Squishy-Fishy: Super sind die Päckli no acho! Den chans ja jetzt losgah. Jetzt muss nurno s Wetter stimme. Oder mached ihrs dinne? Hm, ich würd uf jedefall es E-Mail schriebe oder alüte. Isch scho chli fräch eifach gad 8 weniger. Wenn jetzt eis fehlt chöntis ja es Versehe gsi sie aber so?!

Apple-Pie: Herzlich willkomme und herzlichi Gratulation zu de Schwangerschaft. Jetzt drucki mal no dumme für d Scheidig. Isch ja en extrem lange Prozess.

LaPrincipessa: Ja genau mir macheds au über Post. :) Mol das gseht doch sicher au guet us mit farbigem Couvert. Mir hend zwar eh wiisi aber ich stells mer au mit Farb sehr schön vor. Ja eusi Location isch au es Hotel und Resti. Darum hald das wo a vielne Ort so isch. Mir mached jetzt s beste drus. Will der Rum isch eifach genau das wo mir wend.

Uhi nei! Also ich find das mega krass... Ich find wenn sie scho seit sie müssi öpis „unhöfflichs“ fröge den weissi sie doch au das es Ja oder es Nei chan cho. Und muss mit dem den lebe. Und dich chani guet verstah dass du das nöd wotsch. Ich würdis au nöd welle. Aber am Schluss chammer leider Eltere und ihre Stil nöd erzieh/ändere und sie werdet beleidigt sie. Und dass es Problem git wenn sie s Chind vorher nie weggeh hend isch ja au klar aber isch ja nöd dini Sach. Aber ich find du musch da würklich bi eure Linie blibe. Die benimmt sich also sehr frech.

Munggi87: Jö dini Schwigermuetter isch ja ganz herzig. Schön het sie so Freud mit dir. Das bestätigt dich ja sicher gad no meh mit dim Chleid. :)

Malinchen: Tönt super eues Treffe. Und finds u schön und wichtig, dass d Chefin so uf eu igange isch und gad paar gueti Vorschläg gmacht hät. Und sogar s Campe klapped isch ja mega... Hm, ja wege de Deko... Glaub zerst musch mal ganz genau wüsse was wotsch und den findsch sicher e Lösig. Will bi eus dut eusi Floristin gad alles dekoriere au die Cherze wo mir selber mitnehmed und d Namenstäfeli wo mer als Guetzli werdet ha dut sie alles hie. Mir zahled für das eifach pro Stund glaub 60 CHF und sie het gseit sie het öpe ei Stund nöd meh. Das findi mega in Ordnig. Chan dich nemlich verstah, dass es dir am Schluss passe muss. :) Am liebste würdis fast selber mache aber gaht au unmöglich bi eus.

Nala05: Herzlich willkomme!!! Ja für Lokations entscheide hani au am schwerste gfunde. Sinder den schomal verbie go bespreche? Wenn wender den hürate? Ich glaube nemlich die beide Lokations sind mega beliebt. Hender scho mal öpis reserviere lah?

Me: Ich bin jetzt siit gester diheime. Het mich leider no ganz verwütscht. Naja hoffe wird bald besser. Darum bini au nöd gross am PC will ich eifach Chopfweh überchume vom im Bildschirm luege.

@pricana: I ha di Unfau ou irgendwie überläse gha... zum Glück isch dr nüt passiert und i hoffe, du chasch dä Schock guet verdoue.

@Pfingstrose: Ou nei du Armi, gueti Besserig! due di chli pflege am Wuchenänd und nimms ruhig. Vom Wätter här verpassisch ja gloubs nüt.

@Squishy: I hoffe, dir chöit das regle mit de fählende Päckli. Ig ha ja denn für üses erste TZ-Träffe so härzigi Seckli mit "Thank you, Bridesmaid" print bsteut gha und weisch was? Die si bis hüt nie cho. Aber ds Gäud isch mer natürlech belaschtet worde. Danke viumau. Zum Glück sis nur 10.- gsi und nid meh, wüu i ha ke Adrässe und nüt, woni chönnt ga reklamiere.

@Nala05: Härzlech wiukomme i üsem Forum mit extremem Suchtpotenziau

@Apple-pie: Sorry, habe ganz vergessen, dich bei uns zu begrüssen! Ich habe immer fleissig von dir im 2013-er und deinem eigenen Thread mitgelesen und hoffe ganz fest für dich, dass diese Scheidung nun endlich vollzogen werden kann und ihr nächstes Jahr ein wunderschönes Fest feiern dürft. Aber vielleicht ist es besser so - dieses Jahr hattet ihr ja mit Umzug und allem schon ziemlich viel um die Ohren. Habt ihr schon ein Wunschdatum für nächstes Jahr?

@principessa: wow, würklech mega schöni Iladige!!! Findes ou mega schön mit denä vielä Fotos wo so inenand inä göh... Isch natürlech super wenn dir so professionelli Hilf becho heit.
Isch ja mega quer dass sie jetz dim GG het aglüte?! Het sie dänkt sie cha ihn liechter überzüge als di oder wie? Oh mann, das isch so Froue-Gstürm wo so viel Energie brucht für nix... Findes ou mega fies, was sie gseit het vo wägä dir sig dis Gottemeitli nid wichtig, das isch sone Ussag, wo nur druf abziehlt di z verletzä. Hoffe dir chöit das wieder ids Reine bringe!!!


@Deko: Ah ja, das isch ä super Tip mitem Foto! I mueses ja eh mal dehei für mi chli usprobiere, de chanis när am schluss gad fötele und sonä Aleitig mache. I dänkä äbä das üsi Mamis a däm Tag nervöser wärde si als mir sälber. Und da mir scho am 11i Trouig hei, würds für sie när äuä ou chli stressig wärde no mit parat mache etc. Am bestä wär scho öper, wo gar nid iglade isch... Mues mir da mal no chli Gedanke mache. Mini Schwägerin isch Dekorationsgstalterin, eventuell hät sie ja e Kollegin oder so, wo mir chönnte frage. Würde ihre natürlech när ou öpis gäh drfür. Merci ömu für all öii Tips!

Ui das goht jo schnäll do!

Fara: jo mir hän uns au scho übrlegt wägm kombiniere.. Mien jetzt no uf e bscheid vom montana warte, de mache mir das evtl au so. I finds ebe au wäg de apero gäscht wen meh noch em apero de d location wächslet.
I ha vo dim gsundheitszuestand gläse.. I wünsch dir au viil kraft und nur s beschti, so dass du die krankheit gli kasch hintr dir loh!

Pfingstrose: mir si beidi scho go aluege und sin beid scho provisorisch reserviert. Im momänt sehts drnoch us das mir am 1.8. hürotet.. Zerst simer uns nid sichtr wägm datum gsi.. Isch ht scho e fiirtig, abr mir hän chli umegfrogt, ob das öper störe würd und niemert hets schlimm gfunde. So hän alli sowieso frei und am obig ka meh no es fürwärk mache /luege :-)

Laprincipessa: das isch wirklig witzig! Merci, ihr hän au guete gschmack, muesi sage ebe momentan übrlege mir uns au z kombiniere.. Abr wie machet ihr das mitem transport? Fahre euri gladene gäst sälbr is montana? I bi nid us dr region luzern. I us dr region basel, abr mi GG isch us dr innerschwyz und nach däm mir do idr region nüd gfunde hän, hämir gfunde mir luege mol no z luzern das isch de au no schön wil de simer am hochzyt i sinere heinat unds zivile isch i minere heimat e nätti mischig! Und prompt hämir uns is montana vrliebt
Wäge dinre kollegin, aso i find das au zimlig fräch vo ihre! Kasch doch nid welle uf d präsenz vom kind bestoh, abr nid welle drzue luege und dorum no s grosi mitnäh! Goht gar nid! I würd das au nid welle!

LaPrincipessa: Also die wo ich meine sind nöd zum usschniede. Sondern mer druckt sie gad uf Etikette. Het au en Strichcode. Danke viel mal!

Nala: 1.8. isch doch no cool!!! Und ebe gad guet hend alli frei... :) Den mached doch mal e pro und kontra Liste. Mengisch ischs doch scho so, dass mer eigentlich sin Favorit scho hät aber unsicher isch will mer sich so viel Gedanke macht, nöd?! Bi eus isches genau so gsi.

Läck gäht ihr Gas...

@Squishy: Ohje, hoffe ihr chöit das gli kläre mit de fehlende Farbe!
Was für ne Hochzytsdiebin? Ha da gloubs was verpasst.

@apple: Härzlech Willkomme bi üs! U härzlechi Gratulation zurm Buchzwärg

@jane: Sini Schwo isch nit würkli es schwarzes Schaf, si macht voredüre bi aune uf ganz lieb. Aber mis Gotti het sech eismau sehr ufgregt ab ihre, u mi Vater u mini Stiefmuetter si ebe ou nit so begeisteret vo ihre. U ihre Fründ isch so ne riese Schnurri, u mir hei das beidi nit gärn. U da si ja eigentli ou gar nit het wöue cho, wetti se bi Lüüt wore, wenns zLeid wird, haut ou dStange möge ha. U mit am Rugge zu üs! Wenn sech das ganze iwenn uflöst isch mir das glich, mir wärde äuä eh am 00.30 i Wyikääler wächsle, daher...

@nisliker: Und erfolgriich gsi mit dr Wohnigssuechi?

@4Hochzeiten: Gugges gäng öbe, aber die Wuche isch ja schlimm mit de Bewertige, di hets doch!!

@principessa: Hey, super, öichi Kärtli si mega schön!
Wow, Dini Kollegin het ja ou kenner Hemmige! Fürs Apero chönnti meh ja no gad drüber rede, aber hallo, u es zwöi jährigs Modi grännet äuä nit unbedingt wenns Gotti hürotet?! U das Grosi cha ja das Modi ou nach am Apero cho reiche. Het de Dis Gottemeiti würkli was drvo? Aso vom Obe? Am Nami het si sicher Fröiid, aber am Obe isch si bestimmt wöhler bim Grosi! I hätti ihre äuä eifach gseit, wenns ihre nit passi, müessi süsch ou gar nit cho! Hesch no öbis ghört vo ihre?
Aber es isch gloub scho so, dass sech bim ne Hochzyt dSpreu vom Weize trennt.
Di hei ja e mega doofi Regelig in Basel! Meinsch nit, da chönntisch mit ne rede?

@munggi: Jöö, Dini SchwieMu u Dis Mami si ja mega härzig!

@Alegna: Bisch de Du Florischtin? Wo geisch hie am Samschtig? Ämu de mega viu Spass u Erfolg

@malinchen: I ha geschter Obe es sms vo mim brcho, dass isch mit Dim Hirni am dr Obe gniesse u am Hugo schlürfe...
Tönt fein, da brchunnt me direkt Hunger.
Wie lang gäht ihr jtzt ah, dass ihr weit fiire? Fändi das no schwierig. Tönt aber super, so si sicher aui zfride.
U de das Florischtin am Morge was miech? Oder e liebi Nachbari?

@Pricana: Ihr zahlet für ne Fruchtsalat 9.50? Lisis falsch oder würdet ihr so de glich meh zahle, logisch mit Fruchtsalat drzue?
Jöö, isch aso ou mit künschtleche Blueme härzig!
Geits Dir wieder ganz guet? Hesch Di vom Schock chönne erhole?

@Fara: Ach Du schei***!! Wünsche Dir ganz viu Kraft u Geduld! U i findes super, dass ihr trotz dr schwierige Situation öiches Hochzyt planet u so Zueversichtilich i Zuekunft gugget!!

@Tanzkurs: I "stiere" eifach eine düre. Isch aber weni schlimm, wies jtzt äuä tönt. Eine het er mir versproche vor am Hochzyt, u de hani mir mau so chli speziell eine usegschlage. Aber für dä gits äuä de mi Hund...
U di meischte Tanzschuelene hei ja äxrä e Hochzytskurs. Aber so was speziells gseht zwar aube super us, isch aber eifach nüt für üs. Aber i wetti ebe eh ou süsch mau so chli chönne ga Tanze. Hei ca e haub Stund vo üs e Wäg es wunderschöns Dacing (isch es ämu gsi, woni zletscht mau bi derte gsi)

@nala: Härzlich Willkomme bi üs!
Magsch üs süsch no chli was vo Dir verzelle?

@Pfingstrose: Ganz gueti Besserig u es erholsams Wucheändi!

@All: Sorry, ha nit aus ganz gnau gläse, setti scho gange si...