@Sue: Oh nei du Armi, lass dich drücken!! Das isch ja e richtig fiese, arrogante Ton wo die schriebt!! Geits no? Du hesch fründlech gfragt! Mängisch dünkts mi, die Lüt hei überhoupt ke Höflechkeit. Die vom Sekretariat vo üsere Chile het o scho mau so chli sehr churz abunde und gnärvt reagiert, woni am Telefon öpis ha gfragt. Und ir Letschti, woni öfters amne Arzt ha müesse alütte, bini vo de Praxisassistäntinne mängisch o so aputzt worde. Findi gar nid ir Ornig.
I wüsst itz gar nid rächt, wie reagiere, i wär so hässig... vielech im 1. Momänt gschider gar nid. Däm Fau dörfe euchi Bluememeitli würklech absolut gar nüt streue? U de vorusse o nid? Phu aber bi dere Frou löschts eim ja scho chli ab...

Vrsuechs chli z'la si und dänk a öpis angers, wo dir Fröid macht. Aber was die gad gantwortet het, geit würklech gar nid.

Liebi Sue

Das isch ja würkli es heftigs mail. Hetti mich au sehr troffe. So wien ich dich verstande han, isch dir de glaube a Gott au sehr wichtig. Da tuet sonen vorwurf dopplet weh.

S alige hinter em mail chani aber irgendwie verstah. Dass mer halt möcht, dass d chile als Gotteshuus agluegt wird und nöd nur als schöni tradition und ebe kulisse. (Werum de wunsch nach bluemestreue aber söll verwerflich sii, weissi ez grad au nöd.)
Ich würd mit de antwort no chli warte (schock chli verdaue) und dänn hervor hebe, dass du ihres aliegd teilsch und ihres aliege teilsch und dir d chile wichtig isch, wil ihr bewusst vor Gott wänd hürate und Ihn als de dritti (oder besser de ersti?) im ehebund alueged. Dass ihrs schad findet, dasd ihr s blueme streue verschiede beurteiled, aber de wunsch vo de chilegmeind werded respektiere.
Irgendwie so.

Ebe, ich verstah dich sehr guet. Findes au denäbed, ihres mail. Ich würd äfach i de eigete reaktion uf diplomatie setze. Suscht wirds nacher nur no schwieriger. Chasch aber sicher au en satz ifüege, dass dich ihri wort troffe händ.

Sorry, falls ich dir z nöch tritte. Aber ich glaub, du bisch ebe die xi, wo mich letschti zum Gebätt ermuetiged hät. Drum schriibi das so.

Liebs Grüessli,
Fara

Zuletzt bearbeitet am 16.10.13 12:18

@Pfingsrose
Wenn hesch de Termin?

@Sue
Neiii das tued mer ez mega leid das die di so arrogant abebutzt! Das isch ez wirkli richtig denebe! I dim Mail isch ja wirkli nur d Frag nach de Möglichkeite gsi... Und dass sie grad eso muess reagiere isch wirkli unterschti Schublade. Ich würd a dinere Stell jetzt au erstmal nöd antworte. Vielleicht chasch ihre emal alüte und das persönlich kläre, de isch sie de vielleicht au nümm ganz so arrogant?

En ähnlichi Situation han ich au erlebt: Mier hend vo de Sakrestantin vo de Kapelle es Merkblatt becho und wills nienets Parkplätz hed bi de Kapelle isch dett gstande, dasmer chönnted bime Buur a de Strass parkiere, das seg ca 50m entfernt und so usgmacht. Denn hani dett bi dene Buure aglüte und die Frau am Telefon isch vooooll usgraschtet, das mier sicher nöd dette parkiere dörfed, will sie nachher wider alles müessi go ufruume. Und die ganze Blüeteblätter und Papier welli sie ned uf ihrem Land. Usserdem verstah sie sowieso nid, wieso unbedingt immer 'Fötzel müend umegrüehrt wärde, es gaht ja um Gott' (ihri Wort) Es hed mi so gnervt, zumal ich sie kenne vo früeher. Und das hed sie zerscht ebe gar ned grafft... erst woni ihre gseit ha, dass sie mich und mini Familie ja eigentli kennt. Denn isch sie es bitz fründlicher worde. Trotzdem dörfemer jetzt nöd dette parke und müend ca en halbe Kilometer wiit weg vo de Kapelle ufeme öffentliche Parkplatz go parkiere. Eusi Sakrestantin versuecht jetzt nomal mit ihre zrede...

Hä, aber de 9.11. isch doch gar kei Ziischtig? :D will ich ha im Chez Janine nämli au am Ziischtig Abig en Termin gmacht (am 12.11.), drum hetts ja chönne sii, dasmer eus übere Weg laufed
Ja das mit de Parkplätz isch doof aber da bini im Moment no gueter Hoffnig will eusi Sakrestantin isch e mega Liebi! :)

@Taeboyana
verstah so züg eifach aube gaaaar nid...me cha ja normal und fründlich zrukschribe und nid so ghässig??
ohje ja das isch ou nid luschtig ha ou scho unfründlichi Praxisassistentinne dra gha und meischtens isches ja nid "luschtig" weme am Dokter muess alüte und de mag das eim no gad meh..?
i wage mi gad gar nüme z frage....ha ebe ou scho vo Päärli wo z Burgdorf ir chile ghürate hei ghört dass der Sigrist mega kompliziert sigi mit Kerze und Blueme am Bode aber mir wäri ja glich wenn si mir hätti fründlich gschribe das sigi bi ihne nid möglich?!

@Fara
doch hesch recht es het mi ou gad megem Gloube troffe. I bi zwar eh nid so der Mönsch wo gloube dass e Gloube ide Chile oder nöime muess si sondern dases im Herz muess stimme. es het mi eifach ou gad mega troffe die Frou vor Verwaltig het no mi Vater kennt wo isch Pfarrer gsi und woni mit 16ni leider verlore ha.
Si weiss also weri bi ou wenn ig si nid kenne und ner schribt si mir so?
aber weisch weme ja d Kirche als Gotteshuus würd aluege ohni z schmücke de döftme ja de ou kei Blüemli a Kirchebank tue und was söue de die farbige Glasfenschter?!nei sorry aber chume gad nid drus...ha ja nid wöue ufem Elefant füre zum Altar rite

@Pfingstrose
ja eh hätti dänk de scho öper "agstellt" wo d Blüemli wäri wider go zämeläse....geit ja meh drum dass mis Nichteli sich ize scho mega gfröit het immer dass si de mis bluememeitli werdi....

@janedoe
ou das isch ou müehsam...de döfeter trotzdem dass dir si kennet nid bi ihne parkiere...?
hoffe das klärt sech no und dass d Sakrestantin öpis erreicht...!!

@all
i weiss....ig hätt gschider uf öich glost und hätti zersch chli abegfahre.....aber i bi soooooo verletzt und hässig gsi dasire scho zrukgschribe ha..... isch vilicht nid gad ds schleuschte gsi aber ha gad nid anders chönne....

Ha ihre gschribe dass igs sehr unfründlich finde wie si mir zrukgschribe heigi und üsi Eheschliessig sozäge als THEATER z bezeichne und sowieso di ganz Art wie si das Mail heig gschribe total denebe findi.
Si hätti mir ou chönne ganz normal und fründlich zruk schribe und mire Meinig nach wohni Gott sowieso nid imne Huus sondern im Herz.

Sue ich find imfall guet dass gschriebe häsch. Chanere ja evt. au e Lehr sie. Immer nume alli mit Händsche allange nützt ja au nüt. Sie wüsseds ja genau, dass wenn mer hürate wott unds eim wichtig isch bimene spezifische Ort chömeds eh wieder. Wasi au kei gueti Istellig finde. Häsch du guet gmacht!

Jandoe, hihi, wer ja sehr witzig. :) We will see... Wer glich froh weni gad im Merys fündig würdi. Und suscht bis am 12.11. in Buebike! :)