Chlinii22: Also wege eue Gest händer ja au es hie und her und jetzt au no das mit de Gschänkt. Findi eifach total schad. Leider (zum Glück) chani da dezue no nüt säge will mir ja no kei Iladige und Gschänksvorstellige verschickt händ. Aber min Schatz isch au Südländer und dete isch hald amigs so Gschirr und so Zügs a de Tagesordnig. Mir wend das aber au nöd. Ich find eifach das isch zwindend das mer das akzeptiert. Vorallem findis eifach schad, wenn mer am Schluss als Bruutpaar truurig isch will mer nöd das überchund wo mer brucht und den Gschänk überchund wo mer am liebste gad wieder wiiterschänke möchti. Lahn de Chopf nöd hänge… Es isch so schad! Dänk eifach nurno a eu zwei. Suscht musch hald selber abschätze, obs du in Chauf nimmsch mit öpertem zerstritte sie. Ich würd klipp und klar säge entweder das wo mir wänd und suscht schänkeder lieber nüt. Hend die Gest dir das den direkt gseit? Oder häsches hineume erfahre?

Janedoe: Nei das sind kei Chetiahänger, bzw. mer chöntis evt. scho umfunktioniere. Aber mer chan dete Fotis dritue und den wottis an Bluemestruss anehänke so wie uf em einte Bild. Cool wege de Floristin. Wie heisst de den? Du chunsch doch us Wädi oder? Also de Blumen Müller het au extrem schöni Sache findi. Den hetisch no en Verglich. :)

Sue: So schöni Ring! Ach ich wott au!! :)

@Sue
D'Etagere isch usem OBI in Konstanz. Sie wirkt aber ufem Föteli dütlich chliiner als sie isch..
Finde d'Ring uh schön. Aso da gsehni nöd mal e Grund die zerneuere

@Pfingstrose
Ahhh jetzt gsehnis, ha vorher sBild am Handy agluegt... e mega schöni Idee!
De Blueme Müller kenni z Wädi. Findi aber recht übertüüret, obwohl sie schöni sache möched.
De Florist wo ich meine isch vo Schwyz, heisst aber au Blumen Müller http://www.syringa.ch/

Also bi de Tischdeko simmer no recht unschlüssig. Mier hend zwar Vorstellige aber ich denke, dass da en Florist recht guet chan Inputs geh...
Bim Bruutstruus hani eine, woni traumhaft schön finde, hänge au da mal sBild dezue.
Astecker wemmer sicher au für GG und sin TZ... weiss no ned wie mer das mit minere TZ mached, will en Struss findi irgendwie chli umständlich. Fänd evtl öppis cool, wo sie an Arm chönnt binde. Mal luege.
Wie möched iher das?

Datei-Anhänge

	Hochzeit-Tischdeko-Fruehling-393x590.jpg (25x) Mime-Type: image/jpeg, 61 kB
	1373052_10202047624537247_748749995_n.jpg (26x) Mime-Type: image/jpeg, 95 kB
	1305348_10202047624577248_1882143597_n.jpg (26x) Mime-Type: image/jpeg, 34 kB

@Qiqa
Das mit de Föteli isch e super Idee, chönntemer die evtl vo dier abluege?

@_janedo merci fiiiu mau!!!!

Janedoe: Tischdeko tönt super und din Struss wo du ufeglade häsch isch eifach mega schön! Würd also au min Gschmack träffe. Ich möcht eifach chli öpis "wilds" nöd so gschniggled wo une alli Stil abgschnitte und ibunde sind. Hm, eusi Tischdeko wird sicher nomal ändere aber bis jetzt hämmer folgendes:

- Da mir U-Förmig gstueled werdet ha, hämmer Jute-Tischleufer wo mer i de Mitti vo de Tisch werdet uslegge.
- Den wemmer Porzellan-Gschirr ha wo Blume drin sind also Teechrueg, Milchchändli, Kaffitasse, Zuckerdose usw.
- Uf jedem Tisch werdemer 1-2 Candygläser ha wo mer mit personalisierte Zündholzschachtle fülled wo nacher jede Gast paar hei neh chan.
- Und zu guter letzt natürlich viel Cherze... Und zwar eifach Rechaud Kerze im passende Glasbehälterli hani scho bi IKEA gseh. Mir wend würklich es richtigs Liechtermeer mache.
- Bluemestruus hani une zwei aghänkt ich find vorallem de 2ti Taumhaft und wott de au unbedingt ha. D Farbe wirdi aber chli meh mische mit dem erste woni anetah han. Suscht isches den mim Schatz no zu rosa. :)

Datei-Anhänge

	Zündholzschachteln.jpg (24x) Mime-Type: image/pjpeg, 34 kB
	Burlap Tablerunner_1.jpg (22x) Mime-Type: image/pjpeg, 95 kB
	Blumen_1.jpg (21x) Mime-Type: image/pjpeg, 34 kB
	Blumen_2.jpg (21x) Mime-Type: image/pjpeg, 91 kB