so mir si im resti bürgisweyer bad gsi go ässe;) womer si cho heimer gseit jo mir heige abgmacht wäge cho luege u wie u wen u was u de isch z särvierdüse mit üs cho u so i 5 min aues zeit das isch ned grad so härzlich gsi u de simer ou grad chli abgneigt gsi.. nachane isch de chefin no cho u het mit üs i rueh gret gha u no mau verzeut wie isch de isches de wider angers gsi:) u dä heissi stei heimer de grad gfrogt u de seitsi jo sigi nur bis 15 persone machane sigi d rouch entwicklig z gros ( wiso is de uf de menü vorschleg) jedefaus chuntme de e sprütz schutz über :) ah u si meint de no mi chönti aber ou so roustbeef a biete das gieng de schüsch... itze wüsse mir no ned irgend wie isches ned grad ganz das aber usgschlosse isches no ned.. s ässe isch super fein gsi so richtig auf wie mues si bis im dessär vom gg uf em münzeblatt e würm isch ghocket mir heis de gseit u si hei de sofort reagiert...
bild 1 = de stärenhiumu heisi i aune säu so aber ned überwäutigent 2 mini suppe rote curry cremsuppe mit kokos mega fein gsi 3 s gästebuche het grössi vonere a 4 site u mi cha bletter use näh zum eigentli diräkt druf kopiere
4 eine vo beide vouguchefige de anger isch eifach no grösse ;) 5 s foto aubum uf spöter die hochzits foto ungerzbringe ...
@Lula: Aaah du hesch dKerzeständer vode Nemo ergatteret, gratuliere. Was hend ihr susch so für es Farbkonzept? dKerzeständer sind silber oder? Jo mer chans ja nie allne recht mache, aber bi selbergmachte Confi treffeder sicher bi sehr vielne de Gschmack und susch findi zellt ja immerno dGeste. Also ich würds etz sehr befremdlich finde, wenn nocher öpper würd zu mir sägä…eues Gastgschenk isch doof…tsss I ha au no kei Ahnig wie lang Frisur und Make-up duured. Hängt wohl au devo ab wie güebt sie denn sind und wennd denn sKleid auno gad dete aleisch chans jo auno sie das mer mues schnüüre oder was weiss ich…
@Pfingstrose: mir mached au First Look Shooting. Würd gern go luege was du so uf Pinterest hesch. Schrieb mir doch e PN, denn chömmer d’Näme für Pinterest ustusche wenn du das au wetsch.
@Ausland bestellen: i ha grad s’erscht mal uf Etsy bstellt. So e schöni Haarbrosche, die chunnt etz us Canada. Isch aber nonig acho, drum chani no nix sägä.
@Janedoe: nai leider schaffi am Mo Nomittag! Aber gnüssisch jo denn sicher eh de Moment vode Überraschig mit dim GG. Das isch scho guet so. Aaah händ ihr etz s’Ziviledatum graviert. Mir hend üs etz au endlich für e Schrift chönne entscheide und händ skirchliche Datum igraviere loh.
@Sasileu: Super! Für was hender eu etz entschiede und wo henders etz in Uftrag geh?
Me: Mir sind am Sa im Reisebüro gsi und hend üs Informatione gholt für üsi Flitterwuche. Mir wänd ja im Juli (3 Mönet nachem HZ) für 3 Wuche vo Insle zu Insle ide griechische Kyklade. Jetzt simer dihai die Reisekatalög am wälze (die vo dem Summer, will die vo 2014 gits nonig), damit mir denn Ahaltspünkt hend für dHomepage wo ab 1. Okt für dGäscht ufgschalte isch.
Zudem isch mis Fotialbum cho woni vom Verlobisshooting gmacht ha. Hach, so schön!
@munggi: Hm das tönt chli durchzoge… ämu dr Wurm ufem Täuer hätt ja mir dr Gong gä! Aber hätts euch süsch (Rüüm, Bedienig etc.) zuegseit?
@Pfingstrose: I bi süsch ou rächt aktiv uf Pinterest, faus Inträsse hesch. Sit dir inzwüsche witercho wäg eure Location bzw. wäg dr Nachtrueh? Bi üs isches o so, dassme gloub ab Mitternacht oder haubi 1 nümm zlut sött, wüus imne Wohngebiet isch. Mir chöi aber scho verlengere, es git eifach e Zueschlag, wasi aber ok finde, wüu es Resti de Agsteute ja nach Mitternacht o meh mues zahle. Mit dr Musig dänki wärde mir scho e Lösig finde, we d Fänster de nümm sperranguwit offe si und me nümm vou ufdräit het. Ds Guete isch, dass üse Saal es separats Gebäude isch und me vo dämhär nid so mues uf die angee Hotelgest Rücksicht näh.
@Lula: Und, hesch dini Deko chönne hole? Hesch itz scho gnaui Vorstellige, wie dirs de dekorieret? Bi üs im Resti heisi o so Cherzeständer zum miete, aber wiss. Die wotti unbedingt! Wäg dr Confi find ig ämu e super Idee. Mir si mega d Confi-Moudis u wär das nid gän het, isch doch eh säuber tschuud, oder?
@Janedoe: Viu Spass morn bim Ringe hole, has mim GG vrzeut vo die "Überraschigs-Gravur" und är hets e u cooli Idee gfunge!
@daenu: Hesch es Föteli vor Brosche? I bsteue de mi Schmuck äuä o über etsy, ha dert scho u viu Schöns gseh, wo gar nid so tüür isch. Oh das tönt troumhaft mit euchne Flittis! Übeu weles Reisebüro machet dirs?
@me: Bi mir louft nid so viu, mir si gad ar Aare ga loufe und weiss nid obi mi chli übernoh ha, ha ämu gad mega Schmärze gha när. Jetzt geits aber scho wieder besser. Bi froh, hani no chli Zit mi z'erhole. Süsch müesse no öpe 7 Magnetli ad Empfänger u d Adrässene vo de Gescht hani praktisch komplett. Am nächte Samsti gömer is Parkhotel ga ässe und i freue mi extrem druf! U de wetti nächsu Wuche no Afragene mache für e Band bim Apéro und für d Bluemedeko (e Kollegin vo früecher).
@Taeboyana: über es Reisebüro wo alli Abüter chan bueche, heisst "MAWI Reisen". Isch halt ideal für Individualreise wenn es Reisebüro alli Abüter cha bueche. Das isch die Haarbrosche...
@sasileu: Super weg eune Ring hesch es Fötteli devo?
@munggi87: hender denn na anderi Locations woner wend go aluege? Ich finds scho wichtig, dassmer sich grad wohl fühlt wennmer det ane chunt. Mir sind au es Resti go aluege womer en Termin gha hend und sie hends vergesse und denn hend sie sich vermeintlich wieder dra erinnered und sind mit de Unterlage wieder cho wo aber gar nöd vo eus gsi sind, isch mega unproffessionel gsi und mer hend denn grad gmerkt dassmer eus dete nöd wohl fühled. und das mitem Wurm isch ja de Hammer haha ou nei.. Hender eu denn jetzt scho entschiede?
@Taeboyana, hoff isch bald besser bi dir! Ich weiss isch schwierig nachere OP nanig vollgas chöne gä aber chli schone ghört scho auna dezue
@daenu16: schöni Brosche!!
@me: mir sind gester im Hochziitshus gsi in Konstanz, muen säge isch e super Beratig gsi! Sie hend sich würklich ziit gno und alles zeiged womer hend welle. Mir hend eus nanig entschiede, aber wüssed jetzt immerhin wassmer wend, eifach schlichti Wiisgoldring, poliert, mine schmal und sinä dicker. Und mine miteme Stei. Wills so schlicht werdet usfalle bin ich mir ez aber na am überlegge, obi mir nöd na es pinkigs Steinli wot drii tue... glaub ich mach das.. :) Ez tüemer namal chli überlegge und denn gömmer denn namal verbii. Ah und ide 123 Gold Filiale gegeüber vom Müller simer auna gsi, het eus aber nöd so passt, irgendwie het de Typ dete kei Ahnig gha :). Füren Fotograf hemer eus jetzt evt. au entschiede, han ez grad agfröget wenn sie ziit hend für eus. Und s nächste Projekt isch jetzt würklich na d Iiladigskarte sueche, det hani eifach nanig s passende gfunde.
So, wünsch eu na ganz en schöne Sunntig Abig und morn Morge en guete Start i die neu Wuche !!
@ taeboyana jo schüsch usches no schigg u äbe sehr fein gsi si si ou bemüeht gsi cho z froge lbs aues rächt sig..
@ princaba nöl mir wüsses si isch schigg aber sos wow get gfäut wenne ine chunt ev heimers ou grad blöd breicht mit em start.. Wüst im momänt ou nid grad i weles abgers:) wär schüsch offe kt lu ag be?? Wen öber grad es super feins wüsti ;)
@munggi: oooh, das tönt würklech chli dürzoge öie Resti-Bsuech... I würd gloub no angeri ga aluegä! Zersch die unfründlechi Bedienig wo öich hät söue dürefüehre, i meine die düe öich ja när am Hochzyt ou bediene... Und dr Stärnehimmel hätti mir jetz irgendwie ou chli beidruckender vorgstellt, das si ja eifach so chliini Lämpli? Und e Wurm ufm Desser.... I weis gad nümme vo wo du bisch und wo öii Chille isch. Aber villecht wär das no öpis: http://www.seeblickburgaeschi.ch/
@dänu: oh reisekatalög düreluege isch eis vo minä lieblings hobbies...
@Taeboyana: ui häb sorg! Nid dass de plötzlech öpis ufgeit oder so... Aber früschi Luft und Sunne duet ging guet!
@Pricana: oh cool heit dir öii Ringe gfunge!!! Hesch es Biudli drvo?
@me: Mir si geschter zum Geburi vo mim Mami i üsere Abelocation ga Brunche. Es isch mega schön gsi und i ha kei Zwifu dass mir die besti Location für üs hei usgwählt. D Cheffin het sich sogar no a üs erinneret, obwohl mir sit mir reserviert hei letscht Februar nümme det si gsi, das het mi no mal mega positiv überrascht. Jetz hei mir nächscht wuche mit ihre e Termin abgmacht für no paar Frage z kläre wägä dr Dekoration was mir aues dörfe mache und ob sie üs drbi hälfe etc. und ds wichtigschte natürlech ob mir dörfe ufem Land näbedranne Campe nachem fescht... Am Samstig hei mir üses 3 Monatige Jubiläum gha und GG het mi mitem riiiiiiese Gschänkli überrascht. I ha zwar scho dra dänkt gha, aber ha kes Gschänkli für ihn organisiert oder so. Ha dänkt mir düe de eifach zämä ä schönä Tag verbringe... Er het när gfunge er heig eifach gad ä cooli Idee gha und gfunde das wär jetz gad dr Alass für mir das Gschänk z gäh. När het er mir sonä riiiiiiiese Box mit Farbe gschänkt, die womä so cha ufklappe. I due mega gärn zeichnä und ha eifach nur sonä chliini Farbschachtle gha bis jetz... Er het när gfunde das sig eigetlech viel zweni... Denn hei mir no rächt viel HZ-Sache besproche und hei ä Idee gha was mir üs chönnte wünsche vo de Gescht! I bi jetz gspannt was dir drvo haltet... Mir hei üs ja eigetlech Gäld fürd Flittis wöuä lah schänke aber hei üs irgendwie nie chönnä entscheide wo mir härä wettä. Aber üsä gröscht Troum isch eigetlech ä VW-Bus. Jetz hei mir überleit, mir chönntä üs ja Gäld für sone Bus lah schänke! Mit däm chöi mir när meh als einisch id Feriä... Jetz isch eifach d Frag wie mir das wei organisierä. Obi echt glich sones Buech söll mache wie d Morelia het und so wie die einzelnä Fahrzügteili dri due? Wöu miterä Homepage wird das äuä chli schwierig...
Hoffe ihr hend es guets Wuchenend gha. Mir hend das mit em Resti nonig gregled will mer eifach s schöne Wetter hend welle gnüsse. Hihi! Sind chli go Velo fahre und no go Haareschnide zu mim Mami.
Wasi aber gmacht han isch de Termin für's Make Up und Frisur fixiert. Plus s Datum für de Probetermin au gad abgmacht. Juhuuu... Und mir hend ja en VW Käfer aglueged für euses Hochziit de isch jetzt au provisorisch reserviert! Was eus definitiv no fehlt was en grosse Punkt agaht isch mis Chleid, Ring und vorallem Band... Hm! Also Chleid und Ring würdi mal behaupte hämmer schnell wenn mer umelueged. Aber mit de Band ich han kei Ahnig und ich find die zum Teil viel ztüür.
Munggi87: Hoffe ihr findet EUI Lokation no. Isch ja scho fast s zentralste am ganze. Aber es chund sicher guet.
Pricana: Tönt ja total guet wegem Hochziitshuus in Konstanz. Den isches ja fast en Usflug wert für eus. Chasch du säge, obs au e grossi Uswahl a gäl Gold Ring hät oder eher nöd?
Daenu16: Wow! Die Haarspange isch en TRAUM! Wunderschön... Weisch du scho was für e Frisur du mache wotsch? Nimme ah die Spange chund den drih?!
Pinterest: Cool dass mer da es Grüppli mached. Han gad zerst selber nomal müsse go luege was min Name isch!!! Haha... Schicke eu e PN. Isch scho herzig was da für First Look Fotis git... Schmacht! Nöd mal meh es Jahr und die meiste 2014 Brütlis hend scho ihri eigene Hochziitsfotis i de Hand! Schöne Gedanke nöd?!
Malinchen: Jetzt hani din Biitrag garnöd gseh gha woni mine abgschickt han. So schön sind ihr so überzoge vo de Lokation. Das git eim doch eifach es sichers Gfühl! Wasi würklich wichtig finde. Und das d Frau eu no erchänt hät isch ja au es sehr guets Zeiche. Ich find das zeiged scho Qualität. D Idee mit em VW BUS eifach nume HAMMER! Ich find das total cool und warum nöd mit somene chline Katalog wo mer sich d Fahrzügteili schänke lah chan! Isch doch mega super!
Anschienend hender alli ganz e schöns Wuchäend cha und ihr all hend anschienend au echi was chöne mache oder zumindest e schöne Tag mit euem liebste cha.
@Taeboyana: I hänk mi den anddernä ah, heb dir sorg!!!
@me: Also mir hend jetzt einigi Ring agluegt und au diversi Gschäfter, am Samstig simer den na ad Bahnhofstrass in Züri und hend eus deht namal usführlich umegluegt und probiert sind aber au namal zu 3Goldschmiede, da euse Wunschring würkli "leider" nid manuell hergstellt werde cha. Schlussendlich het eus en Goldschmied in Züri u lieb berate und per Zuefall kennt er au de womer eusi Ring gseh cha hend. Ufjedefall het de in Züri gmeint, dass wemer sich inen Ring verliebi vonere Marke oder Goldschmied chamer zwar anders aluege und au neumads anderst mache lah, aber de probieri den nur seb wo eim gfalle het nah mache. Aber ma heg sich jo den eigentli ine Handschrift verliebt und söt au am beste deht bliebe, wemer sich sicher wot si. Und deht womer das Ringmuster gseh hend, de seg wirklich en sehr sehr guetä.
I lade am Endi es Bildli ufe vo dene Ring, hans schomal zeigt Ufem Foti hend Ring e breiti vo 9mm, de vo mim GG bliebt uf 9 und mini wird echi schmöler, hend jetzt mal 8 agah, wird aber eh zerst es wachsobjekt gmacht und den chönti ev. au na uf 7.5 abe. Denn werdets uf de Site echi meh poliert, so wirkts echi wie 2farbe. und den krieg ich 8 Steinli, 1 grössere de wo scho dine isch und 7 chlineri um de ganz Ring verteilt. Gravur simer eus nonig ganz sicher, s'einzige was mir scho 100% sicher sind und ageh hend isch, eusi fingerabdrück überand so dases es Herzli git
Was meinet ihr dezue? Und was lönd ihr so graviere? Au Datum kirchliche oder zivil?
Anmelden
mir heis de gseit u si hei de sofort reagiert...
haha ou nei.. Hender eu denn jetzt scho entschiede?
I weis gad nümme vo wo du bisch und wo öii Chille isch. Aber villecht wär das no öpis: 
Er het när gfunge er heig eifach gad ä cooli Idee gha und gfunde das wär jetz gad dr Alass für mir das Gschänk z gäh. När het er mir sonä riiiiiiiese Box mit Farbe gschänkt, die womä so cha ufklappe. I due mega gärn zeichnä und ha eifach nur sonä chliini Farbschachtle gha bis jetz... Er het när gfunde das sig eigetlech viel zweni... 
