| Bräute 2014 |
|
|
1 .. 199 .. 396 397 398 399 400 .. 699 .. 997
|
|
|
|
|
|
|
|
|
03.10.13 11:41
chliini22 
|
Re: Bräute 2014
@ sue
hmm ja irgendöppis i dem stiil.. woni schnell chönt alegge und au wieder cha abzieh.. hauptsach i ha öppis falls i chalt han.. 
welli grössi wer denn das?
|
|
|
|
|
|
03.10.13 13:59
Fara
|
Re: Bräute 2014
Lula:
Lula:
Fara: Chasch ja Gerberas ou komniniere? Weiss haut nit was de im April aus so brchunnsch. Genau, ich muess dänn halt eifach luege. Ja, vilich häts dänn glich no Gerberas im Struss. Im Momänt aber schwebt mer glaubs eher so öpis ohni vor.
Macht eigetli eini vo eu de Struus sälber? Ich fänds u kuul und namal sehr vil persönlicher. Aber ich glaub, es würd mi dänn doch z fescht stresse. De chasch ja nöd Monate im Vorus scho mache, so wie anderi Sache.
Zitieren:
I finde dIdee schön, beidem Rächnig ztrage, u wes für öich u dPfärrer stimmt isch das doch super!
Heit Dir de dämfau einisch e freii Trouuig? Ja, voll. Ich freu mi sehr! D Pfärrer känned mer halt beidi scho (de eint isch Prediger bi mir i de Gmeind und sowohl min Verlobte als au ich losed ihm amel bsunders gern zue, isch au en Fründ vo eus (au i eusem Alter)) und de ander isch us de katholisch Pfarrei da. Det gang ich weniger oft ane, aber ich mag ihn u guet und er kännt vor allem mini Eltere sehr guet. So sinds vilicht no schnäller iverstande xi. :-D
D Trauig an sich wird wohl katholisch sii. Aber da wettemer mit em Priester no drüber rede, wien er gwüssi Elemänt devo xeht, wo eus no chli Kopfzerbräche (und au bizli Herzzerbräche, hät mit de Krankheit und ihrne Folge z tue) bereitet.
Und Predigt stelled mer eus so vor, dass de Freichile-Prediger das übernimmt. Ev. wür de Priester au no öpis säge. Mal luege. Mir losed ebe beidne sehr gern zue. :-D Die Qual der Wahl. :-D
Müemer aber alles no mit ihne bespräche.
malinchen:
malinchen:
Fara: I möcht ou Ranunkle u när no süsch so Wiesäbluemä chli alles dürenand... Finde das mega schön. Hürate düe mir ire Ref. Chille. 
Hehe, ja, ich glaub ich han da im Forum mal es Bild gseh vomene Struss, wo dir würd gfalle. Hans dänn grad abeglade und abgspeicheret. Gfallt mer nämlich au. :-D
Isch halt dänn immer au no d Frag, was möglich isch zu dere Jahresziit. Wobi, s guete im Hiblick uf Blueme isch, dass euses Datum wohl doch erst Mitti April wird sii. De 12. zeichnet sich ab. Aber münd für das glaubs no e neui Chile finde. Aber das sett möglich sii, händ gester no drü agschribe, zwei händ scho Bscheid geh, dass de 12. no frei isch. Und e 4ti wüsstemer scho, dass mer sie chentet ha, gfallt eus aber chli weniger guet.
squishy:
squishy-fishy:
Fara: Geeniiaaal! Mir hend anschinend dä total gliich Gschmack  I het au gern flachi rosa Schueh und pinke Gerberastruus (ii ha dä Traum nonig ufgäh) usserdem möcht ii miis Kleid miteme rosa/pinke Band ufpeppe (muä nur eh Schniiderin finde wo siich das voll und ganz zuätraut). Tönt super! Also, falls der d Schueh so in altrosa vorgstellt häsc, hetti dir en Tipp, wo ev. no es Paar abegsetzt findsch (wobi, ev sind au alli scho weg - isch halt en Lagerverkauf xi). Ich bin total per Zuefall zu mine cho. Bin au nonig sicher, öb ich sie würkli für s Hochsig nimm. Aber ich weiss, ich würd sie sicher au suscht mal alegge.
Mini sind vo Bloch und glaub sehr bequem (muess sie aber mal no chli länger alegge zum sicher sii). Ich han ebe immer so Müeh, Ballerinas z finde, wo mir bequem sind. Drum hani grad zuegriffe, dänn hani sicher es Paar.
Zitieren:
Miir tüänd au ii dä Kiirche hürote, hend aber nu ein Pfarrer  Aber wenn Zämäarbeiit klappet find ii's öpis uuh tolls, dass ihr eu so ergänze chönt und dä Unkle het au no en Part. Find ii eh sehr persönliche Touch aah dä Trauig! Japp, freu mi sehr druf.
Zitieren:
Ich wohne ebe au no dehaii Drum tüänd miir denn eh Wohnig suächä und ii freue mii jetzt schooo meega druf. Würd am liiäbste jetzt scho, aber beiidi Studente vermöget das eiifach ned 
Ja, das kännemer. Mir studiered au no beidi bizli, er schafft Teilziit. Ich chan im Momänt nöd schaffe. Ich hoffe, das änderet sich wieder. Aber mir wageds jetzt glich mit em hürate. Sind eifach inere spezielle Situation, wo'd nöd länger wetsch warte, wänn der ja scho sicher bisch. Und s het ja au zwei Jahr nachem Hochsig chöne passiere, dänn wäremer finanziell im gliiche Seich. S isch eifach nüt sälbstverständlich uf dere Wält.
S guete isch, dass ich en Job han, wo rächt schnäll bimene chline Pensum oder enere Stellverträttig scho chli Gäld inechämt.
Das chunt scho irgendwie. :-)
Wünsch eu es schöns Tägli!
|
|
|
|
|
|
03.10.13 16:07
laprincipessa
|
Re: Bräute 2014
Hallihallo allerseits!
Hiilfe ich chume wider nüme no mit all dene nöie Biträg :p Bin eifach nüme dezue cho zum noläse / schribe.. hoffe schaffes hüt einigermasse ufzhole mit noläse wobi alles schaffi ned :p
@malinchen: jo bin würkli froh, häd sich do öbis (hoffentli) guets ergäh för öis mit de theologin ;) afangs november werdemer si dänn mol kontaktiere und träffe hoffe das wird guet :)
@taeboyana: jo isch würkl müehsam naja egal isch jetzt halt so gäl.. wänner STD charte gmacht händ findi chönder d’iladige guet erst im januar verschicke! Bi öis wird’s wohl endi oktober oder so mol luege… hey cool häd das mit de hussene klappet! =)
@daenu: nenei has scho richtig gläse ebe 17.- pro person findi mega wenig! :p du seisches wird mega tüür alles :/ sind 150 lüt ca. aber glich :/ danke vilmol für dis feedback! =) mir tendieret zum spruch mit de engel ;) <3
@sasileu: wägem schminke würdi eifach unbedingt es probeschminke abmache ;) wägem schlüsselahänger: hmm die nöche verwandte fändets sicher uh schön aber weiss ned wies bi de kollege achiemt.. würdi glaub eher weniger mache…
@janedore: mach dir doch kei sorge du wersch sicher dis traumchleid schon o finde! Aber verstoh dini frustration natürli! Hoffe bim negste mol isch besser und sust würdi würkli mol no amene andere ort go luege! Aber cool häd dis mami eis gfunde wenigstens mol ;) s’gseht übrigens ganz schön us! :) jo du seisches naja… mal schauen gäl :p so häd jede sini problemli he ;) ui das mitem keis foti mache vom chleid muessi mir merke wili doch das sust eh allne zeige würd wär jo mega schad :p oh so schön isch d’überraschig mit de gravur glunge hihi =) <3 so härzig ;)) wägem gäldspruch: mir schribet jetzt au eine druf zumindest uf die dütsche iladige uf de italienische bruchtses glaub ned.. aber ich mag mi erinnere dassis wonis vor 3 johr mol uf enere iladig gläse han au fräch gfunde han – sobaldmer sälber es hochzyt organisiert und weiss, wases chostet findetmers nüme fräch :p cool wägem shooting! =) finde au muesch di hauptsächlich wohlfühle & ich würd unbedingt accessoirs bruche – schmuck aber ev. au sust – mir händ es LOVE chüssi gha und en kuscheldecki und so :) farblich würdi au chli luege dasser ned nur schwarz wiss sind sondern eher chli farbig :)
@lula: daaanke jo mir tendieret au zo dem spruch mit de ängel und wänd dänn eis vo dene fotis näh womer öis umarmet so chli bildsproch ;) hmm möchte ebe ned böses bluet stifte i de family aber jo ich dänke die chömed würkli ned imfall würd mi seeehr erstune…
@pfingstrose: hey cool mir mached au personalisierti briefmarke! =) git es tolls online tool vo de post gäl? :) weiss nur nonig will d’couverts jo ev. ned wiss sind ob das dänn ned doof usgseht? Will das isch jo so en strichcode und dänn s’foti rächts du meinsch au die oder? Hmm doof wäg de locations aber glaube ebe leider dass das a vilne orte so isch – ischs es hotel? :/
@squishy: hey coll cool händer def. chönne reserviere und au dasser so es tolls TZ träffe gha hand fröitmi hey! =)
@sue: heeey welcome back! =) schön händer so tolli ferie gha tja gäl isch ächt voll s’deprowätter bi dem näbel :p jooo ich lueges au immer! =) am 30.9. wird s’hochzyt vonere bekannte (sehr flüchtig) vo mir usgstahlt! :p sandra heisst si haha voll krass han ned gwüsst dass si det mitgmacht häd hehe :p ooh gsehnd edel us die charte! :) wägem chleid im dütsche: ich go au zerst is dütsche go luege – gönd uf lörrach is domino und uf freiburg is la at moda sposa – cha dir dänn brichte wies gsi isch au prislich und so ;) gnüss dis ladiesweekend! =) ah sue wägem text: chan dir s’chärtli wennd wetsch per mail schicke, det stoht alles druffe :)
@pricana: jöö merci fürs mitfühle ;) han mi inzwüsche wider voll beruhigt.. chunt scho wies muess.. han irgendwie fast no mit so öbisem grächnet schlussändli wenn mir si würkli gaaar ned würdet welle debi ha würdet sis öis ned verbiete weisch so sinds ned.. aber jetzt mol luege wie gseit die chömed eh ned.. :p
@daenu: ooh mega schön die töfpli hammer! =) deko, gastgschänk & namenstäfeli i eim – perfekt glöst gfallt mir sehr guet! =)
@chlini: glaube i de schwiz isches ned soo gang und gäbe mit de gastgschänk aber z’italie machtmer das ebe scho sprich „müend“ mir das ebe fast mache ;) aber so öbis sälbergmachts wie d’dänu macht fändi vooolll schön :) muess no chli idee sammle :)
@alegna: härzlich willkomme & gratuliere zur verlobig! :)
@fara: dito gratuliere au dir zur verlobig! Ui döfi froge, was du dänn häsch gsundheitlich? Dönt nedso lässig.. jedefalls alles gueti für öich und dini gsundheit!!
@dandi87 & sonne13: jöö ihr sind härzig danke hehe :) <3
@apple-pie: härzlich willkomme au dir i öisem thread! :)
@kleinefeder: ooh schön dis chleid gfalltmir sehr :)
@munggi: au du häsch ganz es schöns chleid usgläse hihi :)
@nisliker: schön vo dir z’ghöre! Wow nur no 106 täg krass! :p merci dir au en schöne tag! =)
|
|
|
|
03.10.13 16:08
laprincipessa
|
Re: Bräute 2014
@4hochzeiten&1traumreise: händers verfolgt? Am 30. Isch eini cho won ich kenne hehe d’sandra :p ui do händ sich jo die gastbrüt mega verkracht :p isch no lustig gsi zum luege wänd öber kennsch ;) bin gspannt wer d’reis gwönnt hehe
@me: juhuu mir sind widermol es schrittli witercho :) händ ändli öisi iladige gmacht also entworfe.. jetzt chunt no de fiinschlif.. hansi ebe nur als pdf mit allne originaldate und so möchti si ned unbedingt ufelade will alles druf stoht aber wer’s interessiert, dere chanis per PN schicke :) s sind so faltcharte 15 x 15 cm und uf de 1. Site düendmer so 2 härzli mit je eim flügeli (passend zum spruch) separat drucke und drufchläbe und dänn dass si usgsehnd wie ballön so mit bast 2 mäscheli mache so händmer glich no öbis sälbergmachts hihi mega cool :) und d’tischchärtli machemer dänn genau glich :) ah und ich han en termin für zum chleid ussueche hihi de 9. November! =) goht zwar no öber en monet aber fröimi mega! :p isch s’einzige datum gsi wos ösi allne goht (s’chömed jetzt glich alli mini 5 ängste fröndinne mit hihi wird mir öbis :p)
Defüüür hani no en dämpfer gha widermol hüt morge.. müend de hammer lose.. mini kollegin woni gotti bin vo ihrem chind spinnt widermol… letscht wuche seit si so si heig no en frächi frog a mi.. und ich so jo was dänn? Und si: jo s’sig aber würkli en frächi frog.. si und ihre ma fröiet sich mega uf öises hochzyt und so und si welets dänn au chönne gnüsse und so und drum heig si welle froge, ob ned ihri muetter chöni mitcho, damit si sich dänn am obig chöni um die chli kümmere oder au wänn si brüelet während de trauig und so! bin rächt perplex gsi han zerst gmeint eifach am apéro was jo no ok wär aber am obig? Mir händ jo mega trennt zwüsche apéro und obig gäst, do muessi doch ned öber debi ha wo mir sogar ned nöch stoht? Vorallem isch mis gottemeitli bis dänn scho 2 gsi!! sorry aber chas doch ned si, dass si dänn ned eifach zo de grossmuetter chan am obig und ev. au det schlofe wänn si im hotel wänd übernachte (wasi jo schön fänd) sooo typisch si! han ihre dänn hüt morge gschrebe dassmers am weekend zäme agluegt händ und en kompromiss würdet mache und zwar dass ihri muetter gärn ad trauig und apéro döfi cho (mega grosszügig ned) aber am obig welemer würkli nur die lüt wo öis würkli nöch stöhnd.. ich hoffi si verstöchi mi.. und dänn isches losgange!! Boah hey dass si mega enttüscht sigi dass ich kei rücksicht nehmi – si fändi also dassmer sim gottechind scho so en gfalle chöni mache (eeeh wem genau ihre oder am gottechind?!? Nur will si kei obig lang ohni ihres chind uschunt?!) und dass si jo d’mehrchöste sälber zahlt hettet und so aber hey hallo?!? Bin richtig baff gsi….. do muess si sich jo ächt ned froge, dass si fast kei kolleginne meh häd oder?! Sorry häd usemüesse….
|
|
|
|
03.10.13 19:37
malinchen
|
Re: Bräute 2014
@Fara: I dänke im April gits sicher scho einiges a Wiesäblueme... I ha mal uf derä Sitä chli gluegt was es alles so git: http://www.wiesenblumen.ch/index.php?ss=1034
@principessa: Hihi, i bi jetz grad alli 4 Hochzeiten am luege vo derä Wuchä. I has cool gfunde, dass mal e CH-Brut drbi isch - obwohls ja keini grosse Unterschiede git. Aber isch sicher speziell wenn öpper usem reale Läbe kennsch! Aber ehrlechgseit närvt sie und d Stefanie mi gad chli (bi gad adr Hochzyt vor Jennifer), sie düe mega unfair bewärte u a allem umemeckerä... 
Oh cool wägem Termin fürs Chleider aprobiere. Gniesses, es isch sooooo es cools Erläbnis! I ha ja schlussendlich ou alli mini Bestä mitgnoh und has nid beröit. Hei so viel Fun gha...
Nei das isch ja würklech mega drnäbä vo dire Fründin!!! I närve mi i mim Umfäld momentan ou dermasse ab Froue wo z Gfüehl hei wöu sie Chind heigä, chönnä si bi allem u jederä Glägäheit irgend ä Extrawurst ha und es dräit sich eifach alles nur um sie. Cha dir sehr guet nachefüehlä... I findes scho nur sehr grosszügig, dass dir ihre heit abote dass ds Grosi bis zum Apéro cha mitcho, aber när söue sie das Ching doch efiach abgäh. So chliini Chind hei eh kei Fun a somnä Alass und i wage mal z bhoupte dass dir dis Gottimeitli später nid übel nimmt, dass sie a dim Hochzyt nid dr ganz Tag drbi gsi isch. A Erläbnis i däm Alter cha me sich ja eh nid erinnerä...  Lustig fingi ou, dass sie fragt u när beleidigt isch we du nei seisch. I verstah ou nid, würum dass deu Elterä ihri Chind nid chöi abgäh... Die chönntä doch när ou mal ä Abä z zwöit gniessä. Isch halt immer mega schwierig da öpis drzue z sägä wenn me sälber keini Chind het, da macht me sich ja meistens sehr unbeliebt bi Müetterä (a derä Stell sorry falls i öperem ufd Füess stah!). Aber i finde dir söttet druf bestah, dass sie ds Grosi nid chöi mitnäh am Abä. Du hesch ja scho mal gseit, wie wichtig dass es öich isch, am Abä würklech nur unter dä liebstä z si...
|
|
|
|
|
|
1 .. 199 .. 396 397 398 399 400 .. 699 .. 997
|
Anmelden
Häbet ä guetä Namitag...
