Pfingstrose
mir hei am 17.00 der Termin
das wäri doch ou super wenn de cousin das chönnti mache? bi üs wird ou e Fründ vo mim GG uflege wo eh DJ isch das schont ou gad ds Budget i dem Punkt

squishy
ja das isch eso mi GG und i si ja das Jahr in thailand gsi zäme nachem zivile und letscht jahr ou scho ds 2te in Thailand vo demher fände mir ize mit paarne zäme Bali super

littlefoot
wow die wiise Vase/Töpfli vode IKEA liebi ou...
Mir hürate am 9. August 2014. Aber da ig de ersch im Februar uf Kleidersuechi gah und süsch no viu ha simer froh um aues womer ize scho chöi mache

Huuuiii iher sind aber fliessig am schriebe

Pfingstrose
Dörf ich dini Fötelis au gseh? Wür mi mega froie :)
Ja das mit Deko han ich mier au überleit.. Han dänkt ich suech mal Idee und duen mich chli umeluege und fang den im noie Jahr demit a.

Sasileu
Dini VIP-Chärtli gfallemer au, sind härzig.
Mier sind beid reformiert. Han gad gester am Pfarrer aglüte (de Termin gaht und er hät Ziit, juhuui). Er chunt den Afangs Jahr mal bi eus verbi und wet eus kennelerne und den hämer den no en zweite Termin, det gahts den me ums Organisatorische.

Torte
Ich han vo dete mal e vegani Turte gha und die isch eifach de hammer gsi. Drum möchte ich unbedingt vo dete mini Turte ha. Und mier händ au no zwei Persone wo e laktoseintoleranz händ. Drum dänki möchemer verschiedeni Schichte bi de Turte (normali & vegani).

Budget
Händ iher all es Budget gmacht? Ich han eifach meh dänkt ich duen d'Priise unterenand vergliche, d.h. zum Bispiel d'Blueme mit mehrere Abüter vergliche, oder bi de Deko mich chli umeluege wo ich öbis günstigers bechume.. Aso nöd das mier im Geld schwümmed, aber ich finds au no schwierig eifach mal irgendwelchi Beträg izsetze.

Me
Gester hani ja mit em Pfarrer telefoniert, aso euse Hochziitstermin staht definitiv :)) De Vertrag vo de Location hämer au übercho, muen eifach no öbis kläre und den chömeren unterschriebe.
Jez möchemer eus ad StD-Chärli. Mier händ dänkt mier bastlet so Holzherzli, mal luege öb das klapped..

Sue: Oh cool! Scho hüt den chasch dich ja uf öpis freue. Den schaffi gad lieber a so Täg. Haha! Okay, isch doch au sehr guet wenn en Kolleg vo eu das macht. Schriebed ihr den eifach au no paar Lieder uf wo eu wichtig sind? Wie mached ihrs mit Liecht? Nimmt er öpis mit oder dünder öpis miete?

Squishy: Ich han dir d PN gschickt wege de Fotis. Sorry… Han eifach fäng Müäh a alli dänke mir sind so viel Brütlis! Oh ir warted no uf d Fotis! Ich weiss genau wie du dich fühlsch! SCHRECKLICH! Aber im positive Sinn zum Glück. Chund sicher bald. Lahn dini schöne Neggelis in Rueh. Cool isch bi eu de Termin mit em Pastor so positiv gsi und nöd zu sehr ufs Chirchliche usgrichted. Tönt ämel sehr sympathisch und wirkt sich den sicher i de Trauuig us.

Littlefoot: Meinsch nöd die Kollege würded das glich mache für eu wenn ihr lieb afröged? Sie wüssed doch sicher dass ihr au a paar Pünkt spare wend und das wer ja e mega Option wenn die sogar au Allage hetted. Versuecheds doch mal…

Lillian: Han dir au e PN gschickt. Entschuldigung au bi dir… Han eifach nüme alli Brütlis gad im Chopf. Also mir hend scho mal es Budged gmacht. Imene Excel. Und zwar eifach mal wo mer nonig alles gwüsst händ wie wo was aber ich han mir viel Offerte aglueged und den abschätzt was es mir / eus wert isch. Will ich hans Gfühl suscht seisch immer ja chum wege den 500 CHF oder was au immer und am Schluss isches enomr. Den häsch au so chli s grosse Total zäme und merksch evt. oh dete hämmer so und so viel meh usgeh und dete hämmer weniger… Aber jedem das seine. Ich hans mal no interessant gfunde. Zum de Überblick nöd verlüre. Bruchsch hald scho e relativ gnaui Vorstellig was wotsch und den gahts guet.

DJ: Bini gad chli erliechtered findet ihr das guet, ich han schiss gha dasses so „billig“ überechund. Ala das händer eu nöd welle leiste. Danke eu! Isch immer guet en Zuespruch übercho da ine.

Pfingstrose
also er leit RnB / hiphop uf und mir lose ou die Musik vo demher werde mir ihm eifach äuä e Lischte
mit Title geh womer unbedingt wette dases gspilt wird
ds Liecht isch bi üs gad ir Location debi da müessemer de luege wer dases bedient..

lil.lian
mir hei es zimlich gnaus Budget gmacht in Excel womer nere aube der effektiv Betrag chöi drischribe und de geit ds ganze Budget entweder abe oder ufe

Lula / squishy-fishy
Ja das Gfühl isch würkli super
Wobi han hüt morge gad nomol am Hotel aglüte (es staht so komisch ide Offerte/Vertrag wegem Abbau & Reinigung) und han gfrägt was mer gnau drunder verstah müsstet und sie hät mi den gad chli agschnautzt, sie heget no nie öberem öbis in Rechnig gstellt. Hoffendli hämers nöd vergamed mit ihre :-/
Sie schick eus den nomol en Vertrag..

Budget
Ja mier händ eus mal Gedanke gmacht, was mier ungefähr wennd usgeh. Und au bide Locations hämers ja mitenand vergliche und glueged öbs für eus in Frag chunt oder nöd, oder öbs z'tür isch.. Aber ich glaub den mach ich glich mal e Zämästellig..

Pfingstrose
Danke vielmal für de Link. D'Föteli sind würkli uu herzig
Und du häsch natürli scho recht mit em Gedanke, ja da sinds ja nur CHF 100 meh und da nomol es bitz meh.. und den wirds immer tüüürer und tüüürer..

@Nala: Danke für de Tipp wägä de Eimerli... I gloub im Fall i mache das! Gfallt mir würklech meeega guet. Und i findes ou no schön, wüll me die ja de när ou no cha bhalte resp. me chönnti ja de de Gäst säge, wenn öpper eis wetti mitnäh, de chönnä sie gärn eis hei näh... Und süst chöi mir no bim Huus vo mine Elterä bruche als Deko, die hei ä riiiiiiiiese Umschwung, de chame die det überall chli verteile.

@Dänu: Wow dini Deko wird ja meeeega schön! Wie viel vo denä Decheli machsch de? I chönnt das nie...

@Sue: Mir göh ev. ou mit allne üsne beste Fründe id Flittis. Mir hei vor zwöi Jahr mal abgmacht, dass mir nächscht Summer Gruppeferie wei mache. Denn hei GG und ig natürlech no nid gwüsst das mir hürate... Jetz luege mir äuä eifach, dass mirs chöi verbinde. Göh äuä de ou no e Zyt lang für üs, de hei mir ds 5i und ds Weggli.

@lilian: Mir hei ou gad als erschts es Budget gmacht und i bi froh hei mir eis. I bi nämelch fasch abem Stüehli gheit wo mir das mal so alles hei zämätreit wo mir dänkt hei wie viel mir wettä usgäh... Also chunnt natürlech uf die finanzielli Situation druf a, aber da ig no am Studiere bi und nur Teilzyt cha schaffe näbäbi, si mir halt scho chli igschränkt u hei üs ä Obergärnze müesse setzä. Jetz düe mir eifach immer die effektive Priise ergänze, sobald mirs wüsse und de gseh mir, wie viel mir no zur Verfüegig hei, was scho zahlt isch etc.

@Pfingstrose: I findes ömu ou ä super Lösig mit em Cousin als DJ! Isch doch guet wemä die "Ressource" cha nutze wo me im Bekanntekreis het. Und i gloub die meiste hälfe ja ou gärn mit bi somnä Fest!
D Idee mitem Rezeptbuech findi mega cool... Mini TZ het das bim Hochzyt vo ihrem Brüetsch als Überraschig organisiert. Hani ä mega härzigi Idee gfunde und ds Brutpaar het mega fröid gha.