Also min Schatz het de usem Bluemelade gha und dä isch döt scho fertig gsi... ich schätz de het sicher nöd me als 40,- koschtet
Ich wür imfall süs echt eifach öpper irgendwohi schicke und zum Geburi oder so sonen Struss uf eues Datum mache lo. Ich glaube oft isches denn au eifach eso, dass d Lüt denked: Brutstruss, Hochzit usw. das choschtet eifach me...
Aber wenn die nüt devo wüssed und irgend en Chund hend, wo wett en Struss mit Orchidee verschenke, denn macheds das jo au und sicher nöd für 250 Franken...!!!

nicht registriert

Immer wes ums hürate geit sind d priise zum teil völlig überrisse. Drum choschtet e brutstruss eifach scho meh wills e brutstruss isch

Üsi familie rede üs zum glück überhaupt sind dri, si gäbe vil gueti tipps und aregige, si säged o geng si welle nid drirede. Findi super.

Blumenstrauss
ig ha scho paar Offerte igholt für mi Orchideen-Brautstrauss woni wetti (de im Ahang)
und er wird öppe zwüsche 180 und 200 Franke choschte...
findi aber okay wülls ja würkli mega viel orchidee-Blüete brucht...

@sasileu
welcome back - schön bisch wider da und du bisch sicher u schnell wider dinne...

Datei-Anhänge

longoria-parker-278x400.jpg (47x) Mime-Type: image/jpeg, 34 kB

Huhu zäme!

Das isch ja ungloublech was da ide letschte Täg gloffe isch, u de no am Weekend I ha leider o ke Chance meh, uf aus izgah bzw. ke Zit... bim schaffe geits angers ab u morn hani ja no frei für ds Brutchleidershopping . Apropos, i ha so Freud: Mis Mami cha itz o mitcho! Sie wäre eigentlech bis am Samsti ide Ferie gsi, si itz aber e Wuche früecher heicho.

Süsch geits mir leider sit gester nid so guet... Hamer doch tatsächlech no ganz e strubi Blaseentzündig igfange - 1 Tag bevor dä stent isch usecho . Normalerwis bringis mit viu trinke guet wäg, aber dasmau het absolut nüt ghuufe. Hüt Mittag hani ja de dr Termin gha zum dä stent z'entferne und has de am Urolog gad gseit. Da heter gmeint, mit somne stent drin heig me ke Chance, das ohni Medis wägzbringe und er gäb mer de gad Antibiotika. När heter auso dä stent usegfischet (e Prozedur, woni lieber nid necher möcht druf igah ) und da het me uf dr Kamera gseh, wie mini Blase im Momänt usgseht - ungsung. Er het gfunge, das sig auso e rächti Entzündig. Jetz hani Antibiotika für 5 Tag becho und hoffe, dasses morn scho viu besser geit. Sit i ds 1. ha gno, isches ämu scho viu erträglecher.

@Lüt informiere vorem Hochzit: I finde, das darf doch jedes Päärli für sich entscheide und es het sicher Vorteile. I würd aber scho luege, dass die Lüt wo auefaus chönnte wäg si, vorher Bscheid bechöme (wobi me de aber mues ufpasse, dass die nid ploudere... ). Für mi wärs sicher nüt gsi, wüu ig verplatzt wär, weni nid mau mim Mami u mine beste Fründinne öpis hätt chönne säge . Und i ha bi mir zGfüu, dass mini Eutere u Gschwüschterti sech rächt vore Chopf gstosse hätte gfüut, we sies ersch relativ spät hätte erfahre. Aber we das kes Problem isch, wieso nid?

@Aiyana: welcome und gratuliere zur Schwangerschaft!

@Sue: Mega schöne Struss! Das dänki, dass e Orchideestruss chli meh choschtet - aber 250.- wär mir jetz o zviu. Findi e super Idee, gar nid z'erwähne dasses e Brutstruss söu si. Me müesst aber de druf luege, dass dr Struss gäbig isch zum ir Hand ha u d Stiele nid safte (wäge Fläcke ufem Brutchleid).

@Lula: HAAAAMMER Pris für d Blueme, super!

@sasileu: Welcome back! Oje, bisch o chrank gsi?

Wow, dir Lehrer sit ja hie würklech guet verträte I bi ganz e längwilige Bürogummi
So, i mues wieder und hoffe, i cha chli früecher ga, füehle mi würklech nid super...

@Fara: Also i finde ou wenn dir ä Apéro am Nami machet, chöit dir ä Amäldig verlange... Wenn sich när nid alli mälde, chöit dir ja de immer no entscheide, wie viel Müeh dir öich weit mache mitem hinge nache telefonierä, oder ob dir de eifach weit sägä "ok, mir wüssä jetz vo 80% ob sie chömä oder nid, die rästlechä löh mirs lah druf ab cho"...

I ha Gschicht, Geo und Dütsch. Aber ir Oberstufe gits ja Gschicht und Geo eh nid als einzelni Fächer sondern isch eifach im NMM drinne. U uf derä Stufe ischs so, dass ig när so oder so alli Fächer darf und ou sött chönne unterrichte (wie de das söu gah - gad z.b. im Franz! - weisi ou nid...).

@sue: wow, das si würklech hammer Priise fürd Cupcakes!!! Cupcake-Affair isch gad dopplet so tüür... I gloub da muesi mi de glich ou no nach andernä Abieter umeluegä...

Mega cool dass dir so professionelli Unterstützig überchömet fürd Chärtli z mache! Wird sicher mega schön mit denä goldenä "Hülle".

@nala: ah super heit dir no öper gfunde wo nid gad so tüür isch für die freii Trouig!

@Pfingstrose: I finde ou, das sött doch länge wenn dir d Familie ar Wiehnachte informieret. I meine - anderi föh ersch denn afah plane, de sött doch das scho müglech si!
Aber i hätt äuä ou nid chönnä ufds Muu hocke, has gad sofort allnä wöuä verzellä...

@Taeboyana: oh nei, so doof! Wünsche dir gueti Besserig und viel Spass bim Chleider aprobiere!

@me: GG het hüt ds Chnöi müessä ga operiere... Er isch scho die ganzi letschti Wuche mega nervös gsi und isch mir mega ufä Wecker gange. Aber es isch ä Routine-Igriff (Meniskus) i dänke nid, dass da viel cha schief gah. Jetz chani de mal ids Spital düse ga luege wies ihm geit und obi ihn gad wieder cha mit hei näh oder ob er mues bliibe über Nacht... wünsche öich allnä ä schönä Abä!

Hallo zäme

Ech be ganz neu do und "dörf" do jetze aso ou metschriibe! :-)
Ech han ändi Septämber ide USA vo mim Frönd der Hürotsatrag becho und ha durdas gar noni agfange met organisiere...
Woni denne so üchi Sache gläse ha, dassder scho bide Strüss sitt, hettsmi gad aus erschts echli gstresst :-)
Mer hei aber gseit dassmer eventuell im Sept 2014 hürotet und wemmer gsäi das alles scho usbuechet esch (wases jo äuä ou gli werdi si...) wärdemer denne im Früehlig 15 hürote...

s Datum hemer drum noni gfixet. Mer luege jetze mol no wases alles so frei hett vode Locations...

Aus erschts hani aber mol no en Frog zude Location. Hett öbber no Föteli (z.b. vonere Hochziit oder vonere Besichtigung) vom Herzberg in Uffikon vom Lokal? Es hett ufde Homepage u mega vell Föteli vo dusse, wett aber gärn ou no Föteli vo inne gse...

E freumi uf vell spannends zum läse!

Liebi Grüess
bibi