| Bräute 2014 |
|
|
1 .. 20 .. 37 38 39 40 41 .. 519 .. 997
|
14.01.13 13:41
Lula 
|
Re: Bräute 2014
Hoi Morelia
Isch dr hammer, vorauem das GG ou so gschärmt het!!
I ha so zGfüehl, wenn mir de mau Aperoort u Catering, Kirche u Pfarrer, sowie DJ u Fotograf hei, gits bi üs de ou chli Rueh.
Wüu Frisur Ideene hani, eifach no kei Coiffeur, Ablouf gugge mir de öbe so im Sommer-spät Summer ah, wenns um dIladige geit.
Mir warte mau no chli, verlöh üs da ufs Buschtelefon, u süsch häufe mir de mau chli nache, mau gugge.
u süsch de mau bim ne Ostereier tütsche, oder so 
|
|
|
|
|
|
14.01.13 16:09
laprincipessa
|
Re: Bräute 2014
Hallo zäme! :)
Hey cool Lula händer d'Location reserviert! =) Do fallt eim sicher scho en grosse Stei vom Herze gäl? :)
Ich hoffe ihr händ es schöns Weekend gha? :) Bi mir häds sich mol ned um Hochzyt dreit, do ich no en intensivi Usbildig mache woni s'ganze Weekend amene Seminar gsi bin im Dütsche..
Aber defür negst Weekend hihi fröimi scho soo uf öisi 1. Hochzitsmäss! :)
Han mol no en Frog gha und zwar: Wie händ ihr bi de Planig öichi Prioritäte gsetzt, s'git jo sooo vil zum mache! Ich dänke s'wichtigste isch mol Datum festlegge & Apéro & Festlocation ussueche & reserviere - und dänn?? Händer vilicht paar Tipps, damit mer sich ned allzu sehr verlürt? :)
Danke tusigmol & allne en gueti Wuche!
Liebs Grüessli
|
|
|
|
14.01.13 16:24
FringillaVigo
|
Re: Bräute 2014
Ig glaub, s allererschte wo ig gmacht ha, isch e ungefähri Gäschtelischte und es grobs Budget und je meh ig im Forum gstöberet ha, je detailricher isch das de worde, wil ig hie immer widr uf neui Pöschte und ungefähri Priise bi gstosse. Und de hani googlet Und zwar alles mögliche, vo Restaurants zu Kleider über Chärtli bis Musiker, eifach zum luege, was es so git.
Jetzt aktuell düe mer üs oh um d Locations kümmere und de wär dr nägscht Schritt äue Dienstleischter sueche. Ig meine, für Iladige, Chleidersuechi und Flitterwuche bueche isches jo scho no chli früech. Wed gar nid weisch, wo afange, würdi mr mau so Checklischtene aluege (zB HIER oder i de Hochzisheftli hets oh immer welchi). Das gibt emu no chli Ahaltspünkt.
|
|
|
|
14.01.13 16:25
Lula
|
Re: Bräute 2014
@laprincipessa: Es isch es wunderschöns Gfüehl... 
Was machsch denn Du für ne Usbildig? Muesch de da immer umi is Dütsche?
Mir hei üs zersch uf nes Datum geinigt, u närne überleit wäg Geburtstäg u Fiirtäg. U närne hei mir gugget wäge Resti, Catering, Aperoort, Fotograf, DJ, Kirche u Pfarrer.
Resti hei mir reserviert, Catering wüsse mir -> gugge mir ändi Monet ah, Kirche u Pfarrer wüsse mir -> gugge mir ändi Monet ah, Aperort wüsse mir (müesse aber gugge, obs geit) -> gugge mir ou ändi Monet ah, DJ hei mir Afrage offe, git hinech no eini, u Fotograf schribi mit eire, u hinech gugge mir no 2 zämä ah. Mir isch haut eifach enorm wichtig, dass di grosse Pöschte fix si, wüu de chames eifach ou mau chli lah si, u sech um anders kümmere.
Was mir aber enorm hiuft si dCheklisteene wo de im Internet findisch. Uf Lifeportal, uf Weddingstyle, mit Hiuf vom Onkel Google... U de hani mir eifach e Ordner agleit, woni cha ga spicke, was wenn nach isch
|
|
|
|
|
|
14.01.13 16:51
Carole1985
|
Re: Bräute 2014
lula: wow super henders chönne reserviere! denn chasch scho mal en grosse punkt uf de lischte striche :)
ich dänke au am beschte fangt mer bi dene sache a, wo as datum bunde sind. aso resti, chile usw. wenn mer das mal hed chan mer sich um die "chlinere" sache kümmere.
mier hend am wuchenänd nüt fürs hochzit gmacht, da mier in davos gsi sind. defür hani min GG chönne "überrede", das mer doch au i de chile hüratet bini froh, will ich has mier vo afang a so vorgstellt.
nisliker: wow en super siite vo dere fotografin, hammer föteli!!
|
|
|
|
14.01.13 17:12
laprincipessa
|
Re: Bräute 2014
FringillaVigo: danke für de tipp mit de checkliste! :) grad eini usdruckt ;) han au mol eini imene hochzytsheftli gseh (swiss wedding) (mega süess mini besti fröndin häd mir jo eifach es abo vo swiss wedding für s johr 2013 gmacht & loh heischicke loh jö han so fröid gha :)
lula: ich mache en therapeutischi, psychologischi usbildig :) Isch nume 1x im monet s'ganze weekend in freiburg goht daher no han nur 1 h 20 pro weg.. und i de schwiz würds öbe s vierfache choste und müesst au id ostschwiz fahre lohnt sich daher scho für mi ;)
ich dänke au so wie du / ihr das schribet so würdi das gfühlsmässig au mache aber isch glich guet mol paar ahaltspünkt ha merci vilmol!
nisliker: super bisch du scho so wiit! :) wenn isches dänn sowit bi dir? (hani sicher mol nöimets gläse aber nüme im chopf ;) bin uf d'homepage gange echt ganz schöni bilder und s'agebot isch au super findi! =)
merci für die rasche antworte! :) mir händ bis jetzt ebe nur d'gästeliste gmacht und mol überleit dass öise 5. johrestag jo ideal wär fürs standesamtliche aber s eigentliche hochzyt (fest) wüssemer ebe no gar ned wenn (juni / juli / august irgendwenn sommer 2014) obwohl min schatz jo mega umezickt s'sig dänn so heiss im sommer im azug usw. :p also chönts au si dasses dänn mai oder september wird ;) aber ebe was mir am allermeiste sorge macht isch s'wätter wilmer das eifach ned chan beiflusse - bi allem andere machi mir so kei sorge wili en super organisatorin bin (sorry ibildet ich weiss) aber han au scho grösseri wiehnachtsfescht (200 lüt) organisiert & alli sind begeisteret gsi und maches au total gärn.. aber wämer doch nur das dumme wätter chönt beiflusse muess das irgendwie chönne ablegge :p dänke nachem sonntig also nach de hochzitsmäss chömer dänn richtig loslegge wämer no chli meh inspiriert sind hehe ;)
so ich wünsche öich ganz en schöne obig!
|
|
|
|
|
|
14.01.13 21:08
Lula
|
Re: Bräute 2014
@laprincipessa: Ah stimmt, ar Gästeliste si mir ou am ume Doktere...
@lil: Hei super. Fröit mi für öich das es mit dr Kirche klappet het.
Wieso heit dr de enand scho so lang nüme gseh?
I ha mirs Hochzyt immer mit Fründin A vorgstellt. U irgendwenn hei mir üs so usenand gläbt, dass mir nume no sporadisch öbis vone nand ghöre. Glichzytig het sech dr Kontakt zu Fründin B gstärkt, u mir hei umi meh Kontakt gha. Gseh tüe mir üs ou nit viu, dass liegt aber ou dranne, dass mir guet 1 Stund zwüsche üs hei u si unregelmässig schaffet. Aber mir smsle u maile gäng umi wieder. U mau bini überzügt, dass si di richtigi TZ wäri, aso Fründin B, u es git Täg, hani zGfüehl si isch nit di richtigi. Aber i ha mir eifach dänkt, wenn i se znächst mau gseh, fragi se, ob si mini TZ wetti si. Wüu i weiss genau, dass si sech vo Härze für üs fröit, u i bi Problem immer zu ihre cha.
Was seit Dis Härz? U Dis Gfüehl?
|
|
|
|
|
|
|
|
1 .. 20 .. 37 38 39 40 41 .. 519 .. 997
|
Anmelden
