Huhu liebi Brütlis!

De bini ja froh geits euch o so, i ha zGfüu gha ig stöng zmitts ir Nacht uf... bi mis gar nümm gwöhnt im Dunkle ufzstah Ha geschter wieder dr 1. Tag gschaffet und es isch rächt guet gange, eifach totau müed bini... aber wenigstens mani dr ganz Tag hocke

Wäge dr Musig für bim Apéro hani itz no e 2. Band empfohle becho, woni de wett afrage. Aber ke Ahnig, was die choschte... Wie machet dirs so mit dr Musig am Abe? Heit dir aui e DJ / Band, oder o eifach Musig abere Playlist? Findes so schwierig... drzue chunnt, dass üsi TZ gar nid d Tanzfüdlis si und sech nid no für üsi Vorstellig chöi begeistere, dass mir haut o no chli wei tanze. Isch doch nid so ussergwöhnlech, oder??

Ds Ässe im Parkhotel isch absolut Hammer gsi, has mega gnosse! Obwou i de ziemlech müed bi gsi und mir scho 1 Glas Wi rächt igfahre isch Bis öpe nümm so gwöhnt...

@Pricana: Aso itz chumi nid ganz drus... ds Resti mues entscheide, ob sie euch wei näh? Heisi de mehreri Intressänte für das Datum? Wüu i meine dir bringet ihne ja Gäud u wes mehreri het für ds gliche Datum, isch doch eifach dr ehnder dr Gschwinder, oder nid?

@Fara: Wiukomme hie im Forum! Super, dass dir trotz dine gsundheitleche Problem scho so viu heit chönne erledige! I wünsche dir ganz e schöni Vorbereitigszit und dass du se trotzdäm unbeschwärt darfsch gniesse. Und aus Guete für dini Gsundheit.

@Munggi: Viu Spass bim Chleider probiere. Bi mir isches hüt ihre Wuche sowit!! In ime mini beide TZ und d Schwoscht vo mim GG mit. Bi meeeega gspannt!

@chliini: Wow, Alaska tönt super!

@Sue: Würklech e cooli Idee mit däm Shopping-Weekend. I kenne mi o nid us mit DE, aber ha mau gläse dasses in Duisburg sone ganzi Strass git mit eim Brutchleidergschäft am angere... vielech fingsch öpis bim google? I weiss o no nid gnau wäg dr Torte... Mir wei unbedingt es Dessertbuffet (für mi isch das fasch wichtiger as die Gäng vorhär ) u drum fändi e Torte eifach fasch zviu no drzue, usserdäm bini nid bereit, soviu Täuergäud z'zahle. Aber das liess sech ja vielech no diskutiere. I liebäugle immer no mitere Cupcakes-Torte bim Apéro, aber wasi bis itz ha agfragt, muesme da 600.--700.- rächne... Guet, e normali Torte choschtet ja öpe o soviu. Aber viu witercho bini da no nid.

@malinchen: Finde das Lied dr Hammer und wär e mega originelli Idee!

So, i mues wieder witerschaffe... no 3.5 Wuche - dr Countdown louft

Guete Morge ihr Liebe

happy Tuesday! Gahts eu guet?

@Taeboyana
Tönt nacheme mega Programm wo du da zabsolviere hesch i nächster Ziit.. Direkt nach de OP stell ich mier das doppelt astrengend vor. Toitoitoi!
1400.- find ich etz nöd sooo viel. D’Band wo mier i de Chile hend choschtet für 5-6 Lieder allei 1000.-. Hesch scho chönne kläre ob sie au während de Trauig würded spiele?
Merci für d’Links. Muessi mi de mal inehange und bstelle

@munggi
Ich wünsche dier hüt ganz ganz viel Spass und Erfolg bim Chleider shoppe!! Hoffe du finsch DIS Chleid und bi sehr gspannt uf din Bricht und ggf Föteli

@squishy
Hihi, isch ja grossartig wegem Farbpulver! Jetzt hender ei Sorg weniger und die ganz Sauerei umesuscht gmacht
Gaht sInternet wider??
D’Fotografin isch e gueti Fründin vo mier und ich ha unbedingt sie welle. Jetzt bini voll froh, dass das klappet hed

@Pricana
Mier hend kein DJ gfunde bis jetzt. Ich mag mich irgendwie gar nid mit dem Thema usenandsetze, drum isches momentan uf Iis gleit
Ui, isch ja extrem, erst am 30 November! Aber du bisch ja mega verplanet was zChleiderluege agaht. Hoffentli findsch DIS passende wunderschöne Chleid!

@Fara
Härzlich Willkomme bi de 14er Brüüt!

@chliini
Alaska isch ja en geili Idee! Würdmer glaub au no gfalle

@Lula
Das mitem Nagellack ischmer denn au ufgfalle. Han jetzt Nagelhärter drüber gmacht und gester bim bastle isch mer de Nagel so wiit igrisse dases es Bluetbad geh hed
Hihihihi isch de di GG so Kamerascheu? Mine hed gfunde seg e super Idee und obmer eus denn schick möched?!
Darfi di frage, wer iher als DJ hend am Abig?

@Sue
Z’Duisburg hend mier am GG sin Azug kauft. De Typ im Gschäft hed gmeint, i dem Viertel hebs um die 120 Hochziitsgschäfter. Es sind halt eifach alles Türke…. Aber ansuschte hemmers haaaaammer gfunde! De Azug isch es riese Schnäppli gsi. Mier hend all inkl. (Azug, Hemd, Weste, Plastron, Istecktuech, Manschettechnöpf und Änderige) 320 Euro zahlt. zLuschtige isch gsi, dass sie de Azug direkt gänderet hend und mier nah de perfekt sitzend Azug hend dörfe heineh. Am GG sini Cousine isch dett au ihres Ballkleid go kaufe. Au das hends grad dette gänderet nach ihrne Wünsch. Sie hed en Schlitz im Chleid welle. Innert ere halbe Stund seg das gmacht gsi

@daenu
E meeeeeega schöni Homepage hend iher! Hed mi grad agmacht zum au eini zbaschtle. Ha mal dAdresse agmeldet gha und de gfunde ich rüef doch die mal wider uf aber nach 2 Minute ischs mer scho wider z kompliziert gsi Cool, laufts so rund mit de Page!
D’Fotografin isch e gueti Fründin vo mier. Sie isch soooo super, freue mi richtig, dass sie eus abliechtet

@me
Mier sind gester mal bi de Floristin gsi woni mal de Blog da postet ha. Die sind soooo härzig, sie hed genau min Gschmack und weiss, ohni dasi viel muess beschriebe, was mier wetted und was eus gfallt! Jetzt wird sie eus mal e Offerte mache. Da mier mega viel Pfingstrose wend, denki, dass eus die zGnick breched. Ei Rose choschtet Fr 6.50… Naja, mal luege. Womer gange sind hed sie eus no es Chischtli miteme Blüemli drin id Hand druckt. Meeeeega herzig
Am Abig hani mi denn no chli ad Aperoiladige gmacht. Dett isch jetzt dHälfti fertig und die ander Hälfti machi de hüt. Ansuschte hani am weekend gaaaaar nüt gmacht. Min GG hed Nachtschichte gha und immer bis am 6i am morge gschaffet, so hani de eifach mit ihm s’Wucheend im Bett verbracht und en 600Siite Schinke gläse

Wünsche eu ganz en schöne Tag!

@sue: jö isch ja mega härzig vo öiem Prediger!

@Taeboyana: Hmm, also bi üs wird ds tanze meh oder weniger ds ganze Abä/Nacht-Programm si... I finde das ghört zumne HZ! Mir si ou am luege fürne DJ, i möcht kei Playlist, süsch gsehni scho cho, dass GG die ganz zyt dranne öpis am mache isch... Finges scho no wichtig, dass öper ou chli ufd Stimmig vo de Gest cha spontan igah, das isch halt dr Nachteil vore Playlist. Wenns nur so Hintergrundmusig söll si, isch das ja nid so wichtig, aber zum Tanze findi äbä scho... Aber üs isch das halt beidnä mega wichtig, drum si mir ou bereit viel drfür z zahle.

Hihi, das isch dr Vorteil wemä länger kei Alk het dörfe trinke. Dr Usgang wird mega billig...

@jane: Ah mega cool dass d Floristin gad so öie Gschmack het troffe... Villecht cha sie öich ja de süsch öpis empfähle, irgend ä anderi Blueme wo d Pfingstrose wie unterstützt optisch. Dass dir chli weniger drvo brüüchtet. Aber i kennä mi mit Blueme(deko) äbä überhoupt nid us... Cha da nid so viel Tips gäh.

@me: I ha am Weekend für nes angers Projekt woni no chli dranne bi agfange ä homepage bastle mit adobe muse. Es isch voll easy!!! Ha mir das viel schwieriger vorgstellt... Me brucht zwar scho gueti PC Grundkenntnis u wemä scho mal chli mit Photoshop oder öpis ähnlechem het umegspielt ischs sicher ou vo Vorteil. Drum bini mir jetz glich am überlegä no ä homepage z mache für ds Hochzyt...

dandi78:

---

hallo liebi 2014er brütli

eg ghöre zu de bereits verhürotete 2013er brüt. ha eigentlich nur wöue säge: gniesset d'vorbereitigszit in volle züg. es esch soooooooooo schön! und es lohnt sich eifach mega. der hochzitstag wird ganz bestimmt wunderschön und der schönschti tag i eurem läbe. be eus eschs uf jede fau zu 100 % so gse!

das hani euch nur schnäu wöue säge

ganz liebi grüessli
dandi78

@dandi & sonne
Danke eu!!! Mängmal stinkt eim alles gwaltig aber trotzdem isch eim immer bewusst, dass das Gfühl niemeh wird cho. Drum chani das jetzt scho unterschribe. Ich liebes Brautzilla z'si

Danke für die liebe Wort!

Guete Morge

@Pricana: Ah ok, ja de wirds natürli nit eifacher. Bi aso scho gspannt, was de entdeckt hesch!


@lula: er find sie schön, aber s problem isch, dass ich eifach nanig zu 100% überzoge bin devo  ich het gern chli öppis speziellers gha, miteme abstehende schmetterling oder so. han gester abig viellicht öppis gfunde, aber bin ez scho am schaffe und chans drum nöd zeige 

@Sue: Jöö, öiche Prediger isch ja mega härzig! Serigi Lüüt si aube Gold wärt

@Taeboyana: Mir hei am Obe e DJ, isch üs iwie eifach wichtig gsi. Aber nee, eigentli isch sTanze nit so ungwöhnlich. Üse TZ het drfür zGfüehl gha, nume e DJ isch zweni für am Obe, da müessi no chli was häre...

@jane: Autsch!! Wie isch de das passiert?!
Jep, aso guet, mir beidi, aber mir si dFotis enorm wichtig, u drum gugge drüber wäg. Aber dIdee findi super. Wetti ebe närne eis mache, fändi super!
Mir hei dr DJ Yvo, http://www.dj-yvo.ch/
Pfingstrosene si doch de so tüür?! Tönt aber super. Mir göh di Wuche ou mau, aso entweder gahni de mau ällei rasch vrbi oder mir göh am Samschtig zämä, chunnt drufah ob GG schaffet am Samschtig.
Was hesch de gläse? Finde das mängisch eifach wunderschön, so chli si u läse u dr Tag gniesse

@Pfingstrose: Gueti Besserig!!
Wow, das isch ja mau es Hammer Agebot!!

@dandi & Sonne: Jöö, Merci viu mau! Mega härzig vo Dir. Mir versueche zgniesse wos u wies geit, isch eifach nit gäng so eifach! U glich dänki mängisch, es isch de guet, wenn aues düre isch...