halihallo zäme danke für die liebe wort zum chleid ;) gg het sich de entschuudigt är heigs ned grad so kräss gmeint :)


@fara nimse sicher mit de gsesch de grad öbis passe oder ned aber je nach isch so autrose sicher schigg :) i ha itze ou ned höchi bi mi ned sooo gwönt uf dene z loufä:) ha itze eifach e breite absatz u z höch dörtfi eh nid är isch ned viu grösser...

@sue han itze e aleitig gfunge für die schmätterlinge eigentli gar ned au zu schwär:)
i wot immer wie meh bastle:) han am gg gseit müesi häufe de meinter sigi schwirig bi mer i hei immer soo genaui vorstellige;)

@taeboyana üü i bi so überwäutigt gsi scho im erste chleid mi mau sos gse ude no grad z urtele jo nei :)
ev hesch jo ou es jäggli bim chleid de bi i han itze scho e risigi stola de mi gha (schwein gha :)
u i ha jo mi schue mit gno gha wo i dänk ha gha dä wöugi de a legge aber zum chleid isch jo das gar ned gange:) u de hanimer dörte eine usgsuecht naja gloube 139fr aber är isch de dr für ou no bequemer aus dise :)

mis schwigermami het de geschder no a glütet u u u u hesch eis gfunge verzeu u de hanire aues verzeut u woni gseit ha das mini begleitig fasch träne i de ouge het gha de ischi no viuuu ufgregter gsi u gseit imües ihre ou es biud schicke de hanire eifach eis nur vo hinge vo de stickerei zeigt :) u de isi fasch us de wuuche gheit üü so schön bisch e prinzässin ( si het 2 söhn)
u de hani dänk i mües itze aso mim ma ou eis schicke u de ou du bisch e prinzässin ..... so schön hei die beide itze scho so fröid ;)

nicht registriert

So schaffes o wiedermau
Bi o chli am 4hochzyte u 1 traumreise am luege.
Das mit dere kollegin findi ou dr hammer, hät mi nie derfür so z frage..

Cha zum glück o di ganzi deko u blueme selber mache, bi mega froh da chame viu gäud spare
Am samstig gani mis chleid ga useläse.. Yuppie.. Freue mi mega.
Schöne abe euch allne

Halloo zäme
Ihr sind soooo fliessig immer !!
@Sue87, das Video mit de Schmetterling isch de Hammer!! Muen grad mal luege obmer so öppis chönti bstelle.. Aber es isch einewäg na e super Idee, hanmer na gar nie überleid zum eifach so na öppis is Couvert z tue zude Iiladig.. das Video bringtmer grad es paar Idee :D

@janedoe: ja säg nüd, wird en rechte Marathon mit Kleider aluege Aber mini Schwöster wo au mini TZ isch isch Krankeschwöster und macht na de Bachelor und so hemer nur wenigi Täg im Monet womer zäme chönd go luege. Und drum hetses ez so breicht dasses zwei Täg hinderenand sind. Aber ich freu mi glich extreem druf chans chum erwarte!

@munggi87: ez hanis glaub verstande warum er eu nanig het chöne zuesäge ! Findi aber recht schwach, immerhin bringeder ja au chli Umsatz und wenigstens es ja oder nei chönter scho gä! Bis wenn hetter gseid giter eu bscheid? Wenns würklich eui „wow“ location isch würdi uf jede Fall am Ball bliebe!! Hey gratuliere zum Kleid, statder mega guet!! Und minä hetti au so chöne reagiere, Manne halt :p aber er wird sicher hin und weg sii wenner dich denn so gseht am HZ Tag!
Ou ez hani grad gseh das e aleitig gfunde hesch mit de schmetterling, schickschmer de link ?? Hend ihr au schmetterling iiladige?

@Fara, wo wohned ihr denn wener in Wetzike hürated? Kenne die Nagelfabrik nöd obwohl ich au scho sit über 6 Jahr da wohne ;) i wellere chilä tüender hürate, au in wetzike?

@kleinefeder, dass isch echt es traumkleid!!

@squishy: wenn zügleder denn zäme, na vorem HZ oder grad nachher ? Hey das mitem Apéro tönd ja nachere super lösig und chunt sicher günstiger!

@apple-pie, isch ja schad henders müesse verschiebe =/ hender scho viel vorbereitet gha oder poschtet?

@laprincipessa: ja ich luege 4 hochzeiten amigs au uu gern aber letschte sunntig hanis leider verpasst. Isch ja luschtig wennd öpper kennsch :D oder isch das die folg wo ez die wuche lauft? Ich lueges ebe immer am sunntig alli zäme.
Oje tönd ja fiis mit dinere kollegin, findi würklich au mega frech! Es isch ganz allei eui entscheidig wer ihr möchtet däbii ha und das sötti sie au akzeptiere! Und es stört doch niemert wenn die chlii mal brüehled, isch ja schliesslich es chind! Und wennmer es chind het und mer nimmts mit denn muenmer halt au mal use gha etc. und chunt evt. nöd alles mit über, isch doch normal! Also findes guet bliebeder hert aber isch echt blöd die reaktion vo ihre..

@alegna: viel viel spass und erfolg bim chleid ussueche am Samstig !!

@Me: bi mir isch grad eiiniges los und chume zu nüdem, ich hoff würklich das wuchenend chani chli anehocke und am HZ fiile.. Hüt hani na am Resti gschriebe wägem Tellergeld, will mir hend ja e grossi Torte und müessted 2.50.- Tellergeld zahle. Ez hani vorgschlage dassmer ebe na en Fruchtsalat wänd dezue und obs Tellergeld denn entfallt. Denn hends gmeint es seged ja nöd die gliche Teller ;)) Aber sie macheds Agebot vo 25 Fruchtsalat a 9.50.- und defür nur für 25 Lüüt Tellergeld vo 2.50 fürd Torte (mir sind öppe 50 Lüüt), dass wär denn immerhin chli günstiger 

Ja und hüt chunt min Schatz hei miteme künstliche herzige Bluemegsteck (es hegi kei normali Blueme me gha adä Tankstell :p) und miteme Café de Paris zum astoose uf mini Beförderig, han denkt er hets vergesse, u herzig Dezue mueni säge ich chume niee öppis über vo ihm ussert a Geburi oder Wiehnacht drum isches u speziell gsi Viellicht hetters au gmacht will ich gester na en chline Autounfall gha han und er glaub chli verschrocke isch.. Bin total übermüedet nach wiedermal emene 10h Arbeitstag heigfahre und denn id Garage bi eus und es fahrt mir volll eine is Auto ie vode Siite, kei Ahnig wie schnell de cho isch, bin so verschrocke! Und mis schöne neue 3 Mönet alte Auto isch voll iidruckt gsi uf de ganze Siite.. Zum Glück isch nöd meh passiert ussert Blechschade (wo ja zum Glück er muen zahle,isch sini Schuld gsi) und mim chline Schock und Verspannige, han 3h nachher na Zittered.. uf jede Fall bini ez doppelt froh isch bald weekend und hani chli rueh und ziit für mich und euses hochziit

Ah und wasi eu na han welle fröge, mached ihr eigentlich en Tanzkurs? Mir würdet u gern eine mache sobald min Fuess wieder okay isch aber ich find eifach kein richtige Abüüter im ZH Oberland.

So das wärs gsi vo mir Wünsch eu na en super schöne Abig !!

Guete morge mitenand and TGIF !!!!!!

@malinchen, tönd ja super mit euere location und sie gönd mega uf eu ii!! und wenn ihr ihne gnau säged wie ihr d deko gnau hetted, würdetses au nöd mache? au nöd gege en ufpriis? Wär natürlich scho s eifachste..

@Fara, tuetmer sehr leid dini Chrankheitsgschicht und ich wünsche dir alli Chraft vode Welt das du das guet überstahsch! Ich finds super das ihr hürated und das isch sicher au die richtig Ablenkig für dich wenns mal wieder nöd so lässig isch und du chasch dich uf öppis freue! Guet hesch din Schatz wo dich so unterstützt! Wiiterhin also gueti Besserig und mer drucked dir fescht de Duume das alles so klapped wies sött!

Ja die Nagelfabrik kenni würklich nöd, na nie ghört :)! Ich hoffe, er git eu bald positive Bscheid! Ich chander suscht hüt Abig mal d Liste schicke per PN mit de Caterer wo mir agfröget hend, hend eus aber selber nanig entschiede will ich find eifach alles na viel z tüür :).

Suscht chönder ja im Februar immerno paar Privatstunde neh wenns denn keis Agebot meh het unds dir besser ghat :).

Ah nüd schlimms, nur öppis mega müehsams.. Han im Januar müesse min Halux operiere und sit det isches eifach nanig guet, han so ziemlich jedi Komplikation gha wos het chöne gä und vor 6 Wuche hani denn ebe d Schrube wieder müesse useneh willis nöd vertreit han. und ez chani min Zeche immer nonig so bewege wieni wot, d.h. chan nanig renne, sport mache etc. aber hoff s chunt wieder :).

So, wünsch eu allne ganz es schöns und vorallem churzes Tägli, bald isch weeeeekend!

Guete Morge und TGIF!!

Phu, wasi hüt no aus sött im Büro - u ab nächst Wuche muesi no 2.5 Wuche lang Stv. mache u glichzitig mini Nachfoug ischaffe. Wird ämu nid längwilig

@Fara: Das isch würklech es schwärs Schicksau wo du da treisch. I wünsche dir ganz viu Zueversicht und Chraft, das Ganze dürezstah und dass dChemo guet aschlaht und du di de guet chasch erhole und bis zum Hochzit wieder fit bisch. Vo Härze aus aus Guete!! Findes wunderschön, dass dir hüratet und du i dere ganze Chrankheit inne glich o öpis Schöns und Positivs hesch.

@Blueme: I fänd Ranunkeli o wunderschön, aber im Ougust si die leider vrbi... drum schwäbe mir itz roti Gerbera, Dahlie und zwüschine glich no paar Rose vor. Mau luege, was de d Florischtin meint, woni ha agfragt. Lilie oder Callas fändi o no schön, aber das isch de wieder e Priisfrag...

@Pricana: Oh das tönt aber o nid so guet mit dim Fuess, vor auem dass es sich so id Lengi zieht! Wünsche dir viu Geduud und gueti Besserig.

@Tanzkurs: Ig wett o gärn öpis mache, aber nid e weiss nid wie ufwändige, da hätt gloub GG o ke Luscht. Ir Migros-Klubschuu gits e äxtra Hochzitstanzkurs: http://www.klubschule.ch/Angebote/Bewegu...--E_700304_1950
Isch auerdings houptsächlech füre änglisch Walzer, drfür aber o nur 3 Lektione und sehr günstig. Aber i weiss no überhoupt nid, was mir genau wei fürne Tanz mache... sone crazy wedding dance fändi irgendwie no witzig, aber i ma mi de o nid 10 min zum Aff mache u obi de mit GG da weiss nid was cha iüebe, bezwiefli...

@malinchen: Dr Twist vo Pulp Fiction isch ja dr Hammer! Und super, heit dir aui Frage chönne kläre mit eure Location. Wäge dr Deko findet dir sicher no e Lösig. Evtl. eis vo de Mamis?

Guete Morge zäme! =)

@malinchen: jo isch ächt no witzig wennd öber kennsch bez. ebe sehr guet kenni si ned aber glich witzig :) bin gspannt uf s’final und wer d’reis gwönnt :p das mit de deko schwirrtmir ebe au no im chopf ume wieni das ächt am beste mache! Han ebe au chli schiss, dasses dänn ned so wird wienis mir vorstelle ;)

Gäl s’goht gar ned?! gester häd si mit minere trauzügin abgmacht und sich bi ihre usghült und si sigi mega enttüscht vo mir und so *grrrr* goht gar ned!!!! mängisch dänki würkli so gärn dassi mis gottemeiteli han, obs ned besser gsi wär, si het öber anderst gfrogt! :( verstohs nämli ächt ned.. mi GG findets au voll denäbe vo ihre!! So macht si sich ächt kei frönde…

@pricana: jo es isch die folg wo die wuche lauft also chasches am weekend noluege ;) die wo als ersts hürotet (sandra) kenni ;) weisch si akzeptierts scho aber glich isch si enttüscht und beleidiget etc. s’mag mi eifach dass mir immer wider lüt ineredet i die ganz planig und vorbereitig ! :( hey super bisch beförderet worde? =) cool hey gratuleire! =))) oh nei krass wägem unfall!!! Puh chan dir nofühle mir isch vor öbe 3 johr au so öbis passiert han de schock vo mim läbe gha und mega d alptröim nacher! Muesch eifach unbedingt grad wider autofahre sust bechunsch nacher panik! Wägem tanzkurs: do muessi mol min alte tanzlehrer froge ob er öis würd unterrichte :)

@fara: oh nei hey ich han dir imfall ned welle z’nöch träte duetmer uh leid! :( het ned grad mit sonere diagnose grächnet! Hey aber wichitg isch, dass du witerkämpfsch und dass din verlobte so zue dir stoht git dir sicher vil chraft und halt! Ich kenne übrigens au es päärli wo er die glich diagnose wie du becho häd und si händ dänn au ghürotet – s’sig schins en wunderschöni hochzyt gsi! finds au super, dass ihr hürotet!! Ich wünsch dir vo härze nur s’beste und dassmer de chräbs so lang wie möglich chan ufhalte!! Schick dir vil chraft! <3

@sue: han dir s’chärtli gschickt ;) jo genau die chunt us de schwiz sogar wohnt si sehr i de nöchi und i dere chiile wo si ghürotet häd bini au scho 2x gsi – einisch anere hochzyt und einisch anere beerdigung :/ jo genau händ vor am 9.11. a beidne orte go luege wägem chleid: oder meinet ihr isch z vil a 2 orte? Han dänkt am morge am einte ort und am namitag am andere? Jo has ihre adütet uf das isch si aber ned igange.. müend dänn mol rede aber mich schisst das drama ächt chli a…

@me: Han grad usegfunde wieni s’pdf chan umwandle i jpg – han jetzt öisi private date eifach überpinslet und so zeigi öich d’iladig natürli gärn bin gspannt uf s’feedback ;) das wär eifach mol die dütschi variante.. d'site wäred so: 5 - 6 - 1 und 2 - 3 - 4 wämer si faltet.. wie gseit ebe d’härzli würdet dänn separat usgschnitte wärde und drufkläpt und mit bascht wämer dänn so mäscheli mache und die wie ballön drufchläbe :) bide bilder isches nur fangs en entwurf – d’übergäng werdet dänn no schöner gmacht und d’fotis chli bearbeitet vo de farbe her :) aber bin sowit rächt zfride & bin scho mega gspannt druf, wennmer hüt inere woche döfet s’papier usläse und mol en erste vorschlag i de hand händ :)

Gester hani no am standesamt aglütet (mer chan de termin jo es halbs johr im vorus abmache – am 5.4 häd sich no niemer gmäldet und in basel isches jo so doof, dass die erste wo alütet eifach am 10ni am morge drachömed und das wämer jo uf kei fall sondern am liebste so uf die 1,2.. jetzt warti halt nomol öbe 2-3 woche und lüte nomol a und hoffe dass sich scho paar gmäldet händ :p

Datei-Anhänge

	Einladung Seite 1.JPG (53x) Mime-Type: image/pjpeg, 243 kB
	Einladung Seite 2.JPG (45x) Mime-Type: image/pjpeg, 253 kB