Meine Güte, gänd ihr Gas!!

@principessa
Inzwüsche muessi zuegäh, dass sich mini Sorge chli gleit hend. Die Hochziit begleitet mich in Traum und dett hani mis perfekte Chleid zumindescht schomal gfunde s’chunnt guet ;)
Stimmt, sötted no irgendwelchi Utensilie ha fürs Shooting
Ui krass! Fini ez also richtig heftig vo dinere Kollegin!! Und dass sie de au no seit, dass dier dis Gottechind ned gnueg bedütet. Völlige Mischt!! Findes au extrem grosszügig, dass du ihri Muetter würdsch bis zum Apero welle debii ha. Aber wie au scho anderi gseit hend, nachher cha sie doch mit de Chline hei. Es isch ein Abig und usserdem nimmt das Chind das Hochziit eh nöd wahr und wenn, denn isches wahrschinli eher asträngend als schön…
Hani ez aso au gar kei Verständnis. Hoffe das iher das chönd kläre!!
Super schöni Iladige mit de Bilder!!!

@munggi
e mega schöni Reaktion vo dim Umfeld, und schön, cha sich din GG jetzt au (echli) begeistere!

@Alegna
Bisch denn du Florischtin, dass du das alles selber chasch mache?

@malinchen
Hey super, dases so guet gloffe isch i de Abiglocation. Tönt wirkli sehr flexibel und zuvorkommend! Au das mitem campe! Freue mi für eu
Mier macht das au chli Sorge wegem dekoriere.. Mier hend öppe z gliche Problem. Wärdeds aber so mache, das mier am Abig vorher i de Location en Tisch tüend vorbereite. Denn de zur Sicherheit no fötele. Wer dases denn aber schlussendli gaht go dekoriere wüssemer au no nöd…

@Pricana
Finde das mitem Chleider-Marathon hed au sini Vorteil. So hesch uf jedefall alli Idrück uf eimal und chasch di no besser erinnere ob z’Chleid wod geschter agha hesch, wirkli schöner gsi isch oder nid
Ich wünsche dir uf jedefall jetzt scho ganz viel Vergnüege und viel Erfolg!!
Wegem Tellergeld denki, dass das mitem Fruchtsalat sicher e gueti Lösig isch. Findes vom Resti recht unflexibel dass sie denn doch so viel verrechned. Bi eus hends es schlussendli gstriche will ich gfunde ha, das mier de Wii vo ihne konsumiered und ned de billigst! Und au suscht werdemer ja e Huufe Geld ligge lah… Schlussendli hed sie sich de breitschlah lah

@Fara
Das tued mier sehr leid! Ich wünsche dir alli Chraft vo de Welt und viel viel Geduld das durezstah. Findes wunderschön, dass du jetzt dini Hochziit chasch plane und so e huufe schöni Moment dörfsch erlebe!

@squishy
Hoffemer s’Wetter macht no e Kurve nach obe und iher chönd s’Shooting glich mache! Und dass sich die meldet wege de Säckli!!

@nala
Herzlich willkomme bi eus und viel Spass bim mitschribe!!

@Pfingstrose
Gueti Besserig! Lueg guet zu dier!!

@Lula
Ah okay, so Lüüt wie dim GG sini Schwöschter kenni ‚leider’ au. Sind zum Glück ned mit mier verwandt, so das mer die sicher ned müend ilade. Hoffentli krieged er sie guet irgendwo unter!

@me
Ich ha ganz vergässe, das mier am Mäntig abgmacht hend fürs Shooting!!! Eusi Fotografin hed mer vorher es Mail gschribe, dass sie sich de meldet am Mäntig morge wegem Wetter. Und ich bi gar nümme drus cho, ha immer im Chopf gha, dass das erst inere Wuche isch. Janu, jetzt freui mi umso meh! Nur, wo triibi jetzt uf d’Schnälli no Utensilie uf fürs Shooting, also schöni Accessoires wie es ‚LOVE’ Schild oder so?! Bin morn de ganz Tag voll verplanet! Hed öpper Ideeä?

Schöne weekend eu allne und sorry isch min Biitrag nur so husch husch.. Bi total im Stress und muess na bis am 9i schaffe :/

nicht registriert

ihr sit flissig mit schribe..

@Alegna
D'Chefin vo eusem Resti hed eus mega devo abgrate alles z'zahle. Genau us dem Grund wegem Saufgelage... Sie hed grad use gseit, dass sie de keis Problem hed, de Gäscht zsägä, dass d'Cocktails und die herte Sache nöd uf eusi Rächnig gönd. Hingege wenn öpper nachem esse es Schnäpsli wett, würd sie sicher nüt sägä und mier hend da au sicher nüt degege. Mier wend aber eifach wirkli nid, dass sich d'Lüüt untere Tisch trinked. Uf de Getränkecharte hend mier jetzt eifach Kafi Schnaps, Rot- und Wisswii, Bier für d'Manne und Hugos für d'Fraue

nicht registriert

Guuätä Abiig ihr liäbä,

Nala: Welcome to our Forum! Schön giits nomol eh Bruut meh ii unserne Kreiise Vom Montana und de Hermitage han ii nu guäts ghört, dank de Principessa s'Kuulste am 1.8. find ii das denn Füürwerk chasch ablooh! Sus chönt da jo no müähsam werde
Wooow, eh wunderschön überraschende Atrag! Amene irrsinnig romantische Ort! Schön hesch diich so chönä froiie!

Fara: Jo Fotografe chönt scho recht tüür sii. Viil Erfolg bii dä Wahl! Zu wem tendiersch denn? Aha, ii ha jetzt zweiimal müässä lese bis ii tscheggt ha uf weller Stuufe du unterrichte wiirsch I mach eher s'Gegeteil devo I cha denn Kindergarte bis 3. Klass unterrichte und tendiere fest zur 1. Klass so zum Afange Schön hesch scho chlii was in Ussicht! Welli Fächer chasch denn schlussendli unterrichte? Jo Wetzike isch nöd so ii dä Nöchi vo mir. Und mit dä Schueh pressiert ja bii miir au nonig so. Aber mersii für dä Tipps. Demfall han ii dä richtig Lade im Google gfunde. War nur erstuunt will Balett dert gstande isch. I luägs mal gnauer aah
Wenn du gad so vo kollektiv Iladig ii de Gmaiind redsch, wiiä machet ihr das? Do mir das zimli siicher mache wönd, chönt jo denn meega vil Lüt cho. So rechnet mir jetzt mit 250 Lüüt. Aber wenn all ii dä Ferii sind, denn werdet ja grad 100 weniger und bimene Apéro spielt doch das no ä riiise Rolle. Verlanget ihr eh Ameldig fürs Apéro? Mir findets ebe no eh guäti Idee. Aber isch alles andere als normal bii uns...

Apple-Pie. d'Schwangerschaft han ii irgendwiä au verpasst. Gratuliiärä herzlich und wünschä eu alles guäti für diä kommend spannend Ziit

Pfingstrose: oooh je. Tönt nöd so guät bii diir. Wüünsch diir ganz schnelli guäti Besserig!

Taeboyana: Was no immer nixx cho? Das war ja irgendwenn im August?! Da isch wohl irgend so en Fake-Lade? Wo hesch es bstellt? Wott demfall dert lieber nixx kaufe..

Malinchen: Da tönt nachere suuper Idee eh Kollegin vo ihre z'frage! Do hend iihr jo demfall guäti Connections! Jo wenn Trauig scho am 11ii isch, wers chlii sehr knapp zum iirichte und sich selber au no parat machä...

Lula: Das isch so eh langi Gschiicht und en riise Zickekampf. Aber ii möchts liieber ned "nomol" verzelle. Isch klar chan meh sich ned alles merke. Aber eigentli hends mir abgschlosse und drum wott ii nöd no druf umetrample. I hoff, du nimmsch mir das ned krumm

Me: Uiii, dä Fotograf het gschriibä. Er gseht au das Wetter ned so toll isch. Er wotts jetzt ii eh Garage verschiiebe. Aber stellet eu diä Wiise Wänd vor Gar keiin schönä Hintergrund für Fotis uuuuund denn da alles wäschä. Aber wer weiss, viellicht will er ned verschiiebe. Was machet mir denn. Tüüf iischnuufe und uuusschnuufe... Irgendwiä chunts scho. Meh müässt em nu antworte

Wünschä eu allnä es schöns und hoffentli sunnigs Wuchenend!

Liäbä Gruäss

Froue, mur si gad bim Florist gsi. U mir zahle für Brut- & TZ Struss2 Astecker, u Kirchedeko Fr. 350.- bis 400.-
Wie schön isch de das?!

Schöne Samstig Abig mitenand!

@Malinchen, de Twist us Pulp Fiction? Wird sicher mega!

@Taeboyana: de tanzkurs vom migros hani au gseh, aber ich würd ebe gern en längere mache, vorallem da min GG zum glück voll däbii wär!

@Sue87: merci vielmal!

@laprincipessa: merci! Ja ich hasse s’öv fahre und da ich au mitem auto go schaffe gahn bini denn grad am nächste morge wieder gfahre, isch keis problem gsi, bin nur chli schreckhafter als suscht.. aber das gaht sicher au wieder weg!
Hesch namal öppis ghört vo dinere kollegin, oder wie sich ez entschiede het? Isch echt unglaublich /..
Hey mega schöni iiladigskarte !!

@squishy: wägem fiirtig in Dütschland am Dunnstig hend viel Firmene grad d Brugg gmacht, hoffe chunsch aber am Mäntig grad Bscheid über! Hender eues Shooting chöne mache?

@nala05: herzlich wilkomme! Din aatrag tönd ja perfekt, mega schön!

@Lula, nei mir würdet nöd meh zahle, willmer de Fruchtsalat denn e würdet neh als alternative, und so würdemer eifach statt öppe 50x tellergeld, nur 25x zahle. Immerhin ;) ich hander ja na mini gfundene iiladigskarte versproche, schickder grad de link. Han mich aber nanig entschiede =/..
Hey wow isch ja es meega Agebot fürd Blueme!! Bi wellem Florist bisch ez gsi?

http://de.dawanda.com/product/50513766-H...nschkarte-Danke
http://www.meine-hochzeitsdeko.de/Schmet...gskarten-722099
http://www.karteninsel.com/Hochzeitskart...e-P722-168.html
http://www.optimalkarten.de/die-sich-kre...otos-p-144.html

@janedoe: hander leider kei tipps für accessoires fürs shooting, muen selber na ufd suechi. Het eui fotografin kei wo sie grad chan mitneh?
Ja ich finds allgemein e frech zum Tellergeld verlange wennmer doch scho de ganz Abig dete isch und gnueg konsumiert. Ich wird’s denn sicher namal persönlich druf aspreche wennmer zum probeesse gönd im november.

@all: mir gahts wieder guet danke Es hettmer zum Glück würklich nöd viel gmacht ussert halt dassi würklich enorm verschrocke bin, und ez chani mi scho fascht nüme a die situation erinnere, isch wie en komische traum.. und mim geliebte auto gahts au bald wieder guet dank mimGG, er isch zum glück selbständig als spengler und denn wird’s natürlich priorisiert :p

wünsch eu allne na en super schöne abig!