Lula: Gell, nu scho 3 Tag ned mitlese und giit scho jede Menge z'tuä! I hets jetzt guät verstande, wenn du da liiber ned alles nolese hettisch welle Woow, bii diir isch gad einiges gloffe. I find dini Bluämä mega schön! d'Farb find ii wunderschön!! Und au d'Ringe gfallet mir guät! Find dii viile Steinli hübsch! Und natürli gratuliere ich diir herzlich zum Kleiiderfund! Du hesch doch eher chlii Müäh gha? Schön bisch fündig worde und diis Traumkleiid gfunde! I finds mega hübsch, dass es so schlicht und gliich bezaubernd isch! Dii GG wird umghaiie vor Schönheit
Pricana: Ha gad au welle sege, dass so Lieferadresse giit! I ha s'gliiche gmacht mit dä Farbe und mini Eltere machet das no oft. Porto isch gad 20.- günstiger cho, defür hend mir halt dä Weg uf Dütschland machä müässä. Lass den Kopf nicht hängen, do giits siicher eh Möglichkeit!
Nala: Schön isch sii eu so entgegecho. Aber du hesch scho recht 2300.- isch immer no meega viil! Guät dass ihr chlii Priise mitenand vergliichet! I hoff für eu, dass ihr schnell Antwort bechömet. Wenn ich wichtigi Mails erwarte und Ziit han, gang ii andauernd go Mails checke
Taeboyana, Sue und Pricana: Ihr drü Liidende. Scho wiider got diä Blaseentzündig umä. Meh chönt meiine d'Viire übertraget sich über s'Forum. Ich wünschä eu guäti Besserig und guäts Erhole, dass ihr schnell darfet wiider gsund uf dä Beii stoh!
Janedoe: Sau kuuli Idee, wenn's voll pisst stönd mir no use. Mersii, aah sowas han ii no gar ned denkt! Finds aber gad nomol eh kuuli Idee. Viellicht nöd grad für Karte, aber so für uns I will nöd so platti, versträhnte Hoor uf unserem Kärtli Mir chöntets scho no verschiebe. Aber dä Fotograf got in d'Ferii und denn würds November werde und denn wer Sunneschii doch no s'grössere Wunder. Usserdem het ii gar niiä solang geduld Giit so Ziite wo meh gar nüd cha mache. Jetzt darfsch diich au chlii zrugglehne und diis bisherige Werk bestune und d'Vorfreud uf d'Fotis und Shoppe gniässä! Und scho glii chunt s'nächst wo iihr dafet plane!
Me: I bii nomol in Wald gangä und ha Föteli vo "unter dä Brugg" gmacht. I möchts eu mol zeiige. Bin gspannt uf eui Meinig. Denket ihr immerno isch passend für es Shooting? I bii gspannt was dä Fotograf zu de Helligkeit saiit...
Wünschä eu allnä eh herrlich erholsame bald-Fiirabig!
@squishy: Säg nüt, ha gmeint mi träffi dr Schlag! Aso dFarb vom Bluemestruus? Isch nit mini Farb, aber dr Stil findi troumhaft... Si 5 Steindli, aso ämu bim Ring. Oder meinsch Du die bir Tischdeko? Danke viu mau!! Hoffes doch, är hetti sich gloub chli "Volume" u SchniggSchnagg gwünscht Findes nachwievor super. I würdi eifach gugge, dass dNeonrähre nit zfescht uf de Fotis isch. Aber süsch gseht das sicher troumhaft us! U mit dr Helligkeit, dass setti eigentli scho gah
Lula: I ha jetzt d'Föteli lang müässä aluägä bis ii nu scho tscheggt ha, was du meiinsch. Diie helle Liächtstrahle am Himmel? Wer no praktisch, denn wärs ned ger so dunkel Kuul isch ebe, dass jo ned umbedingt geg ä Wand muäsch Fötele sondern ii's grüänä usse (so wiä ufem 2te Bild). Denn gsehts us als ob unter freiem Himmel biisch. Dä Fotograf het ebe vorgschlage viellicht eh Wand mit Graffiti, derum han ii so viel Foteli vo Graffitis gmacht Mersii für dini positiv Rückmeldig! I bii froh, wenn ned nur iich das ä guäti Idee find!
Jo, ii ha d'Farb vom Bluämästruus gmaiint. Exgüsi, ha demfall ned so gnau glese weg dä Farb Was wär denn dini Farb? I finds no kuul, wenn Efeu im Bluämästruus und ii dä Deko vorchunt. Am läschte samstig isch es nu ii dä Deko gsii. So merkt meh dass es zämä ghört! Find ihn also au inere andere Farb total schön! Und jep, ii Steinli vom Ring gmaiint? Het dZahl 5 ä spezielli Bedütig (oder han ii da au überlese)?
@squishy: I würdi jtzt nit unbedingt gägge dGraffitis, ämu sofern ihr beidi nüt drmit ztüe heit. Findi dUssicht is Grüene viu schöner! Mi Struus wird us wisse Rose, vergissmeinnicht u am Efeu si, aber ca i däm Stil vom Rosa Struss. Mir si, wenn mir hürote 5,5 Jahr zämä, drum 5 Aber nee, dass hesch nit überläse, wenn denn hanis iwenn mau gschribe
@Taeboyana: oooh, cool hesch es Chleid gfunge!!! Bi scho sehr gspannt uf ds Föteli!
@Squishy: oh nei, doofi Wiisheitszäh... I ha letscht Summer einä zoge, jetz sötti no zwöi witeri lah usenäh (dr 4. hani zum Glück gar nie gha) u drücke mi scho eeeewig drvor. Wünsche dir ou ganz gueti Besserig u dass jetz laaaaaang nümme zum Zahnarzt muesch!
I finde die Location unter dr Brügg seeeehr cool... und gad mit de Graffiti chani mir guet vorstellä, dass das super Bilder würd gäh! Vor Hälligkeit här würdi sägä, dass es sötti gah zum Fötele, wenn dr Fotograf es Blitzgrät het (wasi jetz mal schwär anime )...
@Blase-Opfer: oh nei, dir arme!!! Wünsche öich ou gueti Besserig!!!
@nala: i finde guet, dass dir no anderi Theologe heit agfragt. 2'300 isch eifach zviel fürnä Trouig findi... Klar isch jedi Trouig individuell u git z düe bim Vorbereite, aber gwüssi Elemänt si ja ou gäh oder es wärde no Darbietige gmacht vo de Gäst etc.
@lula: oooh cool hesch ou es Chleid gfunde!!! I gseh aber d Föteli nid i dim Thread, hesch se wieder usegnoh? Würdsch mir ächt no eis per PN schicke?
@me und mi GG: GG het ersch gester hei chönne. Aber i bi irgendwie gad froh gsi, dass sie ne nid hei lah gah. Er isch no rächt gflasht gsi vo de Medis u das hät mi gloub mega nervös gmacht, ihn när so dehei z ha. Ha ihn när gester morge chönnä ga abhole. Aber ha ä mega Horror-Nacht gha u fasch nüt gschlafe u bi drum mega greizt gsi u has gar nid chönnä gniessä. Mini Besti isch vo ihrem dämlechä Typ verschlage worde, ächt eifach ungloublech was das fürnes A....... isch! Sie het mir när aglüte u mir hei fasch die ganzi Nacht telefoniert. Jetz hani dr Chopf eh gad nümme bim HZ wägä au däm.
Wieso het denn dini Bescht sone komische Typ? Trennt sie sich itze vo ihm? kei Wunder, dass de Chopf bi nüt anderem me chasch ha, das gieng mir also genauso... Drück Dich und Dini Bescht, das isch jo echt schlimm
@squishy: Oh nei du Armi, vo de Wisheitszähn hani ou es Trouma Ha mit 17i im Abstand vo 10 Tag aui vier müesse usem Zahnfleisch useoperiere wüu sie mer süsch ds ganze mit 5 Jahr Spange korrigierte Gebiss dominomässig wieder hätte zämegschobe Wünsche dir ganz schnäui gueti Besserig und dass de nid so wiene eisitige Hamster usgsehsch wie ig denn
I finde die Location zum fötele super. Mau öpis angers u so Gägesätz (ds romantische vo euem Shooting gäge die Betonbrügg) hei öpis mega Spezieus. U grad wenn dir die Farbe weit isetze, wärs doch mit de Graffitis u cool? U i däm chline Wäudli chöiter ja immer no paar chli konventionelleri mache. U vom Liecht här dünktmi, gsehts gar nid so dunku us? Fürne Fotograf wo öpis druf het isch das sicher kes Problem.
@Lula: Cool hesch ou es Chleid gfunge! Isch das itz vom Minder? Dr Bluemestruss findi ou super, mega schöni Form und mit däm Efeu würklech spezieu. U d Ringe gfaue mer o mega, si im ähnleche Stil wie üsi!
@nala: Ig finde die Priise für freii Trouige ou extrem. Irgendwie wott mir o nid so ganz i Chopf, wieso die so viu meh söue heusche as e Pfarrer? Dä mues ja grad soviu vorbereite... Isches de für euch sehr wichtig, dasses e freie Theolog isch und ke Pfarrer? Wüu viu Pfärrer si hützutags absolut bereit, e Trouig im Freie zmache. Wär en Überlegig, wenns euch nur drum geit, nid ire Chile inne zhürate.
@malinchen: Schön isch di GG wieder däheime. Geits ihm einigermasse? Ih nei das tönt ja schrecklech vo dire Beste!! Was isch de das für eine??! Horror. Klar dass di das o belaschtet.
@Sue: nei ig ha es 4er-Set Güeziförmli bsteut, aber finges uf dr Website gad nümm... vielech hani ds Letschte verwütscht ? Es het äbe es Brutchleid, es Törtli, es Härz und es Champagnerglas drinne. Verziere würd ig se im Stil vo mim Avatarföteli (eifach nid rosa), mit Zuckerglasur, Fondant und Perlechügeli... ha es mega Arsenal a settigem Schnickschnack dähei Sie vo dere Website macht äbe o Kürs und ig wett iz de gäge Winter mau no sone Cookie Dekokurs mache, de wüssti de när o, wiemes professionell macht .
@me: Mir geits hüt Abe viiiiiu besser, bi so froh! U bim schaffe bini sogar richtig produktiv gsi. I hoffe, vo hie a geits itz definitiv ufwärts. U so voubringi hüt Abe o no ds Wunder vom Tag und hänke für aui Neugierige no 2 Föteli vo mim Chleid a
@malinchen: Jep, i has umi usegno, wie ou di andere Föteli ou. Da i nit sicher bi, dass de nit scho oder plötzli no öber vo üsne Gäscht hie isch, isch mir das lieber. Aber i schicke Dir eis per PN. Wieso de dämlich? Oder isch das nit zerschte mau gsi? Het si sech de jtzt trennt? Oder bliebt si bi ihm- wieso de? U wie geits Dim GG u Dire Beschte? Aber i verstah vou, dass de so gar kei Närv hesch, für nos Hochzyt, hoffe es geit gli umi besser bi Dir.
@Taeboyana: Jep, isch vom Minder. Chane aso wärmstens empfehle, es isch dr Hammer gsi derte. Danke viu mau, aber dr Bluemestruus isch eifach es Bispiel, chunnt de mit üsne Blueme. Dis Kleid chunnt Dir mega guet!
@Lula und Taeboyana: WOW, mega schöni Chleider heit dir gfunde! Merci fürs zeigä! Dir gseht beidi wunderschön us!
@me: Mini Besti het leider ä Hang zu so Männer wo irgend ä grobi Macke hei. I hoffe sie trennt sich vo däm Vollidiot. Er isch scho mal mega usgrastet, wöu er eifach chrankhaft iversüchtig isch. Denn isch aber süsch nüt passiert u wies halt so isch het sie ihm wieder vergäh nachdäm er x-mal het beschworä dass nie meh so öpis wärdi passierä blablabla... Jetz isch sie ä Wuchä miterä anderä Fründin idä Feriä gsi u wo sie am Mänti Abä isch hei cho, isch er natürlech zu ihre cho u zersch hei sies mega guet gha. Aber när het sie ihm verzellt, dass sie es komischs Erläbnis het gha mitemnä Typ wo sie belästigt het idä Feriä (eig. nüt schlimms, sie si ir Türkei gsi u det hets halt zum Teil so ufdringlechi Type) u er isch när voll usgrastet wägä däm u het ihre d Schuld gäh - so vo wägä sie heigs sicher provoziert u es heig sie doch agmacht etc. Das het sie sich natürlech nid lah gfalle u het ihm gseit er söu gah. Uf das ufe heter eifach uf se igschlage. Zum Glück het ihri Nachbarin d Polizei lah cho wöu sie dr Lärm het ghört, i weis nid wie das süsch hätti gändet...
So, jetz aber fertig mit däm triste Thema wo da inne nüt verlore het! Bi gad froh gsi hanis chönnä loswärde - sie het drum nid wöuä dass igs öperem sägä wöu sie sich schämt. Nid mal GG hanis verzellt...
Anmelden
Und au d'Ringe gfallet mir guät! Find dii viile Steinli hübsch!
Guät dass ihr chlii Priise mitenand vergliichet! I hoff für eu, dass ihr schnell Antwort bechömet. Wenn ich wichtigi Mails erwarte und Ziit han, gang ii andauernd go Mails checke 
I will nöd so platti, versträhnte Hoor uf unserem Kärtli 
Was wär denn dini Farb? I finds no kuul, wenn Efeu im Bluämästruus und ii dä Deko vorchunt. Am läschte samstig isch es nu ii dä Deko gsii. So merkt meh dass es zämä ghört! Find ihn also au inere andere Farb total schön!
Wünsche dir ou ganz gueti Besserig u dass jetz laaaaaang nümme zum Zahnarzt muesch! 
Klar isch jedi Trouig individuell u git z düe bim Vorbereite, aber gwüssi Elemänt si ja ou gäh oder es wärde no Darbietige gmacht vo de Gäst etc.