@taeboyana jaa i ha mis chleid gfunge;) nach ca 10 angerne :) hani a däm am meiste fröid gha u mini begleitig het fasch grännet.si hei jo bi de wickys usverchouf :) und das resti weis ned wies betribsferie het im 14ni naja aber mir gäbe d hoffnig ned uf :)
aso i han am 13.30 termin gha bi de wickys in beromünster u jo si hei ou dörte usverchouf de het üs de bsitzer in empfang gno u üs e dame zueteut:) de hetsi üs no gfrogt öbmer öbis wei trinke de ig neiiii i wot abe :) de hetsi nach de grössi gfrogt u de simer ou go luege u de hani so mini wünsch gseit u de hani immer jo u nei gseit wasmer mit nämet de hani ca mau 6 de bi gha üü u de isches los gange aui zersch in schne wisss u jo si si scho aui schön gsi :) u de hetzi mau eis mit träger u eis in crem brocht wasi ned ha wöue aber dasi de verglich heig.. u zletsch hani de nach 10ne de no 4ri gha u de frogtsi hetnech eis vo de erschte gfaue u ig upss i weises doch nüme nach so viu i drück... u de hani eis ane gha u de heimer a vo vergliche us letsch uf das unge cho:) so schön eigentli öbis wo i mir zersch ned usgsuecht hätti :) aber itze glich genau das isch juhuiii:) u mues nur chli bi de oberwiti ih näh längi isch grad perfekt wasme uf em biud ned gset es het no e chlini schleppe...
am obe wo i do heime bi gsi het de mini begleitig gschribe dasis u mega schön fing u ihre fasch träne sige abeglofä sooo härzig
nur min gg het de grad aues vermiset so e blöde hetmi woni do heim bi gsi ned mau de no gfrogt u de jo wen dir haut öbis gfaut de choufsches eifach jooo es isch jo das chleid hööö? naja egau i ha fröid u är wirt sich das de scho no bewust.
Fara: Au no vo miir es herzlichs Willkomme! Dii Ring iisch meega schön! Find d'Farb vom Steii so speziiel! Schön chönt iihr so Gas gäh bii dä Planiig und erhaltet so viil Unterstützig vo eune Verwandte und Bekannte!! Das zeiigt au, wiä all hinter eu stönd. Suuper schöns Zeiche!!
Sue: Miir hend zimli siicher es Dessertbuffet aber defür wohrschinli keii Torte. Aber siicher sind mir uns nonig, will denn dä Bruuch vom Aschniide fehle würd. Aber irgendwiä han ii liäber so Schoggicreme, Fruchtsalat etc. als so eh mastigi Torte und beiides findi eifach z'viil. Aber Cupcakes sind ja was anders und lönd sich guät in es Buffet integriere. Wiä hend iihr eu entschiide? Meeega kuul es Bruukleidershoopint-Weekend! Bin ii jo jetzt scho gspannt uf diin Bricht
Daenu: So genial, dii erste Lüüt scho go ussuächä Schön, dass da so guät klappt!! Wo hend denn ihr eui Homepage gmacht? Ganz selber oder vomene Abieter? I wott diir nomol danke sägä für dä Apéro-Tipp. Mir hend ihne jetzt mol es Mail gschriibä. Diä Dame hend meega liäb zrugg gschriibä und wönd sich würkli Ziit neh für uns. Mir chönt zur Ziit vo dä Schuäl her nur zu ungünstige Ziite Telefons machä. Aber diä telefonieret gern mit uns am Abig oder am Sunntig. Da find ii meega zuvorkommend und ned selbstverständlich!
Taeboyana: d'Operation iisch irgendwiä erst gad gsii und du biisch wiider voll aktiv. Wünschä diir viil Kraft! Schön, dass wiider ohni Schmerze siitze chasch! En Mini miiätä find ii eh hammer Idee! Aber leiider wott mii GG aah siim Hochziit ned fahre und ii chas ned Drum bruchet mir scho fast en Auto mit Fahrer. Mol luägä ob mir uns da wirkli au leiiste chönt. Sind grad am d'Offerte iihole... Hesch Material gfunde für Kugle? Nehmt mii jetzt scho no wunder wiä's glunge sind
Kleine Feder: Hammmer und wunderschön da Kleiid! Wenn saiisch orignial sägs no besser, chan ii mir guät vorstelle das diim GG Spucki wegbliibt! I chas mir so guät vorstelle und es entspricht so dem, vo dem du immer verzellt hesch. Wunderbaar dass au d'Verkäuferin so guät für dii gluägät het!! Bii denn gspannt wiä diich entscheiidisch. Au wenn eh 15er Bruut bisch, find iichs wunderbar wiä du bii uns mitpostisch. Es gat jo nöd ums Jahr wo mir hürotet sondern um dä Ustusch und hilfe geh und mitenand freue!!
Malinchen: Wow, da Shooting macht würkli gad glustig uf Kanada. I find dä Hund so herzig, knallblaui Auge Aber ned nu das fasziniert mii
Munggi: Es traumhafts Kleiid! Es stot diir usgezeichnet! s'Foti isch zwar ned grad schärfste, aber d'Perlestickerei erinneret mii sehr an miis Kleiid! Traumhaft! Spätistens wenn er diich demit gseht, wirds diin GG umhaue!! Mängmol chönt Männer eiifach ned so begeeiisteret sii vo Kleiider. Tuät mir leiid, isch das so eh Entüschig gsii. Luäg fest s'Bild aah und heb dii aah dere Froiid. Sini chunt au no. Viellicht het er au im erste Moment gar ned nodenkt...
janedoe: Wooow, du hesch suuuper Connections zu dere Traumfotografin!!
Me: Am Spruch "Gemeinsam ist das Leben bunter" und Google-Suche isch niix wirkichs verwerflichs. Aber es chunt ä Organisation wo sich für Integration isetzt. I ha mir denkt, wenn da voll ihren Werbeslogan isch und eiifach ii dä so ned kennt han, aber all andere scho, denn passt ned so uf es Hochziitskärtli. Wönd doch nöd mit em Werbeslogan iilade. Aber iihr kennet das demfall au ned. Denn wirds bii unsere Fründe und Bekannte ned andersch sii und ii nimm en zrugg in Planig Will eigentli find ii en au oberpassend s'Päckli mit unserne Farbe isch verschickt. I hoff es chunt morn aah, denn langets suuper bis am Sunntig zu unserem Shooting. I freue mii immer meh und meh und meh!!!! Denn endli chönt mir Kärtli machä, unseri Homepage etc etc...
Aah ja na was: Mii GG het ja Geburi gha. Siin Brüäder und d'Frau hend em denn ä Bratpfanne gschenkt (miir wohnet ja nanig zämä und hend gfunde, so chönt iihr scho afange eue gmeinsam Huushalt iirichte ) Und sini Mami het 1 Kerze uf dä Kuächä tuä als Symbol für dä lescht Geburi bii ihne dehaii. I ha all diä Geste meeeega lieb gfunde
Wünschä eu allnä ä guäti Nacht und ACHTUNG squishy is wiider online
Pfingstrose: Also, en Fotograf hämmer nonig. Aber ich han gester Abig dur umestöbere im Forum no zwei gueti und vor allem günstigi gfunde. S isch ebe so, dass es mir wichtig isch, dass mer öper händ, wo chli gueti Fotis macht. Aber mim Verlobte seit das nöd so vill, er wird au högscht ungern gfötelet. Aber händs grad hüt nomal devo gha. Ich dänk, de Kompromiss wird sii, dass ich mich bemüeh drum, dass mer e möglichst günstigi Lösig findet (was ich eh au guet find), und dass er defür das dänn halt - ähm - über sich ergah laht. Aber ich bin eh überzügt, dass dänn au er Freud a dene Fotis wird ha. Dänn chaner ab und zue sini wunderschöni Frau bewundere. Ja, nämlich! *stämpfel* Aber das isch wahrschinli no bi villne Paar so, dass es de Frau wichtiger isch als em Maa.
Taeboyana: Ich han eher am Rand (wil ich erst sit Churzem mitlise) mitübercho, dass du au operiert worde bisch letschti? Ich wünsch dir demfall wiiterhin gueti Erholig devo.
Lula: Wäg de Akne bini scho in Behandlig. Und es isch au sehr vill besser worde im Gsicht (det druf hani mi bis jetzt konzentriert). Usserdem getraui mi sit es paar Täg au wieder mich z schminke (vorher hani Schiss gha, dass es no schlimmer wird, und au um d Auge no anderi Huutproblem gha). Das tuet irgendwie scho guet, wänn mer sich ändlich au wieder würklich gern im Spiegel aluegt.
S Chleid stelli vorerst mal würklich lieber nöd ine. Aber es gseht rächt ähnlich us wie das vo de kleinefeder, usser dass es d Ärmel nöd hät und de Gurt bruun isch. Ich wird aber ev. doch en andere Gurt neh, wil mir s bruun doch fascht chli z dunkel isch. Wett doch in wiiss hürate. Mal luege, ich weiss es nonig.
kleinefeder: Han au es Ladybird-Chleid. Dis gfallt mer also au sehr guet! Bin scho ganz gspannt, wie's dänn usgseht, wänn's i de ganz richtige Grössi chunt und au no uf mini Mass gänderet isch. *freu* Ah, Schueh hani letschti per Zuefall au scho gfunde. Mal luege, vilich werdets dänn glich anderi. Aber die, woni kauft han, sind günstig gsi, und leggi au suscht sicher gern mal a. Aber so hani im Früelig de Stress nöd, unbedingt no Schueh müesse z finde.
munggi: So schön, dis Chleid! Isch scho es mega Gfühl, wänn mer sis Chleid gfunde hät. Freu mi scho uf d Aprob und so. *tröim*
malinchen: Ja, ich find d Farb au schön im Ring. Grüen staht ja au für d Hoffnig und de Smaragd anschiinend für beständigi Liebi und wieder kehrends Läbe. Das passt mega schön. Und ich glaub, das mit de Hoffnig, isch au de Gedanke vo mim Verlobte xi, häter xeit. Näbed dem, dass es au eifach rein optisch guet zu mir passt.
squishy: Ja, s isch würklich mega schön, wie alli hinter eus stönd. Das isch sowieso öpis, won ich i de letschte Mönet mega han dörfe erfahre, dass es vili Mänsche git, wo mich gern händ und unterstütze möchtet. Da bini dankbar defür. Isch ja nöd sälbstverständlich - au, dass d Beziehig vo allne so gstärkt und bejaht (weiss nöd gnau, wie usdrucke) wird. Ich han e Fründin, wo mir letschti gseit hät, es werdi ev. no schwirig, wänn sie ihrne Eltere dänn teged verzelle, dass sie sich verlobt händ. (Ich han sowieso mega vill Kollege, wo au negscht Jahr hüratet. Irgendwie schint grad s Hochsigsfieber usbroche z sii.) Mir wohned übrigens au nonig zäme. Sind grad hüt e Wohnig go aluege und min Verlobte luegt am Dunschtig en anderi a. Bin ja mal gspannt, wo mir schlussändlich dänn landet. Sueched ihr au e neui Wohnig oder zieht er dänn eifach zu dir?
So... Jetzt setti würklich mal is Bettli. Guet Nacht allersiits!
Hüt isch mer ds Ufstah zum Glück chli liechter gfaue
@munggi: Hey super, es tolls Chleid! So schön hesch gad Erfoug gha. I freue mi würklech o wahnsinnig uf dä Tag. Und la di nid vor Reaktion vo dim GG la abezieh, dä freut sech de scho wener di drin gseht! Mine fragt sech öpe ou chli dassi mi so uf nächst Zistig freue Drfür freue sech mini TZ ou mega druf.
@squishy: Welcome back online! Ja es stimmt scho, es geit wieder vou ab Aber richtig zrügg im Autag füehli mi ersch, weni wieder darf Gas gäh bim spörtle. Aber itz ganis no chli ruhig a.
I gloub mi GG wett o nid säuber fahre und ig as Brut sowieso nid, das fändi de sehr komisch . Aber meinsch nid, es würd vielech o öper us dr Familie euch fahre, z.B. eine vo de Vätere? Mir wei o ke Chauffeur bueche, aber da mini Eutere eh kes eigets Outo hei, chönnt das mi Vater vielech guet mache. Oder eine vo mine Brüetsche Bi sicher da finder sech öper.
Ja, ha aus Materiau für die Chugle im Bastuzäntrum gfunde. Eifach die Nädeli mit Perlechopf mache die ganzi Sach rächt tür, wüu d Sagexchugle und ds Papier si nid so tür. I ha gester afang 80 so Nädeli kouft und es het nid mau für 1/3 vor Chugle glängt Itz bini online am luege bi so Site für Floristebedarf, dert chame z.T. Packige à 100 Stk. choufe. Chunnt natürlech o drufa, wie grossi Chugle asme nimmt. Wasi no schön fänd, weme uf jede Tisch (mir hei rundi) 3 Stk. i verschiedene Grössine würd mache. Aber we mir 6-7 Tische hei, muesi de viu Chuglene mache Guet fani scho jetz a
I hätt itz dä Slogan o nid kennt, i dänke nid dass dä soooo bekannt isch. Und er wär ja nur uf euem Chärtli u für eui Familie und Fründe. Würd ämu zu euem Shootingthema mega passe.
@Lula: Wosch de sones Trash the dress shooting mache, oder wieso nachem Hochzit? I fänds mega cool, mitem Hochzitschleid ine See z'gumpe Aber wes de mis Troumchleid isch, würds mi irgendwie o reue
@Fara: Das tönt nachme u schöne Chleid! Und Schueh isch ja o super, wenn du scho es paar hesch, wo du o süsch no chasch bruche. Ja, ig ha am 9. Septämber e Igriff gha, isch aber aus guet gange und i bi jetz wieder rächt guet zwäg. Merkes eifach zwüschine je nach Bewegig und bi no nid ganz uf mim gwohnte Energielevel, aber es chunnt guet und i füehle mi scho viu besser.
Super, dass d Akne scho viu besser worde isch. Das gloubi, dass das u guet tuet, wenn di wieder lieber im Spiegu aluegsch. Wow, d Bedütig wo di Verlobte mit däm Stei het ibezoge findi uuuuu schön. Mega schön vo ihm, so het dr Ring für euch gad i verschiedener Hinsicht e Bedütig. Ou dir witerhin aus Guete!
@Pfingstrose Haha ich hätt glaub au müesse lache bim Kommentar vo dim GG grossartig!
@Taeboyana 200.- für es Duo inkl Gitarre wär ja de hammer! Bisch dett scho wiiter? Ui, hesch es Bild vo dinere Arbeit mit de Chugle? Ufem Bild hani gfunde es gseht nachere rechte Büez us, aber dases grad sooo viel Güfeli brucht findi wahnsinn... Trotzdem isch d'Idee eifach mega sweet, denke ich probieres de glich au us
@Lula Ich ha vorallem bim SMSle jetzt mega Müeh willmer de Nagel fählt, ansuschte gahts wider tiptop, danke der Nachfrage Cool hesch die im Garte! Chönnts ja bi dier go hole füre Struss Sophies Welt isch nöd guet. Es isch es weltbekannts Buech eigentli und en guete Fründ hed mier das sehr as Herz gleit. Ich han vor langer Ziit mal agfange aber meh als 10 Siite am Stuck hani glaub no nie gläse
@kleinefeder Wow, gratuliere zu dem wunderschöne Chleid! Findes aso au ufem Bild super schön! Ich wirde sicher au es Ladybird chaufe, dett gfalled mir fast alli! Und herrlich, wie du schwärmsch, freue mi richtig mit dier!
@malinchen Hahahaha, genau de glich Gedanke hani au immer bim lese. Und ich chume mier schrecklich unintelligent vor will ich überhaupt nüt verstah. GG hed letschti gseit ich söllem doch jetzt mal verzelle um was dases gange isch und mier isch nur no de Hund i Sinn cho Aber jetzt gibi nid uf, will das jetzt durebisse! I was fürer Schuel bisch de du gsi, dass sie eu zu so Sache verdonnered?? :D Wow, mega schöns Shooting. Macht tatsächlich Luscht uf Kanada :)
@munggi Jöööh gsehsch du happy us!! Sehr es schöns Chleid! Gratuliere vo Härze!
@squishy Herzlich willkomme zrugg i de Cyberwelt Jaaa, muess sägä, um die Connection bin ich sehr sehr froh. Ich bin ned wirkli sone Kamerafründ und drum bini froh, dass de Job vom fotografiere öpper übernimmt woni 10000%igs Vertraue ha Eue Spruch findi übrigens super! Tönt sehr schön wegem Geburi vo dim GG. Schön, dass sich alli so kümmered!!
@DJ Ich glaube es isch genau wie d'Taeboyana und dLula seged... er muess chönne Gas geh und au chli zum Bild 'Hochzeit' passe!
@me Ich han gester nochli Spitze igfärbt für uf dIladige. Han die in Kaffee igleit, damit sie sone vintage-Touch bechömed und zum trockne uf Glasbrättli gleit. De simmer go schlafe und hüt morge isch de ganz Tisch volle Kafi gsi! Iher chönd eu nöd vorstelle wie froh ich gsi bi, dasi die Brättli ufe Glastisch gstellt ha und ned uf de tüür Holzesstisch. Ha gester au no zwei Afrage verschickt für Coiffeur und Makeup. Mier wär wichtig, dass die zu mier chömed und ich nöd dett ane muess am morge früeh. GG und ich hend eus gester entschiede, das mier am Morge wend s'Fotoshooting mache. Da min Vater mich eh ned zum Altar bringt, wird min GG mit mier füre laufe. Und de hemmer gfunde, dasmer doch lieber sones 'First-Look-Shooting' möched, das find ich au wunderschön, de Moment nur für eus zha. Und denn hemmer am Apero au schön Ziit für d'Gäscht.
So jetzt sötti mi mal a paar Bstellige mache. Gar ned so wirkli Luscht hüt...
@munggi: han grad per zuefall din bitrag gläse. zerscht mal gratulation zum chleid! :) isch mier glich gange, ich hett nie dänkt das ich ganz es wisses chaufe, und jetz hani ganz es wisses :) wäg de reaktion vo dim GG, nimm das ned z ernscht. ich bin letscht samschtig au wägem chleid go luege, ha eis gfunde und kauft und bin meeega happy gsi. woni hei cho bin hed min GG au ned gfragt öb ich öpis gfunde han. es liit au dra das er vorher gar ned wott wüsse wie ich denn usgseh er will sich überrasche lah. und ebe, männer sind eifach so die chönd die ganz ufregig gar ned verstah! freu dich a dim chleid, din GG wird am hochzitstag soooo begeischteret si wie du usgsehsch
Hallo zuekünftegi Ehefroue: i bruche mau öi hiuf!! U zwar mir wei e frei trouig u si inere chlosterruine, und its suechi äbe so öpper wo üs trout ha scho so mänge agfrag und die si a üsem datum scho usbuechet. Heit dir mir no paar ideene???
Janedoe: Oh hoppla... Zum Glück isches ufem Glastisch passiert. Bin gspanne wie eui Iladige am Schluss usgsehnd. Tönt ämel spannend. :) Schön händer eu entschiede bez. Fotoshooting. Finde das mega lässig. Ebe genau au will mer den bim Apero eifach Ziit hät... Und vorher vorallem chli rueh und mer chan sicher chli glassner sie wenn mer sin Schatz a de Siite hät. :) Ich möchtis au gern so mache. Muss da min Fründ no chli überzüge. Bin gspanne was du für Offerte für Haar und Make-Up überchunsch. Findi nemlich au entspannter wenn mer das diheime/im Hotel la mache chan. Han ja eini wo Probetermin und den am Hochziitstag für 400 CHF macht.
Kleinefeder: Wow! Das Chleid isch total schön! Dörf ich fröge wie viels kosted het? Und was suscht so de priislichi Rahme vo Ladybird isch? Wer au min Stil mit de Spitze! Den chönti die mal no go aluege und mir erkunde wo me die chaufe chan.
Squishy Fishy: Oh ich drucke fest Dumme dass eui Farbpäckli bis morn oder am FR umesind. Wer ja uuu schad wenn nöd. Wie mached ihrs eigentlich mit em Shooting findets nume statt wenns schön isch oder gönder suscht irgendwo ine? Mir hends ja au am SO...
Hmm... Also das Chleid chostet knapp 2000.- Isch scho us dä 2014er Kollektion. Und mit mine spezielle Änderige wirds denn scho nomol echli türer. Mir müend jo au no zuesätzlichi Spitze chaufe und es paar Stund Arbet gits scho no... Aber das isch halt scho so, Spitze isch mega tür, wenns e gueti isch und nöd grad vom Chines Aber sie gseht u schön us. D Verchäuferin het gseit, sie heged schono es paar billigeri Kleider, aber das segi eso dä Priis bide breite Masse... Also nimi mol a, dass die Ladybirdkleider so i dem Rahme ligged (ich ha öppe 3 Kleider vo Ladybird agha...).
Anmelden
Find d'Farb vom Steii so speziiel! 
Schön, dass da so guät klappt!! Wo hend denn ihr eui Homepage gmacht? Ganz selber oder vomene Abieter? I wott diir nomol danke sägä für dä Apéro-Tipp. Mir hend ihne jetzt mol es Mail gschriibä. Diä Dame hend meega liäb zrugg gschriibä und wönd sich würkli Ziit neh für uns. Mir chönt zur Ziit vo dä Schuäl her nur zu ungünstige Ziite Telefons machä. Aber diä telefonieret gern mit uns am Abig oder am Sunntig. Da find ii meega zuvorkommend und ned selbstverständlich!
Drfür freue sech mini TZ ou mega druf.
Itz bini online am luege bi so Site für Floristebedarf, dert chame z.T. Packige à 100 Stk. choufe. Chunnt natürlech o drufa, wie grossi Chugle asme nimmt. Wasi no schön fänd, weme uf jede Tisch (mir hei rundi) 3 Stk. i verschiedene Grössine würd mache. Aber we mir 6-7 Tische hei, muesi de viu Chuglene mache 