@Sasi: oh nei, i verstah dis Dilemma mega guet! du möchtsch dr gröscht Tag vo dinerä Bestä nid verpasse und glichzytig mit dim GG idä Flittis si... I findes meeeega schwierig! Ufnä wäg isch dini Besti ja wie "sälber schuld", wöu sie het ja öies Datum scho kennt, wo sie ihres eigenä het festgleit. De het sie müessä drmit rächne, dass dir denn wäg sit. Uf dr anderä Site verstahni ou, dass sie halt eifach ihres Wunschdatum het gwählt (obwohls chli komisch isch, wenn sie süsch immer het im Früehlig wellä hürate?)... I cha dir würklech nid sägä für was das ig mi würd entscheide! Wahrschinlech würde GG und ig üsi Flittis verschiebe/verchürze, aber mir si halt beidi eng mit mire Beste befründet.
@Pfingstrose: haha, das isch ja mega cool!!! De bini no gad mal meh gspannt uf öii Föteli!!! isch überhoupt keis Problem für mi, für das isch ds Forum ja da! Hihi, gäu das isch no tricky mit denä Böötli, mir hei die Föteli ou am Schluss gmacht und hei när es nasses Füdli gha wöu mir ds Boot äbä nid usgläärt hei...
@me: Merci für öii Feedbacks... I mueses mal no mit GG bespräche, dä weis no nüt drvo.
@principessa: Ah nei, das verstahni dass voll kei Lust hesch uf die Usenandersetzig mit dinerä Kollegin! So züg gurkt mi aube ou mega a... Ja hesch rächt, immerhin isch mini Schwägerin jetz nid am umezicke.
@Lula: Nei, sie wott ihn nid azeige... Ufnä Wäg verstahnis scho, wöu so würds när völlig ines Chaos usarte und sie mues äbä no irgendwie versueche einigermasse glimpflech us däm Mietvertrag use z cho etc. Das tönt ja super mit öierä Location! Ui aber wegem Roucke würdi ou no mal mit dim GG rede, also i möcht nid dass irgendöper mis Chleid iröicheret... Obwohl mes ja när eh mues id Reinigung gäh...
Pfingstrose: Das mitem verschiebe gaht nid, ich han jo vom kirchl datum erst erfahre womer iladig id couvert da hend und jetzt sinds verschickt das mitem Datum isch au sone sach...zerst hends um de 10. wele und jetzt 5. isch au wieder echi doof...
lula: jo mir währed uf jedefall uf italie abe, au wens viel geld isch und jetzt womer selber scho sehr viel geld bruchet isches au au namal so es bitzeli e sach...aber seb wär keis problem ich bi würkli meh mitem erwähnte im klinsch... wieso das sie jetzt scho hüratet kapieri nid und au niemerdem wonis verzehlä und fragi magi si weg dem au nid, weiss au nid wie... tatsach isch, dass sie sogar afangs johr wo ich bereits verlobt gsi bin und sie mini TZ gsi isch mehrmals bi gspröch gseit het neinei ich hürate den nonig grad, au chind erst i ca. 2-3johr will sie wend na das und das mache und jetzt hends zwei Date zivil und kirchlich wo weder ihres kennelern datum no sust irgendwas isch, sie heget eifach nid im sept wele will das euse monet seg und wens aber glich na warm ha in italie.und das weg de Flittis hend sie scho gwüsst vo eus, wüsset vieli. Was ich wot weissi ebe leider momentan grad gar nid Uf die eint Site denki weni mini Ferie kürze wirds schlussendlich eh au u schön und den bini defür a ihrem fescht debi...uf die ander Site han ich und min GG immer gwünscht zum was längers mache und mir möchtet nacher mal afange mit de Familieplanig und denket dasmer den sicher für die negste Johr nid grad wieder möglichkeit hend sone grossi Reis z'mache....Finanziell würs für eus au gah, da seb vo afang ah au echi mitberechnet worde isch.
laprincipessa: joo in Italie wür gfiiret werde imene andere mass als es da ide Schwiiz git, bsunders aber findi das ganze "extravagante" mit denä sääl am meer etc wer sicher schön zum erlebe und vorallem isch jo das eigentli ihre hochziit in wiis. klar bini bim standesamt debi aber joo weiss ald nid....
Janedoe: Genau, Hauptsach ihr hend EURI Traumring und sehr lang Freud dra! Das womer gsparet hend wämmer natürlich au gsparet ha!! Es choschtet jo suscht scho gnueg viel..phuu! Mir macheds eigentlich genau glich wie ihr am Zivile. Bi üs isches jo grad mal 5 Täg vorem Kirchliche und denn machemer keis riese Ding. Mir laded TZ (offesichtlich haha), dEltere und Gschüsterti i und sind insgesamt 11 Persone. Mir hend dTrauig am 11 am Morge und gönd noher go Zmittag esse. Evtl vo üs mitem Schiff nach Meersburg und denn det go esse. Chli wetterabhängig!
Lula: Jaaa, das wird schwierig mitem abgeh ad Grosseltere. Ihri Eltere lebed in Georgie und sini In Zambia. Aber sie werdet das Baby scho schaukle. Mach mir do kei allzu grossi Gedanke. Sie weiss was für en wichtige Job sie het und wird das sicher au so mache.
Malinchen: I bi voll happy mitem schmale Ring und GG au. Isch eifach au alltagstauglich und passend für üsi schmale Finger. dGravur isch würkli recht chli, aber mer chans lese und es isch somit gange, hehe Han soooo müese lache ab dim Traum. Sicher isches für dich mitzt inne nöd zum lache gsi, aber i stell mir die absurdi Situation vor das er seit: I bi etz wieder mit ihre zämä, aber mir chönd jo doch no chli verhürotet si! Dini Bescht: Ja ich würd au sege, das isch mal en guete Schritt. Wo wohnt SIE denn etz? Ah oder sie hend gar nöd zämägwohnt oder?
Squishy: Meinsch sWetter freut sich über mini Rückkehr? Haha Jaaa, nurno es halbs Jahr. Nurno soviel wieni etz scho gwartet han. Yesss nurno 180 Täg !!! Wow, so kuul hender eues Shooting guet und ohni Rege über dBühni brocht!!! Da freut mi! I ha au so lang müese warte und es het sich glohnt! Wirsch gseh!!! I bi au sooo ungeduldig. Du was trainiert denn din GG daser es blaus Aug gha het?
Janedoe: Das findi etz aber mega herzig!!!! Er het eifach nüm möge WARTE! Mues grad go lese waner gschriebe het!!!
Sasileu: Wow du Armi, das macht dir etz en riese Strich dur dRechnig. Usserdem isch jo de Hiflug scho buecht!!! Mensch Meier…oder wenn ihr us de Flittis direkt uf Italie flüged und dete denn no paar Tag ahenked? Sorry, das isch mini einzig Lösig. I wär au voll ide Zwickmühli
Lula: Woaaah mega toll tönt das. Billiardtisch, Sofas…MEGA hey! Also hender au so wie en zweite ApÉRO, so wie en Empfang ade Obiglocation? Mir hend das nämli au. Aber bi eu isches bsunders gäbig, dasmer denn no chan Zimmer bezieh. Bi üs müend dgäscht vorem HZ id Hotelzimmer.
LaPrincipessa: Jo isch würkli sehr schön gsi. Gell, min Daddy denkt susch au nie a so Sache, haha Mir hend dHomepage au mit Jimdo Pro gmacht! Wow die Band isch ja recht vo sich überzügt..phuuu de Priis und die Asprüch – wer zahlt sowas???
Laprincipessa: Läck bobi! Die händ ja vorstellige. Also 4200 EUR und den no de ganzi Rest die händ ächt en Schranz ab… Machasch ja kei Promihochziit wo chasch Geld um dich schmeisse. Hoffe fest dasser öpis ändlich cool findet wo i euem Budget isch. Ächt fräch…!
Malinchen: Haha, den simmer ja nöd die einzige gsi. :) Hihi! Chan das sie, dass ihr d Andrea Rufener als Fotografin händ? Ich han dete ebe die Bötlis gseh und bin ächt schlächt im Sache phalte vo eu. *SCHÄM*
Sasileu: Oh nei stimmt! Tschuldigung. Isch ja sehr doof! Ich finds ihrgednwie - au wenn sie so offe kommuniziert - chli dreist. Mini Besti hürated ja am 25.07. und mir hend ursprünglich am 20.06. welle das Datum isch bi eus aber nüme frei gsi den hätis d Möglichkeit vom 13. oder 27. geh. Und will ich weiss, dass sie extra id CH flüge muss, sie wohnt i de USA nimmi doch de 13. wo wiiter weg vo ihrem Hochziit isch, sie hürated ebe au i de Schwiiz. Suscht müsst sie ja inerhalb vo 3-4 Wuche zweimal dahie flüge. So sinds immerhin 6-7. Het dini Besti doch ächt chli chöne luege. Und nöd gad vor volländedi Tatsache stelle. :(
Waaaaaaaaaaas die hend 4500 euro welle? Ui… ja mir hend änlichi erfahrige gmacht gha womer en band gsuech gha hend aber eus sind scho 3000 zvill gsi für e band mit vier lüt! Krass. Mir hend nacher schlussendlich 1700.00 zahlt für eusi band und hend sogar no en liechtalag mitbracht was bi andere au wieder extra zahlsch!
@malinchen Jetzt hed min GG es rechts schlechts Gwüsse, dasers umegschickt hed. Ich han jetzt eifach recht Gas geh und dHomepage isch jetzt sowiit fertig usser es paar Wort vo de TZ/TM fehled no. Mier hend d’Text uf de Homepage als ‚Darum ist xx der/die Richtige‘. Hend grad gester drüber gredet, ober d’Eheverspreche selber wend schriibe, aber ich glaub, dass ich das nöd würd schaffe. Wahrschinli schluchzi scho während em eifache ‚Ja‘ umenand Das dini Besti sich so langsam erholt und vorallem, dass sie sich löst vo ihm isch doch en erste Schritt! Das isch super! Hoffemer sie findet ganz gschnell en neui Wohnig und cha denn abschlüsse! En wunderschöni Idee mit de HZ Ziitig! Fändi au cool, so öpis Wege de Crepes… Die liebi au… Was mini Bedänke wäred, wär s’Astah? Bis denn alli bedient sind gaht das sicher es Ziitli je nach Azahl und d’Gäst verbringed de unter Umständ meh Ziit inere Schlange als mit Gspröch…
@sasileu Isch doch super, dass dini TZ eu d Freiheit laht. Hend iher denn scho en gnaue Routeplan? Wenner denn zwei Wuche am gliche Ort sind, denn fänd ichs ziitlich glaub ganz okay und würd uf Italie reise. Vielleicht chönder ja denn dett no es paar Täg Ferie mache nachem Hochziit vo dinere Beschte? Das wär doch au no schön?
@Pfingstrose Ja das stimmt. Er isch scho meeega süess. Findes ez nümm ganz so schlimm hüt. Eues Fotoshooting tönt mega! Freue mi fescht, wenn es paar Bilder mit eus teilsch, sobald sie fertig sind.
@Principessa Mier hend d’Gratisversion vo jimdo. Bis jetzt hemmer au no kein Grund gseh, das upzgrade. Min GG wett ebe au gar kei Wunschlischte druf ha, d’daenu hed mier das mal chli erklärt und das wär de einzig Grund gsi, wieso mier upgradet hetted… Bin de mega gspannt uf dini Homepage. Tönt ja recht professionell wenner Hilf vonere Grafikerin hend 4200.-? Huupets?! Huiuiui. Würdi aso au ned zahle. Leider chani dier kein guete Tipp geh.. Mier sind ja au immerno am umeluege.
@Lula Wow, eui Location tönt eifach wahnsinnig toll!! Magi eu vo Härze gönne!!
@daenu Tönt super, wie iher eues Zivile wend mache. Schifffahre wär bi eus natürlich au no en Option. Vo Wädenswil uf Rapperswil z.B…. Gueti Idee… Danke
@me Eusi Föteli sind cho!!! Mier hend soooo freud. Tuen eu grad gern es paari ahänke! D’Homepage hani jetzt – dank em Übereifer vo mim liebe GG - hüt fertig gmacht. Es fehled nume no es paar Wort vo eusne TZ/TM. D Föteli hend also s’perfekte Timing gha Bin mitem Ergebnis voll zfriede und hoffe de uf es paar Feedbacks sobald d’Gäst chönd druf zuegriffe . Bis hüt hed sich immerno kei DJ gmeldet. Es nervt mi gewaltig aber ha gseit ich gibne Ziit bis morn… Mal luege obi durehebe.
@Fara Ganz es schöns Kleid-merci fürs zeige! steitder sehr guet!!
@janedoe ou hätti ou seeeehr gern ds Passwort zum gwundere jööh das tönt guet - tüeter öich de de Text über öich ar Trouuig vorlese? wooooooooooooooooooooooow die Föteli!!!!!! merci fürs zeige!!!!
@squishy ou das tönt ja super mege öiem Shooting!!! siter so richtig farbig worde?? iiiii bi gad mega gspannt zeigsch üs de es Foti???
@laprincipessa hahahahah das isch ja würkli der hammer die band?!!?? und de no mind. 4 Sternehotel???
@sasileu ohje das isch doof megde Termin-kollision... i würdi ize äuä ou luege obmer gad nachem hochzit süsch nöime e wuche häre wette i flitterwuche und defür de zB im November 4 Wuche..? weiss aber nid ob öii Ferie schiebbar wäre...?
@Malinchen ohjeeeeeeeeeee das si horror-tröim....ha ou scho mau so eine gha und ha d chile nid gfunde und Trouzügin verlore und nüm gwüsst woni here muess und viel z spät dranne und keis hochzitskleid anne undundund aber weisch was guete isch dasme ner weme erwachet cha dänke - Gott sei dank es isch nume e Troum d Idee vor Hochzeitszeitung nach der Hochzeit findi super!!! de hätte aui gad chli Föteli devo
Blasenenzündung @Taeboyana Super merci fürs erwähne vo dere Impfig - ha ize gad am Donnschtig e Termin bim Husarzt abgmacht zum mi la berate über die Impfig!!
Trauzeugen/Bridesmaids Mau e Frag was gäbetir aues so ab zum organisiere? Mir wüsse eifach fengs dass si de e Brief werde uslah oder öpis ad Gescht wo as ganze Fescht iglade si aber süsch findis no schwierig??
Kosmetikerin/Coiffeuse machet dir das gad bim gliche Ort??
@sasi: oh mann, das isch würklech ä verzwickti Situation mit dinerä TZ! Mir hei das jetz ou chli erläbt, das gueti Kollegä vo üs sich chli vo üsem "hochzytsfieber" hei lah asteckä und jetz plötzlech vo hürate rede, obwohl sie vorhär immer hei gseit sie warte no paar Jahr. Villecht het sie halt wägä däm ou plötzlech ender wellä hürate? Aber i findes ou schwierig das azsprächä, ohni dass sie sich när gad agriffe füehlt... I fänd d Idee vo dä anderä ou no guet, dass dir eventuell d Flittis chönntet mit ihrem HZ verbinde?
@Dänu: Ah cool, merci fürd Info wägem Ring. Das isch drum dr einzig Grund gsi, würum dasi bis jetz no ha zögeret für ne schmale z luege, wöui dänkt ha die chönn me nid graviere... Aber de isch das ja gar keis Problem! Nei, mini Besti het nid mit ihm gwohnt (ZUM GLÜCK), aber sie het für ihn ä Wohnig gmietet uf ihre Name, wöu er keini becho hätt... Ha scho denn dänkt, das chunnt nid guet, aber sie het sich nid vo derä Idee lah abbringe. Jetz mues sie mit dr Verwaltig Kontakt ufnäh und reinä Tisch mache und hoffe, dass die ihn jetz trotz allem als Mieter akzeptiere. Zahlt het er bis jetz scho immer sälber, aber äbä... Die wärde äuä nid fröid ha.
@Pfingstrose: ja genau, mir hei d Andrea. Keis Problem, i cha mir ou scho lang nümme alles merkä vo de einzelnä Brüt hie inne!
@jane: ah, das isch natürlech ou ä schöni Idee die texte ufd HP ds due!!! Hei wow, die Föteli vo öich si ja dr Hammer!!! Me gseht gar nüt vom Rägä... Das stimmt wägem Astah bide Crèpes müesstä mir mal bi ihne afrage, wie viel so Platte das sie de chönntä mitbringe... I dänkä zwar es würd sich ja villecht scho chli verteile, mir würde ou no so chli Knabberzügs härä due wo me fang cha näh und Getränk etc.
janedoe: aso die erst site vo eurer homepage, seht schomal super us! dörfit ächt au s pw? voll härzig vo dim GG das er sichgrad so mieh gäh het übis schöns z schriebe! amigs könne si ein doch no übrasche die männer abr das mit em link vrstandi hesch du das im erst momänt nid so toll gfunde! hey euri föteli sin de hammer! so schön! vor allem s zweiti findi mega härzig i hoff die DJ's mälde sich gli bi dir!
daenu: jöö so süess vo dim vat.. dänk au nid das mine a so öbis dänke würd! wow nur no 6 monet so toll jetzt rast de d zyt a dir vrbi und scho isch eure grosse dag do! cool händr d ring könne go hole! und de no zu däm priis! die tisch deko gfallt mir au guet.. i könnt mir so öbis jetzt au no vorstelle, obwohl ich immer gseit ha so es tisch gsteck fändi toll.. mol luege.. ha jo no chli zyt!
pricana: freu mi scho ufs föteli vo de mustercharte! und i wünsch dir gaaanz viil spass bim kleider aprobiere! bi gspannt uf di bricht und hoff du findsch dis chleid!
lula: s isch super gsi mit mim mami! si het voll d istellig "alles wie's d bruut wil" si het minere schwöstr (wo zäme mit minerer beschte bridesmaids si wird) scho durgäh das si de mit mir guet miesse zämeschaffe und es kleid / farb wähle wo ich uswähl! (dribi hmir scho en whatsapp chat und schicke uns all dag föteli vo kleider wo mir gseh hän ) de het si no paar kleider mit mir aluege welle wo ihre würde gfalle für sich und mi iverständnis wölle.. hanre de mol miesse sage das ich niemerem wot vorschriibe was si azieh mien, und si sälbr ka ihr kleid uswähle si wot aber trotzdem das ich das mit ihre mach.. jänu.. de gits no ei kleid meh zum go shoppe ohh cool mit eurer location!
malinchen: oh je du armi.. das isch wirkli nid so en tolle traum gsi.. ha aber au scho vom hochzyt träumt..und zwar dasi vrschlofe ha und nackt ha miesse go horror-traum! aber i dänk das goht uns allne so mit de wedding-(alp-)träum guet z ghöre, het sich dini fründin vo däm erholt! tönt jo scho guet das si sich vonem trennt! hoff für se das alles guet goht! das mit dr hochzytszitig findi voll härzig.. wärde de eifach d gäst öbis vrfasse und si macht e zytig drus odr wie? tönt ämel cool.. muesi vilicht au mol erwähne das öper so öbis könnt organisiere bi uns ah d crepes- idee findi toll! i lieb crepes, i galub alli hän gärn crepes! haha
squishy: i ha geschtr an eu dänkt! jetzt händr wirkli glück mitem wättr ka! tönt au as hättet ihrs guet ka und bi scho gspannt uf fotis! puhh 2-3 wuche isch wirkli lang! das wär widr so e fall mit all 5min emails checke für mi, idr hoffnig si kömme doch no frienr
saslieu: gratuliere zum oneway ticket toll isch wenigstens scho d hiireis buecht.. i würd no warte mit dr rückreis, vilicht isch so schön, ihr bruchet s hei-ticket gar nid das mit dinre TZ isch scho chli vrzwickt.. wüsst ez au nid grad was mache.. etl, wei scho gseit worde isch, nur 3 wuche flittis und de no z italie e wuche ahänge, we das möglich wär! odr susch wenns ihre wirkli glich isch, würdi das mit de flitis durezieh! wie du seisch, het si jo gwüsst das ihr längr furt wän und wen si sich im datum 5mol umentscheide, kasch du jo au nüd drfür..
pfingstrose: das tönt nacheme coole shootng! i find au das spass a dr ganze sach ha wichtig isch! das seht meh de au uf de fötelis.. bi jo scho gspannt.. hoff für di au dases schnäller as die 2-3 wuche goht
principessa: hmm das isch jo doof mit däm standesamt! i drugg dr de duume dases halt doch no klappt mitem nomitags termin! mhh das tönt nacheme guete apero ;) jo wägem abiete hani gmeind.. i ha ebe no mitene gschriebe und si hän de gmeind das so wie mir uns das vorstelle viil z wenig isch.. jetzt mien mir nomol übr d biecher! mi GG het aber gseh das s hotel seeburg au no schön wär, jetzt gömir das am fritig au no schnäll go aluege, mir hän jo alles nur prov. reserviert bis jetzt! obwohls montana mache mir glaub fest die wuche! findes so toll dört! das mit eurer homepage tönt toll! muesi aso mol aluege das jimdo wens bi uns au sowiit isch! bi die band schnäll go google. cool wäre si wirkli aber die spinne jo zu däm priis!!
me: git nid vil user ebe das mir am fritig doch no ei witeri location aluege wärdet, hotel seeburg z luzern, het öper erfahrige? de woti mi de langsam entscheide ah und das mis mami super isch wil si mi und mis mini-brautzilla gehabe völlig unterstützt und nid drischwätzt!
hoff han niemer vrgässe.. isch jetzt chli lang worde! liebi griesslis
Anmelden
I findes meeeega schwierig! Ufnä wäg isch dini Besti ja wie "sälber schuld", wöu sie het ja öies Datum scho kennt, wo sie ihres eigenä het festgleit. De het sie müessä drmit rächne, dass dir denn wäg sit. Uf dr anderä Site verstahni ou, dass sie halt eifach ihres Wunschdatum het gwählt (obwohls chli komisch isch, wenn sie süsch immer het im Früehlig wellä hürate?)... I cha dir würklech nid sägä für was das ig mi würd entscheide! Wahrschinlech würde GG und ig üsi Flittis verschiebe/verchürze, aber mir si halt beidi eng mit mire Beste befründet. 
isch überhoupt keis Problem für mi, für das isch ds Forum ja da! 
Mir hei das jetz ou chli erläbt, das gueti Kollegä vo üs sich chli vo üsem "hochzytsfieber" hei lah asteckä und jetz plötzlech vo hürate rede, obwohl sie vorhär immer hei gseit sie warte no paar Jahr. Villecht het sie halt wägä däm ou plötzlech ender wellä hürate? Aber i findes ou schwierig das azsprächä, ohni dass sie sich när gad agriffe füehlt... 
