Janedoe: Hey! So schöns Foti... Da het also s Wetter kei Rolle gspielt.

Bibi: Gratuliere zur Verlobig! Mir isch glich gange, da mir bis vor ca. 1.5 Mönet no garnüt gha hend. Und mir wend ja scho im Juni 14 hürate. Ihr findet sicher öpis wo eu passt! Wer unter de Wuche au e Option oder garnöd?! Gib's mal im Googel ih... Uf irgend en Hochziitsfotograf triffsch meistens. Den gsehsch gad wies usgseht.

ou wassi na han welle säge, mir hend eusi Traumiiladigskarte ez gfunde und sie sind perfekt :D! Chume Musterkarte über und denn zeigis eu denn wenns fertig sind freu mi grad mega drüber!

Und wahrschinlich nehmemer ez Privattanzstunde neumed, würdet als Paar 95.- zahle für e Stund und so chöntemer eusi eigeni Choreografie drii bringe, freu mi scho druf !

so ez endgültig, guet naaacht

Eu chame aso nöd vorwärfe, das iher schriibfuul sind!
Entschuldiged, wenni nöd allne grecht wirde. Isch ja wahnsinn was da lauft!

@nala
Hehe han mal en Ex gha mit dem bini am 1.8. zemecho und de hed de jedes Jahr gseit ‚lueg, jetzt lönds für eus Füürwärk ab’ Es guets Datum!

@Taeboyana
Gäll das isch müehsam, wenns eim sZüüg ned zueschicked?! Ich ha vor meh als eme Monet Manschettechnöpf für min GG bstellt. Als chlini Überraschig… aber die sind bis hüt ned cho und hett au kei Adresse zum reklamiere. Jetzt hani chli Angst, dass die mini Kreditcharte missbruched
Ou nei! Blaseentzündig Gueti Besserig!!

@Lula
Isch ja de hammer wege de Blueme! Soooo toll! Freui mi gad mega für eu! Mier hend eusi Offerte leider no nöd Für uf Tische wender de gar kei Blueme?

@Pricana
Gott sei Dank isch nöd meh passiert!! Das hett ja recht viel dümmer chönne gah! Schön gahts dier und au bald dim Auto wider besser

@munggi
Hesch es Bild vo de Freudentränendinger? :D

@Aiyana
Härzlich Willkomme und vill Spass bim mitschriibe!
En mega schöne Atrag hesch du becho, bin gad hin und weg!

@malinchen
Danke für dini super Ideeä, leider isch alles so drunter und drüber gloffe, das ich schlussendli d’Decki und d’Tassli woni schön parat gmacht ha total vergesse ha Cherzli wäred bi dem Hudelwätter wahrschinli gar ned gange

@squishy
Haha super Mami!
Ich glaube au, dass iher eu müessted dumm und dämlich putze inere Garage. Und fürs Shooting findi, dases für eu muess stimme und iher eu in erster Linie müend wohl fühle, also darfsch da ruhig chli heikel sii findi!

@nala
Ui, 3000.- für die frei Trauuig findi jetzt aso au chli happig. Hender nochli wiiter glueget? Ah jetzt hanis grad gseh… Hender mit dem jetzt scho Kontakt ufgno?

@kleinefeder
Suuuper schöne Struss!!!

@Fara
900.- für e Fotografin isch echt mega günschtig! Hoffe dass eu s’Album cha überzüüge und iher denn zueschlah chönd.

@Sue
Super wege de Iladige! So spareder ja wieder ame wichtige Punkt und die goldige Charte sind uf en Art wieder chli ‚abzahlt’
Ui, wer macht denn so günstig Cupcakes? Isch das en Fründschaftspriis gsi und gits e Homepage vo ihre? ;)

@Pfingstrose
D’Idee d’Iladige uf Wiehnachte z’schenke’ findi eifach nume genial!! Möched das unbedingt!


@sasileu
Welcome back! Schön bisch wider da

@Bibi77
Härzlich willkommä! D’lela85 bi de Mai 14 Brüüt hüratet ufem Herzberg sowiit ich weiss. Frög doch mal sie

@me
Tuen eu gern no brichte vo eusem Shooting gester:
Mier hend mit de Fotografin abgmacht, das mier spontan lueged wegem Wetter. Bi eus isch zwar recht verhange gsi aber es hed nöd gregnet oder so. Mier hend jedoch in SZ abgmacht zum fötele und d’Fotografin hed de gfunde, es würd scho gah, es seg halt eifach ganz e anderi Stimmig als wenns jetzt schön wär.. Aber da ich das Shooting UNBEDINGT ha welle mache simmer de losgfahre. Und zwar de plötzli recht im Stress. Natürli hani prompt alles vergässe woni a Accessoires parat gleit ha zum shoote. Alles bis uf en Tafele womer mit Chride druf gschribe hend. Immerhin
Je meh mier richtig Schwyz cho sind, desto meh ischs neblig worde und de Räge immer stärker. GG hed mich de meh als eimal komisch aglueget, obs ächt wirkli schlau seg Womer acho sind, heds de richtig grägnet aber eusi Fotografin hed es paar super Stelle usgsuecht und so hemmer de chli meh als e Stund gfötelet. Ich bi soooo gspannt uf d’Bilder! Mini Haar hend extrem glitte, mer gsehts au ufem Bild woni eu geschter scho zeigt ha… Aber suscht isches super gsi! Jetzt heissts warte warte warte

nicht registriert

Guätä Moorge liiäbi Brüütlis

Janedoe: Oooh so kuul hend iihr Shooting trotzdem gmacht! Fötele bii sunneschii cha jede, aber au no im Rege guät usgseh chönt nur wenigi Eues Bild gseht traumhaft us! Miir gfallt dini Haarfarb so guät und veregnet wirkrs gar ned! Isch es natürlich?? Und ihr wirket meega verliäbt ufem Bild!! Perfect!

Malinchen: So hänger giits immer und sind au total erlaubt Du hesch ja selber gsaiit, ihr sind scho sitem Januar drane. Do chönt ihr ruhig mal eh Pause machä! Und viil isch bii eu jo scho gmacht!
Wünschä guäti Besserig diim GG, ii cha en guät verstooh, dass er nervös gsii isch. I het bruutal Schiss Wiiä gots em, het er müässä bliibe?

Pricana: Wooow 95.- für Tanzstunde? I meiine das iisch eh suuuper Priis! Wo machet ihr das? Findes uuh schön, dass dii GG do mitmacht!
Gratuliärä zu de Karte. I hoff sii chunt bald aah, nimmt mii meega wunder wiä sii usgseht!!!

Bibi: Welcome to our Forum! Schön, dass du au zu uns ghörsch und gratuliärä herzlich zu Verlobig!! In dä USA hesch gsaiit, wotsch verzelle wiä er's gmacht het? I kenne Utzikon au nöd. Sind iihr scho eiifach go verbii luägä. Mir sind oft eiifach gange und hend gsaiit mir wönds aluägä. Aber ihr chöntet eu vorher z'erst amelde? Denn hesch es gad live und isch immerno total unverbindlich? Oder isch es echt z'wiit weg?

Nala: Ooh, es tönt müähsam wenn all so driiredet und isch meega schaad. I cha amigs fast nöd schwiiige wenn's um sHochziit goht! Aber wird wohl s'beste sii und am Schluss wird's Hochziit wunderschön wills eues wird sii, genau so wiä iihr's gwünscht hend und ned was alli andere no als passend fändet!

Taeboyana: Hüt isch dä Taag du darfsch go shoppe! I bii scho meega gspannt uf diin Bricht und wünsch diir viil Froiid und Erfolg für dä hüttig Tag!!
Uiii, naii, es tönt gar ned guät mit diiner Blase! I hoff diir gots scho chlii besser und chasch dii Tag gniässä!

Pfingstroose: Du hesch mini tüüfst Bewunderig, dass ihr da so lang für eu bhalte chönt. I wär regelrecht platzt. Isch aber bii uns au was andersch, wenn no dehaii wohnsch. Denn bechömets sowas siicher mit I cha dii guät verstoh, dass diir Sorge machsch, dass Wiähnachte z'spot chönti sii.

Sue: Woow, de Struus gseht würkli zum verliebe us! Ich find dä Priis jetzt also au no agmesse! Wundertoll

Sasilu: Welcome back! Uii, ii hoff du hesch dii guät chönä erhole!
I ha mii scho gfragt wo du biisch, will ii ha eh Frag an diich Du hesch doch mal dini Karte inepostet und gsaiit vo wo sii bstellt hesch. I find da nümä, vo wo hend ihrs gha? (ii hoff, ii verwechsle jetzt keii Näme ) Kurzi Zämäfassig isch ned so guät möglich, weiss au gar nüm so gnau was gloffe isch. Het es paar noii gäh und vo dä Fotoshootings hend mirs gha. I glob ii dä nechste Ziit werdet einigi Fotis postet. Aber ii denk, was weltbewegends hesch ned verpasst!

Phuu, gebt no viil zum Lese und kommentiere. Aber ii mag grad nümä. I het geschter sölle im Zoo go schaffe (isch miis Studentejöbli) Aber will so schlecht Wetter gsii isch, hends mii ned bruucht. Denn han ii denkt, isch dii optimal Ziit zum am Zahnarzt alüte. Miin Wiisheitszah het scho lang weh tuä (Mii GG meiint scho wo er in Australiä gsii isch heggi gmotzt ) Und denn prompt han ii sofort müässä go und zagg hends en usegrisse. I chas chum glaube, es war so schrecklich. Ha diä Nacht Alptröiim gha vo dere Spritze. I bii eiifach nonig so Zahnarzt erprobt I hoff mini Backe schwillt bis am Sunntig ab, mag doch keiin Hamster sii uf dä Iladigskarte s'Guätä iisch, hüt han ii so viil Ziit zum schriibe

Wünschä eu ä guäte Taag und viil Sunneschii ins Herzli