@Janedoe: Ach so schön wäg eune Ringe! I findes übrigens e wunderschöni Idee vo dir mit dr Überraschig wäg dr Gravur. Bi sicher di GG wird usflippe vor Fröid!

isch scho öpper vo ich bi de merrys gsi aso i han grad in aarou a glütet u i be ne dgrad schlank aso es 44 ischmer bis itze immer gange:) aber de sit die mir jo si heige nur wenigi ume u wensi müesi bsteue gäbis de ke rabatt u sowiso faus i doch es 46 brüchti scho gar ned ....
u de hani no gfrogt wäge obechleider fürs mami üü nei aso bim 44 isch schluss... si het ou chum dütsch chöne bi grad gfrustet gsi u gseit de chämi ned verbi isch ev ou blöd aber naja weis ou ned
han itze grad us trotz uf huttwil a glütet u dörte e termin abgmacht aber itze het doch d fröid uf dä termin überhand gno :)

si auri mery filialene so?

@munggi:
I kenn nur Merry Filiale in Züri und hans wo ich Begleitig gsi bi als TZ ganz anderst erlebt, totale gegeteil eifach super....Irgendwo ufere Site hani mal was ufeglade wienis deht erlebt ha. Brut damal het Gr 40/42 cha het aber es Kleid 40 chöne neh.

@Lula: zu üsere Location passts sogar besser mit de Tontöpfli, findi. Und bim Tontöpfli würdi natürli d’Spitzebordüre obe am Rändli mache. Ja i mach au die Fähnli dri. Danke und dä Name. Passt super zu üsem Vintageflair.
bi eu wird’s sicher au super usgseh mit de Confi und de Puzzleteil. Also ich als Gascht würd mich mega freue über sone selbergmachti Leckerei.

@Danke! Jaaa Cherzeständer sind ebe MEGA feschtlich gell!? Hesch etz die vode (ouuu wer isches etz wieder gsi mitem Hochzitsusverkauf)….vergangene Bruut im Forum chönne chaufe?
Jo eh, wenn nüm magsch warte…anderi Läde hend au schöni Brutkleider

@Sasileu: Danke, da freut mi etz uuuh. I find ebe au im Tontöpfli mit Spitzerändli gsehts no viel härziger us.
Die Pizzaschnieder sind jo mega kuul!! Da isch e super Idee und sehr ussergwöhnlich. Mmmh chume gad Hunger über!

@Pricana: Ja, uf Mamis Empfehlig chasch sicher voll vertraue! Bi denn gspannt was du verzellsch.
Dankeeee! Jee, i hoff bide Gäscht chunnts denn au so guet a. I freu mi etz scho bis die Töfli achömed, denn chani mal en Prototyp mache und eu es Föteli inetue.

@Squishy: Dankeee…jo das isch dVersion vo Pinterest. Und i freu mi scho sehr zum kreativ si und die Tontöpfli mit dene Spitzebändeli z’bechlebe. I tue denn sicher es Föteli ufelade.
Nai mir hend no kei Offerte vode Landi, aber mir sind sicher au nöd s’beschte Mass. Weisch mir hend ja am Apéro (also am ganze Fescht) kei Alkohol. GG isch ja trockene Alkoholiker.
Aber mini Cousine het no Wisswi und Rotwii …weiss gar nüm ob au Bier, gha und sie hend für 200 (im Summer!! Denn bruchts jo meh) glaub öppis um di 300 Stutz zahlt.

@Pfingstrose: Jooooo du seisches!!!! Stylemepretty isch au min absolute Favorit!!!!!

@Sue: Danke. Jo i ha im Nanu Nana so mega schöni wissi selbstklebendi Spitzebändli kauft, die tueni obe um s’Rändli vo dem…i mim Fall…Tontöpfli

@Janedoe: Jeeeee, am Mo chönders go hole? Isch jo super…er wird sicher mega überrascht si!

@Taeboyana: Danke. Freu mi scho zum den es fertigs Exemplar do inne z’poste!
Da isch sicher super, denn sind alli Adresse voll parat wenn’s denn ums Kärtli verschicke goht. Oooh so kuul, denn chasch na anes Hochziit vor euem. Und denn grad no im Piemont!
I wär so gern das Jahr chli a Hochzite
Mir hend im Okt e HZ womer iglade sind, aber hald eifach zur Afterwedding Party…mal was ganz anders, aber i finds no sehr kuuul! Sie hüroted zivil und hend s’Esse denn mit de allerbeschte und Familie und denn grosszügig für dParty iglade.

@Taeboyana: Ähh das chunnt sicher guet mit denä Narbe... Wow, es Hochzyt im Piemont wird ja sicher dr hammer!!! Da chöit dir öich sicher mega druf fröie...

@Lula: Hmm, wägem Zytplan hani mir ou no nid so Gedanke gmacht... Mir wärde nur es churzes Shooting ha ersch we mir bir Abälocation si. Mir findes mega schön, wenn mir üs ir Chille z erschtä mal gseh... Aber i dänke mal i würd scho 2 - 2-5 h rächne für Frisur und Make-up. Wenn no Löckli wettsch u so geit das glich es Zytli bis sie die het u när no d Frisur an sich mache... villecht no es Kaffi trinke oder so drzwüsche etc.

@munggi: Also i ha bim Mery's Bern ja leider ou nid so gueti Erfahrige gmacht... Zwar weniger wägä dr Grössi eifach mit dr Beratig allgemein. Sie het mir eifach öpis wöue verchoufe und mi gar nid würklech guet berate. Im Nachhinein bini würklech froh, hani ds Chleid nid det kouft! Aber äbä - i wott nid sägä, dass Mery's allgemein nid guet isch. Isch sicher jedi Beraterin anders...

@Jane: oh, mega cool wägä öine Ringe!!! So schön chöit dir se scho ga hole... verzell de was di GG zur Gravur het gseit!

@Taeboyana
ha wöue der Link vo dene Namensastecker uftue wo du postet hesch und anschinend isch hochzeitsgaudi.ch bim Kanton gsperrt si äuä z viu hochzitswüetigi Brüt aube go surfe ou schön de siter as ganze hochzit iglade im Piemont? i liebe ds Piemont und der Rotwein vo dete

@munggi
ou swarovskisternehimu tönt super?? gits nöime es bildli devo??

@malinchen
hesch du de mittlerwile es kleid kouft???

@janedoe
die böxli si würkli u schön......dafi frage wieviu dir öppe defür zahlet? nimmt mi drum wunder wüu ig ize uuuu vilne orte ha offerte igholt gha und gsuecht ha

@munggi
ou das isch unerfröilich?? de würdi ehrlich gseit gad nid gah zu merys weni di wäri i bi z bern gsi und ha mis zivile kleid vo ihne gha und ha e supertolli verköuferin gha...ha ds kleid gad kouft und ou nid bi ihne no müesse bstelle oder la umändere und vo demher weisi ou nid wie das de gsi wäri mit no bstelle etc wüu e arbeitskollegin vo mir het ihres bstellt bi merys bern und het ner EWIGS immer nüt ghört und immer wider selber müesse alüte und ds kleid isch viel später auso ner schlussendlich mega knapp ersch acho als abgmacht gsi wäri und das het si natürlich mega gstresst...

im Ausland bestellen
auso ig ha scho bi weddix.de bstellt und bstelle allgemein sehr viel bi dx.com und miniinthebox.com und lightinthebox.com dete zahltme KEI PORTO und bis ize isch alles woni bstellt ha super gsi...