Ah okay, wirdi demfall nachher mal chli go schneugge Ich han dHusse andere Forums Bruut chönne abchaufe, sind wissi Universalhusse. Mier wärded scho es Band drahmache. Ha mi grad chli id Idee mit dine Tischläufer verliebt und das chämt vielleicht au ganz hübsch a de Stüehl, müemer mal usprobiere
Ich wirde de Floristin eifach Bilder zeige und druf vertraue, dass sie was chan demit afange. Ich ha kei Ahnig vo Botanik, vo dem her wüssti au nöd was das für Blueme sötted sii, dafür sind ja d'Spezialischte da :) Oder wirsch du dich zerscht schlau mache was du genau willsch? s'einzige woni weiss isch, dasi sicher Pfingstrose wett, bzw min GG wünscht sich das.

Hallo liebi Brütlis

Hui dir sit wieder fliessig gsi! Ha mir gad müesse Notize mache, süsch chumi nümm nache

@Pfingstrose: Dir heit würklech scho u konkreti Dekoidee! Bi üs nimmts o langsam Forme a. Ig ha uf mini Afrag für Bluemedeko itz e Antwort becho und es tönt scho mau super! Isch e Kollegin vo früecher wo itz mit ihrer Schwoscht so chli es Business het agfange und äbe vor auem o für Hochzite Blueme macht. I ha ihre scho mini Vorstellige und Pinterest-Biudli gschickt und sie findets super! Bi so froh wüu ig ja scho chli en ungwöhnlechi Farbkombi ha Sie macht itz mau e Grobrächnig, damit mer chöi luege obs i üsem Budget liegt. I ha eigentlech 1200.- as Limite gsetzt und hoffe, das sig zschaffe.

Mir wei äbe o so höchi Cherzeständer vom Resti (aber in wiss) und de hani dänkt, drumume evtl. es Bluemechränzli? Nid dass när zviu höchi Sache näbenang stöh. Oder so Chugele us Blueme fändi o u schön.

@Orchidee: Ig finde Orchidee o wunderschön und ha e ganzi Sammlig dähei und im Büro . Itz woni im Spitau bi gsi, hani vo 3 lüt unabhängig e violetti Orchidee becho! Aber für ds Hochzit passts leider nid so i üses Farbschema, höchstens wissi.

@Janedoe: Wunderschöni Etagère, dr Hammer! Bruchsch die für d Candybar, oder was neume? Wäge de Strüss für d Trouzüginne hani mir genau ds gliche überleit, v.a. ha igs säuber woni 2 mau bi TZ gsi o nid gäbig gfunge... aber i ha mau gseh, dasses so Blueme-Armbänder git! Das fändi no schön... aber dert isch de d Frag, wie lang die Blueme schön bliebe?

Toll dass d Gravur so guet isch acho! I ha irgendwie no ke Plan wäge Gravur... nur Name und Datum findi chli "z'normau", aber mir hei ke so spezielle Spruch oder Songtext, wo e Bedütig het für üs...
Mir hole üsi Ringe ganz sicher ersch öpe nächst Juli, i vergible wenn die dähei umeliege

@malinchen: Das mit däm Lego-VW-Bussli wär doch e cooli Idee! Aber dir müesst ja die Teili nid vorhär de Lüt verteile, das chönnte doch d TZ koordiniere mit de Gescht und die müesse de haut im Vorus ihres Teili "reserviere" u bechömes de zum Bispiu ersch am Fescht? So müesste nume d TZ dradänke und es gieng sicher weniger vergässe.

@Sue: schöni Ringe! Heiter die unabhängig kouft oder im gliche Gschäft? Bi 4 Hochzeiten und eine Traumreise hani bis itz no nid DIE Hochzit gseh, wo mir würklech aues gfaue hätti, meh so Details wie d Trouig (die einte hei e Sängerin gha ir Chile wo ds "Halleluja" het gsunge, das wetti o so gärn...), ds Chleid oder d Location. Aber vor auem gseht me o viu woni uf gar ke Fau wett U d Bewärtig isch ja zum Teil scho drnäbe.

@Flitterwuche: Das isch bi üs no sones komplizierts Thema... mir wette ja uf Hawaii und schints wär e gueti Reisezit so Septämber-Oktober oder de wieder vo April bis Juni, wüus im Winter viu rägni. Wemer ersch April oder so gienge, wär das de ersch im 2015 u sooo lang wetti nid unbedingt warte, wüu bi üs de langsam d Chinderplanig es Thema wird und ig nid unbedingt schwanger id Flittis wett . Septämber/Oktober wär eigentlech nid schlächt, das wär nid diräkt nachem HZ aber doch nid auzu viu speter. Aber i mues abwarte, wieni de im neue job cha Ferie näh, vorhär chöimer eh no nüt plane. Drum wird das äuä ersch nächschts Jahr i Agriff gnoh

@malinchen
das isch lieb vom chef dasernech so es büssli het wen die schön zwäg gmacht si uiiii i wet vo dene aute bus immer nur siiiisige vw zeiche ;) i fahre haut schüsch e vw ;) ( seniore wage) :)

das vom pris här dönt guet i wet ned weis ned was no müese noche zahle...
hmm das mit dene teili chunt de drufa wie zueverlässig dini lüt si i hät chli angschd u würmi gloubs meh ergere wen de ni aui retur chöme..

@janedoe hmm weis ned ev het dä herr wicky gester grad e gueti lune gha :)
aso am 1.10 goi äbe uf beromünster u am 8.10 hani no abgmacht für u huttwil minder... hoffe eigentli das das ned nötig wirt si ;)

ouu farbe :) de viu vergnüege u dini etagere fing vou schigg konstanz isch doch eifach super:)

aso i hani min tz gfrogt wäge stus u de hetsi gmeint i chöni das entscheide :) aber i gloube lo dä lo si:) ned dasiniere ned mag gönne sondern wöu si no es chlises meiteli het im momänt 10mönet ;) aso dene de öppe 1.5 u de wirts gloubs müesam:) s chline heist linda u si sötti de dene üs dringe bringe u de is de ev ou eifacher wen s mami früecht zum fürecho wobi si zum gotti emu im momänt ou gärn chunt;) bi flissig mitere am lehere loufä...

@janedoe hmm es chunt immer grad chli drufa wie die zwärge so si aber ev chames jo ou ines wägeli due u füre stosse ( irgend wie so) oder ev chas jo ou wie üses itze scho uf em bobby car si s linda het e mega stouz uf däm.
i hät jo no e götti bueb aber 2 wod ringe bringe hmm die chline si schigg aber meh mues ou rächne dasi äbe de nid wei :) plan b giz bi üs ned...