@sue: Kenner Flittis ällei? mega schöni Deko wo Din GG gmacht het!
@sasileu: Vom ne Ehevorbereitigsgspräch hei mirs mit dr Pfarrere scho gha, aber bis jtzt no nit, das Sex nume zur Fortpflanzig isch... De tüe mir jtzt haut eifach afe üebe, dass mir wüsse wies de geit u sicher nüt fautsch mache... Verstah Di, hätti gloub ou chli Müeh drmit, söu ja schliesslech für öich Stimme u de darfs ou schön Dialekt si Härzigi Idee Dis VIP Ticket!
@nala: I ha mängisch am Obe so "Afäll", u de chani so chli tüftle, u usprobiere...
@principessa: Ou so cool, schön chasch so aus zämä ha. U Fründschaftspriise si immer guet Wow, ändli mau gueti News betreffend Band bi öich! I bi ja zwöi mau gange, ha aber ghofft i finde bim erschte mau was. Aber wenn zwöi am eim Tag würdi eine so uf di 10.00 u dr ander so uf di 16.00, de hesch chli Rueh u Zyt drzwüsche ganze dr lah düre Kopf zgah! zErschte mau isch es 1,5-2 Stund gange, zwöite mau ca 2,5 Stund, hei denn aber no dr Vertrag gmacht, u no dSchnidere da gha
@littlefoot: Je 1 Ateil a üser Velo... Aso einisch für GG u einisch für mi Was machsch de wenn de närne nit zfride bisch? Meinsch nit Du chönntisch eifach susdrucke oder so? Wieso machsch de Du dPrüefig nomal?
@Apple: Hoffe Du chasch dSchwangerschaft glich gniesse u bisch gli beschwärdefrei
@Pfingstrose: I ha Deko eigentli scho fasch alles deheime. Fähle tüe no Rechaudkerzli halteri u Kerzli für dri, sowie dReserve für dStabskerzene. U dr Räscht isch scho ziemli zwäg, u dHobel mache mir säuber über Whynacht/Nöiijahr
@Fara: Drücke nech Düme für dWohnig, u dä Betriebigsregisteruszug chasch sicher ou nachereiche oder nomau bstelle
@jane: Mi dünkt aber 210.- je Tischgsteck nit gad wenig
@Deko: Mir hei ja scho ziemli aus, ha aber vo auem, ou nit Deko genau ufgschriebe, wieviel mir üsgäh hei, u i wele Bereich das es ghört, eifach für di Übersicht u dBudgetkonrtolle
Lula: ich han mal churz vorem ablaufe d prüfig gha, bi duregrassled und ha de zwei chind becho. De isch es mit de zit & finanze nöd dinegläge. Jetzt chani endi november endli ad prüefig juhu Ja, ich ga id ikea... E vase, chli windliechtli, cherzeständer. Chasch doch immer bruche Muss mer das zäme vorstelle. Wett die wisse vase mit de löcher (ha scho detig dehei ufgstellt), und muss luege was gnau dezue passt. Wie häsches denn du gmacht?
Janedoe: 3030.- ?????? Nie im Lebe? Sinds goldigi Rose mit Diamante?? Einzel ufgfüehrt findis denn aber au nüm sooo viel. Usser de Brutstruus und die 2 Armschmuck. Gsteck sind eifach sautüür, so oder so! weg de PP macheds mir etz so, dass sie müend i 2 versch. Parkhüüser (wo mir agend) parkiere und denn miteme Bus 2 Statione fahre. Mir gönd denn mit de gladene Gäscht mitem Bus zur Obiglocation. Mir sind ja beidi Lehrer und min Brüeder inszeniert das Ganze denn wie e Schuelreis. So mizt ide Stadt het sich’s für 1,6 km eifach nöd glohnt en Car z’organisiere! Gseht uuuuh mega schön us euri Torte. Und sehr ufwendig gsehts au us. Vo dem her chönnts scho stimme vom Priis her…kenn mi aber au nöd so us.
Littlefoot: „drum prüfe wer sich ewig bindet“ meinsch? Das isch nöd us de Bible, sondern vom Schiller „das Lied der Glocke“ heisst glaub! Denn wo das Strenge mit dem Zarten, Wo Starkes sich und Mildes paarten, Da gibt es einen guten Klang. Drum prüfe, wer sich ewig bindet, Ob sich das Herz zum Herzen findet! Der Wahn ist kurz, die Reu ist lang. Stimmt, a da hani gar nöd denkt. Isch jo voll praktisch wemme es Foti het noch dem mer denn dDeko chan anestelle! Danke für die Amerkig!
Nala: Ja das hoffi au, dases dGäscht denn au so toll finded. Ihr hend eu sicher richtig entschiede!! Hender eu scho entschiede für e Location? Tönt mega schön und ich liebes am See.
Sasileu: So schön, dass euri Ehevorbereitig scho agfange het. Mir hend au scho di erschte Gspröch gha. Findsches nöd au sooo emotional und wunderschön. Ich finds guet, dass du dir dini eigene Gedanke machsch zu Gott und was dir dKirche bedüted…das isch sehr wichtig. Die 6 Pünkt wo de Pfarrer ufzellt chani definitiv nöd alli unterstütze, aber mer nimmt sich eifach use was mer brucht oder? I bi au katholisch, min zGG sich konfessionslos und mir lönd üs evangelisch traue.
Pfingstrose: iiiich würd dFöteli au uh gern gseh!
Principessa: Danke! Jo sicher, i schick dir de Zuegang per PN. Das mit de Band zum faire Priis und denn cha de Sänger auno di italienische Songs, da tönt toll! Isch das etz fix?
Fara: unglaublich, du bisch no so jung und muesch dich bereits mit somene Schicksal umeschloh. Mis Mami het schwarze Huutchrebs gha. Vieli Lüüt denked das seg harmlos, debi chan mer die Zellveränderige nüm rückgängig mache und es git kei Heilig…mer chans stoppe, aber nöd heile. Und was dezue chunnt isch, dass de Huutkrebs sich geg inne spiegle chan und sich au innerlich problemlos vo Pigment ernährt. Das isch bi mim Mami so gsi. Innerhalb vo 1 Jahr vode Diagnose isches z’End gange. Sorry, ich chan mich amigs so dristeigere – die Ungerechtigkeit macht eim teilwies eifach hässig. Du chasch das sicher verstoh. Ich hoffe sehr, dass du gsund wirsch!
Anzug Bräutigam: GG goht sicher ohni mich. Min ehemalige Mitbewohner schafft bi Strellson und kleidet ihn i. Und i freu mi mega uf d’Überraschig am Hochzitstag!
Höggle: Das hani ghögglet ebe für mini Tischdeko...zum Verglich nomol s'Inspirationsbild. Bi mir gsehnder ja, wirds petrolfarbig und dBlüemli rosa, koralle (und wisses Schleierchruut)
@littlefoot: Ohje, drück dr Düme für das mau, chunnt sicher guet! Mine verdrähit aube nume dOuge... Weli wisse Vasene? I ha ja Deko vor Nemo dörfe übernäh, u bi de mau ir Landi a Dekosteindli aneglüfe (so hani mir dInternetbstellig chöni schänke) u de hei mirs deheime mau so chli provisorisch usprobiert wie mirs wei mit am Efeu u de Holzspähn
@dänu: gseht cool us, i gloub i chönnti das nüme...
@Lula nei mir werde Flittis ha mit so wies bis ize usgseht üsne 4 beschte Fründe - si 2 Päärli und i freue mi meeeeeeeega.........passt ou mega zu üs wüll mir eh u gern Bsuech hei und mit Lüt unterwegs si und da fröie mer üs scho druf
@littlefood hihih mi GG macht ou gad mit 31 no d Autoprüefig
@daenu woooow gseht super us das ghäcklete.....!!!
ME so mir hei hüt ebe üse Termin bim Catering...hei die wos scho gha hei sech da irgendwie vorbereitet oder eifach mau go luege??
Danu: Han dir no PN gschickt! Tschuldigung... Mir sind fäng so viel ich chan mer eifach nüme alli merke. Ich find dis Ghöglede mega schön. Und d Farb isch so cool!!! Bin gspanne wie am Schluss eues Gsammtbild a de Hochziit isch! Sicher super!!!
Sue: Juhu, es gaht wieder öpis bi dir. Viel Spass bim Caterer. Wenn händer de Termin? Mir hend ja kein Caterer darum chani nöd direkt en Tipp geh. Aber de wird sicher einigi Biespiel ha. Ich glaub s wichtigst isch wie fest wott mer d Gest "füätere"... Mir händ ja alli bim Apero und Esse debie und werded daher kein rise Apero mache.
Me: Mir hend gester eus nomal unterhalte über de DJ... Min GG het gfunde das wer doch en Punkt wo mer euses Budget schone könntet. Den hämmer eus chli überleit. Und er hät eigentlich en Cousin wo DJ gsi isch und au die ganz Alag diheime het. Mim Schatz gahts darum (woni find er het au rächt), dass de DJ eigentlich "nüt" macht im Gägesatz zumene Fotograf wo irgendwie 12 Stund ume isch und no X Stund Nachbearbeitig hät und glich sinds fast glich tüür...
De Cousin wer so oder so iglade und den fröged mir ihn ob er de Job mache wott. Sin Brüäder chund au mega drus... Und mir würded jetzt eifach vorzue Lieder ufschriebe wo mir unbedingt wänd. S coole isch er hät das au scho andere Hochziit gmacht und es isch ächt super gsi. Den hetemer gad wieder 1150 CHF gsparrt. Mir überlegeds eus jetzt mal no...
Suscht gits eigentlich nüt... Ussert dasi hüt glaub nöd so viel mitschriebe chan! *SCHAD* Ah und dassi uf d Fotis warte... Gspanne wie en Pfilboge! Sie sötted aber morn cho. Den machi direkt d Iladige. Min Schatz macht hüt mal de Text i sinere Sprach... Den isches fair ufteilt, helfti helfti!
Sue: Jo so ii d'Ferii no mit anderne goo isch immer lässig. Aber unseri Flittis wönd mir für uns ha Aber viellicht isch es bii eu jo nomol andersch, will ihr ja das Jahr scho in Thailand gflitteret hend? I luäg amigs us Neugier ihri Vorschlagmappe aah, aber da mach ii meh so us Neugier und ned zum guät vorbereiitet z'sii
Daenu: So herzig, wiä du für eui Tischdeko höglä tuäsch. I chönt das wohl gar nümä. d'Farbe tönet bezaubernd. Wiä viil vo dene Deckeli bruchsch? Chöntsch no es Wili dra sii Tuät mir leiid, dass du diis Mami so früäh verloore hesch! Cha guät verstoh, dass du sii jetzt nomol bsundrigs vermissisch. d'Hochziit und d'Vorbereiitige sind doch so en Moment wo d'Mami eiim ganz nöch isch. Diis Mami iisch dir au nöch, ii diim Herze und froiit sich, dass du so en guätä GG gfunde hesch! Fühl dii umarmt!
Littlefoot: Demfall druck ii diir Duume, dass Ende November guäti Strasseverhältnis hesch und em Expert diis Könnä zeiige chasch! I bii zwar no chlii jünger, aber gliich en Exot dass ii Prüäfig nonig han. Miis Mama und miin Paps hends es ebe nöd. Denn han ich's chlii unsinnig gfunde. I warte bis mii GG 23 isch, denn han ii öper wo ii regelmässig cha go fahre und denn muä natürli au s'finanzielle stimme.
Sasilu: Cha guät verstooh, dass diir s'Gspröch mit diiner Beschte nöd so eiifach fallt. Es isch es heiikels Thema. Aber dennoch chan ii's mir wichtig vorstelle. Viellicht het sich bii ihne was gänderet? Viellicht isch sie schwanger oder sii hend Afangs 2015 irgendwelchi wichtige bruäflichi Veränderige... Wünsch diir, dass guäti Wort findsch und ihr eu usspreche chönt! Wirkli eh meega schwierigi Situation. I bewundere, dass du da ruhig nimmsch. I persönlich würd miiner TZ aah Gurglä gumpe. Do chunt bii mir denn dä Bridezilla usse, wenn öper mit siim Hochziit unserne Plän z'nöch chunt.
Apple-Pie: Gerbera find ii wunderschön Mir werdet au diä als Hochziitsbluämä ha, aber in PINK ii nimme aah, dass da ned so dini Farb isch Wünsch diir au guäti Besserig, dass sich dä Krümel ii diir wohlfühlä darf und dini Übelkeiit verschwindet! Schön isch en neue Erdebewohner unterwegs!
Fara: Oooh je. Du traiisch diis Schicksal so tapfer und ii diine Biträg liest meh gliich so viil Hoffnig und zuäversicht. Schön klappets mit dä Chemo chlii besser und isch diir nachher nüm so schlecht! Wünsch diir wiiterhin so viil Kraft und Zuäversicht! Schön dass du vo diim GG und diiner Familie so treiit wirsch! Wa isch denn das, eh Betribigsuszug? Mir fanget ja nächst Jahr au aah Wohnige suächä, denn nimm ich aah, isch das wichtig zum wisse? Dini Schwiegereltere-in-spe sind mega grosszügig. Schön dass eu so unterstützet und so au chlii ihren Sege mit uf dä Weg gänd!
Sasilu: Jo ii cha guät verstoh hend ihr en andere Pastor gwählt. De Tag sött eue Traumtag sii, denn sött zuelose eiim doch chlii liächter gmacht werde und nöd dass ihr denn no d'Stell verpasset wo ihr jo sägä söttet d'VIP-Ticket sind uuh herzig! Ganz selber gmacht? Find iich uuh kreativ! Sowas möcht ii mir merke. Viellicht chan ii öpis ähnlichs ja au no machä
principessa: Was, sii hend gmeiint d'Latino-Band hetti eues Fest ruiniert? Da isch jo absolut frech. Guät chömet diä nöd. Würkli arroganti Type... Aber iihr hend ja jetzt eh suuper hammer Band gfunde wo total guät zu eu passt und dä Priis isch jetzt also würkli guät! Mit liächtalag und DJ-Fähigkeite. Hammer! Wiird siicher eh richtig schöns Tanz-Fest! Gratuliärä zur Frisur! So Fründinne sind scho meega wertvoll und ii finds vor allem so schön zum lese, dass sii sich au meega froiit zum diir da dörfe machä!
Pfingstrose: Überall stot du hegsch Föteli? I finds ned? Verschicksch es per PN? Darf ii denn echt au eh Blick drufwerfe? I bii sooooo gspannt! s'Forum isch volle Kompliment! Schön het s'Bearbeite nöd so lang brucht! Jetzt chönt iihr Gas gäh mit Hochziitskärtli und Homepage und anderem! I warte immer no und mini Nägel liidet scho recht. Bii nüm dezue cho zum färbe und ein nachem andere bricht ab/wird abbisse I find da eh suuper Idee mitem Cousin! Er chas, het d'Alag und chunt günstiger! I find da genial und eh suuper Vorschlag!!
Me: Mir hend am Samstig au unser erst Termin mitem Pastor gha. Es wär eigentli nur eh Stund plant gsii, aber irgendwiä sind zweii drus worde Er het uns nach em Kennelerne gfragt und das isch halt eh längeri Gschicht. Au sus isch er eiifach interessiert aah uns gsii und so Sache wiä d'Sasilu beschriibt sind bii uns nöd gfragt worde (hallo?! I wott also nöd d'Frau vo dem Maa sii...) Ziit bii ihm isch nu so verflooge, aber ii weiss nöd so recht was so viil Ziit beasprucht het dä nächst Termin stot scho bald wiider am 8. November. Froii mii scho chlii druf!
Wünschä eu allnä ä guäte Taaag! Bis zum nächsten Mal
daenu: super merci vielmal wegem sprüchli ! ja, ich denke ich wett das so mache, au dass nacher de verastalter gad s foti hät wieners muss mache.
wow, schöni tischdeko. und die deckeli, echt prima.
lula: danke, muss es ja scho schaffe etz ;) warum verdreht dine GG d auge ? die vase...has bild aghänkt :-) entweder so mit de hortensie, de weiss i aber nid ganz gnau was für chlini windliechtili und cherzeständer ne, oder s andere gfallt mer ebe au...
sue: cool wege de flittis..mir gönd au nid allei, nehmed d chind mit. da mir i de letschte jahre gar nöd vill i de ferie gsi sind...aber mir wend 3-4 tög nachem hochzit allei ga ehrlich, gsesch denn sinds gar nöd so wenig wo die prüfig no spöter mached cool wegem caterer. wenn hüratscih du scho wieder ? ich glaub ich mache de termin erst im februar, das längt scho no het er gmeint. ha scho mit ihm telefoniert.
pfingstrose: ich find das e gueti sach wegem dj. mir chönd üs au ke "richtige" leischte, mached wohl eher dä mitem ipod. händ au drüber gredt, hend uuu viel dj kollege. aber leider nöd grad musigstil vonere hochzit elektro, drum n bass, goa...hmpf..ob de die froid händ a charts, schlager und desweiteren "ufzlege" (cds wechsle )
nala: hoffe d offerte chunt hüt cha guet si dass die person am mäntig frei gha hät, isch ja no vill so i de hotellerie
Anmelden
Am 10:00, du?
bääh, 3. teil. Jaaa sells ge lüt wo mit fast 31 ihri autoprüfig (nomal) mached 
De tüe mir jtzt haut eifach afe üebe, dass mir wüsse wies de geit u sicher nüt fautsch mache... 
Vill Spass bim VKU. 
