Hoi zäme

Mälde mi wieder zrugg... Ha di letschte Täg mitgläse, aber nöd möge schriibe. Ich tuen jetzt au nöd alles systematisch ufschaffe. Hoff, isch ok. ;)

lil.lian und littlefoot: Herzlich willkomme, au wänner ja scho es paar Täg debi sind.

malinchen: Du gfallsch mer... Han mer letscht Wuche nämli au mal überleit, d Blueme sälber azpflanze. Allerdings wär dänn blöd, wänn's dänn doch nonig am blühe wäred.

Bluemefälder zum sälber pflücke: Das hani au scho überleit. Aber ich weiss nöd rächt, öb das im April nöd no chli z früeh isch und s dänn no gar kä so Fälder git. Weiss das öper?
Aber für es Geburifäscht hämmer das au scho gmacht. Findi würkli e gueti Sach.

Pfingstrose: Also, falls ihr di gliich Fotografin händ wie Taeboyana und malinchen, hani d Fotis au scho xeh. Komplimänt, sind sehr schön worde!

sasileu: Ja, es Blüemli wär au schön i de Drahtchugle. Weiss allerdings nöd, öb d Chugle für das nöd müsstet chli grösser sii no. Jedefalls danke für d Aregig!
Mir hüratet au katholisch (bzw. ökumenisch, aber d Trauig an sich hämmer dänkt, söll katholisch sii). Händ aber mit em Prieschter no käs Gspröch gha bisher. Ich känn en aber scho bizli. Mir ladet en wohl bald mal i. Di eigentlich Ehevorbereitig isch dänn aber erscht nägscht Jahr. Das leitet anschiinend unter anderem s Mami vo einere vo mine beschte Fründinne.
Ich han mängisch bizli es mulmigs Gfühl, wil mir inere andere Situation sind als di meischte Paar und gwüssi Theme halt eifach schwirig sind. Aber ich glaub, mir händ da di richtige Lüüt gwählt.
Chan dich im Fall verstah, dass en andere Pfarrer gwählt häsch. Ich find, sones Hochsig isch ja scho e mega persönlichi Aglägeheit, bsunders d Trauig an sich, da muess mer sich wohl fühle.

nala: Ihr händ eu glaubs ez entschiede, gäll? Ich hett glaub au di günstiger gno, bsunders wil din Partner sie scho kännt. Dänn isch sie eu sicher beidne sympathisch - und ebe erst no nöd so tüür.

daenu: Du häsch ja no gfrögt wäg minere Chrankheit. Ich han Darmchräbs (hät leider au scho Metastase gha). Han im Früehlig scho Chemo gha, nachher OP's und jetzt nomal Chemo bis im Dezämber. Was hät dänn dis Mami gha, wäni fröge dörf?

me:
Azug: Mir gönd glaubs vilicht ev. am Samstig mit de Eltere vo mim Verlobte go umeluege für en Azug (weiss nöd, öb er sie scho gfrögt hät, öb sie Ziit händ). Sie tüend de ebe sponsere. Also ja: ich wird en vorher aller Wahrschinlichkeit na xeh ha. Aber er mis Chleid nöd.

Hochsigsturte: Die wird au gsponseret vo mine Schwiegereltere in spe. E früeneri Nachberin vo ihne (min Verlobte und sie sind näbed enand ufgwachse ) macht so Turtene. Mir händ schomal Bilder agluegt. Freu mi scho!

Ansonsten isch Hochsigsmässig nöd so vill gloffe. Ah ja, doch... Mir händ mal no wiiter umedänkt am Fotograf. Die, wo einigi vo eu händ, macht ja u mega schöni Fotis. Werded sie vilich würklich au no afröge. Min Brüeder hät gester gfunde, er heg au en Kolleg, wo fötelet und glaub au scho Hochziite gmacht heg. Mal gugge. Würd aber scho paar Fotis wele xeh vorher.

Deko: A mine Drahtchugle hani nöd wiiter gschafft di letschte Täg. Bin eh nöd so zwäg xi und ich wett die Chuglene und d Hochziitsvorbereitige nacher nöd z fescht mit Chemo verbinde. S Hirni chan eim da mängisch en rächte Streich spile. Wird d Chuglene glaub s negscht Mal no meh us mim Blickfäld verbanne. Nöd, dass sie mir dänn nüme gfalled.

Wohnige: Händ eus jetzt für die vo letscht Wuche beworbe. Allerdings ohni min Betribigsuszug, wil de irgendwie unuffindbar isch... Ich bin sonen Chaot - und han grosses Glück, dass min Partner die Tatsach so locker nimmt.
Am Mittwuch gömmer wieder eini go aluege. Wär zwar chli gar nöch vo mine Eltere. Aber e super Lag und sogar 4 Zimmer mit Sitzplatz.

Sodeli... En schöne Nami eu!

Liebi Grüess,
Fara

@apple: oh je, wünsche dir glich ä schöni Schwangerschaft und hoffe du chaschs trotz dä "Näbäwürkige" gniesse!

@Fara: hihi, so zviel... schaad hürate mir nid im gliche Monet, süsch hätte mir ja es Pflanz-Kollektiv chönne gründe! I kennä mi äbä nid so uus, was wenn blüht u wie me das allefalls chönnt beschleunige. Müesstisch äuä fasch wienes Gwächshüsli ha oder so...

Wägä de Fotos wär natürlech cool wenn dir die vomnä Bekannte chönntet lah mache wo villecht sogar no ä Fründschaftspriis macht für öich! Aber i cha dir üsi Fotografin würklech ou nur wärmstens empfähle...

Uii, de drücki öich ganz fest d Düme fürd Wohnigsbewärbig!!! Dä Uszug chasch ja no nacheschicke wenn ne wieder findsch...

@Taeboyana
Hesch dene vo de Musik denn jetzt abgseit?
Eusi Musiker i de Chile choschtet au 1000.- für 5-6 Lieder. Ich denk schlussendlich isches eus das wert...

@littlefoot
Findsch 250.- für d Candybar viel? Mier hend das aso mit Deko und Gläser und allem grechnet... Aber weiss halt au nöd so genau :D

@Pfingstrose
Mer darf ja zwüschetdure au mal chli fuul sii. Findes gar ned peinlich! Aber eui wunderschöne Bilder gäbed dir de sicher wider chli Ufschwung
Danke villmal für d'Offerte, ich ha leider no kei Ziit gha zum sie genau studiere. Aber chume sicher nomal uf dich zrugg wenn das okay isch :)
Mier hend jetzt scho es bitzli Deko kauft, möched das chli fortzue.. aber s Hauptding wärdemer denn Afang Jahr in Agriff neh, genau us dem Grund, um dKöste chli zverteile.

@malinchen
Blueme selber apflanze, hehehehe das isch doch mal e coole Gedanke Aber wie scho erwähnt, Blumen zum selber pflücken isch da sicher e Alternative.

@Sue
d Idee mit eune Flitterwuche findi super. So Ferie mit es paar Lüüt hani ebe mega gern. Mier hend das au scho gmacht mit minere Schwö und ihrem Fründ. De simmer mal jede chli für sich gsi und mal all zeme.

@sasileu
Miiiier hürated au katholisch, hend eus aber no nöd mit de Ehevorbereitig usenand gsetzt. Euse Pfarrer hed gseit es langet, wenn mier eus im Februar de wider meldet
Schöni Chärtli!!

@principessa
Danke fürs Kompliment :) Ich han au zerscht denkt, mer chan nöd alles PW-schütze, aber es isch tiptop gange. Suscht wärs au e Grund gsi, zum upgrade findi.
Voll cool wege de Band... tue de deheime mal chli schneugge, was die so uf de Homepage hend

@apple-pie
Huhu :) Alles okay i de Schwangerschaft?`Bis uf die bös übelkeit?

@Fara
Iher sind ja glich recht flissig. Hoffe du chunnsch gshnell wider uf Bei und fühlsch di wider besser

@me
Ich han de Bäckerin jetzt nomal gschribe, das ich eigentli 750.- grechnet hett mit de Cupcakes... Jetzt macht sie eus d'Torte inkl. 40 Stk Cupcakes für maximal 750.-

brautsrauss ca. 180.-
2 armschmuck je ca. 130.-
2 astecker je ca. 25.-
Tischgestecke: 7 Tische je 210.- pro Tisch
Kirche: 2 Gestecke auf Säule oder Ständer (leihweise) je ca. 300.- - 400.-
2 x 7 Banksträusse je ca. 30.-
Altargesteck: ca. 180.-
Montage/Transport/ Band ca. 80.-

Das isch dOfferte vo de Florischtin, wennis so uflischte dunkts mi ebe grad ned soooo viel. Aber im Gsamte ischs eifach sones No-Go-Gfühl

@janedoe:
Bis jetzt scheint alles ok zu sein. Das Herz hat fleissig geblubbert auf dem Ultraschall!

Hey, das ist ja toll, das du das mit der Bäckerin klären konntest.
Die Preise deiner Floristin sind ähnlich zu den Preisen unsrer Floristin. Wir haben zum Glück nicht so viel Deko, von daher haben wir am Ende einen Gesamtpreis von ca. 1500 CHF