@Lula: haha, ha mega müessä lache wäge üsnä Hirnis... I gloub die hei ä luschtige Abä gha zämä! Isch ja mega cool dass dir unter öiem Budget sit bidä Blueme! Was für Blueme nähmet dir de?

@jane: Hmm, wäge de Assecoires für ds Shooting mues ja nid unbedingt es Schildli si oder so. I weis gad nümme was dir fürne Location heit, aber dir chöit ja villecht ou süsch es romantischs Bild erschaffe, z.B. mit Cherzli, zämä es Glas Wy trinke (oder ä heissi Schoggi), nämet ä dicki Dechi mit wo dir öich chöit drinne anenand kuschle etc. So Sache heit dir ja villecht eh scho im Huus, de müesst dir nid no extra öpis choufe...

@fara: Mir verlange vo allnä e Amäldig, ou vo de Apérogäst. Mir si beidi ou imnä Sportverein, u da ischs halt ou schwierig zum abschätze wie viel de chömä. I finde, das chame scho verlange - ou wes villecht nid unbedingt üblech isch. Da mir d Trouig scho so früeh hei, mache mir es Apéro mit warmem Ässe - also es richtigs Zmittag. De wärs doof wenn när viel meh oder weniger Lüt da wäre als mir dänkt hei.

@Alegna: Mir düe de Gäst kei harte Alk. zahle. Mir bestimme e Wyss- und ä Rotwy wo sie chöi wähle was sie wei und übernähme Mineral-Getränk, Kaffee und Tee. Bier si mir no chli unsicher... Aber i finde eigetlech das bruchts ja nid zum Ässe, de sölle die das sälber zahle.

@nala: wow, mega schönä Atrag! Ha mega müessä lache wie dus verzellt hesch... dini Reaktion isch ja so härzig!

@squishy: oh je, i hoffe öies Shooting isch verschobe worde? Fändi jetz ou nid so prikelnd inerä Garage. Eventuell würds ja scho no cool usgeh, wenn d Farb när ou ade Wänd isch u so - aber das när alles wieder putze!?? I finde als Fotograf söttme da scho gnue flexibu si, wenn ds Wätter nid stimmt!

@Fara: Ja i verstah dini Bedänke wägem Gschicht. Das si halt mega begehrti Stellä... Hingäge isch gloub bim Franz eher ä Mangel a Lehrpersone. I bi ou ar PH aber für Oberstufe, und scho da mache sie die ganz Zyt wärbig fürs Franz, wöu sie det viel zweni Studierendi hei.

@Aiyana: Willkomme bi üs!!!

nicht registriert

Guäätä Sunntig mitenand

Fara: Find iich guät, dass ihr eu ned verpflichtet fühlet. Exgüsi, dass ii so direkt gfragt han. Aber diä Frag chan mir irgendwiä ned eiifach jede beantworte 90 Gäscht sind scho gad en huufe Wird siicher eh lebendigs Fest und wer denn schad, wenn's dii überforderet. Hoff für diich, dass alles guät chunt! Kuul, Gymi-Lehrer han ii all möge I cha leiider ned iischätze, was meh brucht wiird. So hend mir jetzt globs praktisch alls. Daenu isch Kindergärtnerin, i mach d'Unterstuufe, Malinchen Oberstuufe und du s'Gymi. Jetzt fehlt uns nur no d'Mittelstuufe

Lula: Wooow, das isch denn es hamer Agebot I verstand diich, dass so begeisteret bisch. Würd miich jetzt grad au vom Stuähl haue!! Wunderbar!! I bii gescht amene Hochziit go gugge sii hend au Efeu gha. Het mir sehr guät gfalle! Hend iihr Deko für d'Obiglocation au scho überleiit? Macht das ned dii gliich Floristin?

Pricana: Bin ii froh, hets diir nixx grosses gmacht! Schön chasch scho wiider muätig ins Auto siitze! Und das di GG Spengler isch, isch gad au eh guäti Sach!! Kartelinks sind alli toll!! Mir gfallt diä mitem leschte Link persönlich am beste. Sind halt eiifach total mini Farbe. Aber sowas dörft ii doch miim GG ned atuä

Munggi: So Nastüächli-Halter? Wär ii gspannt, giits es Foti? Schön hesch für diä Arbeiit Ziit gfunde.

Aiyana: Welcome!! Schön nomol eh Bruut iin unserer Mitti z'ha! Wotsch uns chlii was vo dir verzelle? Zum Bispiel wiä diin GG kenneglernt hesch oder obs en Atrag geh het und was ihr so für Vorstellige vom Hochzit hend?

Malinchen: Mmhh, mit warmen Esse dä Apéro tönt suuper. Denn isch gad nomeh verständlich dass ihr eh Ameldig bruchet! Mir hends au vor zum machä, aber ii glob fest dass ii d'Hose got, will ii da überhaupt nöd kenn vo unserer Umgebig...

Me: Miis Mami iisch eh glatte Vogel. Mir hend ja am Donnstig reklamiert weg de Farbe. Und s'Geld isch am Friitig denn gad suuper zrugg cho. Aber natürli zu miim Mami will siis zahlt het Aber gsaiit het sii uns nixx. Erst wo mir hüt vom Zmittag wiider devo gha hend, dass viellicht morn meldet ebe weg de Fiirtig het sii gmaiint, es seg ja scho lang doo
Bin ii froh, dass iihr Garage au ned so ä guäti Idee gfunde hettet. Mii GG het mii scho als heikel bezeichnet Aber ii denk ebe, dass da Putze eewigs würdi go. Da Pulver färbt so extrem guät Unser Fotograf het siich überzüüge loh zum verschiebe. Uf nächst Sunntig suächät mir ez eiifach ä schön und ä schlecht Wetter Variante. Will nachher got er in d'Ferii und mir müässtet bis im November warte und denn hoffi sowieso nüm uf guäts Wetter. I ha mir jetzt denkt unter dä Autobahnbrugg (sii führt über dä Wald) Dört würds trocke bliibe. Isch aber defür extrem dunkel. Luägä was er dezue maiint. Aber ii ha gliich dä Idruck, dass es ihn chlii aschisst, dass vor allem ii so heiikel bin. Er het denn vorgschlage im Studio normali Foti z'machä. Aber das wott ich uf gaaar keiim Fall!!!!

Wünschä eu no allne ä guätä Sunntig!

Jo klar, mer händ eus vor 3 Johr offiziel kenneglert. Aber s'erst mol gseh esch scho einiges länger her. mer händ eus beidi dazumol scho sehr gfalle, jedoch semer do beid inere beziehig gsi.
schlossändlech semmer denn beidi am gliche fest gsi wo er grad ofem heiwäg gsi esch ond ich em korz gwonke han, de esch er zo mer cho ond mer händ de ganz obe metenand gredt. er seit no höt för ehn sig das denn liebi of de erst blick gsi.
eigentli hani emmer z'erst welle hürote ond denn kind ha. schlossändlich hämer gmerkt dass mer jetzt wänd en familie grönde, ich ha denn im februar pille abgsetzt ond ben jetzt i de 10. Woche schwanger
er het mer denn im Früehlig en atrag gmacht. er het ofeme heustock es kino igrechtet. esch mich dihei cho abhole, het mer d'auge verbonde ond denn det he gfahre. Het denn det he in Pizza lo lefere. mer händ zäme chli wii tronke ond gässe dezue silver linings gluegt (er het dänkt es sig en liebesfilm ) ond denn het er mir im aschloss an film de atrag gmacht.
euses baby set im april/Mai nächst johr of d'wält cho ond planet bzw. reserviert hämer de 2. August for trauuig ond taufi. Mer möchted es möglichst onkomplizierts fest ha, dorom hämer au mol en waldhötte reserviert. es budget hämer eus eigentli au nonig gsetzt. mer wössed halt au gar nonig was mer scho seled mache ond was nochli ziit het

Halloo zäme

@munggi: ah guet denn hoffi chunsch i zwei Wuche en positive Bscheid über vom Resti!! Mercii für de Link

@aiyana, welcome und heerzlichi Gratulation zu dinere Schwangerschaft! Hoffe dir gahts bis ez guet und wünsche dir na spannendi und gsundi 6-7 Mönet mit dim chlinä Zwergli

@lula: hehe ja wennd nöd de pink-rosa fan bisch verstahni das ;) mir werdet eus ez wahrschinlich für die erschti entscheide vo dawanda und denn würdi glaub na e perle ane tue bidä schmetterling. Meistens sinds doch die chlinä lädeli mit de beschte sache, super hender de gfunde!

@squishy: ja das er spengler isch, isch perfekt für mich hehe ja ich dörf mim so Sache zum Glück atue, da bini echt froh!

Sinder eu denn aber grundsätzlich sicher bi euem fotograf, hender de au am hochziit? Findes nämlich u schad dasser ez scho so kompliziert tuet, ihr sind ja schliesslich d chunde und wenn ihrs so wänd mache denn sells ja au so sii! Hoff eues shooting am sunntig wird glich super !!

@nala05: 2‘000.- für die trauuig findi ehrlich gseid uu viel! Ich han aber leider gar kei erfahrig mitere freie trauuig, aber ich dänke das lauft öppe ähnlich ab wie idä chile oder wie mueni mir das vorstelle? Macht sie denn na öppis speziells?

@kleinefeder: sind meega schöni Blueme!!