Danke ihr Liebe, mir hend sehr e gueti und entspannendi Ziit gha in Wien und hends üs usgiebig guet goh loh. sWetter schient viel besser gsi z’si als do…es hät nie gregnet und Di und Do hemmer wunderschöns Wetter gha.

After Weddingparty: für alli wo’s interessiert wie das gsi isch (und was). Mir sind ja gescht Obig nachem Rückflug ane After Weddingparty iglade gsi. Finds also e super Sach. sBrutpaar het am Nomi Standesamtlich ghürote – und det chammer ja amigs nöd sooo viel Lüt ilade, denn hends en Apéro gha und sind nur mitem engste Familie- und Fründeskreis go esse und hend denn grosszügig für sFescht noher iglade. Also statt am Apéro viel Lüüt, ade Party vieli. Grosse Vorteil: me chunnt frisch deher ane Party und isch nöd scho müed vom vorherige Programm. Me mues aber au chli uf dLüüt zuegoh wo scho det sind.

Lula: ich han dir e PN gschickt und freu mi scho zum di verpasste Bilder z’gseh

Janedoe: Hellooo, jöö du herzigi…da freut mi etz aber!
Isch jo au scho länger her…ha glaub öppe 3 Wuche fascht komplett verpasst. Sinder immerno happy mit eune Ring? Mir hend üsi hüt grad abgholt und sind mega glücklich mitem Ergebnis.
Da isch jo en mega Saich mit dem DJ. Echt schad, dass er eifach so ignorant isch…zzzz!
Hoffentli nimmt er no Stellig dezue. Aber viellicht mueses eifach so si…es het sich ja scho anders veränderet und sisch immer guet cho !
D’Sache für sCandybuffet uslehne chönne isch natürli BOMBE!

Squishy: Mi het fascht de Schlag troffe woni no in Wien liese dases bi dir gschneit het. De TG isch etz nöd gaar so wiet weg vo SG. Brrrr, de Winter cha no chli weg bliebe. Etz schneits scho während de Olma???
Da freut mi, dass ihr die beide vo H2Plus au eso nett empfindet wie mir. I bi ganz begeisteret gsi wie sehr die beide Schwöstere uf üs und üsi Wünsch igange sind.
Aber ihr hend natürli auno anderi Optione offe und ihr wähled sicher s’richtige für eu us. Bi denn gspannt wiener entscheidet.

Pricana: super dass du verhandlet hesch und sie sich mit de Azahlig zfriede git. Etz wird’s sicher klappe. Die söll sich etz Müeh geh…gfälligscht *smile*

Fara: Hallooo min Hochzits-Datums-Zwilling, wie du’s so schön gschriebe hesch! Nimmt mi grad wunder wie ihr uf das Datum cho sind – oder ebe eifach uf de APRIL?
Bisch du aktuell grad inere Chemotherapie, oder gsi? Ich han mit mim Mami au es paar mal is Uni-Spital müese deswege.
Zu dinere Frag weg de Pastavariatione. Ich bi gad vorher uf de Homepage go luege und find sAgebot sehr guet. Sicher chunnt das bi allne guet a und bide Sauce isch für jede/jedi öppis mit debi. Usser du hesch Gäscht wo Zöliakie oder Weizeallergie hend (ich bin ebe betroffe drum würdi etz das z’bedenke geh). Susch isches natürlich vom Priis her unschlagbar und mega super dass sie, wie sie uf de HP schriebed, immer wieder frisch chönd uffülle!
Freu mi zum dis Kleid gseh!!! Es isch würkli sehr schööön und stoht dir usgezeichnet!

Malinchen: Da isch jo en glückliche Zuefall. Und während ere Autofahrt loht sich guet schwätze. Mega lässig dass sie eu het chönne e Band empfehle und ihr die sogar kenned. Hoff da klapped.
Dim GG sini Schwöster tönt sehr organisiert, drum wett sie sicher so früeh wie möglich Klarheit ha, wie wo was sie denn mit ihrem Chind macht. Statt das sGotti auno dezue chunnt, chönnt sie ja froh sie, dass da Gotti denn chönni uf sGottichind ufpasse…oder??

Baby und Chinder a HZ: Sehr witzig weg de Babykotze!!!
e gueti Fründin vo mir het grad vor eme Monet ihres Baby becho. Das Baby wird ade HZ 7 Mönet alt si. dFründin und ihre Ma sind de ganzi Tag as Hochzit iglade und sie spielt die Kirche sogar Klavier. Weni euri Stories so ghöre, denn chani froh sie het sie grad do scho gseit…ER mües halt denn susch mitem Baby use, oder hai. Aber wer weiss, das isch ja no ide Schwangerschaft gsi…i hoff etz eifach sie bliebt so unkompliziert. Mitneh isch irgendwie klar bi Babies wo no gstillt werded, nöd? 2-5 jährigi chönnd da viel quengliger si..nöd?

Me: Bi üs gohts no genau uf de Tag 6 Mönet (bi dir Fara au, haha) und i ha vorher grad, soooo härzig, es SMS vo mim Daddy übercho (und er denkt susch echt nöd a sötig Sache) wo drin gstande isch: hüt i 6 Mönet....
Und usserdem simmer genau HÜT go üsi Ehering abhole. Wow, i hanen gar nümme welle abzieh. Gfallt mir soooo guet. Bi mega froh, das mir üseri eige Kreation gmacht hend und das für dä unschlagbari Pris (mir hend de Ring ja bimene Goldschmied in Konstanz macheloh).

Schöne guete Abig zäme!

@Fara: Oje tuetmer sehr leid das din Termin im Unispital nöd so gloffe isch wied hesch welle =(
Aber Pasta tönd doch super und hend alli gern! Und isch mal öppis anders !
Hey wow hesch es super schöns Chleid!! Und ufem dritte Bild strahlsch richtig alla „ich hans gfunde“ :D soo schön!

@squishy: haha hetti din schnee seeehr gern gno, freue mi unglaublich uf de schnee und de winter und d wiehnacht :D aber stahn da leider fascht immer allei da mit dere meinig :p

@janedoe: Jö dini SchwiMu isch ja herzig, so unerwarteti Sache stelled eim doch immer grad uf! Und das mit de Tortebäckerin tönd ja au genial, endlich mal gueti News nach euem DJ-Problem! Hender scho öppis ghört vo ihm? Ou schickschmer s PW auna für eui Website?

@Taeboyana: bin also gspanne wies wiiter ghat mit de Impfig und ob sie machsch und eus denn guets chasch brichte! Wird uf jede Fall au dena fröge wenni s nächst Mal bim Arzt bin!

@munggi87: merci hm ja das stimmt hani gar nöd dra denkt, chönti na recht gföhrlich werde mit dene flügende Schmetterling! Bi eus chunts ez e nüme in Frag, hets nur gmacht wennmer eher schlichti Charte gha hetted, aber so wärs glaub e z viel!
Hey wow gratuliere zu euem Rest :D! Super hets eeendlich doch na klapped mit dene!!

@daenu16: hey soo herzig vo dim Daddy!! Und 6 Mönet tönd super, bi eus ghats na viiel z’lang

Chinde:
Mir werdet evt. zwei Chinde däbii haa (3 1/2 und 1 1/2 Jährig im Juni) und da hettemer au nüd degege. Aber meistens gebeds d Eltere ab wenn sie am Abig wäg gönd, sie sind da seehr unkompliziert und gnüssed denn au mal en Abig ohni Chinde. Aber gnau wüssemer das denn erscht, wennmer d Iladige use lah hend. Ich find eifach immer, als Eltere muenmer sich bidä Gastgeber erkundige ob Chinde "erwünscht" sind und d Antwort respektiere und sicher nöd na fröge wägeme Babysitter, soo frech :D

@me: ich han d Azahlig ez gmacht a eusi Chartefrau und sie schickt eus idä nächste Täg zwei Musterkarte. Sie het gmeint, mir chönd alles ändere lah und sie gaht voll uf eusi Wünsch ii wenn eus öppis nöd gfallt, han also wieder es guets Gfühl und hoffe s klapped alles :)
Am Ziestig und am Mittwoch gahni ez endlich go Kleider probiere, freu mi sooo

Wünsch eu allne na en schööne Abig/ e gueti Nacht!

Janedou derfi das magicwort vo eure homepage...würs mega gern mal aluege?
Mir hend au eini aber sie isch nonig ganz fertig bezüglich text...

Janedoe: Ja genau, es chunnt kei kirchlichi Hochzit meh. Gell isch no kuul!
Hey genauuuu s'gliche do....GG het mir scho gseit ich dörfs nöd immer aluege susch versteckt er's I weiss nöd obis wott zeige...isch im Moment grad üses Heiligtum und halt selber entworfe und alles...
Wegem Pris...mir hend jo Wissgold und relativ schmali Ring, glaub 3,5 mine und 4 mm sine. Mine het 5 herzig chlini Brilliäntli (für die 5 Johr) und hend zämä 750 EURO zahlt (MWSt scho abzoge) + 77 Fr. Zoll. Krass oder?? Mir hend immerhin 2500 Fr. für Ring budgetiert gha.
Ich find au das dZiiit raast, aber i bi au froh. Min Däddy het mich mega überrascht mit dem SMS. Het mi mega gfreut!! Wow, nurno 4 Mönet! Mached ihr was Grosses am zivile?

Guete Sunntig mitenand

nala: Mir hei sKind vom Fründ vo GG Schwoscht ou nit iglade! Isch viellech ou chli gemein, aber mir hei so gar kei "Kontakt" zu ihm.
U es si ja üser Hochzyt u somit ou üser Wünsch!
Und, wie loufts mit Dim Mami?

@Janedoe: Ou cool, mir hei hie vori ou ganz kurz chli Sunne gha Hoffe si chunnt de umi
Hättisch mir äch sPW zur Homepage ou? Würdi doch gärn chli ga gwundere
Ha di Idee im Forum gläse, dass me am Zivile chönnti dFründschaftsringe tuusche, finde das no ne härzigi Idee.

@dänu: So schön, mani Dir gönne, so chli Sunne tuet aube eifach guet!
Hoffes ou für Di, u viellech gäh sis ja de ou gad vo Afang ah de Groseltere ab. Stillendi Babys findi no eis, aber ebe, di si im Wägeli u guet. Aber di ältere seckle ume, u das isch haut de eifach ou füre Service gfährlich. U es isch aso nit so, i liebe Kind, aber i ha haut eifach mau ei Obe kei Rücksicht wöue näh. Wèu viu isch es ja de ou so, dass dEltere dKind löh la mache, u anderi lah la gugge.
Jöö, Din Papi isch aber ou härzig! U dr Priis isch aso dr Hammer!! Bi üs no 5 Mönet, aso bis zum Ziviler Das mit de Ringe kenni, hei üser deheime

@Pricana: Das tönt doch super!

nicht registriert

Guete sunnti allersits..
Ha gar nid aus chönne nacheläse..
Malinchen: kenne das mit dene tröim.. Ha o tröimt dasi z chleid nid komplett anne ha u das mir z apero vergässe hei u dass mir zwöi mau ir chile w trauuig gha hei, aber när gar nüm gwüsst wieso ha o e liste gmacht wo ig das grad ha ufgschribe.

Da mir scho so viu planet hei näme mirs chli ruhiger u lö das hochzyt la hochzyt si

Janedoe: dörfti dis PW ofür d homepage, due gärn chli gwundere

Guete sunnti