@nala
Mir hend ebe ursprünglich öppis in Chischtli welle. scho recht ufwendig. Jez hani obe aber es Bild postet woni ganz schön finde und vielleicht als 'günstigeri Variante in Frag chunnt... Eifach um de Cherzeständer mit es paar Blüeteblätter z.B.

@janedo: Mir hei äbä ä mega chliini Chille und vo däm här vore när eh nümme viel Platz zum no Gsteck oder so härä stellä... Wenn mir no ä Band hei ersch recht nid. Wahrschinlech wärde mir drum eifach d Bänk schmücke und vore nur gad eis Gsteck für ufe Altar. Wenn d Chille natürlech gross isch, bruchts vore scho chli meh.

@nala: oooh das gseht ja würklech mega härzig us! Gfallt mir ou gad mega guet... Das chönnti mir jetz scho no vorstelle, das me das sälber chönnti mache. Die Töpf chamä ja när ou amnä günstige Ort platziere, villecht irgendwo chli anere Huuswand wenns chalt wird oder chunnt cho stürme. De si die Pflänzli chli weniger em Wätter usgsetzt als wenn me es Bluemebeet bepflanzt.

Nala: Chani verstah, dass du fast am vergitzle bisch wenn uf s Mail wartisch. Ich bin ganz schlimm den luegi öpe all 5 Min. mis Mail ah. S Bild isch total schön… Wenn din Papi das mache würdi isch ja mega cool!

Janedoe: Suscht häts in Richti no eine Casa Verde heisst de glaub. De findi hät au no gueti Sache. Will au wenn ihre schriebsch ich würd glich eifach e unabhängigi Offerte ihole. Will ja au wenn sie 300-400 CHF abegaht ischs ja immer no 2600 CHF. Also das uf dim Bild findi au meeega schön. Isch hald schwer zum entscheide.

Schöne Abbig wünschi allne. Ich sött hei go putze... Päh!

Nei nala, ehrlich di GG isch us uri? Vo wo de? Mi GG kennten sicher no haha. Wele jahrgang händ ihr?
Luzern isch wunder wunder schön. Findi läsdig dass me vo basel nach luzern chunt zum hürate

Floristin: wie händer die usgsuecht? Ich ha ke ahnig (ou nei das dooofe lied), was wie wo..

Hey mitenand

@pfingstrose:Jein, de Pfarrer wo eus trauut kennema nonig recht, hend nur emal mit ihm fängs echi Mail kontakt cha. aber isch mir mittlerwile echi glich wases für en Pfarrer isch wills mega mühsam isch eine z'finde, zumindest wenn so kei referenze hesch oder so.

@malinchen: Danke fürs kompliment weg mine VIP-Tickets

@laprincipessa: Weg eusne Flitterwuche, i glaub mir sind ald den leider nid bi ihrere Hochziit debi. Irgendwie isch de grössti Teil vo allne Rückmeldige woni zu dem Thema becho ha ehner so, dass die findet mir müesset für eus luege das hegema nur 1x und mir chönds ebe nid verschiebe, zumindest nur sehr schlecht.Und Ferie in Italie na mache chunt für eus irgendwie nid so in Frag. Was vielie vo eusne Bekannte und Fründe na meinet isch, sie zwiflet echi ade überlegige vo minere Kollegin, wieso das sie jetzt sonen stress het und nid au es bitz rücksprach mit mir gnah het wenn sie scho 6mönet vorher vo eusere Verlobig/Hochziit und Reis gwüsst het....I muen aber mal na s'Gspröch mit ihre sueche, was mir nid so eifach fallt willi kei schlechti Stimmig wot oder so und i freui mi jo für sie, aber ihres ganze Tempo etc. isch au mir momentan echi fremd, wasi doof find. Naja trotzdem viele liebä Dank hesch au du mir no e Rückmeldig geh

janedoe: han dis bildli gseh, gfallt mir guet! hoff du findsch no e passende florischt!
abr für e floristin söt doch das nid sooo e sach si e gsteck in kistli mache.. find das grächtfertigt dä priis nid!

malinchen: gäl i dänk au die wäre sicher nid so schwer zum schön anekriege, ebe in de töpfli grad. und im ikea gäbs sogar sötig eimerli rächt billig!

littlefoot: den muesches dim gg in uftrag gäh mitem pflanze bezüglich mim urner hani dr e on gschriebe
wenn hesch de termin im domino? ich gang au am 7.12.

pfingstrose: jooo i bi de ganz dag sowieso am laptop. lueg all paar minute! s isch aber jetzt tatsächlig nüd ko.. wenni bis morn nomi nüd ha, frogi noche. find wenn meh seit bis den und den sött meh das au ihalte.. vorallem hani ihm no gseit ich sig was das abelangt e bridezilla und wot alles gli regle
i frog mi vatr den mol was är zu minere deko idee meint bzw. ob är das übrnäh würd. dänkes scho!
viil spass bim putze

e schöne obig wünschi allne!