@taeboyana si si haut schneuer gsi mit em name i häss üses ching ou linda touft isch so e schöne name:)
hmm 10ni es chunt immer chli uf d ching drufa i hät ou no eis wo 10ni us angere 7ni ?! aso gloubi beidi hätte cheibe fröid si dörfte öbis mache hättesi ou wens ke linda hät gä ;)
@Pfingstrose: jaja chunnsch denn sicher no dezue zum chli gnauer bi mir stöbere. Ja isch echt mega komisch gell. Hoff er bliebt etz bi sinere Entscheidig…sie het sicher no mit ihm gredet, und i bi jo au verbi gange gsi. Im Nachhinein hani ebe auno erfahre, daser no miteme andere Kolleg vo üs auno gredet het – huere Drama! Egal! Er wett jo etz cho und het recht…also fascht chli „arschkrücherisch“ gschriebe. Jo genau, da isch e gueti Idee (bide Probefrise mitneh). Bis denn hani sicher au sKleid nomol agha und cha denn chli luege was besser passt (offe/halboffe) Demfall hender eu etz voll und ganz chönne für euri Location entscheide. Het au so tönt als wär’s für eu eifach perfekt.
@Steffi: ooh wow, demfall wünschi eu en wunderschöne Tag am Fritig
@Janedoe: Mir wünsched üs ja eigentlich au Geld für dFlittis. Nur chönd hald dLüt uswähle für was mir denn ihres Geld isetzed. Mer het denn fascht chli sGfühl mer seg uf de Reis mit debi. Und het vlt Verbindige zu einere vode Insle womer gönd, oder so. Und susch wüssed dLüt vlt au nöd so wie gross de Betrag chönnt si. Bi mim Brüeder und bi minere Cousine hends das au so gmacht. dLüüt sind uf de Homepage wie fascht chli ine Kauflust cho…und hends sehr toll gfunde, dass sie ebe so gnau gwüsst hend was sie schenked. MEGA geili Etagère! So dunkels Holz würd au grad mega zu üsere Obiglocation passe! Aaaah bim OBI? Öh, döt bini no gar nie gsi…hets den no recht so Dekosache?
@Sue: Mega schön euri Ring. Vorallem dine
@Chliini: Ja würkli, wer die Wahl hat….Aber isch jo au schön sich mit dere Uswahl z’beschäftige, oder?
Me: de Blueme-Haar- Kamm isch cho!!! Imene mega härzige Gschenkböxli mega tollo
...euri tolle Bilder mueni nocher, oder morn no aluege...
@ Wunschliste also mir hend au e homepage bastlet und dete eusi wunschliste gmacht.. ha mir sogar kreativi-näme ifalle lah wie küchenfee, über-den-wolken-ÖV, usw. so chönds eus au öppis spezifischs für ferie schenke aber ebe.
So ich glaub wenni hüt nöd nahläse und zrugschriebe chumi nie meh na :D
@munggi87: hender eu ez entschiede wäg de location? Ich kenn mich leider gaar nöd us im Kt. AG .
@malinchen: nei, han na keis Fötteli vode Ring,aber sobald ich mich 100% entschiede han tueni eis ine, hoffentlich denn scho de fertig mitem pinky diamond  Ou tönd ja super mit euere location! Tüender alli campe nach de fiir ? Das mitem VW Bus tönd ja au mega!!
@Pfingstrose: Leider weissis nöd wäge de gäle Goldring, für eus chunt ebe nur wiisgold in Frag und drum het sie eus au nur die zeiged gha. Aber ich glaub uf de Website hends d Ring au druf!
@Sasileu: die Fingerabdruck Gravur wo es Herzli git findi mega !!!
@Lula: Hehe nei nei bin glaub die einzig im Gschäft wo e HZ planed, aber bi eus sind uuu viel Siitene gsperrt und abgseh devo hani e kei Ziit im Gschäft für so Sache leider.. Jep es git en pinky Diamond  Ich han ez denkt da ich e na dete gahn go Kleider aluege tueni mir so es Steinli det ane bstelle lah, dass macheds ebe und denn chanen grad aluege. Ich sueche Iiladigskarte mit Schmetterling druf und am liebschte Pink/Rosa, aber han nanig so das Kärtli gseh woni 100% guet finde. Morn gahni na ad Züspa/Creativa uf Züri, viellicht hets dete na chli inspiration 
@Sue87: ja im HZ Huus in Konstanz hends au Kleider, sie sind aber wiiter hine und mer gsehts nöd wennmer nur d Ring gaht go aluege, wet aber uf jede Fall namal gha im Oktober zum au d Kleider aluege, hani natürlich nöd chöne mitem GG im Schlepptau :p Ou ez hani grad dini Ring gseh, die gfallemer meeega guet !!
@janedoe: ou ich weiss imfall nüme wie sie gheisse het.. het doch früehner selle zrugschriebe, denn hettis na gwüsst :D sie het uf jede fall es dirndl agha und isch blond gsi :P wie het eui gheisse? Viellicht chuntsmer denn bekannt vor :D ja de ring wär suscht würklich gaanz schlicht wissgold poliert ohni ikerbige oder so, denn würds sicher na passe mitem pinkige steinli  Ou mega schön het sich din GG so gfreut über d Gravur :!!
@chliini22: würdmer wahrschinlich glich gha wie dir! Ich bin e immer ungeduldig bi so Sache und wenn ich e Iiladig uselahn nimmis immer persönlich wenn nöd grad jede öppis degliche tuet, ich meine mer luegt bi sich in kalender und gseht uf ein blick obmer denn chan oder nöd?
phu ez magi nüme, bin sit drü wuche nur 10stunde am schaffe am tag und bruch driiiingend chli meh schlaf :) widme mich denn am weekend wieder mim HZ :)
@Sue: Es het de iwenn doch no klappet mit am ne Träffe, u si het de würkli nume vo sich u ihrne Problem verzellt (bi nit di enzigi wos nit so louft) u gar nüt am Hochzyt nah gfragt. Ou nach däm is ihre gseit ha, het si "nume" gmeint, si heigi so öbis scho erwartet, aber si chönni mir jtzt no nit säge, ob si de glich as Hochzyt chunnt... Ha ihre jtzt afangs Wuche no nes sms gschribe, aber umi nüme ghört.
@malinchen: Jep, dä Lego VW Bus isch dr Hammer! Aber meinsch nit, Du wärisch bau wöhler wenn de eifach eine würdisch für Di koufe, u denn e würdisch Teili Fötele u se so uf ne Wunschliste tue? Wüu wäg am verlüre hätti auerdings ou Angst, zumaus gloubs nume e beschränckti Stückzahl git
@dänu: hesch scho öbis ghört vom Reisebüro? Het er de jtzt e Grund agäh, wieso er glich chunnt? Isch ja glich no so speziell.
@steffi: Ou so schön! Wünsche Dir ä wunderschöne Fritig u das zWätter mitspielt!
@Pfingstrose: Offerte für dBlueme hani no nit, bi aber eismau im Migros Florisimo ga frage, u ha mir e Priisliste lah mit gäh. Wetti aber am Fritig no paar Telefon mache, für so chli dr Verglich zha. Tönt cool mit de Tischläufer!
@Taeboyana: Dini Styroporkugele gseht cool us, u ja, die wird ganz sicher nit welke... Tues doch mau "Probesitze", aso mit de Kerzeständer, wüu we dGabelig gnue höch isch, settis eigentli kei Problem si. Tönt ja nach am ne coole Nami bi Dir. Im übrige cha ni mi dr Munngi aschliesse, finde Linda nämli ou e schöne Name
@chliini: Ou, darf i mau ga gwundere? Tönt interesannt, öichi Wunschliste
@ringe: Chlini, i würdi Di auso ou zu de Eutere bringe, wäri mir mit zügle ou e zheisse. Jane, Din GG isch ja ou härzig. Bi üs landes de eifach im Tressor, dä verlürt nüt
@me: Bi üs gits nüt nöiis. Hei morn no üses Träffe mit de TZ u bi ja de gspannt, wies de usechunnt
Wie gahts eu? Bi eus heds grad en rundi voll abegseicht, jetzt tueds aber langsam uf...
@Taeboyana Weisch scho, wo die Sache wirsch bstelle? Ich finde 10ni überhaupt nöd zalt für es Bluememeitli. Mim GG sini Cousine hed, wo sie erfahre hed, das mier wärde hürate, grad gseit 'ich will Bluememeitli sii'... und sie isch 18ni jetzt luegemer mal das sie und mim GG sini Nichte das mitenand mached. dNichte isch zchlii und dCousine zgross... Das git denn sone guete Schnitt findemer
@daenu De OBI isch au ned wirkli zentral... im Industriegebiet. Mier hend eigentli wege Holzbuechstabe welle go luege, das hends aber leider nöd gha. Jetzt grad hends eifach e huufe Wiehnachtsdeko, d Etagere hani au dette gfunde. Isch glaub meh en Zuefall gsi De Kamm gseht mega schön us i dine Haar, passt super zum blond! Und s'Päckli isch ja wirkli goldig!!
@Pricana Eusi isch au en Blondi gsi, ohni Dirndl aber Sie hed Gratz zum Nachname gheisse. E mega liebi!
@me Han grad es rechts Durenand mit dene DJs. Sind im Moment chli am umeluege und hend es Inserat uf Plan dein Fest gmacht. Jetzt hend sich ebä es paari gmeldet und ich bi total überforderet. Als nächsts wemmer jetzt unbedingt d'Blueme agah. Will da hani null Ahnig was das sött choschte!
Janedoe: Bi eus isches gad umgekehrt... Mir hend jetzt d Offerte vo de Blueme übercho und no nix wegem DJ glueged. Ich han dete eifach so kei Ahnig. Wott irgendwie nöd so en alte Typ. Isch chli gemein aber hans Gfühl es passt eifach nöd. :) Ihr werdet sicher öpis guets finde für d Blueme und uf DJ Wahl vo eu bini also gspanne. :)
Pricana: Du bisch ja mega igspannt im Gschäft. Also 10 Stund pro Tag isch eifach zviel und den no über so e langi Ziit. Hoffe für dich das bald chli meh Rueh häsch!
Chlinii: Du häsch doch no öpis wegem Make-Up & Frisur gfröged. Ich han jetzt sie vo Beautycall engagiert. De Probetermin wirdi im Mai ha und d Hochziit isch ja den im Juni. Date hani jetzt definitiv reserviert. Sie het mich also uuu nett dünkt und bin froh hani das au scho erledigt. Hesch du ihre mal gschriebe?
Me: Mir hend jetzt d Offerte für d Blueme übercho. De Umfang isch en üpige Bluemestruss, en Astecker für min Schatz, pro Tisch 3 mit Blueme gfüllti Gfäss, Cherze, Lieferig und Ufbau/Abbau, Blüätebletter für de Tisch (das strichemer no das hemmer nemlich garnöd welle) für 1050.00 CHF. Was meineder isch doch no en guete Priis oder liggi da falsch? Han würklich kei Ahnig...
@Pfingstrose Genau zgliiche Problem hemmer au mitem DJ!! De woni hett welle isch scho usbuecht leider. Und jetzt sind alles so Oldies. Eine -ca 70 Jährig- hed mier gschribe er sig mit 15 Hochziite pro Jahr de beliebtischt DJ überhaupt
Dörfi frage wo du die Offerte igholt hesch? Findes priislich au absolut okay. Wie isches mit Blueme für TZ, wärdeder da gar nüt bstelle?
Anmelden
? Das mitem VW Bus tönd ja au mega!!
