gschafft...

Nala: Danke, rustikal aber modern und romantisch…genau i das hani mi bide Obiglocation verliebt. Da freut mi etz mega, dass da nöd nur min GG und ich so gsehnd. Sehr schöni Candybar ufem Bild !
Hender eu scho chönne entscheide bezüglich Zeremonieleiter/in?

Squishy: Danke, i bi au ganz begeisteret. Wird sicher alles schön werde…hoffi zumindest. Und i bi uuh froh macht mini Fründin dBlueme und hilft sogar!!! Etz bruchi nurno vieeeel meh so chlini Väsli (Brockenhaus ahoi)
Defür chammer ade Kirchebänk viel meh mache, nöd? I ha eigentlich dStüehl verfluecht und mega Müeh gha zum e gueti Idee finde.
Sehr schön, dass sich dini TZ scho (gedanklich) so für eu isetzt! Findi super!

Fara: oooh so kuul! I bi tatsächlich no nie im Technorama gsi.
Sind uuuh schön dini Drahtkugle !
Ja, es wird wohl no vieli Lebensereignis geh woni gern mit ihre würd teile. So het jede sis Rucksäckli z’träge…mal hets meh Gwicht mal hets weniger…aber das mues ich dir ja nöd sägä!?
Dörf ich fröge was du für en Chrebs hesch?

Taeboyana: Danke für dini Anteilnahm – sBrutkleid ussueche und all so Sache sind halt scho schön mitem Mami….drum hani mi au umso meh gfreut wo min Papi dra denkt het wo mir dHalbjahresgrenze knackt hend.

Malinchen: Danke, da isch en sehr schöne Gedanke!

Janedoe: Het sie sich unterdesse scho gmeldet? Ja stürme chunnt bi Schwangere nöd so guet…das isch hormonell verglichbar mit Brautzilla, haha
Dankeeee, mir hend üs au mega verliebt i dä Bankettsaal wo sowohl rustikal, als au modern isch.
Mir hend imfall au kei Parkplätz bide Kirche…*grml*
Han grad glese weg eurere Band. I bi doch grad a dere After-Weddingparty gsi. Sie hend au dBand scho im Hintergrund gha bim Esse…sehr gmüetlich und git eifach so es edels Flair. Und noher het dBand ufe züglet…in Partyruum. Mir hend tanzed und dBand isch super gsi. Aber weisch was, amene Punkt hends denn ufghört, vor allne Lüt alles zämäpackt sodases für dLüt gar kei Platz meh gha het zum tanze. Weisch wieni mein?
Oh etz hani grad gseh…es isch en DJ gsi…aber GRATULIERE zur DJ-Zuesag!
4 Hochzeiten: jaaa gell, die Sängerin isch de HAMMER gsi! Die het etz sicher vieli Afroge…garantiert!

Sue: Ach herrje „Kulissenkirche“, wtf??? I het sicher au grad sofort zrugg gschriebe! Sehr ungerecht.
Uuuh schön die Säckli mit de Orchideä!
Jööö Sue!!! Mega herzi Vintage Deko…(klar dases mir gfallt..Väslisammlerin)
Weg de Namenstäfeli am Glas und de Menükarte…findi mega passend zum Orchideäthema. Bin begeistgeret. Aber halt au ufwändig die fiine Details. Wetsch selber mache?

Lula: Danke für dini Anteilnahm. Da glaubi, und sicher brucht er dini Unterstützig no vermehrt i dem Bezug…es wird halt no sehr vieli Ereignis geh wo’s eim wieder iholt. Aber schön, dass ihr chönd fürenand do si.

Littlefoot: Herzlich Willkomme! Und Gratulation zur bevorstehende Hochziiit. Wie heisst’s: „drum prüfe wer sich ewig bindet“, das hend ihr ja scho sehr guet umgsetzt. Und recht viel planet hend ihr ja au scho. Tönt alles sehr schön was ihr planet hend. Mir gfallt Vintage au uh guet!
Hey mega kreativ…dini Tortene sind denn kuul !

Lil.Lian: Herzlich willkomme! Das ihr eues Fäscht genau a euem 10-jährige planed findi sooo romantisch.
Mir chönd leider nöd a üsem Jahrestag hürote (isch genau Ostere 2014).
Mir sind scho sehr wiit ide Planig (glaubi), aber es duurt bi üs au nödemol meh 6 Mönet. dIladige sind verschickt und sogar dFlittis sind scho buechet.
Uuuuh schöni Torte, jammie!

Me: i ha hüt de ganz Tag (ha jo no Ferie) ghögglet für mini DIY Tischdeko...pffff i glaub i schiele und gspür immerno en imaginäre Fade um mini Finger...etz magi definitiv nüm (zum Glück hani 2 Helferinne)

@jane:aso ich weiss ja nöd was ihr alles i die offerte iegnoh händ aber ich finds extrem tüür...ich hät jetz max. mit chf 2000 grächnet.

Guete Obig

@nala: Eh fingsch sicher no paar Aläss zum chli Tortene zmache
Gloube znächste isch Whynachte bir SchwieMu, u drum chöme mir da äuä nit, wird aber äuä nit ganz so entspannt.
I wetti si ou nit, aber de wäri Kirche äuä nüme im Dorf! Aber bim Zivile hani mim chöne düresetze, si wird nit iglade! U das obwou mir närne hei göh.
Isch meh wäg am Hemd, aber das isch gloubs scho gschribe worde. I wäri für ne Antraziht (wie schribt me das?) farbige Azug, oder ganz es Dunkublau oder ou es Dunkubrun, GG wetti schwarz, aber e schwarze het er haut scho, drum bau lieber e anderi Farb, aber eine wo ner ou närne no cha trage! Mine het geschter bim Wösch hänke gmeint, er wöui de mau i dStadt für sich chli ga gugge, u, sofern er nit gad anes Schnäppli härelouft, wott er de mau no mit sim oder mire TZ ga gugge, oder ou gad mit beidne.
Was stellt sich Din GG vor? Oder Du dir?

@sasileu: Autsch... Drum lahnis eifach aube gad offe, süsch würdi mis Poschtfach äuä explodiere
Wie isch ds Ehevorbereitgsgspräch gsi? Was isch so cho?

@dänu: Juhui
Was hesch de ghägglet? Gits Fotis?

@jane: Wou, nä'ä, das würdi jtzt ächt nie zahle!! Hesch vergliechs Offertene mit de Pfingstrosene? E anderi Option zu de Pfingstrosene wosch nit?
130.- Stutz für nes Bluemearmband!?

gueten morge

@janedoe hesch scho öbis usegfunge wäg de sängerin?? ;) due de hüt luege ....
jösses isch jo e hammer pris hesch de sooooo viu was vo ihne wetsch? wen nei den wür ich nie so viu zahle.

@littelfoot finge die turtene vo merstöckig si ou schigg si meist so chli cake turtene?? aso englisch cake?
machsch aber härzigi turtene! vo wo hesch de du de fondant här??
mache üsi turte ou säuber.... ananas royal bombe

@sue uii die isch jo de fräch gsi! hesch d kirche burgdorf?
mi brüeder het in kirchberg in de chile ghürote u dörte hei trouzüge aune gest die stränge vorschrifte gschickt ke blueme, ke ris.....

bi üs louft nix mag im momänt grad ned e so :)