Hey zämä!

Dir sit ja mega fliissig, i mah fasch nümme mit mit läsä und v.a. antworte! Sorry falls i nid uf alli cha igah!

@sue: Mega schöni Ringe! Mir würd äbä eini i däm Stil wie du hesch ou gfalle... U bi üs wirds äuä ou so usecho, dass mir d Ringe separat choufe, wöu Eheringe gits ja sälte wo mit so eim fürd Frou zämä si - i has ömu no niene gseh?!

@Taeboyana: aaaaah, du bisch super!!! Das isch ä geniali Idee dass mir de Gäst die Teili gar nid gäbä. Merci!!! Ah cool dass jetz alles wieder im Reine isch mit dinerä TZ und dir jetz so usgiebig übers HZ chöit plöiderlä... Das macht halt scho mega Spass gäll!

@Blueme: I ha no nid sooo konkreti Vorstellige. Aber ha mir mal überleit, dass ig so Wildblueme möchti. Jetz fingi dr Link aber nümme vo derä Gärtnerei woni ha gseh... I bi mir äbä no nid sicher ob ig überhoupt ä Struss wott, mir isch chli unklar woni dä när härä due. I cha ja dä när nid die ganzi zyt häbä?!

ach, i mues scho wieder id Vorläsig... Sorry a alli woni jetz nid ha chönnä antworte!

Guets Tägli

Sooo also mir hend gester chöne s'Catering abschlüsse.. hend na alli offne Pünkt chöne bespreche und jetzt simmer me oder weniger fertig.. bis uf es paar details aber das isch nüm viel.. Öppis weniger

Wege dä Blueme weiss ich au nanig.. wirde wahrschindlich Tischdeko selber mache.. ich bin immerna bi dä Orchidee und die chunt mer ja i vielnä Lädä immer über.. aber Bruch dä schona en Brutstruus und mal luege was dän na fehlt..

Wegem DJ.. i welli richtig sueched ihr dän? suscht chönder ja male www.dj-friedlich.com aluege.. ich kenn ihn na vo früehner und so hemmers das thema gli abghaget gha.. mir wend au nöd en ganze abig lang schlager aber er spielt quer beet ein.. müend etzt dä male zämä höckle und luege was wie woo..

@steffi: Super Istellig! U süsch söu ja Räge Glück bringe.

@jane: Bi üs hets di Nacht grägnet, isch aber scho dr ganz Tag verhange.
Derte hani ou es Inserat gmacht, nume leider het sech so gar niemert gmäudet, wo mir üs hei chönne vorstelle. U wenn de nach am Usschlussprinzip schaffisch? Viellech hiuft dr ja das?
Das mit de Blueme si mir gad dranne.

@Pfingstrose: Tönt für mi no ok, für das wo aus drbi isch. Darf i frage, wie de füre Brutstruss zauhsch? Oder hesch di einzelne Pöschte nit uf dr Offerte?

@malinchen: U de gugge für ne Vase bim Apero/Abelocation? De hättisch ne glich drbi u müesstisch ne nit ständig i de Händ ha?

Goood Morning and TGIF!!

Soo wa händ ihr alli schöns vor am Weekend??

Bi eus wirds glaubs es ruhigs weekend.. ha die wuche male eusi wuchenend dureglueget bis endi jahr und bin fast hinde usegheit..

@Sue gnüss dis Ladiesweekend..wird bestimmt super!

Hend ihr uf Pinterest irgend es Grüppli bildet wo mer sich cha aschlüsse? Oder muen mer da jede einzelne dezuefüege?

lg

TGIF allersits!!!!

So, hüt isch Bürotag agseit, de chani mi wieder chli däm Forum widme.

@Alegna: Willkomme bi üs! Magsch chli vo dir verzellä? Hesch ä Atrag becho und was heit dir fürnes Datum?

@Lula: Ja stimmt, i chönnt ä Vase härä due... Merci fürä Tip!

@Sue: oh cool, gniess dis Mädels-weekend! Tips chani dir aber leider keini gäh..

@chliini: Mir hei nix HZ-mässigs vor. Hüt gö GG und ig mal wieder i Usgang zämä, chli gmüetlech vo Bar zu Bar und chli ga tanze. Mah zwar nid so wöui scho geschter lang wäg gsi bi, aber mir si ja no jung u knackig... Morn när äuä lang schlafe u när ä gmüetlechä Tag dehei. Am Sunntig göh mir zu de Schwiegerelterä ga Ässe u i ha no mit mire Bestä abgmacht wöu sie när ä Wuche id Ferie geit.

nicht registriert

Guätä Morgä mitenand,

Endli chum ii wiider mol do hii s'Internet dehaii tuät IMMER no nöd aber für hüt han ii mii bii mine Schwiegereltere iquartiert Irgendwenn muän ii ja wiider mini schuälsachä chönä machä. Aber als aller ersts will ii do inä lese

Alegna: Herzlich Willkomme bii uns und gratuliiäre zur Verlobig!! Möchtisch was über diich und dii GG verzelle? Vo wo sind ihr, was isch eues gnaue Datum, was hend ihr plant, wiä hend ihr eu kenneglernt und so wiiter

Sue: Ladiesweekend tönt suuper! Ich wünschä eu ä guäti Ziit, schnelli Terminwahl uuund hammerschönä Sunneschii!! Leiider weiss ii nöd soo viil Läde in Dütschland. I weiss, dass es Hochziitshuus in Konstanz giit. Aber wiä d'Uswahl isch, weiiss ii gar nöd...
Ha grad au eui Ringe entdeckt. Wunderschön!! Passet voll zämä!! Passt ii diin ä Gravur oder isch er z'schmal?

Malinchen: Das mit em Struus isch na ä guäti Fraag... Han ii miir so no gar niiä denkt. Aber das het ja jedi Bruut scho erlebt. I frog do globs mal mini zuäkünftige Schwögerinne. Diä hend en ja au irgendwo deponiere müässä... d'Vase isch gar keii schlechti Idee

Pfingstrose: I cha diir au ned sägä, was ä "guätä" Priis isch. Es giit aber en Thread wo s'Bluämäbudget usführlich besproche wird. Isch amigs krass, wiä wenig diiä dert zahlet. I weiss aber au vom GG siin Brüäder dass öpä 2000.- zahlt hend do iisch eues doch no um einiges agnehmer Do no dä Link:
http://www.heiraten.ch/forum/board/versc...k-31_109_1.html

Janedoe: Eh 18 Jöhrigs BluämäMEITLI. Find ii grad irgendwiä lustig. Vor allem bin ii mit 12 Bluämämeiitli gsii bim Kollegin vo dä Mami und mir iisch es dert chlii peinlich gsii Aber mit 18ii got meh wohrschinli scho wiider andersch aah diä Sach hii, vor allem wenn no wer chliises debii isch!! Ha immer glese vo diine Etagerie. Ha mii immer gfragt wa das echt sii chönt und jetzt han ii s'Foti entdeckt. Gseht sehr hübsch us!!! Für was wiirds verwendet? Integrierets iihr im Buffet?

Lula: Dä Florissimo macht das? Giits echt diä Priisliste au online? Diiä würd mii jetzt scho no interessiere. Cha mir ned vorstelle, dass was günstiger chunt als so ä risigi Ladechette...
Aber defür wiirds viellicht weniger persönlich? Wiiä isch s'Treffe gsii? Hender guät schwätze chönä?
Karte wo postet het, würd miir jetzt also vo dä Farbe her tootal zuäsägä. Aber miim GG würdet alli Hoor z'berg stooh

So Zwischeduure: I ha gad mini Note vo dä eint Diplomprüäfig erfahre. Yeess en glatte 6er!!!!! ii weiss ghört nöd do hiiä. Aber ii ha mitemene nöd bestande grechnet.

Pricana: I bii soo gspannt uf diin Ring. Miit pinke Steine? Tönt dä hammer! Vo wo hesch ne? (Exgsüüsi, stot vlt irgendwo aber so wiit zrugg glese han ii denn gliich ned...) I bii jo au voll uf em rosa/pink/violett Tripp. Han aber angst, dass mir diä Farb verleiidet und denn wär dä Ehering so farbig. I ha nämli au eine gseh wo mir zuägsaiit hetti und diä Farbe hetti...

daenu: Es wunderschöni Haarnade! Passt sehr guät zu diine blonde Haar und jetzt han ii vor allem es witers Bild zumene Nichname ii dem Forum

Bluämächind und Ringträger: I denk do giits kaii oberi Limiite. Es muä eiifach am Chind froiid machä und denn chunt da scho guät. Miir hend gad es paar zur Uswahl. Mini Hüätifamily het 4 Kiinde 2 Buäbä (wo de Ring chöntet bringe) und zwei Meiitle (wo Blüämli chöntet wörfe) oder aber unser Neffe. Quaaaal der Waaaahl

Taeboyana: Woow de Ball gseht meega hübsch us und wiider voll ii miiner Farb schick gad es Foti miim GG I cha dii verstoh mit dä hööche Kerzständer. Genau das befürchte iich au!! I find dini Idee mit dä Perle herrlich!! I chum bii dem Pinterrest eiifach ned drus. Für mii gsehts us wiä eii Chaos und iihr findet dert so hammer Sache! Muä wohl mol chlii meh Ziit ii diä Siite investiere

Me: Miir hend ii dere Ziit "viil" gmacht. Hend Offerte inegholt für Apéros. Wartet no uf eini und entscheiidet uns denn. Bis jetzt hend mir dä Bäckerei Gschwend und wartet no uf dä Vorschlag vo dä Daenu (h2plus) usserdem erwartet mir ja immer no d'Absag vom Kollegepärli und denn hend mir fest mit unserm Fotograf Kontakt gha. Mir hend am 6. Oktober es Shooting. I freu mii sooo. Bis jetzt gseht au dä Wetterbricht guät us Mir hend fest sowas vor: http://www.katjaheil.de/2010/09/paarshoo...r-farbige-teil/ und hend welle das Farbpulver selber machä. Aber es isch gar nöd so eiifach wiiä's im Internet stot. Chlii Mehl mit Lebensmittelfarb iifärbe und denn siiible... Mir müänd uns do echt no was iifalle looh. Sus chönt mir da vergesse. Het vo eu öper erfahrig ?
Und Kiirche isch au definitiv reserviert.

Zeiche siind jetzt voll
Wünschä eu äs schööns Weekend and tgif