Ah ja genau, das wollte ich auch noch schreiben.. Bei der Hochzeit, wo ich diesen Sommer war, hatten sie halt einfach eine Menükarte. Da standen dann hinten auch die vorhandenen Getränke. Da es Catering war, hatten die eh nichts anderes da. Aber ich denke, wir werden das wohl auch so machen. Ich glaube nicht, dass es jemandem einfallen wird, etwas anderes zu bestellen, als was auf der Karte steht, jedenfalls nicht bei unseren Gästen. Und wenn, wird sich auch keiner wundern, wenn er zum Schluss selbst bezahlen muss....

Hui ui ui, sind ihr wieder fliissig gsi mit schriibe.

Aiyana: Herzlich willkomme! Gratuliere zur Verlobig und zur Schwangerschaft!

Lehrer: so luschtig, es schiint vo eus z wimmle da.

malinchen: Hmm... Mir händ hüt uf din Bitrag hii au nomal überleit wäg de Aperogescht und Amäldige. Danke für de Input! Mal luege, vilich machemer das dänn au. Und i euem Fall isch es vermuetli würkli besser, wänn ihr ja eigetli en Zmittag mached. Bi eus isch es chli andersch, mir wänd scho en schöne Apero, aber er wird am Nami sii, also nöd e ganzi Mahlziit.

Wäg em Unterrichte: Ich känn/weiss vo paarne, wo kä Stell als Gschichtslehrer gfunde händ. Und sicher di bessere Historiker sind als ich. Weli Fächer machsch dänn du?
Und die andere? Weiss gar nöd, öb mer für Primar au Fächer wählt oder d Usbildig für alli macht?

nala: Also, ich han vo freie Trauige nöd so en Ahnig. Bin erscht mal a einere xi. Aber 150x20 wär ja dänn 3000... Das dunkt mi doch au sehr vill. Ich würd ihre mal säge, dass eues Budget öpe 2000 wär. Sie hät ja sälber gseit, das mit de 20 Stund wär für e "Super-Trauig". Ev. gits e Möglichkeit, dass ihr sälber meh vo de Planig vo de Zeremonie übernehmed als vilicht anderi Paar?

Wägem Füürwerk: es git so Boxene, wo mer chan mit Fürwerk befülle und istelle, was wänn söll los gah (mer zündets nur eimal a). Weiss nöd gnau, wie's funktioniert. Aber es isch vill günstiger als normali Rakete, wo en aständigi ja schnäll mega vill choschtet. Mir händ das scho mehrmals an Silväschter gha (bin aber nie die xi, wo sich drum kümmeret hät.) Isch super! Sorry, vilich kännsch das eh scho.

herte Alk: werded mir au nöd oder nur wenig usschänke. Wird aber sicher eifacher für eus, wil mir ja nöd im Reschti fiired. Dänn häts eifach das det, wo mir det ane bstellt händ und gross kommuniziere müemers au nöd.
Hett mir aber glaub au im Reschti gar nöd Gedanke gmacht, wänn nöd s Hochsig vo minere Cousine xi wär. Det händs nämli au de herter Alk de Gescht zahlt.
Ich glaub, es git vili gueti Möglichkeite, das z kommuniziere. Sälber säge am Afang oder uf d Menücharte schriibe hät d malinchen ja scho xeit. Oder falls d Trauzüge oder en Tätschmeischter am Afang vom Abig no öpis seit, chönt au de das säge.

kleinefeder: Sonen schöne Bluemestruss!
Oh kuul, gahts bi eu also bald mal zum Juwelier. Mir sind au chli am überlegge, aber nonig konkret go luege. Bin ja mal gspannt, wie eusi Ring dänn usgsehnd. Oh Mann... Und wie tüür die werded...

squishy: Find jetzt also au nöd, dass du mega kompliziert ta häsch mitem Fotograf. Hoffe fescht, dass s Shooting negst Wuchenänd dänn super wird. Under de Autobahnbrugg tönt jedefalls au läss, findi.

Pfingstrose: Oha, dis Mami weiss no nüt? Hui, ich chönt glaub nöd ufs Muul sitze. Händers demfall no gar niemertem verzellt? Wänn macheders?

me: Mir händ gester e Fotografin agfrögt (isch so semi-professionell - defür vill günstiger als anderi (900 Franke für 6 Stund)) und sie hät eus prompt scho gantwortet und isch au no frei a eusem Datum. Jetzt schickt sie eus mal no es Album mit meh Fotene. Sind gspannt.
Und en Caterer für de Abig hämmer au no kontaktiert für en Offerte. Aber de hät no Betriibsferie grad.

So, wünsch eu au allne en guete Start id Wuche!

Liebi Grüess,
Fara

Guete Mäntigmorge ihr Liebe!!

@nala05
schöne Atrag a somne Troumstrand das tönt doch super de hüratet de dir gad e Wuche vor üs
megde Getränk, mir werde entweder ufd Menükarte oder ufne grossi Tafele nöime im Ruum schribe wases für Getränk zur Uswahl het de isches gad klar...

@Lula
wow das isch sehr e guete Priis fürd Blueme! da würdi mi ou freue
i ha immer de Troum gha vergissmeinnicht als strüüsli z ha bim zivile - ha ner keni gfunde gha aber findes une härzigi blueme

@Aiyana
Herzlich Willkomme!! i gratuliere zur Schwangerschaft!!

@kleineFeder
wir werden das Thema Orchideen haben....! Wow danke für die Fotos - sieht sehr schön aus

@4 hochzeiten
juhuuu hüt Abig chumi endlich mal dezue d Folge vo letscht Wuche nachezluegebi ja scho gspannt uf die Sandra

me
mir hei das Weekend gad paar Sache chönne fixiere - fröie mi gad mega Am Fritig bini no mitere fründin eis go zieh - si isch Grafikerin und Designerin und macht üs ize gratis d Kärtli fürd Aperogescht und di gladene Gescht womer de i di goldige Karte inetüendmir gfallet ihri sache aube mega mir hei u der glich Gschmack meg dem bini gad u froh macht sis
Am Samschtig bini de mitem GG uf Bern zum Wankdorfcenter. Det isch sone Märit gsi wor früenere Arbeitskollegin vo mir wo Cupcakes etc macht. Mir hei gad chönne degustiere und si het extra alli Etagere wo si het mitem Handy gfötelet gha zum mir zeige und mir hei üs am gliche Abig no entschide dasmer
üsi Cupcakes-Hochzitstorte unbedingt vo ihre wei la mache... 3.- für grossi Cupcakes und 1.- für klini und Deko und alles chöimer usläse das passt üs suuuuper

Wünsche allne e super Start i de Tag!!

guete morge zämme! scho widr mändig

aiyana: wow so e schöne atrag! gratulation zur schwangerschaft!

pricana: jo so wie si mir am telefon gseit het, lauft das öpe ähnlich ab wie i dr chile. meh ka halt no sälbr verschiedeni elemänt wo eim wichtig si mitibezieh.

squishy: danke für de link ha jetzt no chli witr recherchiert und verschiedeni gfunde wos sich im rahme vo 1500-1800 bewege! das passt uns scho besser.

pfingstrose: gäl das hani au scho geit das unser füürwärk grad gratis wird si ich hät sowieso nid umbedingt eis brucht.
wow händ ihr no niemerem öbis gseit vom hochzyt und scho voll am plane! das findi jo cool! bi uns hän d familie chli s gfühl si mien vo jedem schritt unserer planig informiert wärde, und wehe mini fam weiss meh as em GG sini uiuiuiii.. so ka meh das schön umgoh! was isch de bi euch de grund das ihrs für euch bhaltet?

malinchen: jo i dänk au das mit dr menukarte isch am gschiedste.. so isch no elegant glöst. ich seh abr scho mis mami as erst sich irgend e cocktail bstelle :-/ si isch do amigs chli eige..

kleinefeder: toll könned ihr gli zum juwelier und d obig loations abchecke! i ka mir vorstelle das jetzt wo dus kleid gfunde hesch voller tatedrang bisch

fara: jo ich dänk äntwädr sagi ihre das si unsere budgetrahme sprängt oder ebe i ha jetzt au anderi gfunde wo e pauschalpriis hän.. si het halt ihre priis mit ihrer 20 jähriger erfahrig grächtfertigt und het gmeind ihri trauuige sin halt wirkli super schön (isch au chli arrogant eigetli, so as wäre billigeri nid au schön )
das füürwärk kistli kenni nid, aber ebe mini bridesmaid het uns das welle schänke, de dörf si sich drum kümmere wil ich bruch nid unbedingt es füürwärk, s isch jo 1.august de wärde mir scho gnueg susch ha.
toll händir en fotografin. ich dänk das isch au e gueti lösig mitem halbprofessionell, wen ihr do nid z viil wän usgäh. i ka mir sogar vorstelle das sötig sich den mega is züg lege, wil das au ihr hobby isch. bi de gspannt ob ihr se nähmet

sue: isch jo mega nätt das dini fründin euch d kärtli macht und vor allem wen ihr no dr glich gschmack heit. so züg isch gold wärt! für d cupcakes händr aber au en super priis! i mim lieblings cupcake lade koste grossi 5.- und kleini 3.50.- guet vilicht würd das andersch usseh binere gross bstellig abr i dänk ihr heit do e super priis vor allem wen si sich no so müeh git zum euch alles zeige!

me: ich ha mi ebe geschtr zobe nochli mit so freie trauuige usenandr gsezt und sicher nomol 2 gfunde wo au no guet usgehnd und vor allem e bessere priis hän. mim GG het dr eint wo i ihm zeigt ha au zuegseit, de nicolas lindt, uf sinere homepage beschribt är rächt schön das es bi sine trauuige um d liebe zwüsche zwei mensche hauptsächlig goht und är au unseri liebesgschicht in mittelpunkt stellt. isch wirkli no asprächend.

4hochzeiten: i ha jetzt au agfange das chli z verfolge. abr die 4 letscht wuche sin jo ganz schlimmi fraue gsi vorallem die sandra und stefanie hän mi zimlig gnärvt bi dr jennifer (die 3.) ihrer hochzyt! nur am motze! hoffentlig sin die wuche besseri charakter drbi