| Bräute 2014 |
|
|
1 .. 195 .. 387 388 389 390 391 .. 694 .. 997
|
27.09.13 18:15
Taeboyana 
|
Re: Bräute 2014
@Fotoshooting: Hihi, i ha mir o mega überleit, was alege und was mit de Haar mache  Würd o öpis wo zu euch passt und so wie dir o süsch sit, nüt zu Usgfaunigs und wos euch wou isch drin. Gschminkt hani nur d Ouge und gloubs no chli Rouge, aber süsch Makeup/Puder bruchi drum eigentlech nie 
@malinchen: du sprichsch mer usem Härz, i finde glette isch totau überberwärtet  I due o nur das wome zwingend mues u o nur öpe einisch im Jahr oder fürnes Vorstelligsgspräch
@squishy: Gratuliere zum 6er!! Ig ha mi die letschte Täg o scho gfragt ob d squishy vom Ärdbode vrschlückt isch worde... hoffe die chöi das Internetproblem gli löse! Aber ja sunrise, da ghört me nid nume Guets
@Weekend: Morn Abe gö mir i üsi Abelocation ga ässe mit üsne TZ und i freue mi soooooooo fescht!! Ändlech wieder mau richtig fein ga ässe und vor auem wieder mau unger d Lüt, mi chli schön zwägmache und amne Abe furt  Hets sit mire OP nümm gä... U am Sunnti gömer d Lula ga bsueche wo üsi Stuelhussene vor Nemo het mitbracht, freu!  U när muesi mi de langsam wieder ad Idee vom normale Autag mit 100% schaffe gwöhne. Einersits bini o froh, angerersits wird's mega sträng wüu ig nur no 1 Monet i däm Gschäft bi und die Neui mues ischaffe u glichzitig no STv. vor angere mache... Drfür heissts ab 1. Nov. nur no 90% schaffe und meh Lohn
@me: Ig ha gester dr Pris vo dere Band becho woni ha agfragt für während em Apéro. Isch e Kollegin vo mire Kollegin wo im Ougust het ghürate und dert am Apéro het gsunge und üs sehr het gfaue. Für nes Duo (sie Gsang mit Keyboardbegleitig oder uf Wunsch Gitarre) würde sie 1400.- verlange während em ganze Apéro inkl. aune Spese und Areis. Findet dir das tüür? Ha leider so gar ke Ahnig... I wett se aber itz no afrage, ob sie o während dr Trouig würde es paar Lieder singe und mes de so gad chönnti kombiniere. Sie si äbe scho sehr cool... aber wemer de am Abe o no e Band oder e DJ wette, wirds de scho nid biuig... 
@janedoe: I würd die Bastusache bi www.buttinette.ch bsteue, dert fingsch sones Stanzerli und ou Papier und Perlenädeli. Has aber no nid bsteut, i luege de vielech zersch no im Jumbo Maximo bi üs ir Nechi. Süsch si aube Opitec oder www.scrapandstamp.ch no gueti Adrässene, oder haut ines Bastuzäntrum.
Dini Etagère macht sech de sicher super ufem Candybuffet!
@Sue: Gniess dis Ladies Weekend!
|
|
|
|
|
|
28.09.13 21:43
munggi87
|
Re: Bräute 2014
hoi ladys phu flissig wie immer :)
@princana nei hei no nix definitifs aber gg het hüt no mau i das für u flamme in nöidorf a glütet u gfrogt wies itze usgset :) de heter gmeint sigi no ned definitiv besproche aber öber de inträsse hei!? de het de gg gmeint jo :) weis ned dörte simer ine u de isch eifach für üs es wow gsi.. mues de disne no schribe... mir faut das liebcher aus am tel z erkläre wiso ned :)( s wurm resti.)
@ lula danke für die links!!
@pingstrose mir hei no ned gluegt wög de bluembe aber d offerte dönt für mi ok hesch doch es bar pöste druffe.. u de stus hmm schwirig aber i ha ou mau 150fr dinne nur de struss wens güstiger isch de umso besser :)
öpper het ou e vouguchefig u het mi gfrogt wägem a schribe ha mi entschide das mir glitzer buechstabe dra düe ( card s) de irgend wie ufenes bängeli oder de papir ....
mir hei äntlich chöne es träffe i richte mit de tz das isch soo schwirig d husfrou isch bau komplizierter aus de resttigsanitäter:) ( hehe chuntmer ersch itze i sin aso profesionelli hiuf isch aso ou vorhande:)
hei no im ricardo himuslatärne erstigeret 15st für 30fr..
wünsche aune es schöns u erhousams wucheändi
ha am di termin fürs chleid läck machtmi das chli närvös :)
|
|
|
|
29.09.13 15:33
squishy-fishynicht registriert
|
Re: Bräute 2014
Guuuätä Sunntig mitenand 
I weiss zwar, dass do ned viil los isch am Weekend. Aber unter dä Wuuche wird ii dank unserne Glasfasere ned dezue cho
Mehl isch gfärbt und haaaaart wiä Steii. Aber mir bringets nümä chlii wiiä Pulver. Hends mit em hammer, em Sieb, em Nüsslihacker, em Pürierer, em Mixer probiert. Es bliibet eiifach Bröcke... En riise ****mist. Aber mini Eltere hend gfunde, do mii GG jo sowieso morn Geburi het, schenkets ihm das Farbpulver. Sii hettet sus ned gwisst, wa schenke. Da fiindet mir so meega liiäb! Hoffentli chunts jetzt eiifach pünktlich aah.
janedoe: woow, ii ha gad d'Föteli vo eure Fotografin aguggt. Do hets scho viil schöni drunder. Wiä sii d'Ring an Bäum hängt oder s'Bruutpaar am Wasser oder mit dä Ballön oder dä Regebooge joo eigentli all, sind unglaublich schön. Bechunt meh richtig Lust zum hürate über 
Bin denn scho gspannt uf eui Föteli
Pfingstrose: Was hend iihr für Accesoires plant? Mir hend all unseri Shootings chlii binenand. Mir hends au uf dä 6. Oktober glaiit. Jetzt muä nur no für uns all s'Wetter mitspiile. Wenn mir all mitenand hoffet, muäs es ja guät cho
at all: Was haltet ihr vom Spruch: Gemeinsam ist das Leben bunter? I ha denkt isch chlii einzigartiger als "Wir heiraten" ufem Kärtli. Aber denn han ii's googlet und bii mir gad nüm so siicher 
Wünsch eu no ä guätä Sunntig und biis hoffentli bald
|
|
|
|
29.09.13 15:41
Pricana
|
Re: Bräute 2014
Schöne Sunntig mitenand! Hüt isch doch gnau s richtige Wetter zum dehei sii und HZ Sache plane!
@Lula: merci vielmal für de Link! Die hani au gseh, aber sie het mi nöd soo überzoge. Han aber gester na eini gseh womer na würd gfalle:
http://www.alle-karten.de/hochzeitskarte...tml?cPath=10581
@janedoe: jaa genau so het eusi gheisse, d Frau Gratz! Ich gahn ez am 16. Oktober namal verbii go mis Steinli aluege ! Hender ez na en DJ gfunde?
@Pfingstrose: ja das isch scho so, isch würklich enorm viel im Moment, aber ich chan d Überziit au wieder izieh…irgendwenn ;) Aber bin halt grad na beförderet worde die Wuche und drum wird’s scho nöd grad weniger idä nechste ziit..
@squishy-fishy: gratuliere zu dinere guete note! D Ring nehmemer wahrschinlich die vom HZ-Huus in Konstanz, det chasch ebe alli Stei wos hend i andere Farbe haa. Und s Guete isch, du chaschen jederziit wieder uswechsle lah wennder d Farb verleided ! Sie hend leider kein pinky diamond dete gha zur Asicht, aber bstelledmer ez eine uf de 16. Oktober!
Hey wow die Fötteli vom Shooting dörfsch eus denn nöd vorenthalte! Wär ez nöd so mis Ding mit de Farbe aber gseht sicher guet us! Bisch du Blond? U viel Blondine hend doch die Pink Farb nüme usebracht nach dene Holi-Festivals de Summer, nöd das dir das denn auna passiert Ich liebe Pink ja au aber grad Pinki Haare würdi nöd welle..
@Taeboyana, denn fangsch du scho morn wieder a schaffe, sind die zwei Wuche scho ume? Luegschder chli und nimmsches doch nachli easy, au wennd viel z tue hesch!
Also mir zahled für eusi Band am Abig für 3h 2‘100.-, findes au tüür aber günstigeri hemer kei gfunde und die sind würklich mega. Wie lang gat denn eue Apéro? Und wenner die stattdesse für de Abig nehmed?
@Munggi87, denn hender demfall na es anders Resti wo eu besser würd gfalle, hani das richtig verstande? Ja gaht mir amigs glich, mach au alles viel lieber schriftlich 
Wo ane gasch am DI go s kleid probiere? Ez scho viiiel Vergnüege und Erfolg!!
@me: ich han am Frieitig am Hochziitshuus in Konstanz gschriebe wägem Steinli bstelle und wegeme Termin zum Kleider probiere amene Samstig. Denn het sie gseid de nächsti freii Samstigstermin isch dä 30.November! Also wenner auna wennd gha amene Wuchenend würdi schnell en Termin mache! Ich nimm ez under de Wuche frei und gahn am 16te, d.h. ich gahn am 15te uf ZH in Merys, Liluca und Modissa und en Tag später uf Konstanz, freu mi scho meega !!
schööne Sunntig na!!
|
|
|
|
29.09.13 23:09
Fara
|
Re: Bräute 2014
Grüezi wohl
Dörf ich mich zu eu gselle? Bin au so eini, wo negscht Jahr hürated. Yippieh!
Hüt hani grad no es paar wiiteri Familiemitglieder vo mim Zuekünftige und er gester es paar wiiteri vo mir känne glernt. Isch schön, z erläbe, wie sich all voll freued, dass mir wänd hürate.
Wünsch eu en guete Start id Wuche!
Fara
|
|
|
|
|
|
30.09.13 11:03
Lula
|
Re: Bräute 2014
Guete Morge
@janedoe: Oh je, heit dr scho chöne witergugge?
Isch doch en wiit verbreitete Spruch, u i finde dä weder blöd no fräch! I mein, wenn de nüt schribsch frage ja eh aui, oder Du hesch am änd 5 Mixer u 3 Thermoskannene... 
Wäg am Nagellack, wenn de Klarlack drüber tuesch, settis eigentli kenner Strieme meh gäh.
@squishy: So, morn settis so wiit si, u Du söttisch umi Internet ha!
Oh jöö, isch doch super. Viellech si si ou nit so begeisteret wüu si sechs nit so chöi vorstelle?
Diner Eltere si ja härzig! Dim GG aues Guete zum Geburi!
Finde dr Spruch sehr härzig! U mit öichem Shooting ou sehr passend.
@Paar Shooting: Heis am Samschtig per Zuefall mit öbertem drvo gha, wo üs das empfohle het, das mir de entspannter sege. GG het mi de ganz panisch agugget u gmeint, dass mache mir aber nit, oder?! Ha de gseit, nee, mit mache de nach am Hochzyt eis...
@malinchen & Taeboyana: Mir hei nit mau es Glettise!!
@Taeboyana: Ha leider kei Erfahrig mit Bands, mir hei am Obe e DJ u zahle drfür Fr. 1'200.-. Evtl chunt während am Apero no chli Musik, GG u i hei das eismau scho disskutiert u am de isch de no e Idee vom TZ cho, di hei e gmeinsame Bekannte wo Musik macht. Mau gugge, GG muess dä mau frage.
@Pricana: Was het Di GG zur Karte gmeint?
@Fara: Härzlich Willkomme bi üs!
@chliini: Samschtig hei mir no Troumwätter gha, aber Sunntig isch nüme so sexy gsi. U heüt isch eifach no grau in grau!
Wie lang het de so nes Sofa?
Und hesch scho aglüte? Aus klappet?
@me: Bi üs isch zWucheändi Hochzytstechnisch so gar nüt glüfe. Müesse die Wuche unbedingt no dr Obiglocation schribe, dProbedeko für e Tisch mache, dass i bir Floristin vrbi cha, alüte für ne Kleidtermin u de mau no mit Coiffeur u Kosmetik gugge wäge Frisur u Make Up
|
|
|
|
|
|
30.09.13 12:32
Fara
|
Re: Bräute 2014
Hoi zäme
Ich verzell gern chli. Mir händ s Datum nonig, aber werded im Früehlig hürate, März oder April. Müemer eus langsam beeile mit Datum fixe. Wobi, es isch zum Glück no usserhalb vo de übliche Hochsigs-Saison, dänn wird das klappe (Location und zwei Chilene, wo mer eus no münd entscheide, hämmer scho und wäred no frei a Date, wo's sött gah). Hüt tüemer mal d Pfärrer afröge, wo mer gern hetted, dass sie de Gottesdienst mit eus gstaltet. Hoffentlich säged's ja. Sind nämli kuuli Lüüt.
Mis Chleid hani au scho bstellt. Freu mi voll. Ufgrund vo mine gsundheitliche Problem, hani rächt höchi Aforderige a gha. Aber han uf Ahiib eis gfunde, wo mir mega gfallt und kei Problem sett mache und han e mega liebi und kompetänti Beraterin gha. Und boah, isch das Gfühl schön, wänn s erscht mal es Hochsigs-kleid ahäsch. *schwärm*
Hürate tüemer im Züri Oberland. Det wämmer dänn au e Wohnig finde. Wird no en Useforderig, aber ich bin da zueversichtlich. Irgendwas schöns wird's ja wohl für eus ha.
E Sängerin für de Gottesdienscht hämmer au scho (eini vo mine beschte Fründinne isch gliichziitig eini vo de beschte Sängerinne, won ich je ghört han) und au en Organistin für de Hochsigsmarsch (mini Tante) und e hammer Flötischtin gits au no i de Familie und wiiteri Musiker im Fründeskreis, die frögemer ev. au no a.
En Atrag hani becho und en schöne Ring. :-)) Hehe.. Ich bin nöd überrascht xi, will mir vorher beschlosse händ, dass mir hürated und agfange händ plane, bzw. eus konkreter Gedanke z mache (en Atrag hani glich no welle *gg*). Au de Ziitpunkt, wänn er en wird mache, hani zimli vorusgahnt. Han halt es paar Täg spöter für e strubi OP in Spital müesse (alles guet gange) - und im Spital de Atrag mache - nä-ä.
Ihr ahnet's vilicht scho, mir planet eues Hochsig wäg minere Gsundheit chli unter andere Vorzeiche, als mir eus das gwünscht hettet. Aber mir freued eus nöd minder druf. Im Gägeteil.
Ich bin scho gspannt, uf alles, wo no chunt, und freu mich, mich im Forum mit andere Brüüt chöne usztuusche. Und da ich en Schnurri bin, isch de Bitrag jetzt au scho zimli lang worde. :-P
Wünsch eu es schöns Tägli!
|
|
|
|
|
|
|
|
1 .. 195 .. 387 388 389 390 391 .. 694 .. 997
|
Anmelden
