Janedoe: dörfti äch zPasswort ou ha?
Ig bi üsi Homepage ou bi jimdoo am mache.. Bi aber no nid so wit..

Schöne Sunntig euch aune

nicht registriert

Guätä Sunntigabiig mitenand

I bii so müäd, aber ii möcht gliich no chlii do schriibä Wird aber (hoffentli) nöd z'usführlich...

Fara: Wooow, diis Kleiid gseht wunderschön us! Es stot dir uuh guät egal ob mit oder ohni Gurt es Traumkleiid! Spontanentscheiide isch doch suuper! So wiiä du diich wohlfühlsch aah dem Tag, chasch denn du diich alege!

Sasilu: Yess du tuäsch dini Schrift färbe!! Gfalt mir sehr! I cha da guät verstooh, ii bii jo au total kinderfründlich. Aber überall müänds nöd umezwaslä. En liiächtä Hiiwis chönt jo scho sii, wenn Karte an "Frau und Herr XY" addressiersch und nöd öpä an "Familie XY". Und wenn zum Bispiil TZ d'Ameldige entgegenimmt, chönt jo eiifach de das reglä

Nala: Und wiiä wars Wuchenend mit em Mami? Hoff ihr hend Ziit chönä gniässä! Vor allem nimmts mii wunder, was sii so chlii zum Hochziit gsaiit het. Ghört sii zu dene wo fest unterstützt oder au eher driipfuscht?

janedoe: Woow, uf dä Homepage begrüässt eim wiider das schönä Bild! Wunderschön! Mii nehmts au wunder. Bechämti s'Passwort echt au? Mir fanget ja au glii aah mit dä Homepage, wer eh suuper Ahaltspunkt!

Pricana: Yess, bii dir gots ab. Scho glii go Kleiider aprobiere, Karte chömet und wenn's mir recht isch hend iihr nechst Samstig eues Shooting? Wunderbar wiiä's lauft! I bii gspannt uf d'Musterkarte. Stellsch es denn ine ?

Daenu: Welcome home! s'Wetter het ja extra für dini Rückkehr extrem besseret! Schön hend iihrs chönä gniässä. Oh schön, no es halbs Jahr! Da isch scho meega bald! I ha s'Gfühl bii uns gots no ewig. Aber scho in wenige Mönet hürotet dii erst 2014 Bruut und eini nach dä ander wird uns vo ihrem grosse Tag verzelle. I freu mii sooooo
Echt kein schlechte Priis mit dä Ring und denn no Extraafertigung! Suuuper, ii wär au gspannt uf es Föteli, sobald ihr uns euer Gheimnis verote möchtet

Malinchen: Ha Ziite gha, da han ii praktisch jedi Nacht vom Hochziit tröiimt und oft isch au d'Frisur voll im Ar*** gsii Aber wer weiiss, viellicht prophezeiet schlechti Tröiim es wunderbars Hochziit?

Me: I bii so glücklich. Mir hend hüt unser Shooting gha und keiis Tröpfli isch gfalle. Mir hends aber trotzdem unter de Brugg gmacht und uf dä Kamera hend d'Bilder eiifach wunderbar usgseh Aber jetzt bearbeitets dä Fotograf no (isch au nötig, mii GG het es blaus Aug vom Training ). Er het gsaiit brucht 2-3 Wuche... I bii soooooo ungeduldig. I wott doch wissä wiä d'Farbfotis wirkli usächo siind und obs verwendbar siind. Aber d'Stimmig isch eiifach suuuper gsii. Er het no sini Frau als Assistentin mitgnoh. Es so eh liäbi. Sii sind frisch verhürotet und sii isch au Primarlehrerin, ii ha mii uf Ahieb mit ihre Verstande. Ooooooh, wiä chan ii bloss soooo lang geduldig sii ufs Resultat?! I glob ii wird platze I hets eu doch hüt scho gern zeiiget!!

Wünschä eu allnä ä guäti Nacht!

Guetä Mäntigmorge!

@Squishy: ou neeei, drü Wuche?! Da würdi gloub ou vor ungeduld stärbe... Hihi, villecht chaner dir ja würklech fang es paar unbearbeiteti schicke? Ev. fallt ds Feieli vo dim GG gar nid uf wenn ja eh alles farbig isch...

@jane: hihi, di GG isch ja ou ä lustige! I gloube i müesst mine äuä ou druf hiiwiesä dass ers no chli für sich sötti bhalte... U dass er sich gad hinter sini Ufgab gmacht het und sich so viel Müeh gäh het isch ja ou mega härzig! Für was bruchet dir die Texte de när? Wärde die bi dr Trouig vorgläsä?

@me: Mini Besti het sich langsam erholt vo däm ganze Drama letscht Wuche. Sie versuecht jetz so schnäll wie müglech usem Mietvertrag vo sire Wohnig usezcho (sie het ihm drum ä Wohnig gmietet wöu er keini becho hät - langi Gschicht). Das dueni jetz mal als Schritt i die richtigi Richtig aluege. Denn het sie no ä mega härzigi Idee gha für üses HZ: Sie möcht ä Zytig mache aber nid fürs HZ sälber, sondern im Nachhinein als Zytig übers HZ wo mir när de Gäst chönnte mitem Dankeschärtli verschicke. I finde d Idee mega cool... Sie het üs äbä gfragt, wöu üsi anderä TZ offebar nid so drfür si gsi, u sie het när gfunde sie würdis ou allei mache aber het sich i däm Fall wöue vergwüsserä, dass mirs ou guet fände.

U dank dr Fara bini no ufne Idee cho für üses Apéro: i ha gseh dass die vo däm Pastamobil ou Crèpes-Mobil abietä. I fänds meeeega cool. Da cha ja när ou jedä Gast sälber sich öpis zämästellä, süess oder salzig oder beides je nach Wunsch. GG und ig hei beidi mega gärn Crèpes und si ou Frankriich-Fans. Vo däm här würds passe, aber i weis nid ob das viel Lüt gärn hei?

so, i wünsche öich aunä ä guetä Start id Wuche!

Squishy: Hihi, mir münd au 2-3 Wuche warte. Hend euses Shooting ja am SA am 5i gha. Es isch zwar bedeckts Wetter gsi nöd so wie am SO bi eu. Aber mir händs total guet gha. Und eusi Fotografin isch eus meeega sympathisch. Hend sie ja nonig definitiv bueched und gseit mir lueged nachem Verlobigsshooting ob mer zuesäged. Mini Hoffnig isch - au für dich/eu, dass es schneller gaht und sie eifach mal 2-3 Wuche säged, dass mer nöd entosche sind wenns nöd gad nach 1nere Wuche chund. Mini Dümme sind aber druckt dass mirs beidi schneller händ! :) Ich vergitzle nämlich au. Haha…

Malinchen: Oh guet dass isch ja scho mal en Schritt! Hoffe sie het no viel Chraft zum „gegestür“ geh und nöd wieder zrugggheie. Aber mit dir hät sie sicher scho öpert starchs a de Siite wo sie chli leite chan. Das mit de Nach-Hochziits-Ziitig findi meeega lässig! Da hät mer doch mega viel devo. Und es chönd sicher mega cooli Sach vo de Gäst zämetreit werde. Cool! Das mit em Crèpes Mobil isch doch au mega cool. Also ich han Crèpes gern und wenn mer so viel Sorte uswähle chan hät doch das jede gern?! :) Ich finds mal öpis anders und ächt fein! Mached das doch…

Janedoe: Hihi, din GG isch mer ja en Lustige! Aber isch doch herzig wegem „Liebesbrief“… Und zeiged doch immer wieder chli, dass sie sich ja scho au Gedanke mached eifach total anderst wie mir. :)

Me: Mir hend am SA euses Shooting gha. Und zwar am Moosseedorf… Ich han das vo dir Malinchen! *SORRY* Hoffe das isch i.o. Aber die Schiffli händ genau euses Farbmotto wiederspiegled. Darum hämmer eus für dete entschiede. :) Und es het eus mega gfalle. Sind no chli im Naturschutzgebiet bimene umkippde Baum go föttele und den no bi de Schiffli… Haha und den isch no de Besti passiert mir händ das welle chli ufezieh wills Wasser drin gha het zum usläre. Den isch min Schatz voll usgrutscht und mit de Bei is Wasser gheit! Mir händ eus ächt kaput glached. :) Isch ja zum Glück scho gägs Ändi gsi und er isch nöd soo fest nass worde. :) Hend ja Luftballons mitgno isch soo cool gsi! Und glaub es hät ächt gueti Fotis geh. :) Mir händs aber mega gnosse und lustig gha dass isch fast d Hauptsach!

Wünsch eu en guete Wuchestart!

Guete Mändigmorge mitenand! :)

@taeboyana: ooh so cool hey gratuliere zo dim chleid!! =))) dönt jo mega! =) hmm leider gsehn ich dis bild ned – ligt echt das a mim pc? Voll schreg…

@pricana: nei weisch si häd gseit si chöni nur am SA morge mol go brunche.. s’problem isch, dass ich die negste samstige nie zyt han.. am MI goni bi ihre verbi zum au die chli wider z’gseh aber vor ihre wet si wahrschindli ned rede wasi au verstoh und au ned unbedingt wet.. aber ihre ma chunt jo dänn vom schaffe hei und mir hettet problemlos no chönne eis goh zieh.. verstoh ned wieso dass sis scho wider kompliziert muess mache… schribe ihre hüt mol no es SMS.. aber glaubetmir han sooo kei Bock uf die ganzi Usenandersetzig!! Wäg de chärtli, das goht sicher glich und sust kennsch sicher öber in dütschland oder östrich, wods chasch loh schicke loh und die schickets dänn witer oder ned?

D’iladige schicket mir alli zäme ab! :)

@squishy: jo danke du seisches! =) leider hämer momentan nedso vil zyt zäme will ich immer so usbuecht bin.. muess unbedingt luege, dass sich das bald änderet! He wieso meinsch rundume quatscht? Nenei aber s’git halt scho mega vil ztue vorallem müendmir alles uf dütsch und italienisch mache… aber sind rächt vorwärts cho :)
Brrr schnee oje du wet ned dass de winter scho chunt! :( due mini winterpneus au immer im letschte momänt druf :p wenns scho s‘ 1. Mol gschneit häd meistens :p oh super isch öiches shooting glunge das frötimi! =) bin gspannt uf d’fotis! =)

@janedore: mir machet d’homepage uf jimdo – jimdo pro zahlsch 108.- im johr aber häsch mega vil möglichkeite! Und mini kollegin wo grafikerin isch hilft öis bi allem mega cool :) jein si häd (zwar mega beleidiget) gseit dass si sich organisiere.. aber wet ebe generell en ussproch mit ihre.. oh nei mega müehsam wägem DJ! Aber meinsch ned, dasser wiler scho kontakt gha händ das scho itreit häd? Chönt doch au si oder ned?? ou ups jetzt hani grad witerunde gläse dasses leider nedso isch oje ächt voll denäbe vo ihm!! Jöö aber härzig wäg dinere schwimu! =)
Ah das womer gseht uf de homepage gseht super us ! =) isch das s’normale jimdo oder au jimdo pro? :) bechumi au s’passwort bitte? :) ohhh nei häd din GG eifach d’adresse scho umegschickt? :p goht jo gar ned :p öisi wird ebe erst ufgschaltet, wenn si fertig isch ;) so chönd so sache ned passiere ;)) ooh aber meega härzig bin gspannt, waser gschrebe häd! =)))

@nala: jo das stimmt, das isch mitunter au en grund gsi dassmer öis fürs hermitage entschide händ wäg de schlächt wätter variante.. obwohls natürli eh schön wird a öisem hochzyt :p ah jo dänn sinder chli weniger als mir das machts eifacher.. will mir müend eben o stüehl dezuemiete für d’trauig, will s’hermitge ned gnueg eignigi händ mega müehsam :/ wie meinsch wie de apéro gstalte? Also was abiete? Mir sind go apérohäppli degustiere im august und händ öis dänn grad entschide :) händ si imfall voll härzig gmacht würkli! =) händ öis für folgendi sache entschide: canapé mit cocktailcrevette, lachs und fröschchäs, schinkegipfeli, tomate-mozzarella-schäleli, antipasti, bruscettas und fruchtspiessli :) isch zwar alles ned ganz günstig aber will mir vil nur am apéro iladet hämer det scho au öbis welle biete… jo ich weiss mega cool mitem dunde parkiere und mitem bändli grad is hotel ufe! :) hmm glaubes ned han 2x aglütet und beidi mol häds genau s’gliche gheisse! Si machets eifach so voll doof :/ lüte jetzt endli oktober nomol a und hoffe, dass sich dänn scho lüt gmäldet händ und mir de namitagstermin bechömed :p sust lüti eifach immer wider a…

@lula: danke guet sind rächt vorwärts cho! =) müend aber no vil text schribe hoffe chömed am weekend oder mol amene obig dezue :) ohhh so schön hey gratuliere zo dim chleid!! =) leider gsehn ich aber kei bildli uf dem thread? Bin grad rasch go luege? Schicksch mir en pn? :)

@malinchen: oh nei scheisse hey :( duetmer mega leid wäg dinere horrornacht wägem GG und dinere beste fröndin.. hoffe si chunt vo dem typ los!!
Ui nei krass würkli seeeehr ähnlich dini story wie mini! :p ächt krass, was sich d’lüt do usenähmed!! Verstohs sooo ned!!! nei ächt da löscht eim jo ab! Ah aber immerhin häd si besser reagiert als mini kollegin!!
Jöö hehe en horror hochzytsalptraum :p zum glück ischs nur en traum gsi ;))) han au scho so schregi sache tröimt voll müehsam :p aber kraaaass das mit de ex hehe aiaiaia was eim do die tröim amigs atüend :p
Mhhh crèpes händ doch alli gärn ned? =) ich liebes zumindest au! ;))

@sue: gäl mega schlimm mit dene bewertige! Würds also au nieeemols mache! Loh mir mis hochzyt doch ned verdärbe und wet au ned dass die ganz wält das im TV cha mitverfolge…
Hmm wäge babys: chasch halt fast ned verbiete dass si sones chlises würdet abgäh weisch wieni meine? aber solang si sich drum kümmeret und sich sälber organisieret dänki ischs keis problem oder?
Haha grad müesse schmunzle wägem zuckerflash :p bisch die geilst hehe aber s’hilft ebe scho meistens ;)

@fara: oje hey sicher ned eifach die vile arzttermine und entscheidige wod do muesch träffe etc.. :/ ich wünsch dir ganz vil chraft für alles!
Wägem pasta buffet findi cool! =) klar s’muess chli zum hochzyt passe aber generell en cooli idee, mol öbis anders! =) und pasta händ jo au würkli zimli alli gärn ;) oooh mega schön dis chleid! =) gseht hammer us! =))

@daneu: cool händers so guet gha in wien! =) dönt guet wäg de after wedding party – mini TZ isch au mol a somene hochzyt gsi und häds au no cool gfunde! Sicher en gueti alternative :) jöö isch dänn härzig wäg dim daddy :) <3 min vater würd au nie a so sache dänke :/

@sasileu: ehhe geil eifach oneway ticket? =) hmmm schwirig wäg de TZ… wetsch wahrschindli jo au garn debi si italie – sicher es mega fest weiss jo wie d’italos fiiret ;)) aber verstoh di au wägem flittere hmm… :/ ächt kei eifachi entscheidig!! Aber s’schöne findi, dass ihr so schön und offe über alles rede chönd!

@me: am FR händmer no chli a de iladige gfielet – wägem z’vile text und em zwenig platz hämer öis jetzt entschide, dassmer so transparenti ilageblättli machet! :) isch sowiso no rächt edel und macht d’iladig no spezieller ;) muess jetzt mol is bastelhuus go luege wäg so kordle womer dänn chan umebinde und bast für zum die härzli drufchläbe :) aber si werdet super fröimi scho mega :) ah und genau ebe a de homepage hämer au agfange mega cool fröimi scho wänn si fertig isch :) chan jimdo pro ächt empfehle häsch mega vil tolli optione! :)

Witer hani no en offerti igholt vonere tolle party band s’wär es quartett gsi, en saxophonist, en pianist oder sust was und en sänger und en sängerin (soft light heisset si chönd mol luege uf youtube) die hettet öis würkli mega gfalle will si so voll d’partymusig machet! Er häd dänn au sofort zrugggschrebe und so und mega nätt dönt dänn isch d’offerte cho hahahaha 4200 EUR hahaha :p die sind doch ned ganz dicht! Plus übernachtig (imene mind. 4* hotel das schribets so!!!) plus ässe plus das und deses nei hey gohts eigentli no? Wäret scho geil gsi aber förigs gäld hämer also ned…. er häd dänn scho gschrebe was öises budget gsi wär und jo mir hettet jo max, 2500 CHF zahlt aber ned no übernachtig und weiss ich ned was nei du hädmer grad abglöscht! Also bin witerhin offe für gueti tipps wägere tolle band! =)

Schöns tägli allersits! =)

@lula: haha mir 2 wider mit öisem timing :p oooh das dönt jo meeega geil wägem partykeller und apéro mit cherzli und allem hammer hey :) fröitmi ächt für di! =)