@Sue: Super dass di d Blase ide Ferie in Rueh glah het. I bi soooo froh, chunnt mini Harnleiterschiene am Mäntig use, sie närvt zwüschine ziemli, geng sones Zieh und Kribbele und äbe o dä Harndrang, wie weme e Blaseentzündig het Hoffe, dassi die Problem när los bi. So Cranberrytablette si super, die nimi im Winter o regumässig. Und im Momänt trinki öpe 3l pro Tag...

@principessa: Ha d Foug vom Mänti gluegt, isch ja chli e Katastrophe worde bi ihre am Hochzit... genau us däm Grund würd ig so nöime nie mitmache. Aber meh wotti itz nid verrate für die wos no nid hei gseh

Das geit würklech gar nid mit dr Muetter vo dim Gottimeitli. Es isch EUES Hochzit, weder sie no dis Gottemeitli söue da im Mittupunkt stah. Bi üs hei mir o gseit, dass d Ching bim Apéro und bir Trouig härzlech wiukomme si, aber am Abe söue sie doch für Hüeti luege, dass sie dr Abe ou ungstört chöi gniesse. Und hey, mi Göttibueb isch ds Ching vo mire TZ und wenns guet geit o üse Ringtreger. Trotzdäm findi, het är nüt drvo amne Fescht wo bis i aui Nacht geit. I ha würklech u gärn Ching, aber wenn sech de immer aus um sie mues dräie und d Eutere ke Verständnis hei, dass me mau öpis ohni Ching wett mache, chas mängisch haut chli kompliziert wärde.

Hey euchi Iladige gseh ja super us!!! Wo machet dir die? I wett äbe o unbedingt üsi Föteli bruche für d Iladig. U dass dr no öpis Bastlets ibezieht, isch ja geniau.

Ach das isch de blöd wägem Standesamt z Basu! Komisches Prozedere... es sötte doch die 1. chönne d Wunschzit uswähle? Juhu i cha i 3 Wuche alütte und hoffe, mir bechöme üse Wunschtermin und chöi de wieder öpis meh fixe.

nicht registriert

Guuätä Morge mitenand and tGiF!

Principessa: So lustig, dass öper kennsch wo dert mitgmacht het. I frag mii immer, welli Fraue dert mitmache wönd und us wellem Grund. Viellicht chasch du da usefinde I fänds für miis Hochziit gar ned wünschenswert es riise Kamerateam und drü Fraue wo nu z'motze hend... Siind da diä gsii vo lescht Wuche uf Vox wo asä gstriite hend? I ha leiider de Grund verpasst
He da find ii voll dernebet. s'Mami sött mitchooh? Was isch denn das für es Fest? I find au klar, dass da Meiitli darf mol eh Nacht bim Grossi schlaafe. Machts da niiä?!? He tuät mir meega leiid, dass so en Dämpfer iisch! I cha diich meega guät verstoh und ii find würkli, egal wiä blööd sii tuät. Giib ned no! Wa het denn dini TZ gmaiint zum Gspräch mit dere Mami? I verstohs au eiifach ned. Mit so viilne wo iisch scho gredt ha wegem Chind, seget sii gebets zu de Grosseltere etc. Siicher ned no eh Nanny mitnäh ans Hochziit...
Meega kompliziert mit euem Standesamt. Müänd iihr no s'richtig Timing ha zum eue Wunschtermin z'bechooh... Wer doch eiifacher wer sich z'erst meldet het no alli Wünsch offe. So isch es jedefalls bii uns gsii.
Wooow, eui Karte und d'Föteli eiifach dä oberhammer!! Schön wiiä iihr verschiedeni Fotis inenand fliässä lönd! Wiiä hend iihr de Hintergrund gmacht? Diä Renk würdet mir jetzt au no gfalle? Tüänd iihr's im Internet drucke looh? Welle abiäter?

Taeboyana: Chum d'Operation hinder diir, wiirsch wiider so gforderet im Gschäft. I wünschä diir, dass diir ned z'viil wiird und du diich wohl fühlsch, bii dem was machä darfsch!
De Tanzkurs vo dä Migros han ii au scho gseh. Waiiss echt öper, sinds Privatstunde oder ii de Gruppe? Weiss ned wiä effizient nu 3h sind, wenn so en Pflock bisch wiä iich Aber da mir beiidi no Studente sind, hend mir 50% Rabatt binere Tanzschuäl hiie in SG. Vo dem her, denki werdet mir seb usnutze.

Fara: Du Tapferi, wiä du geg diiä Krankheit kämpfsch und wiiterhin so positiv in Zuäkunft luägsch!! Schön, dass au diin Verlobte so zu diir haltet und er sich ii dere schwere Situation voll und ganz für diich entschiide het!! Ich wünsche diir ganz viil Zuäversicht und Kraft für diin Weg! Mini Gedanke werdet bii diir sii!
I bii mirs au fest am überlege mit dä Deko. I weiss, dass am GG siis Mami da uuh guät chan und au s'gern macht. Sii zahlt uns jo au Deko, het au aboote zums machä. Aber will unseri Location im Nochbuursland isch, fänd iich's sehr umständlich zum selber machä. Wott iich ihre eigentli ned atuä... Aber ii denk, will mir uns für Gerberas entschiide hend, wirds denn sowieso nöd so ä typischi Roti-Rose-Hochziits-Deko...
Nach em Beschriib, chliines Pensum, Stellvertretige wiirsch echt du au Lehrerin?? Wenn ja, welli PH bsuächsch denn?
Mersii für dä Tipp mit dä Schuäh. Kenn de Lade gar ned. Hesch echt eh gnau Link?

Pricana: Ja miir ziiähnd erst nachem Hochziit zämä. I weiss, es isch eher untypisch für hüttigi Verhältnis. Aber uns isch das ebe sehr wichtig.
Oh Pricana, ii cha diir gad guät nafühle. Eini vo miine TZ het im Summer au so en Zämästoss gha. Ihre isch denn au nüm wohl gsii. Wünchä diir guäti Erholig vom Schock!! Schön het dii GG diir so Überraschige Haii brocht und hender chönä astosse! Gratuliiäre zur Beförderig!

Malinchen: Hee genial wiä eues Gspräch verlaufe isch. Schön harmonierts zwische eu und dä Cheffin! Welli Location hend ihr scho wiider? I find es tönt traumhaft mit de Terasse. Genau sowas hend mir au gsuächt! Deko isch würkli chlii en Käs. Machet iihr si denn selber? Wiiä wärs denn mit em Mami oder so? Oder stellts ned s'Resti selber hii?

Alegna: Viiiil Spass und Erfolg bim Kleiid aprobiere und s'Traumkleiid finde! I bii scho gspannt, uf dii Bricht!

Munggi: Woow schön, bechunsch so tolli Feedbacks zum Klaiid und au dass dii GG gmerkt het, dass dii chlii verletzt het! Wooow, wiieder eh grossä Hoocke uf dä To-Do-Liste und dezue no so en wunderschönä!

nisliker: Helllo back. Yess 106 Tag! Meega kuul s'Johr 2014 stot vor dä Tüür und miir werdet alles Ehefraue. I froii mii soo! Biisch scho chlii chriibelig? Hend iihr no viil zum Vorbereiite?

Apple-Pie: I begrüässä diich au herzlich ii unserem Thread. So schaad hets ned klappt. Han ab und zuä ii diim Blogg glese, ihr hend jo scho relativ viil plant gha. Schaad gots so müähsam vora mit dä scheiidig. Das sind jo scho fast zweii Jahr!! Stellt denn siich diin Ex-maa quer?

Me: Mir hend gest reklamiert weg de 8 Säckli z'wenig. Aber sii reagieret ned. Bii dä Bstellig sinds blitzschnell gsii, aber jetzt lönds sechs Ziit. Isch jo au en Fiirtig gsii in Dütschland, aber mii nervts gliich gad chlii Und sus bin ii meega truurig dass dä Sunntig so schlecht wetter sött sii. Ha mii so ufs Shooting gfroiit und uf d'Föteli. Denn hettet mir mit dä Kärtli und dä Homepage chönä wiiter machä. Jetzt müänd mir uns wohrschinli nomol min. ä Wuche gedulde...

Wa hend iihr da Wuchenend so vor?

Wünschä eu allne eh guäts Weekend!!

@taeboyana: jo gäl mega d'katastrophe! min GG und ich händ au gseit: würdet niieee bi sowas mitmache und öis loh bewerte loh!! :/
jo findi ebe au.. mir säget jo no dass d'chind gärn au am obig debi si döfet! aber si möcht d'private nanny debi ha.. das goht gar ned... naja...
danke hihi :) eini vo mine ängste fröndinne (brutjungfere / tätschmeisterin) isch grafikerin und häds drum voll im griff ;)) händ si zäme gmacht aber ohni si hetti natürli kei chance gha :p
unlogisch wägem standesamt gäl? drück dir de dume dasses bi öich grad klappet! =)

@squishy: jo genau det wo d'gastbrüt gstritte händ, das wär s'hochzyt vo ihre gsi :/ ich verstohs ebe au ned.. jetzt hädmer grad mi GG gschrebe dass si ihm probiert häd azlüte! er heig aber ned möge diskutiere han gseit er söli doch retourlüte! wil ev. wet si sich jo entschuldige? aber ehm wieso bi ihm & ned bi mir? chume ächt ned drus bi ihre hey :///
danke fürs komplimänt wäg de iladige! =) das isch ebe sones speziells programm weisch die ränk häd si so inekopiert also zerst abeglade unter: http://www.freepik.com/free-vectors/ornament aber wiesi das gnau gmacht häd? kei ahnig.. si isch voll de profi.. mir lönd si über d'druckerei vo ihre loh drucke wil das günstiger chunt aber zahlet dänk für alli chartene und alles glich öbe 600- 800.- (öbe 100 chartene) weiss ned ob das en guete pris isch oder ned?
wägem standesamt findi ebe au voll müehsam :/

@kleinefeder: danke dir fürs komplimänt :)

Grüezi wohl

Zersch mal... Was zum Geier heisst TGIF (oder so)? Chan mich da öper ufkläre? :-D

Danke vill mal für eui Ateilnahm! Das isch sehr lieb und berüehrt mich.

principessa: Du musch also keis schlächts Gwüsse ha, dass nagfrögt häsch. Ich hett mi scho getraut z säge, dass ich's lieber für mich bhalt, wänn's so gsii wär.
Mega kuuli Iladige! Uf so vill Föteli werdet mir's wahrschinli nöd bringe. Aber findes kuul!
Han min Verlobte aber immerhin devo chöne überzüge, dass mir am Hochsig en Fotograf/in händ. Ihm sind Fotis nöd so wichtig und er wird au nöd gern gfötelet. Aber mir sinds scho no wichtig. De Kompromiss wird wohl sii, dass ich mich drum bemüeh, öper z finde, wo nöd allzu tüür isch (händ dur s Forum scho öper gfunde, wo mer werded afröge) und dass er's dänn über sich ergah laht. *gg*

Und gester Abig hani ja ganz vergässe uf dis Gottemeitli-Drama izgah. Findi würkli au unverschämt vo dinere Fründin. Dass sie jetzt so beleidiget isch, obwohl ihre ja bewusst xi isch, dass es e frächi Frag isch, chani nöd verstah. Ich find, es isch sälbstverständlich, dass d Eltere sich entweder um d Chind sälber kümmeret (sofern ihr es Fäscht mit Chind mached) oder dänn für dihei en Babysitter organisiered. Für es zweijährigs sett das doch au keis Problem sii, und ersch no, wänn's s Grosi das chönt mache.
Ich hoffe, die Woge glättet sich wieder.
Und vo wäge, wärsch fascht froh, sie hettet nöd dich gfrögt als Gotti... Vilich hilfts, wänn dich diesbezüglich uf s Chind konzentriersch. Das chan nämli ja nüt defür und isch sicher es mega herzigs, liebenswerts.

Pricana: Und bi dir hani vergässe uf de Unfall izgah. Glaubi voll, dass das en Schock xi isch. Hoffentlich häsch es scho bizli chöne verdaue.

squishy: Also, mir ziehnd im Fall au ersch am Hochsig zäme. Eus isch das au wichtig. Und ich känn vili Paar, wo das au so ghalte händ und immer no sehr glücklich sind mitenand (au die, wo scho meh als 2-3 Jahr verhüratet sind).
Häsch richtig grate, ich bin/wird Lehrerin. Hetti uf das Semester gern öpe es 50% Pensum gsuecht und näbed dra s Studium fertig gmacht. Jetzt isch es halt andersch cho. Wirde versueche, das negscht Jahr mit emene chlinere Pensum wieder azgah. Han ev. au scho öpis in Ussicht vonere Dozäntin vo mir, wo anere Kanti unterrichtet und bald 6 Mönet weg gaht. Isch allerdings scho ab Januar... Das wär ev. chli gar früeh. Wobi, alli ihri Lektione würdi eh nöd welle überneh.

Ich bi nöd anere PH. Han ebe a de Uni studiert und mach jetzt no s Lehrdiplom für Kanti/Gymer oder wie au immer das i eune Kantön so heisst. Im Momänt no für zwei Fächer, aber da bini chli am überlegge, öb sich de Ufwand lohnt, grad au bi minere Chrankheit. S isch ebe mega schwirig, für s zweite Fach öpis z finde - und es isch au nöd emal mis Hauptfach.

Wo studiersch du? Und für weli Stufe machsch d Usbildig?

Ah, wäg em Lade no. De Lagerverkauf isch glaubs nur no wenigi Täg. Ich glaub, die händ das Lokal eifach für zwei Wuche gmietet. S isch in Wetzike im Ikaufszentrum Trompete. Bin det per Zuefall verbi gloffe und han dänkt, gang mal ine.
Aber ich würd glaubs nur gah, wänn ich du wär, wänn eh chli i de Nöchi wonsch. Isch nämli guet möglich, dass es die Schueh nüm hät - oder sie dir gar nöd würded gfalle. Oder de Lagerverkauf sogar scho wieder verbi isch.
Es sind so ganz schlichti Ballerinas vo Bloch (isch e Ballettmarke, wo au e Modelinie hät). Sie händs in verschidene Farbe gha, no chli es hellers Rosa, Blau und Viollett magi mi no erinnere.

Ich chan leider kei Links inestelle. Sus hetti dir gschnäll de Link zu mine Schueh gschickt. Hans nämli glaub gfunde. Aber für das muessi wohl chli länger no im Forum mitschriibe, wäni das rächt verstande han?

Liebi Grüess und es schöns Tägli,
Fara

TGIF
Thanks God it's friday...

Fara und fishy: ich wohn au ned mit mim GG zäme
denn simer scho zdritte