@littlefoot: zersch mal härzlech willkomme!!! WOW, die Torte gseh ja mega cool us!!! Also für mi würke die scho sehr profi-mässig!
@lil.lian: ou dir härzlech willkomme!
@jane: Gratuliere zum DJ!
@nala: Findi ou guet, dass dire Schwägerin nid no Kanonefuetter wosch gäh... Immerhin gseht dir sie nid so oft. I kennä das ou - aber leider nid bi GGs Familie sondern d Fründin vo mim Brüetsch und ig chöis gaaaaaar nid zämä. I frage mi mängisch ou, ob ig äch i däm Fall d zicke bi wo kei Frou ar Site vo mim gliebtä chliine Brüetsch akzeptiert - aber när dänki glich wieder jedi anderi wär besser...
@me: I gange hüt mit mire Bestä ad Wymäss! Hoffä i finde ä guetä Apéro-Wy... Aber fröie mi ou süsch scho mega, wird sicher luschtig.
@littlefoot (sone coole Name!) und lil.lian: ganz härzlech wiukomme!
@Jane: So cool mitem DJ! Gsehsch, das Ganze het sech glohnt. mir müesse üs de o mau no mitem Thema Musig / Band / DJ usenang setze, aber i ha so ke Bock im Momänt Zersch as nächsts ds Datum für ds Zivile reserviere und no chli Deko plane, da hani gad meh Luscht druf
@littlefoot! Hey Hammer dini Tortene! Bisch auso wenn no ke Profi, de sicher ufem Beste Wäg drzue! Hammer, mi Göttibueb heisst Lionel, die 1. Torte gfaut mer drum bsunders guet . I ha im Januar o mau eini probiert sone 2-stöckigi mitere Hammer Füllig (gloub Öpfu-Caramel) und Fondant-Überzug und mues säge, für dassi das zum 1. Mau ha probiert und absolut ke Erfahrig ha gha, bini ganz zfriede gsi mitem Resultat. Mues mau luege, obi no es Föteli ha. Mache äbe süsch o meh Cupcakes, bi aber o dert no gar nid dr Profi. Irgendwie fäut mir aube fasch d Zit für das Hobby.
@Nala05: So cool, a Cakepops wetti mi äbe o scho lang härewage. Si die schwär und brucht me viu äxtra Materiau (so Förmli u so)?
@malinchen: nei dr Hammer, mir gö hüt o ad Wymäss!! U zwar mit üsere Fotografin ! Vielech gseh mir üs ja no...?! Mir gö fasch jedes Jahr, isch immer luschtig.
So mini Liebe, i hocke no genau 1 Wuche i däm Büro... scho es komisches Gfüu.
janedoe bi gestern ersch bis zum Mittwuch cho bi 4 Hochzeiten, ha die vo Gestern no nid gseh
cakepops ha eismau seuber gmacht und bi süsch nid soooo der bachprofi bis ize aber bis am lernedie si soooooo fein worde...haut mega bombene aber fein janedoe, chöntischmer echt mau ds Macarons Rezept schicke...?
lil.lian wow schöni Turte....!!
littlefoot woow schöni turte....!! die figürli obedruffe hesch aube ou selber gmacht?? Und die Candybar findi super - hesch scho sone Etagere??
malinchen ou so cool bi no nie z Bern ar Wymess gsi aber LUSCHTIG mueses are Wymess doch fasch zue und her ga??
ME ha auso nüme ghört vo dere Frou vor Verwaltig. Ha ize mitem GG abgmacht dasmer luege ob die Floristin womer empfohle worde isch öpis wäri und wenn ja de söu die gad Kontakt ufneh und alles regle und de ou wider aues abneh und verrume a Deko und i bi fein raus und ha kei Kontakt meh mit dere Frou Ig ha ize mau verschideni Agebot agluegt für Make up und Frisure in Burgdorf und ha Gestern öpis im Internet entdeckt womer gad nüme usem Chopf geitMir hei ja Thema Orchidee. Vode Deko her isch nume fengs klar dass mir ja so imne grosse wiise Zelt werde hürate mit Kronleuchter und Belüchtig ir Farb womer selber chöi wähle. Tische wetti rundi mit wiise Tischtüecher und d Stüehl werde ou wiiisi Stuehlhusse ha. Ide Mitti vode Tische wettemer grossi Kerzenständer wo d Location ou scho het. Eigentlich hani ize immer dänkt gha dasmer (ds erschte Bildli) werde bastle und ad Weingläser tue bi jedem Gast. ize hani aber öpis anders no gseh (ds zwöite Bildli) und no passendi Menükarte (ds dritte bildli). Was findet dir??
@Taeboyana: Haha, nei isch ja zviu!!! Mir göh (eigetlech) o jedes Jahr. Letscht Jahr hei mirs äbä verpasst, drum hani das Jahr unbedingt wieder wöuä gah ou we GG leider nid cha mitcho wägä sim Chnöi. Jetz wirds haut ä Mädels-Abä... Schribä dir no ä pn!
@Sue: Ah das fingi ä super Lösig wägä derä Sekretärin... De muesch di gar nümme ab derä närve.
Hei und die Placecards und Menucharte mit de Orchidee würde ja mega guet passe!!! Mir gfallts sehr... Anderersits si d Schmätterling ou härzig! Chunnt villecht no chli druf a, ob lieber würklech einheitlech wettsch ha mit de Orchidee oder villecht no ä anderä Akzent setzä mit de Schmätterling?
D Wymäss isch würklech sehr empfählenswert. Immer mega luschtig, gfährlech fürs Portemonnaie und es git ou immer no Ständ mit mega feinem Ässe...
Littlefoot: Du bisch ja extrem produktiv am Biiträg schriebe. Sehr schöni Turte die gfallet mir. Und hey dass nöd perfekt sind - wie du findsch - isch doch eigentlich au glich wills so öpis persönlichs hät. Mir gfalleds echt guet und wie die andere cho gseit hend gsehds alles anderi als unperfekt us.
Malinchen: Oh nei das ischa u schad wege de Fründin vom dim Brüäder. Aber mängisch ischs hald unerchlärlich und eifach d Chemie wo nöd passt. Da chan mer sich no so astränge. Wer weiss ob’s sie wird blibe?! Viel Spass a de Wiimäss! Wird sicher mega lustig...
Taeboyana: Hihi soo cool! Luegsch bitte, dasser nöd zviel Wii trinked, dass sie eusi Fotis no fertig bearbeite und uf CD bränne chan. Haha! Nei isch nur en Scherz… Aber ich vergitzle schier! Wott d Fotis endlich gseh.
Sue: Schöni Bilder und Deko! Isch doch super und passt mega zum Motto. Wie d Malinchen scho gseit hätt musch du am Schluss uf dis Buchgfühl lose, obs mische wotsch Schmetterling und Orchidee oder einheitlich blibe. Ich find eigentlich beides toll...
@Sue: Das findi sehr e gueti Idee mit dr Florischtin. I hoffe eigentlech sehr, dass die Sekretärin sech dini Zile würklech het z'Härze gnoh und i Zuekunft überleit, bevor sie schriebt. Isch ja e unmögleche Drache, so wie sie het reagiert.
Die Namenschärtli mit de Orchidee würde natürlech perfekt passe! Dr Schmätterling gfieu mir aber o. Vielech chönntsch ja bide Orchidee-Chärtli de no chli öpis mit Farb mache (z.B. d Schrift i eune Farbe oder so), süsch dünkts mi, chöme sie fasch chli weniger zur Gäutig as itz dr Schmätterling. Aber das isch ja Gschmacksach. Findes ämu Hammer, wie dir euches Orchidee-Thema dürezieht und dini Seckli si übrigens ou totau dr Hammer! Wo hesch die Papierseckli här?
@Candybar: Hach, dir machet mi aui so gluschtig... aber GG laht sech nid vore Candybar überzüge, er het zwar sehr gärn Süesses, aber äbe meh Dessert, i bi de eher die wo uf so Schläckzüg u so steit. Aber d Idee vo paarne vo euch, dassme das Ganze chli chönnti verbinde, isch mir no gar nie cho... mir hei eifach immer gseit, dasses es Dessertbuffet mues gä, das isch für üs ein Muss. Aber me chönnti das ja chli chliner la usfaue und äbe drfür no so Candybar-Elemänt iboue... hm, da mues ig mir no e Strategie à la malinchen (wie bim Crèpes-Wägeli) überlege Oder vielech mau bide TZ/Familie platziere, dass ig sone Candybar soooooooooo... toll fänd . Die wo eini mache: Was budgetieret dir da so? Mini Angscht isch, dass das uuuuuu tür chunnt...
squishy-fishy nei e Offerte hämer no nöd machelah. Gmäss Hompeage chostets öbe CHF 12.- bis 15.- pro Person.
Candybar Es dönt scho no spannend.. Mier händ es Dessert-Buffed. Ich chönt mer vorstelle öbis z'integriere.. Mier gfalled ebe no die schöne grosse Gläser wo mer den chönti mit Süessigkeite fülle :)
Taeboyana: so guete zuefall, lionel 😉 aso wenn me als erschrmts scho e zweistöckigi macht de hut ab! Ich ha s no nie gmacht. Am mittwuch wird minu maus zwei, de gits no e normali (magsch ja nid esse sone grossi). D wuche druf hani im gschäft s 5 jöhrige jubiläum und de machi mal e zwei stöckigi 😉
Sue, mir gfalled schmätterling eh mega. Findi u herzig. Ja die figure machi amig au. Macht mega spass 😄 Neiiii die etagere musi no bstelle. Dafi säge woher? Isch recht tür, musi luege dasi mit mim GG ke chritz bechume haha 😄 Häsch ärger gha bi de vorbereitige?
Pfingstrose, sorry 😊schaffe äbe "nur" 40%. 😉 Danke. Aber wenn du gsesch was anderi hobby bäckerine amigs zaubered 😊 Mir macht hauptsächlich riese spass, das isch ja s wichtigscht.
Malinchen, das gits öpe gäll, me cha sichs ja nöd ussueche. Ich hoff immer dass das vo mir selber niemert denkt, vo de familie 😉
Candybar, ich ha ke ahnig taeboyana "oops" 😄 eigetli hetti denkt, imachgläser vom ikea, papierwimpel und süessigkeite sind ja nid so tür. Etagere isch tür aber die chani su sudch bruche. Da ine häts ja en verchauf thread, det hani jetzt so gläser und schüfeli gse vo einere wo scho ghürate het. Hoffe dass sie no z ha sind 😉
Chasch scho spare wenn vill selber machsch.. Ikea gläser miteme deko band oder so..
Littlefoot: Das isch imfall kein Vorwurf gsi. Finds schön wenn mer immer wieder chli läse chan im Forum. Das stimmt de Spass drah isch s wichtigst. Und ob du d Arbeit uf dich neh wotsch a de Hochziit musch ja au no abwäge.
Turte: www.zuckerbunt.ch münder suscht aumal no luege. Die hend u schöni Turte.
Anmelden
WOW, die Torte gseh ja mega cool us!!! Also für mi würke die scho sehr profi-mässig! 
Immerhin gseht dir sie nid so oft. I kennä das ou - aber leider nid bi GGs Familie sondern d Fründin vo mim Brüetsch und ig chöis gaaaaaar nid zämä. I frage mi mängisch ou, ob ig äch i däm Fall d zicke bi wo kei Frou ar Site vo mim gliebtä chliine Brüetsch akzeptiert - aber när dänki glich wieder jedi anderi wär besser... 
Zersch as nächsts ds Datum für ds Zivile reserviere und no chli Deko plane, da hani gad meh Luscht druf 
Oder vielech mau bide TZ/Familie platziere, dass ig sone Candybar soooooooooo... toll fänd 