Falls öpert interessiert uf DeinDeal hets en Guetschie zum kaufe für en Hochziitsfotograf für 50% Rabatt anstatt 1300 CHF no 590 CHF für 3 Stund s gliche gits no für 6 oder 12 Stund miteme andere Priis... http://zurich.deindeal.ch/de#!/collection/28020/product/29193/option/39335

@Pfngstrose
Hmm aso er tönt da scho recht strikt. Hoffe bi eu laufts de bitz besser. er hed eus au d'Variante vorgschlage, daser erst am 10ni würd cho aber ich find ebe Hintergrundmusik bim Esse scho no super und s'wär eus au ned agnehm wenn er würd ufbaue während mier bim esse sind und wege dem denn 'nur' 200.- weniger zzahle macht für eus au kei Sinn.
Ich ha bi dene DeinDeal Agebot immer chli Angst, dases denn so unmotivierti Lüüt dehinter stecked. Weiss au nöd wieso..

Ja voll, ha denn gad müesse go luege wenn iher s'Datum hend Das mit de ibaute Alag isch ja super! Hoffe aso, das iher uf en Nenner chömed. Und suscht findi 1150.- eigentli au ganz okay...
Mier zahled ja allei für d Musik i de Chile 1000.- (5 Lieder)

@Sue: Ih nei das geit ja gar nid was die anderi het gschribä!!! Fingi super dass derä gad d Meinig hesch gseit... Das si doch meischtens so chli älteri Dame wo i ihrem "Riich" müessä ihre Frust a andernä uslah - und ou wenn sie fürd Chillegmeind schaffet isch das ä Dienstleistig und de sött sie villecht ou chli Chundefründlech si. Het sie no mal gantwortet?

D Seckli wo dir heit gmacht si ja meeeeeeega schön! Gseht voll professionell us!!!

@DeinDeal: hmm, da wär i jetz ou eher chli skeptisch! Also es isch ja immer super, wemä irgendwo cha ispare. Aber i bi allgemein Vorsichtig wennä Dienstleistig u nid es Produkt drhinger isch..

@Nala: chönnt de di GG die anderi nid ou no träffe? Süsch würdi äuä eher die wähle wo dir beidi scho kennä glehrt heit...

@Jane: Würklech schwierig wägä öiem DJ! Wie lang brucht de dä zum sis züg ufboue? Je nach däm chönntet dir ja nachem Ässe öinä TZ dr Uftrag gäh irgend ä "Ablänkig" ds organisiere, wo dir schnäll usegöht oder so unterdesse cha er sis zügs cha ufboue...

@all: danke eu allne für die liebe Wort, han immerno soo Froid a mim Chleid :) Han ez aber d Bilder glöscht, suscht luegis ständig a :D

@Fara: Mega schön dini Drahtchugle! Oh nei die in Fehraltorf? Scho krass, mir zahled dete gar nüd, nur für de Apérosaal 150.-.. Aber ja verstahn sie scho au, wennmer kei Chilestüüre zahlt denn hends kein „Grund“ zum d Chile gratis zur Verfüegig stelle, aber grad soo viel isch echt frech! Hender suscht na e Chilä idä engere Uswahl?
Haha ja isch nöd so, dass ich mir uf dem Foti nöd gfalle, aber in echt isches eifach wow gsi und ufem Foti halt nöd ;D. Haha ja säg nüd, viellicht gsehmer eus denn mal im Migros, wär ja echt witzig :D

Wie isches hüt gange idä Chemo? Hoffe fescht es isch wieder ählich guet gange wie bim letschte Mal!
Tönd ja super mit de Wohnig und druck eu de Duume dasses klapped !!
@Malinchen, Taeboyana, etc.: eui Fotografin het mi ez au grad gwundrig gmacht, dörfi ihri website na go aluege? Mer hend zwar wahrschinlich scho öpper aber würds gern mal go aluege :)

@janedoe: merci vielmal :)!! Het sich de Bodelegger idä Zwüscheziit gmolde? Schad ischer über euem Budget :( Was mached er jetzt, hender namal öpper zum afröge? Ou das mit de Parkplätz isc ja au mega doof, hoff das chunt na guet!

@Sue: ich han din Text scho unterwegs gläse gha hüt und hans grad mim Mami und minere Schwöster müesse vorläse wills mi so gnervt het, mer hends alli uuunglaublich gfunde was die gschriebe het !! Vorallem grad au mitem Hindergrund woner hend, dass sie dich/dini Familie scho länger kennt! Tuetmer übrigens u leid mit dim Papi :(..

Ich glaub ich hets au gmacht wie du und grad zruggschriebe, bin au schlecht im warte und zerscht überlegge i so Sache. Finds aber au guet hesches ihre grad so gseid, denn weiss sie grad dasses denebed gsi isch und denkt namal drüber na was sie gschriebe het. Het sie ez namal zruggschriebe?

Sind meega schöni Säckli!!

@Pfingstrose: Super hesch scho zwei Termine chöne mache! Wie machsches ez mitem Kommuniziere a dini Mom/Oma und so? Nöd das sie denn scho öppis vor hend :). Ou ich bin ganz schlecht im Näme merke, muen nachher ufem Kaufvertrag luege ob en Name druf staht! Aber sie het eifach gseid, dass sie die neu Kollektion erscht Afangs Dezember bechömed, und denn gahni eifach devo us, dass bis denn na d Aktion lauft vode 2013 Kollektion? Alles andere wär ja mega unlogisch, sie verzichtet ja sicher nöd en Monet uf Umsatz!? Komisch echt.. Hesch denn in Züri aglüte gha?

@nala05: also ich würds au so mache und die günstiger neh, wenn eu scho beidi glich sympathisch sind :)

@me: ich bin gester abig nach mim post fascht iigschlafe ufem Sofa, s Brutkleid shoppe het mi sooo gschlisse bin fix und fertig gsi am Abig :D Aber immerno total happy. Hüt simer uf Konstanz chli go shoppe und bin na is HZ Huus in Konstanz zum luege wägem pinke Steinli wos für mich bstellt hend zur Asicht und isch echt mega schön! Denn hani welle säge mer nehmed die Ring womer usgsuecht hend und ez isch ihre aber na ufgfalle, dass d Ringgrössi vo mim GG na fehlt!! :D Er het scho ghofft er chunt drumume zum namal uf Konstanz z fahre aber ez gahts wohl nöd anderscht :p. Aber sie het gseid es gaht nur zwei Wuche zum d Ring mache lah mit Gravur und denn gömmer halt erscht adä Wiehnacht wieder det ane wennmer beidi zwei Täg frei hend.


So, morn isch wieder schaffe agseid :( Wünsch eu allne na en schöne Abig!

Hoi zämä

wou, sit 12 Stund nüme glüffe, isch scho fasch komisch...

@Pfingstrose: Oder ihr ladet se zum ässe ii, u de lahsch haut "zuefälligerwiis" es Hochzytsheftli lah liege...

@Taeboyana: Wie isch Din Füürobe no gsi? Oder hei sech di 1,5 Stund no seh lang härezoge?

@nala: Wieso meinsch chömme vo Dire zuekünftige Schwägere blödi Sprüch wäge Dir?

@Pricana: Hei, so schön! Härzlechi Gratulation!! Dis Kleid gfallt mir aber a Dir besser wie am Model!!
Aber das im Liluca tönt scho chli speziell... Isch aube schad, so Sache.
Jöö, Din GG!! Mir schribe im fau ou sms, GG cha nit, u i wott nit, aso zWhat's app
Gugge mini uf am Laptop im fau ou ständig ah...

@squishy: Das hoffi aube ou, wenn i serigs liese, aber GG het eismau gmeint, i mutieri zum ne Brutmonster...
Si cha ja afe so chli dNärve beruhige, Händli ha, häufe vorbereite...

@Fara: Merci viu mau, tues spichere u de mau probiere.
Aso si im Heftli heis anders gmacht? Oder wi?
Gseht aber super us! Süsch chönntisch ja u e Liechterketti dritue?!
Hoffe Dini Chemo isch guet gange, u Dir geits umi guet.

@dänu: Tuet mir sehr leid, isch sicher nit eifach mit Dim Mami! Füehl Di umarmt! Verstah Di aber sehr guet! GG het si Vater vor guet am ne Jahr verlore, u das het ihm sehr hert, u jtzt no gad einisch meh mit am Hochzyt! U mir fäuht mis einte Grosi u ne guete Kolleg...

@malinchen: Schöni Idee mit däm Zwöisamkeitsobe!! Immer am gliche Tag? A das Gschäft hani ou scho dänkt, isch bis uf eis im Seeland zeinzige wo mir gad so i Sinn cho isch...

@jane: Isch scho no komisch mit am Bode? Hesch mittlerwiele öbis ghört? Aber tönt scho gad nach ziemli Päch! Hoffe es leit sech baud umi!
Aber das isch doch ou e total überrisseni Reaktion vor Buurefrou! Het öichi Sakrestantin no was chönne erreiche?

@Sue: Wou, di Frou Boumgartner hets doch!! Me cha doch so was ou aständig schribe! I mein es isch es Hochzyt, u kei Stripverastaltig!
Hesch no was ghört uf Dis retour Mail?
Wou, sehr schön öichi Säckli, gseh super us!

@DJ Köste: Mir zahle Fr. 1'200.- für üse DJ, drbi isch z'Ässe, u Mineral.