@chliini: Mir hei üsi Iladige no nid verschickt, drum chani dir da nid viel drzue sägä. I würd äuä chli abschetzä wie gärn dasi die Lüt wot drbi ha... Wenn jetz z.b. ä Kollegin woni weis dass sie chli vergässlech isch sich nid amäldet, würdi hurti alüte u frage. Wenns irgend ä Tante isch wo mir nid sooo wichtig isch ob sie as Apéro chunnt oder nid, würdis lah si. Aber bidä Abägest würdi scho irgendwie reagiere, süsch hesch när entweder zviu oder zweni Gedeck.

Hei de bi öich d Gäst öpis Reklamiert wöu dir öich Gäld wünschet oder wie?

@Sue: Hmm, i weis äbä nid rächt wäg dr Gravur wenn dr Ring ganz schmal isch... I ha mal e Ring gseh wo mir mega würd gfalle, aber dä isch sooo schmal, i gloub det würds nid ga. Aber du chasch sicher Ringe irgendwo gäh zum lah Graviere, muesch nid det wo dir se kouft heit. Meischtens choschtets gloub weniger we mes grad am gliche Ort laht la mache... Hesch de es Bildli vo öine Ringe?

@jane: oh mega cool het sich di GG über d Überraschig gfröit! Fingi würklech ou ä mega schöni Gravur wo dir heit...

@munggi: Mir fiire im Rest. Seerose am Moossee. D Cheffin het gmeint, sie sigä flexibu mit dä Öffnigszyte, aber me zahlt halt när eifach öpis fürs Persnal. Die inneri Engi ds Bern isch üse 2. Favorit gsi, det hättä mir nachem Ässe im Jazzroom chönnä fiire, dä isch im UG vom Hotel und dür das chamä ou Musig lose so lang und lut wie meh wot. Priislech hets üs ou im Rahme dünkt, gloub 250.- fürd Ruummieti inkl. Mitarbeiter für bis am 3. Aber i ha eifach so gärn amnä See wöuä fiire, drum hei mir üs när fürd Seerose entschiede. Mir chöi es VW-Busli vo mim Chef usleihä fürs HZ... Üs isch vo Afang a klar gsi, dass mir eis wärde miete für dä Tag wöu mir äbä so fan si, und wo mi Chef das mal het mitbecho, het er gfunde mir chönntä sis usleihä.

@me: Danke für alli öii Feedbacks wägem VW-Bus. I ha jetz no mit GG drüber gha und er het gfunde mir sötte das mal no mit üsnä TZ bespräche. Villecht hätte die no ä Idee... I ha no gseh es git e Lego-VW-Bus. Eventuell chönnte d Gäst die Teili "schänke" u mir chönntä ä Priis pro Teili festlegä oder so. Und de chöi sie die när mitbringe und mir müesses zämä boue... I ha eifach chli Bedänke, ob de d Gäst när dra dänke die Teili mit z näh oder plötzlech geit eis verlore.

@Pricana: Danke Pricana. Bi mega gspannt wenn sie denn chunnt die Haarbrosche

@Malinchen: Jooo, i has au mega gern gmacht. Etz wünschi mir defür grad, dass bald dFerie afanged, aber dHerbstferie fanged jo zum Glück würkli grad bald a. Wani sooo gern mach, isch ebe au denn uf Tripadvisor go lese was dLüüt so drüber sägäd. Also usem Katalog hani dFavorite usegschriebe und denn bini uf Tripadvisor go luege was für Kommentär und Bewertige das Hotel het.
Daaaa macht würkli en mega guete Idruck, dass sie ide Obiglocation eu no kennt hend. Mega ufmerksam! Und ebefalls sehr ufmerksam vo dim GG. Mega härzig!
I finds e gueti Idee wegem VW Bus. Weg de Autoteili…also uf dere Homepage wo mir händ chönnt mer X-beliebigs zum Schenke abüte…au Autoteili

@Pfingstrose und Taeboyana: Jaaa, danke…dHaarspange gfallt mir ebe au MEGA! Bide Frisur bini no unentschlosse. Wett chli gflochte, da weissi, aber chami nöd entscheide ob ganz dobe, oder so chli halb ufegsteckt. Tendiere aber eher zu ganz ufegsteckt, well ich han Ärmel bim Kleid.. Hesch gseh, Pfingstrose ich han dir kommentiert uf Pinterest und folge dir jetzt

@Lula: Da tönt seeehr schön und mega festlich! Chans mir sehr guet vorstelle. Ja ich han au kei Schnüerig! Katalögwelze isch mal für s’erschte erlediget, sEmail hani am So as Reisebüro gschickt und etz mal luege was sie drus mached. Mir warted etz ufene Offerte.

@Chliini: ouuu, da isch aber au kuuul. Mir gönd im Juli 14 und ihr?

@Sue: Danke. Ja es isch als Hochzitsschmuck denkt. Ich hoffe es passt denn au würkli.

@Janedoe: d’Schrift heisst „Vladimir Script“ falls dir das was seit!? Mir sind nur ade Reiseplanig will mir für dHomepage müend Ahaltspünkt ha zur Reis. Uf üsere Homepage chönd ebe dLüt uswähle wele Teil sie üs wänd ad Reis schenke. Z.B. e Übernachtig uf Mykonos, oder es Steak zum Znacht. Und mir müend drum natürli etz gnau wüsse uf welne Insle in Griecheland mir überall werdet si und wieviel das ungefähr wird choschte…und viewiel Täg mir wo sind…weisch wani mein? Nei hesch nonig…wart i schick dir e PN mit de Zuegangsdate für dHP.
die Haarbrosche…spange oder wie sowas heisst…sött denn zum HZ-Outfit passe…hoff das machts denn au!
Ohhhh, das isch ja super glaufe weg de Überraschig! Super gmacht!
wo hesch d’Etgagere kauft? I erfahr immer durch di wases in KN so für’s Candybuffet het…scho letsch mal weisch no? Debi sött doch ich die si wo ufem Laufende isch…wo gad do wohnt, haha!

@Me: De Kolleg het sich etz DOCH no agmolde...wüsseder no die Gschicht? I weiss etz nöd so recht obi mi söll freue - het vilicht gschieder nüt gseit. mengmol sött mer eifach besser uf Tschnorre hocke

Daenu16: Cool han dich gseh uf Pinterest. Bin aber garnonig dezue cho dini Posts dureluege. Das holi den schono nah! Uhi, din Kolleg isch ja ganz en spezielle. Find das ächt unagnehm. Eimal ja eimal nei und so wiiter… Hoffe es chund jetzt aber guet. Vielicht hät ja sini Fründin au nomal mit ihm gredet. Findsch sicher e tolli Frisur wo du mache chasch mit dere Haarspannge. So öpis mit Zöpfli und den zumene „Chneuel“ am Hinterchopf und die den dri chönti mir au no guet vorstelle. Eifach bi de Probefrisur mitneh und paar Sache usprobiere. Chund sicher mega toll use!

Sasileu: Ich glaub du bisch es gsi mit de igravierte Fingerabdrück wo es Herz gebed. Falls nöd tut mer leid. :)Findi mega schön! Ich han so es Bild diheime wo mir euse Fingerabdruck vergrössere lah hend und s Datum drunter gschriebe hend wo mer zeme cho sind. Das wer eigentlich au no e Idee bi eus. Weisch du ob das bimene spezielle Goldschmied gmacht werde muss oder hender das au chöne imene normale Lade?

Steffi13: Ich wünsche dir fürs Zivile ganz viel Freud und schöni Moment. Chani verstah dass du nervös bisch. Hoffe s Wetter blibt so top wie die ganzi Wuche scho. Uf wellem Zivilstandesamt hürated ihr? Und dörfi fröge wiso ihrs so wiit usenand hend mit em chrichliche?

Me: Mir hend eus jetzt entschiede! Mir werdet bi eusere Festlokation bliebe. Hend alli Frage wo mer no gha händ im E-Mail gschriebe und hend au alli Antworte übercho. Gaht mir gad wieder viel besser. Wer nöd würklich motiviert gsi nomal uf d Suechi zgah. Mir wüssed wie mer Tisch wend ha und ich wird mich jetzt mal um d Offerte für Blueme kümmere. Dete hani ächt absolut kei Ahnig wie tür das wird. Hans Gfühl ich wird überrascht mit entweder sehr tür oder viel billiger weder ich gmeint han. Wer weiss… Hät öpert vo eu scho Offerte igholt? Und den hani no öpis wo ich meeega cool finde uf Etsy bstellt… Mussi eu gad Zeige. Dun es Bild ahänke.

Datei-Anhänge

	Bouquet Charm_1.jpg (22x) Mime-Type: image/pjpeg, 128 kB
	Bouquet Charm_2.jpg (20x) Mime-Type: image/pjpeg, 44 kB

@chliini
Aso ich muess sägä, mier hend d'Ring jetzt im hinterste Ecke verstaut. Wends au nöd die ganz Ziit aluege

@munggi
merci vielmal fr s'Rezept. Probieri denn grad mal us. Han z Dütschland jetzt grad 6 verschiedni Lebensmittelfarbe kauft, also wäri grüschtet
Mit demHerr bi Wickys hani au telefoniert denki, er isch mier aber sehr energisch vorcho. Han denn gseit ich meldi mich nomal willi fascht chli überforderet gsi bin. Wenn hesch de zweit Termin?

@malinchen
D'Idee mitem Legostei findi suuuper! Fascht besser als im Internet Teili azgeh... Aber verstah d'Sorg wegem vergässe oder verlüre... Vlt nähmeder eifach zwei so Büs, sicher isch sicher?

@daenu
Ah ihr hend richtig Schriftarte chönne ussueche. Das isch de cool. Vladimir Script kenni, schöni Uswahl
Ah das mit de Ferie lüüchtet mier i. Mier wünsched eus ebe au Geld für d Flittis aber eifach so grundsätzlich. so langsam hani zGfühl das isch chli doof
Ez hani imfall grad nomal zur Sicherheit nahgluegt willi sicher gsi bi, dasi di schomal gfragt ha wege de HP (lueg i dim Thread )
d'Etagere hani im Obi kauft. Han min GG dett inne verlore und denn mal chli umegluegt wege Dekozüg und promt bini drüber gstolperet.
Das mit dim Kolleg isch ja echt komisch. Ich glaub so richtig drüber freue chönnti mi jetzt au nümme....



Ups ich muess los.....

Hellouuu

@malinchen: also es wer ebe min götti mit frau und dä opa.. aber i has ehrlichgseit nur am friede zlieb iglade.. i hettis gar nöd iglade oder allerhöchstens zum apero.. aber ha bisher au na nüüt ghört und sie hend jetzt doch sit am juli ziit gha..
mal luege am weekend.. und suscht müends dän eifach selber luege wies fahred..ganz eifach.. well mir müend jetzt dän de transport organisiere.. und es gaht mir eigentlich eifach gege de strich dene lüüt nachezlaufe.. sorry schicksch e iladig und die schaffeds nöd zum stelefon id hand zneh zum sich aa oder abmelde??

ja hend teilwiis scho us de reaktione gmerkt dass das nöd so erwünscht isch.. mir hend extra na zwei drü sache druff ta wo nöd ferie sind.. aber au dete tüend sie sich schwer demit.. hend scho afrage becho öbs eus au das chönged schenke..!? hmm aber isch doch genau sziiil dehinder dass sie nöd müend gschänk bringe und dass mir dän eus das chönd go ussueche i aller rueh.. ich verstah die lüüt eifach nöd.. es isch euse wunsch und nur well mers vor 50 jahr andersch gmacht het mir lebed hüt und mir wend das so.. acchhhh ich frög mich je lengs jemeh wieso mir eus das überhaupt atüend..

@danue: mir wüsseds nanig so recht.. de ersti plan wür stah.. 4 wuche in sulawesi umenand.. a 3 verschiedene orte go tauche.. aber mir sind na am werweise.. es wür eus au reize 4 wuche uf amerika go reise.. alaska oder namal down under.. wer die wahl hat hat die qual

@pfingstrose: coool hender alles chöne kläre mit dä location.. das het mir au am meiste uf dä mage gschlage gha die blööd location! aber wenn ihr jetzt alles klärt hend chas ja nur na vorwärts gah.. ja blueme.. da wirdi mi au na müesse dehinder chlämme.. aber ich tendier zu orchidee.. mir hüratet ja im januar und irgendwie hani dän nöd so lust uf rose und so sache.. und drum bini uf didee cho mit orchidee und dä chönd gäst die au mit heinä..

@janedoe: hehe ja das müesst ich au mache.. drum hemmer gseit mir wends so spaht wie möglich vermuetlich gömmers go hole bevor mir dän zügled.. ha dä eifach schiss dass mers dä nüm gfindet im ganze gwüehl ine.. brings dä glaub zu dä eltere..

@janedoe
wow e mega schöni Etagere! vo wo hesch die..??
ja genau, der Swarovski-Ring wird mi Ehering und mi GG wott de schlicht woni aghänkt ha
mir wei beidi nid e riiiise Betrag usgeh fürd Ringe sondern hei dänkt dasmer de evlt. so zum 5te Hochzitstag oder so de wieder nöii wei choufe zäme...