pfingstrose: je meh ich drüber noche dänk, hätte mir am gschiedste au niemerem öbis gseit bis s gröbste organisiert isch! und du hesch rächt, am schluss freuet si sich de trotzdäm und merke wohrschinlig gar nid das si uns jetzt nur stresse. s nägst mol mache mir das wie ihr

i dänk wiehnacht sin jo immer no 6 monet vorher.i dänk das isch nid zspot. und s wichtigste sin jo die gladene gäst und d familie (aso für uns) und wenn jetzt öper z.b. ferie plant würdsch das jo sicher mitbiko und könntsch no igriefe! weisch wasi mein? und a wiehnachte so wies du plant hesch isch s wirklig no e härzigi zuesatz übraschig!
i würd mi ebe mol chli umhöre wie d plän vo de für euch wichtigste gäst so im juni ussehn.. und wen merksch das vilicht no anderi sache pant wärde d iladige gli vrschicke und susch warte! hoff ha dr könne hälfe!

Nala: Hihi, guet gseit bim nächste Mal macheder so! :) Ich finds hald eifach gemein vo dene Lüt, dass sie nöd mal überlegged wie das überechund. Und mir würdi das d Freud neh zumindest zwüscheziitlich. Darum hämmer gfunde mir wend eusi Freu ha und es Gheimnis züwsched eus fiindet mir au no schön... Darum sägemers eifach denn wenn niemert meh motze chan. :)

Ich weiss was du meinsch... Ich weiss ebe das mini Grosmuetter amigs um die Ziit id Ferie gaht also meistens erst am 20. Juni und mir hürated ja am 13. aber ebe wer weiss. Und ich fröge mich jetzt obis ihre hald scho vorher sege sölle eifach dass sie den churz nacher gah chönd. Mini engsti Familie gaht sicher nöd den weg will mini chline Gschwüsterte no id Schuel gönd und somit gönds nur i de Schuelferie weg. :)

Alegna: Ah tut guet findet ihr das no e gueti Lösig. Bin megisch mega unsicher a eim Tag findis cool und denke das passt und am andere denke was wen...

Bez. härtem Alk hani mir ehrlichgseit garnie Gedanke gmacht. Aber mir werdets ziemlich sicher glich mach wie die meiste da. Dass mer wenn mer so zügs konsumiere möchti selber zahle chan und mir das eifach so vom Service-Personal säge lönd wenn öpert bstellt. Den hengeds quasi nöd a eus will uf em Menu wottis nöd unbedingt schriebe. Aber ich glaub au dass bi eus für die meiste ussert paar Kollege de Wiiswii und Rotwii langed. Bier würdi au no zahle aber meh nöd...

Nala, aslo da chani di verstah, dass es ergerlich isch. Vorallem fühlt mer sich vo luter geplaudere und gemotze am Schluss würklich selber schlecht und denkt die ganz Ziit isches jetzt usgliche. Mer wirds ja nie 100% schaffe. Ich han hald genau so ähnlichi Storys scho viel gläse oder ghört und darum hämmer eus so entschiede. Du häsch übrigens völlig recht, mer muss doch nöd über jedi Location wo nacher garnöd in Frag cho isch en Report abliefere. Mached ruhig wiiter so wie ihrs guet findet. :)

Hihi, gell! Fest der Liebe...

Chlini: hesch min Struss gse, woni postet has? Mit Orchidee? Ich bi sicher, de hät keine 250 Franke kchoschtet... Süs chöntisch jo din GG oder öpper eifach zunere Florischtin schicke und säge lo, sie well öperem sonen Struss a dem Samstig bringe, sie hegi es Fäscht und sie heg so gern Orchidee und denn chasch so eine mache lo... ich bi sicher, das chunt di wesentlich billiger....

Guete Morge

nala: Super, dasser no anderi gfunde händ, wo Trauige mached und eher i euem Budget sind! Ich glaub au, dass au so öper e schöni Trauig chan mache für eu.
Xehn das au ähnlich wie das, wo du wäg eusere Fotografin gseit häsch. Vilich isch öper, wo das nonig 20 Jahr macht, defür no offner für eui Ideä und Aregige und leit sich meh is Züüg. Muess nöd sii, aber chönt ja sii.
Also, mir händ ja en Prediger und en Priester und die sind das beidi nonig 20 Jahr. De Prediger isch sogar i eusem Alter. Ich mach mir da absolut kei Sorge. Wird sicher super!
Tuet mer leid, dass eu so vill drii gredt wird bim Plane und d Lüüt igschnappt sind. Bi eus isch es so, dass mini Eltere vill meh mitüberchömed (ich wohne dihei). Bin u froh, dass sini Eltere das nöd persönlich nehmed (zumindescht hani nöd de Idruck).
Müend eus aber mängisch scho au abgränze und ich bin au scho zimli verletzt worde. Letschteres hanged aber au mit de Chrankheit zäme und demit, dass gwüssi Sache bi eus andersch sind als bi andere Brüüt/Paar.

Pfingstrose: Also, prinzipiell hetti au gseit, dass 6 Mönet sötted lange. S Hochsig vom eigete Chind/Gschwüschteti/Grosschind hät ja sicher au Priorität und mer seit öpis anders ab. Aber wänn scho Ferie buecht wäred, wär natürli blöder. Ev. wärs ja würklich e Möglichkeit, dass ihrs de Grossmueter vorher säged. Aber da würdi no biz überlegge, öb das nöd di andere dänn chli mag, dass sie's erscht spöter erfahred?
Aber jedefalls, d Iladig als Gschänkli verpacke findi e mega schöni Idee.

Mir händs eusne Eltere und Gschwüschteti zimli sofort xeit nach de Verlobig. Mir händ mal bim schländere durs Niederdörfli vor em Rien ne va plus (sonen Spiili-Lade) so Musigdösli xeh. Eis devo isch de Hochsigsmarsch vom Mendelssohn. Mit so eim hämmers dänn akündiget. Also, schön ipackt (Ettiggette, wo de Name vom Stuck druf gstande vorher entfernt), sie s Dings ablaufe lah und dänn händs sälber müesse usefinde, was Sache isch. Isch sehr guet acho.

chliini: Vilicht isch sie vo nume Orchideä usgange? Eine, wo no anderi Blueme hät, wär vilicht scho günstiger.

me: Juhuu, grad es Save the Date vo Kollege übercho.

Liebi Grüess,
Fara