Malinchen: Es isch ächt total schlimm! Und mis Mami bereuts jetzt amigs, hends sich nöd meh igsetzt wo alles agfange het. Will jetzt isch eifach scho zspat. Wasi eigentlich säge wott isch, wie gasch du jetzt mit ihre um? Bzw. wüssed ihri Elter oder evt. Gschwüsterti das au? Doof gseit, müst mer nemlich ine "Therapie" eifach zum mal uf de Grund gah und zum das "Beuteschema" durchbreche. Isch scho sehr tragisch wenn mer das so nöch erläbt. Will vo alleige wirds nöd besser. Die lönd sich ja den würklich amigs d Schuld geh und wenn irgenwenn no Chind is Spiel chömed ja den guet Nacht.

Also wegen der Kärtchen...
Ich würde der Frau halt erklären, dass Du gerne zuerst ein Muster hast, oder bloss eine Anzahlung machen willst.
Aber selber machen kommt definitiv teurer! Es sei denn, du hast das ganze Material schon zu Hause.
Ich vermute, die Frau hat so eine Präge und Stanzmaschine (Kostenpunkt ca. 200.-). Aber selbst wenn Du den schon hättest. Allein das Mäschli ist schon ziemlich teuer... das ist allgemein so. So Dekobänder sind nicht ganz billig. Dann brauchst Du noch die Rohkarten, das farbige Papier, die Schmetterlingsstanzer und die kleinen Perlchen. Abgesehen von dem Embossingpulver und dem Stempel...
Da kommst Du definitiv teurer... Es macht vielleicht schon Spass, aber wenn es Dir ums Geld geht, würde ich mit ihr versuchen was auszuhandeln...

Hoiii mitenand,
Wow han ich viel verpasst. Ich han grad seeehr strengi 3 Wuche hinter mir. Zum Glück hend denn dFerie agfange und GG und ich verbringed grad paar entspannti Täg in Wien. Im Moment sitzi grad ide Hotellobby und tippe das is Handy i.
Gschockt hani vorher dGschicht vo dinere Beschte mitglese Malinchen. Krass!!! Ganz ganz schlimm und himmeltrurig!!!!
Erfreulichers isch ja grad bide Lula und de Taeboyana passiert. Dies Chleid Taeboyana stoooht dir seeeehr guet und betont dini sehr schön Figur!
De Lula ihres schieni verpasst z'ha, aber du zeigsches mir denn schono oder?

@Squishy: wie isches wietergange mit H2Plus?

Ihr Liebe, i meld mi denn wieder weni us de Sissi-Stadt zrugg bin. Chömed morn Obig zrugg und gönd denn direkt ane Afterweddingparty! Yay!

Malchinchen: Ganz kurios die Muster. Bi minere Tante isches genau glich gsi. De 1. Fründ vo ihre isch en total nette und coole Typ gsi. Mis Mami und mini Oma henden sehr guet möge, de kenneds au immer no will de im gliche Dorf wohnt. Wos dete den usenand isch isch d Welt zämegheit und nacher wie bi dinere Fründin nur no mit so schieffe Type wiitergange. Ich hoffe dass du ihre irgenwie uf die "richtig" Spur helfe chasch. Aber isch hald sehr schwer will selber mündses au welle. Mini Tante het das jetzt mit 45 endlich langsam Begriffe, het aber scho 5 Chind vo 4 Manne will sie immer denkt hät sie chönti so de Typ phalte. Toll... Das chans eifach nöd sie.

Daenu: Wow so schön Wien! Wott au gad weg... Gnüsseds! Hoffe s Wetter isch chli besser wie gad i de Schwiiz. Afterweddingparty tönt guet. Was wird dete genau gmacht?! Eifach nomal tanzed und gfiired oder zäme esse? Hani no nie ghört.

Manomann sind iher schnääll!!!!

@Lula
Ach ja stimmt, du hesch mier ja vo dinere Dekoidee verzellt mitem Efeu! Gfalltmer super ufem Bild! Wie au dis Chleid! Gratuliere zu dim Kauf

@squishy
Dini Föteli sind ja grossartig. Aso dett würdi uf jedefall go shoote! Au mit de Graffiti im Hintergrund. Findi de Hammer zum Farbmotto! Und szweite Bild isch au mega! Gseht us als wärs mitte im Wald! Aso das git ganz sicher super tolli Bilder!

@malinchen
Oh Gott wahnsinn schrecklich was dini Bescht da duremache muess! Klar, das jetzt mit de Gedanke nid bim HZ bisch! Zum guete Glück hed dNachbarin de Polizei aglüte! Ich cha mich nume de Wort vo allne andere aschlüsse. Es tued mer schrecklich leid für dini Fründin. Hoffe ganz fescht, dass sie de Muet und dKraft hed, sich vo ihm zlöse!!

@Taeboyana
Grauliere zum Chleid! Macht dier e Bombe Figur! din GG wird bestimmt umfalle!

@Pricana
Aso ich würd uf jedefall au ned de ganz Betrag jetzt scho überwiise? Isch ja voll komisch, dass sie das verlangt. Und was isch de, wenn eu d’Mustercharte gar ned zueseit… hmm komischi Sach!

@Pfingstrose
Ja chum, gnüssemer zeme das Päuseli

@daenu
Gnüssed no Wien und bis bald! Ha di scho chli vermisst!!

do isch aber öbis gloofe!

pricana: hoff für di das das no klappt mir de kärtli.. i würd au nid welle dr ganzi priis voruszahle! frog doch am beschte nomol ah, macht jo wirkli kei sinn wenn si euch de tatsächlig nid würde gfalle!

Lula: e sehr schöns kleid hesch du do gfunde! stoht dir guet!
i find 2300.- ebe au no viil, obwohl si uns jetzt scho mega entgege ko isch. mim i schwöstr het gseit i söllerer doch no so schriebe dasis schad fänd, für 2000.- hätte mir si engagiert. hani jetzt au gmacht, mol luege vilicht kunnt jo no öbis. susch hämir jetzt mit eim susch no kontakt (nid em nicolas lindt, mim gg wot ihn liebr as letschts afroge..)
hey das isch au e guets agebot vo dr tanzschuel. i finds ebe au nid schlächt wen meh so die gängiste schritt mol ka! das ka meh vilicht spötr au mol no bruche.

squishy: i dänk untr däre brugg könne d ihr sichr tolli föteli mache. i find es passt au no, git so chli en industrial touch bi scho sehr gspannt wie das usekunnt. find das nämli so e cooli idee! wird sichr super! vorallem mit no in räge stoh, weisch wie das nochär toll usgseht!
jo i bi ebe genau au so eini mit de mails.. gang all 10min go luege hani s gfühl.. das dreit mi amigs nur no meh uf! kas abr nid abstelle! wenni bscheid wot, woti bscheid! hihi

malinchen: oh mann, dini beschti het dämfall wirkli kei guete riecher für männer! bi grad voll schockiert gsi wo ichs gläse ha! vrstand nid wie meh (egal maa odr frau) so druf si ka! zum glück het ihri nochberin so schnäll reagiert! i hoff für si das si em e schuut in A*** git! so öbis dörf meh sich vo niemerm gfalle loh.. das het nüd mit liebi odr gfühl ztue! vrstandi das de nid so im hochzytsfieber magsch sii!

taeboyana: es mega tolls kleid! kunnt dr super! und wenn du seisch es gseht in ächt no besser us.. den wow!
jo doch es dörfti an für sich au en pfarrer si! s isch nur so, mir sin beidi eigetli katholisch und ich uf jedefall glaub immrno an gott und so, aber mit de kirche könne mir halt nid so viil ahfoh, sin au dorum vor es paar joor usträte. aso kenni halt leider gar keini pfarrer und wil mir nid bi uns ide region hürote wärde, findis no schwierig eine z finde
dini idee mit de guetzli findi mega cool. vilicht klaui die no wil i ha as gastgschänk cupcakes welle mache, abr bi guetzli ka meh scho viil meh vorbereite. hm odr i probier mol us cupcakes backe i friere und nachere wuche dr gschmackstest z mache! mol luege! hesch mi uf jedefall grad inspiriert!

pfingstrose: meh mues jo au nid immr öbis am mache sii stimmt scho zu viil hochzyt isch au nid guet

daenu: viil spass in wien!