Janedoe: Haha das mit em „langwilig“ hani gad denkt ich han das gschriebe. Gaht mer gad mega glich. Weiss garnöd wasi momentan söll mache für d Hochziit. D Fotis mached mir ja am SA den heisst au warte bis sie chömed und den mal d Iladig fertig mache. :) Hm… Und suscht? Kei Ahnig… Gits nöd no öpis grössers wo du erledige söttisch?!

Teaboyana: Cool wegem Chleid! Bin mega gspanne… Tönt aber scho viel versprechend? Häsch dörfe es Foti mache?

Alli: Fraue, Fraue… Alli mit Blaseentzündig am umeschlah! Wünsche eu dass es schnell weg gaht und nöd zgrossi Schmerze chömed. Ich hoffe das isch keis Zeiche dass ich au no „befalle“ wird. Ich han fäng zweimal Blaseentzündig gha und bim erste mal hani au die ganz Ziit dänkt mit Preiselbeersaft gahts scho weg am Schluss isch nurno Bluet usecho und ich han brüälled uf em WC wills so weh tah het. Bis min Schatz gseit het jetzt gömmer in Spital. Echt en Mist die Blase! Vo de Impfig hani au no nie öpis ghört.

@Tabeoyana: die siite kitschcakes gseht ja mega us, hani mir grad hei gschickt dä link :D
Ja das findi amigs au, es isch würklich e frustrierendi Sach! Und ebe immer Antibiothika neh chas au nöd sii.. Aber ich han ebe na nie öppis ghört vo dere Impfig, muen mich würklich mal schlau mache, wär echt de hammer!

Ich kenne Globetrotter gar nöd so, mir sind bis ez eusem Helvetic Tours Büro immer treu gsi  Chamer denn dete alli Reise bueche oder isch das meh für e Rundreis?

Ich kenns ebe au so, dassmer für en Apéro eher churz vorher (2-3 Mönet) iilad, aber mir hend kei STD Chärtli gmacht und sobald ich d’Iiladige han wotis so schnell wie möglich mit allne teile :p. Aber evt. phalti d Apérochärtli demfall doch na chli zrugg.. sicher die für im Gschäft, suscht hangeds denn 6 Mönet bi eus adä Wand :D

Chleider gsehnd echt meistens schöner us als ufem Foti, aber ich bin sicher au dete isches schön :D!

@squishy: oje denn isch ja umso besser hesches ez überstande!!

@janedoe: Mag mi grad nöd a dini Iiladige erinnere, aber isch e mega gueti Idee mit öppis zuesätzlichem wo d Infos drinne stönd! Das wär evt. au öppis für eus ! Wenn verschicked ihr eui Iiladige?

@Sue: danke vielmal, hoffes au !! Ou nei so blöd, gueti Besserig!! Ja frögen doch mal, nimmt mi wunder was er seid. Ich han ebe au na nie vo dem ghört!

@Pfingstrose: danke vielmal! Oje, ja es isch doch echt en Fluech ..

@nala05: ja genau drum hani ebe denkt wärs na guet, aber wennmer denn doch alles id iiladig schriebed brüchtemer glich keini.. muenmer das namal überlege:D

@me: han nurna 2 min ziit denn mueni ane sitzig :D aber han grad u panik, eusi schöne chärtli womer gfunde hend uf dawanda lieferets viellicht nöd id CH.. frög mich aber warum? han ez immer mit dere Chartefrau kontakt gha und aber nie gseid dassmer us de CH sind, hani irgendwie vergesse oder nöd für nötig befunde. und ez hetti selle e musterkarte bstelle und denn gahts nöd wills nur uf östriich und in dütschland liefered. han ihre denn grad gschriebe und ez nüd meh ghört.. druckedmer also de duume dasses doch na klapped :D

schöne nammi zäme!!

@pricana,
www.meineinkauf.ch
dete chasch en dütschi adresse "irichte" und die tüänds den wiiter schicke id schwiiz.
Bruche das no öpe zum i .de shops z bstelle.

Hoi Froue, versueche jtzt mau di letschte 3 Täg nachezschaffe - 6 Sitene...

@squishy: Jep, mir hei ja vor Nemo dKerzeständer u dSpieglplattene. Vo üsere Probedeko hänki dr es Foti ah, wenni de no dra dännke... zEfeu für das hole mir im Wald, u tües de eifach gad mit dr Deko i dObiglocation bringe.
Dis Mami isch doch härzig! Das mit dr Brügg tönt doch cool, gäbi sicher hammer Föteli!

@nala: Ah ok, tönt doch wunderschön! Jep, isch ächt e Hammerpriis
Ha kei Erfahrige mit freiie Trouuige, aber finde 2'000.- sehr viel. Wüsst Dir scho, was ihr weit? Heit dr de jtz mit am Nicolas Lindt scho Kontakt gha?

@Aiyana: Härzlechi Gratulation zum Buchzwerg!
Din Atrag tönt ja sehr härzig, da het sech Din GG würkli was überleit.

@Pricana: Di si druchus ou schön, eifach nit ir richte Farb
mir hei gad aui zämä verschickt! U gad wäg am Platz hei mir üs für Pocketfold Kartene entscheide.

@Pfingstrose: Mir hei wissi Rose, vergissmeinnicht u Efeu.
Wieso weiss de Dis Mami no nit das ihr hürotet?

@malinchen: Danke viu mau! Finde die ebe ou sehr schön, bi aso scho sehr gspannt.
Wie geits Dim GG? Het er am Obe scho umi hei dörfe?
Drum si mir ja aui so früech dranne, oder? De darf ou eifach mau nit würkli was loufe...
@Fara: Isch doch e guete Priis wo ihr heit.
U wenn de zum 1. Advent es Familiekränzli machsch u ne denn dKärtli gisch?

@Sue: Has so ou no nie gseh, ämu nie in live, eifach online. Aber i finde se eifach uuu schön.
Wie isch ds Träffe mit Dire Kollegin gsi?
Das tönt nach am ne super Priis für dCupcakes!

@Taeboyana: So schön chunnt Dis Mami glich mit. Hesch öbis gfunde? Has gad gseh, härzlechi Gratulation! Hesch es Foti?
Ganz gueti Besserig, hoffe Du bisch gli umi uf de Bei!

@bibi: Härzlech Willkomme bi üs!
Magsch chli was vo Dir verzelle?
Kenne Dini Location gar nit. Aber viellech chönntisch se direkt afrage?

@jane: Oh, jöö, sehr schöns Foti!
Doch, doch, hänke es Foti dra, u für das bsorge mir eifach zEfeu im Wald u bringes de mit dr Deko gad i dObiglocation.

@Sasileu: Super Idee, Dini Froue fröie sech sicher!

@principessa: Und, hets glänget zum Afah mit dr Homepage?

@all: Hoffe i ha niemert vergässe u nit zviu verwächslet.

@Tanzstunden:Ha ne Tanzschuel im Oug, wo üs dr Grundkurs, wo eifach so di gängischte Tanzschritte dinne si, wo mir für 7 Lektione à 60 Min Fr. 150.- würde zahle.

@Me: Juhui, ha geschter mis Kleid gfunde u kouft! dÄnderige mache mir de so im Januar, Fellbolero u Schirm darfi vom Gschäft uslehne... Si de bi üs no bis am haubi eufi gsi, aso TZ, GG u ig u hei gredet, planet u Ideene ustuschet.