nicht registriert

Guätä Moorgä liiäbi Brüütlis

Taeboyana: Ich wünsch diir jetzt scho viil Erfolg! Es rots Kleiid für Zivile find ii eh suuper Idee! I bii scho gspannt uf diin Bricht am Ziistig Mii GG will ebe en Chauffeur. Drum tüänd mir das überprüäfä. Sus gebts denn scho so Lüüt wo mir no afrooge würdet...
Oooh, mamma mia! Du hesch no einiges vor. Cha mir gad vorstelle, dass da viil z'tuä giit. Und irgendwiä han ii's gad im Kopf. Dass mir so Kuugle ii dä Primarschuäl mol gmacht hend. Da wird total unterschätzt... I wünsch diir viil Geduld. Jo, zum Glück hesch no chlii Ziit

Chlini: Wooow, nur no hundert Tag! I froii miich, wenn ich das endli chan sägä! Bisch scho chlii nervös? I ha leiider no niä was bii Lightinthebox bstellt. Isch no eh guäti Frag!

Sue: Böxli zum mitneh find iich eh suuuper geniali Idee!!! Miis Böxli wär voll Danke, ii bii au meega gspannt. Leiider isch bis jetzt s'Wetter schlecht am Sunntig. Viellicht müänds miirs jetzt verschiiebe Ich hoffe au fest mit diir, dass jetzt ganz fest Ruäh hesch! Wär schön, wenn diä Tablette nützet!

Fara: Geeniiaaal! Mir hend anschinend dä total gliich Gschmack I het au gern flachi rosa Schueh und pinke Gerberastruus (ii ha dä Traum nonig ufgäh) usserdem möcht ii miis Kleid miteme rosa/pinke Band ufpeppe (muä nur eh Schniiderin finde wo siich das voll und ganz zuätraut).
Miir tüänd au ii dä Kiirche hürote, hend aber nu ein Pfarrer Aber wenn Zämäarbeiit klappet find ii's öpis uuh tolls, dass ihr eu so ergänze chönt und dä Unkle het au no en Part. Find ii eh sehr persönliche Touch aah dä Trauig! Ich wohne ebe au no dehaii Drum tüänd miir denn eh Wohnig suächä und ii freue mii jetzt schooo meega druf. Würd am liiäbste jetzt scho, aber beiidi Studente vermöget das eiifach ned

Janedoe: Ich verstand dii voll mitem Touchscreen. I versuech mini Nàgel wachsä looh, wenn's denn amigs abrechet verdruck ii mii au immer.. Bii dä Tischordnig hend mir immer rundi Tisch welle. Aber uns isch jetzt gsaiit worde, dass denn dä Durchmesser vo dänä Tisch riiisig sii wird und d'Mensche chum meh mitenand rede chönt. Drum tüänd mir uns da jetzt wiider überdenke. Aah unserem Tisch wönd mir siicher unseri TZ und vlt no d'Eltere. Denn wärets genau 10. Find ii no eh akzeptabli Grössi...
Uii, jo zum Glück hend iihr au no en Glastisch! Aber eue Isatz für Kärtli tönt so guät. I bii scho gspannt ufs Resultat!!

Pricana: I glob du hesch gfagt wegem Shooting? I weiss ned, mir müänd sowieso nomol am Fotograf schriibä, das Pulver do isch, denn chönt mir au gad nomol froogä wegem Wetter. Irgendwo ine chönt mir halt nöd. Würd eh riise Sauerei gäh. Aber wills jo nöd en "fremde Fotograf" isch sondern eh Kolleg, iisch er sehr spontan und flexibel. Mal gugge was er meiint. Wiiä machets iihr?

Me: Geschter iisch unser Paket mit dä Farbe achooh. I bii voll happy, isch es no so pünktli Aber es söttet ja 50 Päckli sii mit 100g Pulver. Jetzt sinds aber nu 42. Het mii gad chlii hässig gmacht. Hoffentli zahlets uns da zrugg! Demfall find ii unser Spruch wiider genial. Jetzt muän ii en nomol bim GG abringe. Er hets wohrschinli scho wiider vergesse Danke für eui Feedbacks!
I ha jo z'erst welle eh Fründin vo mir wegem Apéro froogä. Si macht das wirkli sehr oft und chas usgezeichnet guät. Aber will dii liiäb "Hochziitsdiebin" au diä Idee mir klaut het, hani das verworfe. Gest hends mir (iich und Kollegin wo Apéro macht) devo gha, wenn ihre Maa im Johr 14 freii het. Und aah unserem Weekend het er voll und ganz frei (Friitig, Samstig, Sunntig und Mäntig). Das sind schomol guäti Vorusetzige Denn han ii ebe gfagt, ob sii dä andere zuägsaiit het. Und sii het nöd ganz begeisteret tönt. Denn han ii gmaiint, wenn nöd. Denn würd ii sii no afrooge. Da het sii gsaiit nur zuä, ebe dä Vorusetzige wäret do (het sii gsaiit!) Da han ii scho fast als zuäsag gseh, muä nur no frooge I ha mir denn au denkt, dass miis Mami sii denn unterstütze chan. Miis Mami macht au gern Apéros und het extra 2 Wuuche vorem Hochziit frei gnoh zum so Sache machä. Da fändi no ä guäti Idee. Aber mir gugget mal, wiä viil en "echte" Caterer chostet und was er uns büütet.

Phuu, wiider en huuuuufe gschriibä...

Wünschä eu allne ä guätä Dunnstig!

@sue also mis chleid het e farb wo sich "cappuccino" nennt.. also ich wür mal sege es gaht richtig eierfarbig..well wiss isch es nöd.. hani au nöd welle..
ja demfall chani ja dete male chli go stöbere und luege was mir wür gfalle.. und hoffe dass es dän passt und au gaht

@squishy-fishy: hmm nervös ja und nei.. bin nöd nervös well ich hürate sondern eher agspannt öb mir bis dänn na alles schaffed.. es lauft eifach zviel.. hürate und baue uf eimal isch nöd so e super idee.. aber ha am samstig chli deziit und wet mich uf suechi nach deko mache und das male aluege.. und hoffe mir chönd morn na d'husse teste dä wüssti döte au öbs wür funktioniere oder nöd..

@apple-pie: ohjeee.. magsch verzelle wieso dass eui hochziit vom sept. 13 ufs 14 verschobe worde isch? und weisch scho wenn ihr im 14 wend hürate?

Guete Morge ihr Liebe!

@Fara
Jaaa, ich liebe Ladybird Chleider. Mier gfalled würkli fascht alli! Aber sperfekte hani leider no nöd agha...
Ich denke au, das mier eus während em Apero mal churz verziehnd zum en Moment für eus zha... Je nachdem wenn d'Fotografin de scho am Morge e Huufe gueti Föteli gmacht hed ischs am Nami nümme nötig und suscht möchemer am Nami denn Rundi zwei. Föteli chame ja nie gnueg ha oder?
Finde eui Idee mit de zwei Prediger super!

@Lula
Gell s'isch total schwer wenns eis 'schwarzes Schaf' git, wo denn bi de Tischordnig muesch drumumebaschtle. Ich bi total froh dases bi eusem erste Entwurf uf Ahieb gange isch. Und ich denke es chunnd de eh Lebe id Rundi und d'Lüüt blibed denn nachem esse eh ned uf 'ihrem' Platz sitze.

@Sue
Solang hani zBuech au öppe scho Aber has immer vor mich here gschobe und ebe denn irgendwenn mal agfange...
Wegem Armband für TZ bechumi nächst oder übernächst Wuche en Offerte, denn chani dier sägä wases bi eus priislich würd usmache. D'Floristin hed gmeint sie tüends am Endi so idreihe, dass dBlueme glich no chönd Wasser speichere. Sött also nöd sii, dass die allzu schnell welk wärded.
Uf dere Siite findsch euse Text für dIladige: http://www.heiraten.ch/forum/board/anlae...4-4_640_61.html

@squishy
Mier hend au immer rundi Tisch welle. i de erste zwei Locations hettemer eckigi gha und das hed mi immer chli gstört. Jetzt hemmer aber fix rundi Tisch und ich freue mich eso! Es sind ned so riesigi, für max. 8 Persone und me cha sich au wirkli guet unterhalte no!
Cool wege de Farbe! Aber dim Schatz zum Geburi hends 50 Stk gschenkt? Denn würdi das uf jedefall unbedingt reklamiere!

@apple-pie
Denn herzlich willkomme bi de 14er Brüüt. Dörfemer Schwiizerdütsch schribe oder isch Hochdüütsch eifacher? :)
Das isch ja blöd wege dim Ex!! Hoffe dass sich das einigermasse ziitnöch erledige laht :/

@apple-pie
Ich han bisher ebe nume sporadisch chli im 13er Thread mitglese und dich dett natürlich au scho entdeckt Du bisch erst da ane zoge wenni mi richtig erinnere, oder? Vo wo denn? Sorry han bim schaffe grad gar kei Ziit zum din Thread durezlese, das holi suscht mal inere ruhige Minute nah