lula: ja denn mach doch dass! los uf din buch... wenn du sgfühl hesch dass sie die richtig isch denn isch doch guet! chund au chli drufah was für asprüch du a e trauzügin hesch. es git trauzüge die müend nur underschriebe. denn isches eh kei sach...

Hoi Mädels

@nisliker: Danke. I gugge, dass mir üs "spätischtens" im Februar mau chöi träffe, u de wirdi se frage.
Plane tüe äuä zmeischte GG u ig scho säuber. We si mir bim bastle hiuft, bi ni da uf jede fau froh drum, wess nit müglich isch, isch das ou guet, gits haut Partymusik drzue...
Si setti haut de eifach da si am Hochzytstag säuber, u für frage vo de Gäst, wo mir nit sette mitbrcho, für Überraschige, oder serigs, wetti dAgabe vo de TZ agäh...

Aber süsch, has ebe aube gärn säuber unter Kontrolle...

lilmonkeyme: hey super händer öiches wunschdatum becho! :) drücke de dume dasses mitem hotel au no klappt! =)

nisliker: ah alles klar jo das isch jo würkli scho imene johr so schön =)) stimmt du häsch jo mol öbis vo winterhochzyt i de berge gret! :) jo klar dänn isch logisch sinder scho chli witer als mir ;))

Thema Trauzügin: Ich bin mir do ebe au ned zo 100% sicher! Han 2 sehr ängi Fröndinne won ich beidi glich gärn han! Si sind aber 2 ganz verschideni Persone und zo de einte passt de Poste eifach wie d'Fust uf s'Aug si chan soo super organisiere und alles & mir dänket i so vilne Sache genau glich! Drum isch de Fall eigentli klar! Aber glich möcht ich de andere au en wichtige Platz gäh wil ich si ned wöt enttüsche vorallem was für mich klar isch isch dass die 1. au mol Gotti wird bi mim 1. Chind also sprich häd si det jo eigentli i mine Auge no de wichtiger Poste dänn mol.. Drum han ich mir überleit dass ich eifach beidi mitibezieh au id Planig und so.. Die 2. schafft nämli i de Grafik und hilft öis dänn eh bi de Iladige & Dankeschärtli, Tischchärtli etc. si isch super i dene Sache! =) Und di 1. wird ev. chli meh sust a de Planig helfe und Idee ha & so.. und die 2. häd no gseit si würdi dänn gärn singe am Hochzyt mega schön =))) (si sing hammer!!) also s'sind beidi mega wichtig für mi! drum hani mir überleit dass eifach die eint TZ wird und die ander Tätschmeister (wo chli dure Obig führt) oder mer chönts au ufteile in TZ und Brutjungfere also 1 TZ und 2 brutjungfere z.bsp. Was meinet ihr det dezue? alli mitem gliche Chleid das fändi ganz schön =))) mit de 1. hani übrigens scho mol sehr offe über das gret und si isch mega härzig happy gsi, dass si so oder so en wichtige Platz wird ha a öisem Tag :) und mit de 2. hani nonig chönne persönlich rede.. aber am 27. goni mit ihne z dritte ad MariNatal nach Basel - bis dänn möchtis eigentli scho klärt ha... Finde au s'isch en Buchentscheidig und mer söt uf sis Gfühl lose! Aber mer wöt jo au niemer enttüsche etc. isch scho ned eifach findi wänns ned so eidütig klar isch!

trauzügin: isch natürlich en schwirigi entscheidig.. ich han au zwei kolleginne wo scho lang säged sie möchted denn TZ und Gotti usw. si ich han aber immer gsäit das ich da mini schwöschtere wirde neh. ich has super mit ihne und ich weiss das ich sicher immer kontakt ha wirde, bi kolleginne/fründinne chas immer sie das us irgend eim grund de kontakt abbricht..

ich han mal no en allgemeini frag:
wie mached ier das mit zivile und chirlicher trauig. mached ier das am gliche wuchenänd, oder wie vill "pause" hend ier dezwüsche?
min GG und ich hend eus jetzt eigentli so geiniget, das mer amene fritig s zivile mached, denn düemer aber nur eusi TZ (die müend ja debi si) und eusi eltere iladed, denn gönd go ässe und susch nüt meh mached a dem tag. und denn am samschtig die chirlich trauig womer denn au alli lüüt iladed mit apero, ässe usw. er hed gmeint mier chönned das ja grad a eim wuchenänd mache. aber ich weiss ned öb das sinnvoll isch?
vom datum her ischs mier eigentli egal, ich muess kei bestimmti zahl dinne ha

Zuletzt bearbeitet am 15.01.13 13:47

Könnte man auch an einem Samstag Zivil heiraten?

Ich hab meine Kollegin nicht mehr gesehen weil es sich nicht ergeben hatte. Sie wohnt zwar im selben Kanton macht jetzt jedoch die Ausbildung zur Notfall Pflegefachfrau und da hat sie wenig Zeit.

Ich habe eine andere Freundin angefragt (welche dieses Jahr heiratet) und sie überlegt es sich jetzt. Wir werden ein Riesen Team haben

Ein Ehepaar als Tätschmeister
1x Chief bridesmaid
2x bridesmaids
1x Best Man
1-2x Ushers

:)

(Ps: ich schreibe Schriftsprache da es auf den iPhone einfacher ist )

nisliker:
ok super, ich glaub denn mached mier das au so. wenn mer am zivile nacher nüm z vill vorhänd sötts ja ned so stressig werde
wo hürated ier eigentlich gnau? i de berge hani glaub mal gläse..?

lilmonkeyme:
es gitt ort wo mer au am samschtig chan zivil hürate. muesch mal luege, es isch aber ned überall de fall und meischtens eifach i de "hochsaison" (mai, juni usw.)