| Bräute 2014 |
|
|
1 .. 211 .. 419 420 421 422 423 .. 710 .. 997
|
|
|
|
|
|
|
|
|
|
|
14.10.13 16:24
Taeboyana 
|
Re: Bräute 2014
Wow Froue, itz verlüri de ändgültig dr Aschluss  Ha so viu ztüe im Büro, weiss afa gar nümm wenn schriebe und am Abe bini kaputt... Aber itz hani mer gad wieder chli Luft gschafft und probiere, zmingscht uf ds einte oder angere izgah.
@Pfingstrose: De hesch du o die glichi Fotografin wie mir, ig ha sie am malinchen empfohle  Mir si o meeeega happy mit ihre. Uf d Biuder vom shooting bini mega gspannt!
@janedoe: Euchi Fotos si u schön und me gseht gar ke Räge!!
@Principessa: I ha drum d Föteli vo mim Chleid wieder usegnoh, wett se nid zlang druffelah, me weiss ja nie... Wed möchtisch, schicki dr vo dähei gärn e PN mitem Foto?
@malinchen: Schön geits dire Beschte chli besser. I hoffe fescht, dass sie sech us däm Vertrag cha löse. Das isch ja o scho es sehr schlächts Zeiche, wenn er säuber ke Wohnig bechäm??! Da würde bi mir d Alarmzeiche scho uf dunkurot stah...
Crèpes findi ämu e super Idee bim Apéro! Das chunnt doch ade Festivals o immer super a. I würd nur luege, dasses de mitem übrige Apéro nid fasch zviu wird (i ha im Chopf, dir heiget o no es Glacéwägeli?).
@Fara: Pasta - wieso nid? Chunnt sicher chli uf d Gseuschaft und o uf euch drufa, aber schlussändlech mueses ja für euch stimme. Aber wie d daenu het gseit, müesst me uf aufälligi Allergiker chönne Rücksicht näh.
@sasileu: Oh das isch blöd gloffe mit dire TZ/Beschte! Schad, hei sie gad so Haus über Chopf d Date gänderet u de o no grad d Iladige useglah! I würd das itz es paar Tag la sacke und de nomau i Rueh drfür und drwider abwäge. Isch extrem schwierig, itz eifach e Entscheidig zträffe, wüu i verstah, dass euch beides wichtig wär. Hey und Hawaii wär dr Hammer - isch o üse Favorit für d Flittis!! Aber mir wüsse äbe no nid, ob mir so lang chöi Ferie näh, wüu i wett de scho mind. 3-4 Wuche, damit sechs lohnt...
Wägem One-Way-Flug: heiter da gluegt, macht das priislech nid e rächte Ungerschied? I ha drum imne Reisebüro gschaffet vorhär und ha d Erfahrig gmacht, dass Oneway-Flüg finanziell nid unbedingt z'empfähle si, wüu me oft türer wäg chunnt mit 2 oneway-Flüg as me return Ticket. Aber d Vorstellig isch natürlech cool  !
@Kinder am Hochzit: Babies si für mi o kes Thema, wirds aber bi üs gloub nid viu ha. Mim Brüetsch sis 3. (wo jede Momänt chönnt uf d Wäut cho  ), isch denn o scho abgstiut u süsch hets gloub gad keni Säuglinge ume (usser es schneit no eis bis denn  ). Bi de grössere Ching kommuniziere mir klar, dass mir se am Abe nid drbi wette. Trouig und Apéro sehr gärn, aber am Abe wei mir ungstört fiire, ohni Umgrenn, Chinderglärm, Chindermenu und Eutere, wo när früecher gö, wüu d Ching zmüed si. Aber die Idee vo gwüsse Gescht findi ja oberfräch u drnäbe. Da würdi würklech hert bliebe, geits no? Chiem mir NIE i Sinn!
@Ringtusch: Dä ghört für üs ou eidütig id Chile. Dassi im Standesamt die neui Ungerschrift mues chönne und e neue Nachname bechume, längt mir scho für ds 1. 
@Sue: I gloub i mäude mi morn mau a für die Impfig... i meine was hani z'verlüre?? U Angscht vor Sprützene hani o nid. D Impfig heisst übrigens Strovac.
|
|
|
|
14.10.13 19:14
Lula
|
Re: Bräute 2014
Guete Obig ihr flissige
@principessa: Mir heis mega im Griff...
Was schribet ihr denn jtzte dri? So schön, ma Dir das vo Härze gönne!
Dörfe mir ga gwundere?
Wou, dä hets doch!! 4'200 plus Ässe u Übernachte?!? U de no mind. im ne 4* Hotel? Da isch doch vom Aff bisse! Aber das gloubi, dass es Dir het abglösche, wäri mir aso ou so gange!
Danke viu mau, si gäng no mega im höch!
@malinchen: Sicher verständlich, wüu no meh bruchts ja würkli nit! Hoffe si chunnt u gli us am Vertrag use!
Ja, Reinige muess mes ja eh, aber i bi glich nit scharf druf, zumau i mi GG mit Zigarre ha wöue überrasche, u di schmöcke ja de meist no intensiver... Aber GG het ja de gmeint, i chönni was anders ga alege, aber no denn... Mau gugge
@sasileu: Chas si dass i iversüchtig isch, u nit Di jtzt so glücklich cha gseh, ohni säuber zhürote? Oder das dFamilieplanig ou gad isch vorverschobe worde? Aber so warm isch es ämu im Oktober ou in Italie nüme, oder? I findes eifach ou komisch erfahrsch Du das Datum dürs ipacke vo de Kärtli u nit vo ihre persönlich!
Wenn i Di Text so liese, hani zGfüehl Du würdisch bau lieber i dFlittis wie planet; u i verstah di vou. Ihr heit euch das lang gwünscht, heit Plän für närne u das ou klar kommuniziert, u drum isch es für mi unverständlich das Dini Beschti genau ir Zyt vo euchne Flittis zItalie wott hürote.
@dänu: Ah ok, ja de isch natürli nit gad gäbig. U de Gottelüt oder süsch Fründe?
Es isch dr Hammer! Mir hei eifach nume Saft, Mineral u äuä Wisswii, eifach das aui chöi acho, dÜbernachtigsgäscht dSache chöi ufs Zimmer tue u de sicher ou aui da si, da ggf dPartner vo üsne TZ no Gschänkli vom Apero zu üs hei tüe. Inwiefern müesse Gäscht vor am Hochzyt is Zimmer?
@jane: Danke viu mau!
Wow, mega schöni Föteli, ihr sit es mega härzigs Päärli!
@Sue: Bi üs plane si eifach dr Obe, mir hei e DJ, dr Räscht mache si. Aber so wies tönt chunnt am Apero ou no was. Mir wärde ihne e Zytplan gäh mit Fixpünkt, u dr Räscht mache de si.
I bi im gliche Dorf, mit am Outo paar Minute, am zivile machi äuä eifach aues bir Coiffeuse! Weiss eifach no nit i welere Reihefolg
@nala: Oh so super, Dis Mami tönt sehr entspannt!
Ha leider kei Erfahrig, isch gar nit mini Region.
|
|
|
|
|
|
14.10.13 21:13
malinchen
|
Re: Bräute 2014
@sue: I mache ou Make-up und Haar bir gliche Person, sie isch ds Mami vo eirä vo mine bestä Fründinne und wohnt ir nächi vo GG's Elterä. I wirde mi drum de gad bi ihne lah zwäg mache, d Chille isch ja när ou gad i däm Ort.
@Pfingstrose: Ah dir heit ou d Andrea, isch ja mega cool!!! Sie machts würklech super...
@Taeboyana: Hihi, das het sich ja mega glohnt fürd Andrea, dass du da i däm Forum bisch! Sie isch würklech super, bi so froh hesch du mir dä Tip gäh!  Ja säg nüt vo wägä Alarmzeiche, die hei bi mir fasch pouselos blinket we sie öpis vo däm Typ het verzeut. Git da no x anderi Aspekte...  Aber äbä, sie zieht das irgendwie richtig a so züg.
Ja gäu das Glacewägeli fragi mi äbä ou obs das de überhoupt würd bruche. Wär zwar scho mega luschtig, aber gad 2 so Wägeli si irgendwie ou chli viel. 
@Lula: Mir wei de ou Stumpä roucke... Aber nur uf dr Terrasse. I bi ä Glägäheitsroucher, aber sit dases ds Rouchverbot git, hassenis richtig weni lang irgendwo imnä Fumoir oder so bi ghocket u när so verrouchnet vom Usgang hei chumä. Cha mir das gar nümme vorsteuä wie das aube gsi isch idä guetä altä Zytä wos überall so gsi isch.
@Dänu: Ja das isch scho zuelässig. Sie het ar Verwaltig scho gseit, dass er ou det wohnt, aber nid, dass sie überhoupt nid det wohnt. Klar het sie ab und zue bi ihm übernachtet, aber sie het sich ou uf dr Gmeind nid agmäudet. Was verbote wär, isch wenn sie vo ihm meh Mieti verlangt hät aus d Verwaltig verlangt... Das het sie natürlech scho nid. Aber es isch glich chli piindlech, wöu die Wohnig het er ersch 2 Mönet. U wenn sie ihn nid als Nachmieter akzeptiere, de mues sie e anderä Finde oder no es Jahr lang d Mieti zahle.
|
|
|
|
14.10.13 21:59
Pricana
|
Re: Bräute 2014
@janedoe: sind super schön die neue Fötteli uf euere HP! Mich hets ez au voll packt gester und bin fliessig am bastle dra, zeigs eu denn sobalds vorzeigbar isch :)!
Haha din GG isch ja köstlich, dass het bi eus au zu Diskussione gfüehrt aber isch ja echt typisch Maa :D Aber isch u herzig wasser gschriebe het über dich, so schön :)!
Isch ja super chönder d Chärtli denn grad selber verteile, suscht wärs doch na recht tüür worde zum alli schicke!
@malinchen: mir träumts au ständig vom HZ aber so en schlimme Traum hani bis ez na nie gha, hoff hesch di wieder erholt devo :D
Super das sich dini Besti wieder erholt vo dem Ganze, hoff sie schafft all nötige Schritt wo ez na chömed.. Aber das mit de HZ Ziitig isch e super Idee! Und s Crèpes Mobile isch ja de Hammer, wär au voll miis :D! Hender denn denebed na en richtige Apéro oder wär das s einzig?
@squishy: jep merci, s lauft würklich einiges :). Ja genau am Samstig hemer s Shooting wenns Wetter stimmt, freu mi mega druf! Und klar, d Musterkarte stelli ine sobalds cho sind und abgsegnet vo eus :p
So lässig isch eues Shooting so guet gloffe!! Nimmt mi meega wunder wie die Fötteli worde sind, chaner eu nöd es Müsterli vorab schicke :)?
@Sasileu: isch echt nöd schwierig mit dinere TZ! Ich denk wenner das vorher so kommuniziert hend denn würd ich nöd uf eui Reis verzichte, wenn nämlich denn d Pille absetzisch und es schlaht grad ii werdeter wahrschinlich nöd grad wieder so lang chöne gha. Und isch sicher uu schad wennd nöd chasch däbii sii, aber wenn sies scho verstaht denn würdi glich uf eu luege.. Wo ane gönder denn id Flittis? Chamer Italie viellicht mit euere Reis verbinde?
@laprincipessa: oje isch ja echt e blödi situation. Verstahn au, dass kei luscht meh hesch zum drüber rede oder diskutiere, aber nötig wärs ebe amigs glich, wennmer ez nöd drüber red denn isches es ziitli guet aber irgendwenn holts eim wieder ii =/. Hoff ihr hend doch mal na es guets Gspräch zäme und sie gseht au ii was sie macht und was sie vo eu verlangt!
Nei kenn eigentlich niemert in Dütschland und Östriich, aber das wird scho gha so :)
Haha ui nei, 4200 EUR?? Isch ja gspunne..! Aber anschienend gits tatsächli lüüt wo so viel zahled defür das sie das chönd verlange, krass.. Hoff ihr findet eui perfekti Band na!
@Sue87: bin denn gspanne was din Arzt meint dezue!
Also mini Schwöster und TZ het am Afang grad gfröget was sie chan/sell mache, will sie am letschte HZ vo ihrere Kollegin uu viel het müesse mache. Aber im Moment mueni ehrlich säge wotti alles lieber alleige mit mim GG plane :) Und sie isch grad auna froh wll sie viel z tue het. Sie wird denn sicher zum Zuug cho wenn d Iladige dusse sind und d Gäst evt. Programm hetted für de Abig und sie wird au d Gäst unterhalte wenn mir am Shooting sind zwüsched Apéro und Fest. Aber suscht het sie na kei Ufgabe im moment :).
Haar und Makeup hani ehrlich gseid na keii Ahnig, da hani mer na gar kei Gedanke drum gmaht..
@nala05: merci vielmal :) hoffes auu!
Isch ja herzig nimmt dis Mami so viel Rücksicht :)!
@me: morn fangt min zweitägige brutkleidershopppingmarathon a : am morge am 9ni hani scho de erschti Termin und ich bin irgendwie sit paar Stund scho waahnsinnig nervös...
Wünsch eu allne en schöne Abig!!
|
|
|
|
14.10.13 22:53
squishy-fishynicht registriert
|
Re: Bräute 2014
Guätä Abiig Ladies
Janedoe: Du hesch mir s'Passwort gar ned so viil gschickt, nu dreii Mal und meh saiit doch: Alle guten Dinge sind dreii Und eui Homepage isch wunderschön. Ihr hends miit mega viil Liäbi gstaltet, mersii für s'Passwort!!! Wiä ihr eune TZ und TM und ihr eu gegesiitig öpis gschriibe hend. Sehr schön zum lese! Dii GG isch dä Burner, gad allnä d'Homepage go schicke.... Aber es zeiigt doch, dass au er meega froiid drane het.
Wunderschöni Foti! Ihr gsehnt zämä wunderschön und verliäbt us! Woow! Und dini Haarfarb beidruckt miich immer wiider! Muäni mir so merke Jetzt hend ihr dii Qual der Wahl, welli Fotene chömet echt uf Karte
Malinchen: Schön gots mit diiner Beste wiider ufwärts. Da mit dä Wohnig isch verzwickt... Do giits siicher eh Kündigungsfrist wo iighalte werde muän. I druck eu dä Duume dass es guät für sii chunt!
Dini Idee mit dä Crepes find ii suuper. Diä sind würkli lecker und passet ja total guät zu eu! Kuuli Idee!! Wenn's no anderi Sachä zur Uswahl hend, chönts jo dert Schlange chlii usgliiche...
Sasilu: Z'erst mol bewundere ich diich für dini Ruäh. Ich würdi usticke Au wenn's mini Best Fründin isch oder grad will siis wär... Will sii weiss ja um mini Plän und het diir anderi Agabe gmacht... Aber en bessere Vorschlag han ii diir leiider nöd. I cha dir guät nafühle, dass mit ihre fiire möchtisch und au dass ihr nomol wönd gross eui Ferii gniässä. I glob schlussendli würd iich's persönlich bereue nöd gange z'sii. Do es aah ihrem Datum nixx meh z'rüttle giit, würdi in suure Öpfel bisse. Chönt denn ihr direkt nach ihrem Hochziit in d'Flittis? Denn hettet ihr wiider lang Ziit? Oder sind diiä freie Tag scho gsetzt oder s'Wetter in Hawai nüm so guät? Dä Flug chöntet ihr wohl no storniere?
Kuul hend ihr eue Flug schomol chönä buächä und Hawai isch au eiis vo mine Traumziel (agfange het dä Wunsch wegem Jack Sparrow )
Pfingstrose: Schön, gmeinsam warte fallt eim chlii liächter Eues Shooting tönt nach Action. I bii au scho gspannt uf d'Resultat! Schön hets au zwische eu und dä Fotografin so harmoniert und hend ihr viil chönä lachä. Das isch viil wert!
Lula: Woow, schön hets eu so guät gfalle ii dä Location!! Es tönt würkli gad suuper passend! Nu s'Rauche, da würd ii au no diskutiere. I het angst um miis Wiise Kleiid, wenn alli rauchet. Da isch siicher nachher irgendwiä verraucht?
Laprincipessa: Waaaaas?! I cha dii absolut verstoh, dass da z'viil isch, viiiiil z'viiiil!!  Diiä sind also scho no frech... Aber ii ha scho ghört, dass Bands wo nöd würkli Lust hend uf eher chlini Gigs unheimlich hochi Priise agebet, damits siicher nöd gno werdet... Aber miir isch s'Muul gad chlii offe bliibe ab dem Wucherpriis...
Daenu: Mii GG het agfange mit Wing Chung (er muä chlii dä Buäb ii sich uslebe ) Da isch eh Art Karate.
Sue: I muä da natürli no miit mim GG bespreche, aber ii würd eu diä Fotis sofort zeiige Aber er isch ja au uf dä Bilder und muä au iverstande sii
Mir hend uns au lang überleiit, was sii für Ufgabe bechömet. Bii uns sinds jetzt mol für d'Unterhaltig am Abig zuäständig, dä TZ luägt usserdem über d'Ameldige. Aber viel meh im vornherein müänds nöd machä. Unser TZ isch ja vor paar Wuche TZ bii siim Brüäder gsii. Dert het er so Sachä wiä s'Auto und eh Wiski (hahah, wiä schriibt meh das wort?! ) -Bar und en Spalier organisiert. Aber diä gröschte Ufgabe sind am Tag selber. Gäscht informiere, vor d'Lüüt stoh, Autokolone füähre, Programm organisiere, Ziitplan iihalte... Oder was hend dii andere für Erfahrig?
Nala: I bii scho jetzt immer am Mails checke, obwohl's jo gar keiin Sinn macht, sii chömet uf dä DVD Aber irgendwiä muän ii mii immer versichere dass nixx do isch 
Schön unterstützt diich diis Mami! Da isch viil Wert!! Viil Erfolg bii dä Wahl vo dä Location!
Me: Dä Fotograf got ebe hüt oder morn in d'Ferii. Derum brucht er eher lang. Und ii getrau mii fast ned z'frooge, ob er uns ned es unbearbeitets schicke chan. Will er isch ja in dä Ferii...
Jetzt heissts eifach Dümli drülle und Nägel schön lackiere, damit ii ned uf d'Idee chum sii abzbisse.
Wünschä eu allnä ä guäti und erholsami Nacht!!
|
|
|
|
|
|
1 .. 211 .. 419 420 421 422 423 .. 710 .. 997
|
Anmelden
und am grosse dag wäri no froh weni mini BM's gön go dekoriere drvor und mir dorum bim uswähle vo de deko den hälfe.. am obis sölle si de so spieli und züg organisiere.. wens de scho vorarbet brucht isch das ihne übrloh! und susch weissi ä nid so rächt was meh könnt abgäh! i bi ebe do dure sehr eigewillig.. ha den schiss dases nid so usekunnt wie ich mir das vorstell! 