a Alli: Muen vo eui allne nimerd id Ehevorbereitig zum ghöre, dass Sex nur für Fortpflanzig isch und nid für d'luscht?!? Nei Ernsthaft, hüratet sust niemerd vo eui Katholisch? Wegem Pfarrer nah, ha leider vergässe wers gschriebe het...bi dem vomer id Vorbereitig gönd, de wir eus nid trauue! I willen nid, hend en andere. Jetzt ägsgüsi meins absoulut nid rassistisch, aber de pfarrer vo eusere Gmeind chunt uns Polen, isch sit knapp 2 Johr ide Schwiiz und bim rede ischer so astrengend willer Polisch, Schwizerdütsch und Hochdütsch mitenand vermischt und i wot nid a minere Trauurig selber plötzli hochdütsch rede
Sue: Bi eus ide Iladigskarte staht, dass am 12. 09.2014 zivile Trauung im enge Familiekreis isch und 13.09. fest womer iladet. Klar wüsset scho all wo im Standesamt debi sind, wer debi isch aber glich so als spass hani so "Itritts-Ticket" gmacht mitere persönliche aschrift und 2,3liebi wort.wart.... i lade es bildli ufe
@Sue: hihi, ou dir merci fürä Tip. Wenn sit dir de d Blueme ga hole? Am Tag vorhär oder heit dirs am gliche Tag chönne ga schnide?
Wow, das isch ja meeeega schön was di GG da het entworfe! Gfallt mir sehr guet... besser als die Vorlage wo de zeigt hesch!
Wägä de Flüg chani dir nid witer hälfe... Aber da heit dir ja scho ziemlech konkreti Plän! De findet dir sicher no günstigi Abieter. Wüsst dir de ou scho, wenn dass dir göht? De chönntet dir ja villecht no so früehbuecher-Rabatt becho...
pfingstrose: WOW, so tolli föteli! gseht super us! und jetzt ischs jo doch schnäller gange!
littlefoot: nei i bi nid vo luzern, mir hürote nur dörte! bi vo basel kasch mir de öbis über d seeburg vrzelle?
saslieu: aso i find ane hochzyt mues e torte! das isch das wo ich sit kind immer gseit ha.. e mehrstöckigi wiisi torte hät ich gärn! de traum wirdi mir au erfülle!
malinchen: dungt mi au no e gueti idee mit go sälber schniide!
lula: jo ich glaub i mues e pro/contra liste mache susch goht das nid! ohh d sitzordning? das isch sicher au nid eifach und frisst stunde! mhhh cordonbleu! hani das wucheänd au ka aso mir gohts immer so, nach eme feine znacht muesi au meischten zerst e rundi ufs sofa ligge und vrdaue
sue: voll schön was di gg do gmacht het! gfallt mir! dämfall gits orchidee und kei schmätsgi?! i wünsch dir e erfolgrichi hochzyts wuche! händ jo so einiges vor! apropro flüg.. bi qatar airways häns no oft so agebot din wo meh relativ billig öbis findet.. lueget doch mol dört, vilicht gits grad öbis? und bali isch jo hammer! ein vo de allerschönste ort wo ich je gsi bi! wird sicher super!
Sasileu: Haha... Ich glaub min Schatz und ich händ eus unter anderem darum gege e Chirchlii Trauuig entschiede. Will mir erstens mal usträtte sind obwohl min GG absolute Südländer isch und wills eus eifach vertätsche würdi bi so Themene. Ächt das gaht ja garnöd. Hihi! Und wegem Akzent chani die total verstah. Isch ja irgendwie verwiirend. Den isch ja super wenner en andere usgsuecht händ. De kenneder den scho?
Mega schöni Iladige! Und das mit em Extra-Itritts-Ticket findi total e lässigi Idee! Super!
@sasi: Mir hürate reformiert... Cha dir da ou nid so viel drzue sägä. Mir hei de ou es Gspräch mitem Pfarrer wos drum geit würum dass mir kirchlech wöi hürate. Aber i dänkä das isch bi de reformierte scho chli weniger "sträng" aus bide katholische Pfarrer...
Hei die Chärtli hesch ja mega schön gmacht! Finde d Idee no guet... i ha mir äbä überleit, das de villecht z mache fürd Abä-Gest.
Hallihallo.. puh 20 nöi site.. chan unmöglich alles noläse goh drum meh oder weniger nur uf das i wo a mich adressiert worde isch sorry..
@malinchen: jo du seisches.. hüt hettemer eigentli abgmacht gha am obig aber si häds (widermol) vergässe… muess ihre jo sehr wichtig si.. nei ächt rege mi scho wider uf!
@sasileu: hmm würkli mega schwirig.. und wänner erst nacher id flitterwoche würdet? Ned grad direkt nachem hochzyt? Wie flexibel sinder do? au was d arbeitgeber abelanget natürli? Will das wär jo au en option oder? Ich foh jetzt ebe au no en witerbildig a und chönd drum wäg de schuelferie nonig direkt nach em hochzyt go flittere aber öis isch das ned so wichtig dasses grad aschlüssend si muess..
@daenu: jo würkli süess! =) gäl jimdo pro isch no cool! Oh döfi öichi page au mol agüxle? :) gäl krass die prise? :p aber weisch was? Er isch inzwüsche meega abecho statt ursrünglich 4200.- wärer jetzt bi 2200.- für eifach 1 person weniger aber das wär jo voll easy aber mich närvt chli de satz i sim mail woner gschrebe häd: das sollte jetzt ja so passen… scho chli fräch oder? Will zo dem pris würd jetzt no d’übernachtig für 3 persone cho.. wüsset jetzt voll ned.. news betreffend band schicki nacher witer unde :)
@pfingstrose: haha han grad mega müesse schmunzle nei def. kei promihochzyt haha gäl die händ doch eis am öfpel! :p glaube die händ eifach dänkt ah schwizer die händ scho gäld und ah im montana hürotet si dänn sowiso will er häd jo bevorer d’offerte gschickt häd welle wüsse wo dass s’fest isch also i welere location voll schreg ned?! irgendwie passter öis eifach voll ned wiener schribt.. und ebe händ jetzt no en anderi band entdeckt bez. mi GG :p wänner mol de finger usem a.. nimmt findet er meistens no cooli sache! :p
@melanie83: jo isch ächt gsponne! Döfi froge was das dänn für en band gsi sich für 1700.- und was die so gspilt händ? :)
@janedore: hey dini homepage isch jo mega schön komplimänt! =)) au d’fotis mega super und waser gschrebe häd öber dich jöö :) ich hoffe han gli zyt au chli a öisere witerzbastle ;) han grad bi dir gseh, dassmer die au ohni pro chan passwortschütze – das isch eigentli de grund gsi dassis pro han welle debi hädmer das schinbar au sust chönne super :p und wunschliste wüssemer gar ned ob mer wänd naja egal :p häsch glaub scho chli meh optione händ jetzt 108.- zahlt für es johr.. isch no ok findi..
@nala: jöö isch emel voll härzig vo dim mami findi süess! =) danke jo hoffes au wär sust bitz doof aber jo hauptsach öises datum ;) händ dänkt gönd nachem standesamt am namitag im grüen80 go minigolf spile (bi schönem wätter was am 5.4. jo ned unbedingt klar isch ;) und sust dänn go bowle oder billard spile oder so…) bevormer gönd go ässe drum wärs scho cool gsi erst am 1 oder 2 oder so s standesamtliche! Wäg de seeburg: mir händ öis d’seeburg au agluegt s’problem isch det, dass si dir de apéroplatz am see nur gäbet, wenn du au s’fest am obig det fiirsch! Wär sust för öis au in frog cho! Aber si wänd de für en allfälligi anderi hochzytsgsellschaft wo s’fest det fiiret freibhalte voll doof! Was händer dänn welle abüte? Si händ öis jo au mol grächnet wievil mer vo was pro person rächnet.. hoffe si händ öis ned verarscht und z’vil gschrebe! Dänke chunt au drufa ob d’lüt am obig no iglade sind und zum ässe blibet oder ned dänki… gäl krass die prise.. sind jetzt no am witerluege obwohl si jo rächt abecho sind aber ebe die art passt uns scho nedso..
@taeboyana: oh jo gärn schick mir doch au no es foti vo dim chleid wär mega cool! =)
@lula: jo sobald si fertig isch, schicki dene wos interessiert en PN mit de homepage und em Passwort ;) jo gäl das mit dere band isch ächt gar ned gange drum bini froh hämer jetzt en anderi lösig :) hahaha de text isch de haaaammer! Chlaui ev. au für uf d’homepage so witzig! :p
@pricana: jo am MI gsehni si jetzt mol luege wie das usechunt.. jo voll hey und vorallem sinds nacher jo fast uf d’hälfti abe! bi froh hämer jetzt en super lösig gfunde :) ooh sones schöns chleid wod gfunde häsch! =) hammer :) und ganz schön wied devo verzellsch hihi <3
@squishy: jo unglaublich würkli… kei ahnig glaube die hettet scho welle cho s komische isch gsi dass si bevor si d offerte gschickt händ – händ welle wüsse i welere location mir sind und dänn händs dänk gseh ah schwizer.. im montana – die händ sicher gäld! 100% ischs so gsi! will er isch jo uf d’hälfti abe jetzt und häd no 2,3 x gschrebe und vorallem mega fräch will han no erwähnt dassmer en latin jazz band gha hettet (was öis mega gfallt!!!) für 1600.- (händ die nur ned gno, wils halt ev. ned de allgemeinheit gfallt und mir öbis händ welle wo alli dänn chönd tanze und party mache..) jedefalls schribter so: dass öis mit dem sicher ned gholfe sig, so ruinieret mir jo öises fest!! Hallo wie arrogant isch das dänn?!? Goht gaaaar ned…
@daenu: wow mega schöni deko hammer! =) gfallt mir mega! =)
@sue: uiuiu scheisse hey häd die dumme chueh en schlächte tag gha oder was? Goht jo gaaar ned so es frächs mail! :( nimmst ned persönlich!!! Die häd doch eis am öpfel! Häsch rächt häsch grad dampf abgloh hetti glaub au so gmacht!
@janedore: cool wäg de briefmarke! Chamer das dänn so bstelle, dasses wie richtigi briefmarke sind oder eifach die mitem strichcode? (die weti ebe ned unebdingt) boooaaah die torte isch jo meeega geil hey hammer! =)) für wievil lüt dänn? Glaube de pris isch normal so… döfi froge wo dassd die losch loh mache? =) han mi mitem thema blueme nonig so usenand gsetzt aber finds au seeeehr happig!
@littlefood: härzlich willkomme und vil spass bi de planig ! =) oh scho so lang zäme und 2 chind so schön :)
@lil.lian: härzlich willkome au dir & gratuliere zur verlobig ! :)
@me: hihi han letscht wuche ganz spontan öbis witers uf de liste chönne abhögle und zwar mini frisur! =) die eint arbeitskollegin wo z züri schaffet und ich nedso vil gseh isch ebe näbebi no visagistin und häd uh vil ufträg also isch ächt no bekannt häd au en eigeti homepage und git au schuelige und so!(www.vivianedaino.com wers wunder nimmt – si chunt überall hi also wer si bueche wöt, chan si voll empfehle aber ebe si isch glaub scho zimli usbuecht) jedefalls häd si damals woni gseit han ich hürote scho gseit ob si mich dänn schminke döfi und will ebe en gueti kollegin vo mir au visagistin isch und immer klar gsi isch, dass si mich schminkt isch das gar nie zur diskussion gstande.. jedefalls hani gar ned gwösst, dass si au frisure macht!! =) jetzt macht si mini frisur!! =))) isch mega spontan entstande und si fröit sich mega voll süess =) und wow das glück dass si am 5. Juli no nüt häd will a allne andere termine im juni / juli / august isch si scho voll usbuecht gsi!! bin schön froh hihi :) vorallem chani so au gli mol en probetermin bi ihre abmache und so si wohnt mega i de nöchi :) über de pris hämer nonig gret aber si macht mir sicher en fröndschaftspris so wieni si kenne ;)
News betreffend band: mi GG häd letscht wuche no en tolli band entdeckt – „friends of music“ heisset die -www.friends-of-music.de de sänger isch en italo – chan also au italienischi songs singe hammer ned? =) aber au englisch und dütsch – perfekt! Dänn isch no en gitarrist debi und en keyboarder – perfekt oder? =) und si händ es riiiisigs repetoire! Si spilet öbe 5 stund (natürli ned nonstop – händ jo no anderi unterhaltige am obig) und währendem ässe würdets eifach schön musig abem laptop loh laufe loh und de hammer isch, dass öber vo ihne nacher so ab de halbi 2 no de DJ mache würd solang mer wänd für 150.- / stund! Hammer oder? =)))) und en liechtalag nähmets au mit voll geil!! Für CHF 2000.- ! findi voooll de fairi pris für all das wo si bietet hihi bin grad mega happy, dass das klappet häd! =))
no rasch en frog a alli: han am 9.11. d'termine abgmacht zum go s'chleid probiere: isch 2 z'vil a eim tag? wie händ ihr das gmacht? und wievil zyt händ ihr igrächnet?
@principessa: ah cool, das si ja mal good news vo öierä band! da heit dir ja viel meh drvo als vo denä frächä arrogante schnösle... Findi würklech ou es super Agebot!!! Und dass jetz dini Frisur vo derä Kollegin chasch lah mache isch ja ou mega cool, de chasch beidi Fründinne ibezieh...
Wägä dr anderä isch aber ja mega schaad... verstah, dass di das mag, wenn sie öies Träffe eifach vergisst. I hoffe würklech fescht, dass sich die Beziehig irgendwenn wieder verbesseret! Schliesslech bisch du Gotti vo ihrer Tochter, da chönnt sie sich ja ou mal chli meh Müeh gäh...
Schnittblueme: ha äbe au scho a das denkt. Wetts ja selber id vase stecke, de bruchi keini wo mer horrende betrag verrechnet nur zum s abschnide
Sue: so sweet
Sasileu: scho baschtlet, wow mega lässig! Verstani wegem pfarrer hihi
Lula: was für eis "gwundernase" Mir händ ke wunschliste... Wüssti nid gnueg. Mömmer halt öpis originells uf d iladig schribe wegem geld.
Pfingstrose: danke, finds au de hammer. Isch halt kes hotel oder so, alles isch nid perfekt aber gnau das passt zu ois z bsp de rase.. Isch nid überall äbe. eigetli hät en ex arbetskolleg vom GG gseit er chäm denn. Aber dä isch jetzt ufere medie usbildig in NY für zwei Jahr.. Mi GG muss ihm mal maile, ob er cha cho und ob ers de kombiniere cha miteme familiebsuech oder so. Wil wenn mer ihn lönd la iflüge chömmer gad en profi astelle
Nala: ah ok und de warum z lozärn? Eifach wils schön isch? Oder verbindet oi me? Ich liebe ja lozärn bi ja eigetli vo meile zh, mi GG vo üüri aber dihei isch def lozärn Ich ghörs eifach mega vill, dass seeburg gwünscht wird für hochzyte. Aso die wo chli es budget händ, macheds meistens det oder montana. Isch ja chli usserhalb und het e traumhafti ussicht.
Anmelden
I hoffe würklech fescht, dass sich die Beziehig irgendwenn wieder verbesseret! Schliesslech bisch du Gotti vo ihrer Tochter, da chönnt sie sich ja ou mal chli meh Müeh gäh... 