfit gseht super us, aber dr Priis isch aso happig! Hoffe mis Mami findet ou öpis Tolls, aber so viu würd sie nid usgäh dänki... Finde aber ou, dass d Brutmuetter speziell schön darf usgseh!
Euchi Böxli wonech d Charteretterin macht, gseh ou superschön us!

@Lula: Mir hei zersch am Nami während em Apéro wöue fötele, aber üsi TZ hei üs us Erfahrig drvo abgrate. Itz mache mirs de ou am Morge / Mittag vor dr Trouig, aber üs isch ganz wichtig, dass mir dä "First Look" hei, aso dä Momänt, wo mir üs beidi zum 1. Mau gseh o chli speziell chöi zelebriere. GG isch das ganz wichtig

@Inspiratione: I nime o ds meiste vo pinterest, etsy oder Hochzitsblogs... isch aber super no chli konkreti Tipps vo euch zbecho. Wäge bsteue im Usland: I ha bis itz 2 mau über etsy öpis bsteut und ganz gueti Erfahrige gmacht. Isch sehr schnäu gange und ha nie Zollgebühre müesse zahle. Haaber no nid ganz so konkreti Idee wie dir... muesmi no chli witer la inspiriere

@me: I bi im Momänt fliessig am Gäseliste mit de komplette Adrässene am ergänze, damit die de afang parat isch, wes ad Iladige geit. Ha scho fasch aui Adrässene zäme und bis uf 7 Stück heimer itz ou aui STD-Magnetli verteilt oder verschickt. Hüt isch gad per Email ds Save the Date vor Kollegin cho, sie hürate nächst Jahr am Fritig nach Uffahrt imne wunderschöne Hotel im Piemont (är isch Italiener). Hach freu ig mi!!!