Maaaaaaann, alles glöscht!!! Grrrrrml. Alles nomol müese schriebe *!@£!!!!
Lula: Danke vielmol…i het’s ganz ehrlich au nümme chönne. Aber s’luschtigste isch, ich hans uf Youtube wieder glernt, HAHA
Sue: Danke vielmol, i freu mi au über s’höggle und über sResultat Flittis mit Kollegepäärli würd mir also au gfalle. Bin au sehr en gsellige Mensch. Aber mir hend nöd soooo vieli Päärlifründe und da mir ja vo Insle zu Insle hüpfed simmer flexibler. Aber für eu findis SUPER!
Pfingstrose: Danke vielmol. Hey, du hesch imfall nix verpasst und gar nöd vergesse mir was z’schicke…i ha würkli erscht denn gschriebe und mich diesbezüglich bemerkbar gmacht. Und susch wär’s definitiv wert gsi zum warte. Find euri Föteli seeeehr sehenswert. Wunderwunderschööööön! Das mitem DJ isch doch IDEAL. Das wetti au! Und wener das schomol amene Hochzit gmacht het…umso besser! Was i aber no mues afüege…en DJ macht miner Meinig noh nöd NÜNT. Wie ich das gseh treit er wesentlich zur Stimmig vode Hochziitsgsellschaft bi. Scheiss Musig = scheiss Luune = kein Tanz = früher Aufbruch nach Hause Vo dem her isches jo toll de Cousin als DJ, dä kennt sicher eh scho en Teil vode Gsellschaft. Kochbuch: Super gueti Idee, so à la „Liebe geht durch den Magen“. Zum Bispiel mit euem eigete Liebesrezept: 2 Herzen 1 Prise Romantik 200g Liebe 50g Humor 2EL Leidenschaft 1 Pfund Geduld 2cl Vertrauen und etwas Phantasie
Squishy: Danke i ha au mega Freud am höggle und am Resultat. Und dasi mit Selbergmachtem dTisch chan verschönere (hoffi jedefalls). Du chönntsch es nöd…glaub mer ich hans au nöd chönne, aber uf Youtube findet mer jenes Tutorials ! Danke für dini Anteilnahm. Es isch halt eifach wies isch…und ich bin überzoge devo, dass sie mit minere Wahl sehr glücklich wär.
Littlefoot: Danke fürs Kompliment! Ja das mit de Föteli isch echt e mega IDEE!
Lillian: Vegani Torte, i ha denkt das gits do no gar nöd. Für e Party ide USA het mini Kollegin mal eini mache loh…Vegan, Dairy und Glutenfree. Das isch e MEGA Hammer Torte gsi, sooo fein !! Hey, gratuliere zum gsetzte Hochzitstermin!
Malinchen: Dankeeee! *freu* Ich bruch zum Glück nur eis Deckeli pro Tisch, drum 8 Stk. Han aber no 2 Helferinne. Me brucht bitz Üebig, aber ich bin au kein Hirsch bi so Sache – Youtube Tutorials sei Dank !!
@malinchen ou das tönt doch ou superwüsster scho woder häre weit??
@Pfingstrose finde das mitem Rezept ou e super Idee...würdi mir ize persönlich viu meh gfalle aus süsch es Gästebuech wome eifach öpis drischribt...und weme ner mau es rezept usprobiert hetme gad wiene verbindig zu dere Person ou super megem Termin - es fägt immer weme öpis cha abhäckle
Catering de Cateringtermin vo Gestern isch auso nid für viu gsi....er het eifach gfragt obmer im Internet öpis usgsuecht heige und wasmer gnau wöue vo dene Sache im Internet und er tüeg üs de e Offerte la zuecho per Mail. Kes Kafi oder Wasser abote, öpis Probe-Probiere chame nid und Föteli wie si so Sache arichte hei si ou nid gha...und i ha gseit i wöu kei Schwein und er het öppe 4 mau öpis mit Schwein vorgschlage wenn auso öper e guete Tipp fürne Cateringfirma het - Bitte melden
littlefoot: ich am 11.30h.. wo i de termin gmacht ha, hani könne wähle 10.00 oder 11.30 d offerte isch leider immr noni ko, ha ihm gescht zobe es mail gmacht, ha den e abwäseheitsnotiz biko, är sig ab hüt widr do. hoff s kunnt hüt!
daenu: nei mir hän uns noni entschiede.. warte immer no uf d offerte vo dr einte location hey mega shön ghögglet! und das petrol gfallt mir mega guet! am wieviilte bisch jetzt? 8 stück, si nämli wirkli nid grad wenig, zum glück hesch hälfer! haha youtube isch immer e gueti hilf
pfingstrose: i find das e tolli idee mitem DJ! und das kunnt übrhaupt nid billig übere! so kontäkt mues meh nütze und deno idr vrwandschaft isch doch super! schont au s budget. rezeptbuech findi e tolli idee , hani au scho mol noime gläse.. aber evtl mues meh das vor akündige, so das d lüt s rezept au mit de richtige mängene wüsse! abre hesch rächt i finds au no so chli persönlich. de dänksch immer a die persone bim koche
squishy: schön händir so e guets gspröch mitem pastor ka. macht scho freud wen meh öper het vo däm meh nocher au übrzügt isch!
malinchen: jo i has mol mit mim GG agluegt, är findets au no schön! aso i glaub i mach das au! hihi de könne mir uns guet zuerede das die pflänzli au wachse
lilian: mir hän au es wunsch und es maxbudget und so chli vorstellige wieviil mir für was wän usgäh.. und sobald mir de adön züg kaufe /zahle machi de es detailbudget. ah und gratuliere das ihr jetzt s datum händ
sue: oh je das tönt nid nacheme sehr ufgstellte caterer! hoff ihr findet gli en bessere!
me: mir si momentan nachere musik für d trauuig am usschau halte.. momentan favorisier i mit weddingsingers! hüt zobe dien mir uns durch die verschiedene hörprobe lose i seh scho wie mi gg sich druf freut, so züg überloht är ame lieber mir, aber do mues är jetzt dure
lil.lian: Tönt nöd grad fründlich diä Dame. Nofrage sött doch immer erlaubt sii... I ha mengmol wiä's Gfühl, will Restaurants so oft Hochziite hend isch für sii alles logisch und vergesset drum wiä dass mir wo s'erst Mol es Hochziit organisieret halt nöd ganz so d'Ahnig hend und amigs lieber nafraget... I hoff d'Wooge glättet sich wiider und dä neu Vertrag saiit eu zue! I bii gad chlii erstuunt, mir hed keiin Vertrag. Hend dass alli?
Pfingstrose: I kenne es Kochbuech mit eigene Rezept als Gmeinsafschtgschenk. Also das TZ das organisieret, jedem es Blatt zuschickt, erkläret was demit machä söllet und denn drus da Buäch gstaltet. Daher würd iich's mit dä TZ abkläre, damit sii nöd s'gliiche planet d'Idee find ii kuul und im Gegesatz zumene Gästebuäch luägt meh öfters drii wills so en richtige Verwendigszweck het! Gratuliärä zum Torte-Termin! Woow, da isch denn eh richtig schlemmer Termin! Hoffe ihr chönt denn eh richtig schöni und feiini Torte finde!
Sue: Ooh, das tönt würkli nöd nacheme Catering mit Herzbluät. Cha guät verstoh, dass ihr wiiter luägä möchtet! Mir hend uns bii Locations wo uns es Getränk abote hend immer gad total wohl gfühlt und wenn's nöd gmacht hend, isch gad abghacket gsii I glob mir chömet nöd grad us dä gliiche Region. Cha dir also keii Tipps geh. Aber ii weiss, dass Migros es guäts Catering bii uns ii dä Umgebig het und diä sind ja ii dä ganze Schwiiz.
Me: I ha geschter wunderschöni Brautschueh gfundä. I zwiifle zwar, dass es diä werdet (sii sind in Köln) aber ii wotts eu gliich zeiige. Mini TZ sind nöd so begeisteret. Will's pink sind und nöd zum Kleiid passet und mit dem Absatz chönt ii chum en Tag laufe. Aber ii finds soooo hübsch dass iich's poste muän
@squishy-fishy: Danke fürs Kompliment weg de VIP Vhärtli...jo ha die ganz selber gmacht, ha neumads was gläse aber kei Vorlag cha, zerst hani denkt i machs in Herzform aber seb isch echi doof zum schriebe. Viel spass bim bastle falls au wotsch probiere.
@daenue: I find dini Häklete teili u schön vorallem Farb wo usgwählt hesch findi guet, so kräftig. Seb gseht bestimmt u schön us unter dene Vase!
@littlefoot: Hee das mit de Idee vo dene Ikeatöpfli isch jo herzig, so ufem Foti gsehnds u herzig. Idee muemer ha
@ pfingstrose: I find dini Idee vomene Rezeptbuech au u herzig! Aber wie wilsches mache? Weiss nid obis überläse ha, sorry....Wotsch de Gäst z'buech vorem Hochziit übergeh oder am Hochziite starte?
I find die Schuhe wo hesch fall au chic klar werdet bestimmt echi weh tue de ganz Tag i dene Absätz, aber i werde glaubs au zu dene Brüt ghöre wo nid die bequemstä Schuh ane het. Und dases Pink sind findi fall nid schlimm....e Hochziit isch jo eh echi es Märli vo jeder Brut und deht ghört jo au Farb Pink dezue
Budget: I ha denkt ihr hend alli so schön es Budget gschriebe und beweget eui i dem Bereich....woni do is Forum cho bin isch das ebe au schomal es bitz Thema gsi und drum hani den zu mim GG gseit mir münd eus au es Budget ufschriebe...hend den viel googlet zum echi luege was die sache überhaupt so kostet und hend den das eifach mal so ufgschriebe und zum teil was mir selber denket....ABER es isch e katastrophe I finds nämli voll doof will klar bi gwüssene Sache simer bereit zum kürze, also wemer was ufgschriebe hend und seb womer den gsehnd viel türer isch. Aber zB. das mitem Fotograf hemer eus voll verrechnet, will deht hemer selber was itreit und jetzt womer gluegt hend isch jo en guetä Fotograf viil türer und jetzt...isch jo klar stockema euses Budget eifach uf, s'gliche bim Kleid i wird bestimmt au echi uf de Pris luege aber wenn schlussendlich das wo mir gfallt 400.- isch tja den isches 400.- meh cha den sicher nid eifach sege ups isch z'viel i nüm s'andere wo mir nid so gfallt aber im budget isch. Sorry für de lang biitrag...eigentli willi nur segä i finds cool das ihr das au nid sooo streng gsehnd, ha gmeint i seg die einizig wos nid so im griff het
@me:
Ha eigentli momentan nid viel zum verzehlä, bi nachi a de Homepage drane immer wieder so es bitzeliUnd i chas chum erwarte das entli mini Magnetli bi eus achömet, die sind jetzt nämli unterwegs und wemer die hend chani entli mini Iladigskärtli fertig bastle zeig eui den es Foti wemer alles hend.
@Pfingstrose: Es Hochzyt kostet ja ou so gnueg, u das me spart wo me cha isch ja no legitim. GG u i spiele gäng öne Lotto, mir si üs aber einig, dass mir bi üsem Hochzyt genau so würde drufluegge wenn e Lottogwinn uf am Konto wäri (tröime darf me ja... ) I finde dIdee mit am Gästebuech no härzig!
@squishy: Üsi eigentlechi Pfarrer (si giet jtzt ebe) het ou so was erwähnt, mau gugge. Ha GG drzue verdonneret, bis nächste Dienstag dr Pfarrere azlüte, mau gugge was usechung. Aber das mit öichem Pfarrer tönt super! Isch doch sehr schön, wenn er sech so Zyt nimmt für dPäärli. Mir hei eifach e Bestätigung vom Catering u vom Resti, so bisch uf dr sichere Site wenn was isch. Wie tüür si si? Süsch chasch se ja eifach koufe, u für dFotis trage, u närne uf was bequemers wächsle. U se süsch mau umi trage.
@lil: Nachefrage wird ja wou no erloubt si, di söu nit sotue. Hesch nomau e Vertrag brcho? Isch derte besser?
@dänu: So cool! Muess das mau gugge, viellech lerni ja so zlisme umi...
@sue: Ohje, tuet mir leid, isch nit guet gsi geschter. I finde üse super, dHomepage isch nit gad dr Hammer, aber dr süsch findi ne top. Flüssigs hets gäh, aber zässe hei mir ou nüt brcho, kenne ihn aber. Gugg mau hie; http://www.gourmet-party.ch/
@nala: Was wettit ihr de für Lieder? Faus es Din GG beruhigt, i ha mine geschter gad uf e Tanzkurs agsproche, ha zwei Studio im Oug gha, dr eint Kurs fahr am 03.11 u dr ander am 05.11 ah... Er isch de gad chli überfahre gsi, aber süsch isch er ir Wuche fertig wo mir närne hürote, u de chöi mir nüme eifach so mau gha Tanze.
@me: Da ja dSchueh im Brutschuehlade zBärn schweineteuer si, bini eis chli ga stöbere i aute Threads, ha de eine us am DE gfunde, mit gliche u ähnleche Schueh, eifach billiger. U de bini uf ne Site cho zum säuber designe. Priislech glich wie dr Burtschuehlade, aber haut eifach viel individueller. Wie isch das, heit dir aui wissi oder so ähnlechi Schueh, u spez, Brutschueh, oder eifach irgend e Schueh wo öich gfallt?
Sue: Oh nei doof wegem Caterer. Vor allem dass er no Vorschläg macht wo du explizit erwähnt häsch dass es du nöd wotsch. Aber en konkrete Vorschlag hani nöd.
Nala: Oh den hoffi fest dass dini Offerte hüt chund. Finds ächt chli fräch vo dem Herr… Chan mer doch nöd verspreche und den eifach nöd schicke. Git ja wohl au en Stv. für so öpis. Hm! Aber hoffe sie überzügt eu wenscho gad. Mir würdet ebe s Chochbuech umereiche so ab 4 Mönet vor de Hochziit. Den chan jedi Familie öpis oder zwei Sache ineschriebe… Z.B. Süäss und Salzig je öpis. Ich hans eifach komisch in Erinnerig vo de einze Hochziit wo alli no händ „müsse“ go bastle. Mich hets dete chli agurkt. Finds schönner wenn mer sich Ziit neh chan und den mache wenn mer lust hät und am Abig selber den rueh het oder eifach no öpis chlises. Darum werdemer am Hochziit selber no so es Finger Print Blatt als Gästebuech mache. Wo den guet usgseht und mer ufhänke chan.
Squishy: Ja mir werdets uf jedefall mit de TZ abkläre und sie sölleds au id Wääg leite. Ich möchte ebe eifach keis Gästebuech find das nöd so toll. Ich find d Schueh mega herzig!!! Und wiso passeds nöd zum Chleid? Ich finds amigs mega cool wenn mer Fotis hät wo mer s Chleid lupft und den so en Eye Catcher fürechund. So chli als Stilbruch wie mit Cowboy oder Gummistifel. Ich finds de hammer. Chasch ja immer no paar bequemeri chaufe wenn den i dene nüme magsch.
Sasileu: Mir würdets vorher verschicke und de Liste mit de nächste Adress bilege dass alli vorher in rueh chönd usfülle und schön schriebe oder no chli „male“… So öpis hani dänkt: http://www.zalando.ch/clayre-eef-notizbuch-rosa-cl572g001-054.html
Me: Nix neues… Am warte uf CD mit de Fotis zum nachher loslege.
Pfingstrose Aso das mit de Rezept findi au herzig und persönlich. Susch weis mer ja nie so recht was mer ide Büecher söll ine schriebe. Was meinsch mit Fingerprint? Eifach das jede en Fingerabdruck macht so amene Baum?
daenue16 Momol es gid scho vegani Turtene :) muesch mal eini vo dete probiere, sie händ au es Kaffi, aso wenn mal in Züri bisch muesch umbedingt dete verbi gah.. . Wenn eini mit Schoggi nimsch, die isch en Traaauuum :))) Dis Chochrezept isch natürli au super chli Liebi, Romantik, Humor...
squishy-fishy / Lula Im Vertrag hät sie eigendli nüt grosses meh gänderet. Vilicht hämer sie eifach allgemein chli zvill beleschtigt mit Mails und Arüef. Es isch ebe meh so um "d'Nebeleistige" gange (wie Ufbou, Abbou, Reinigung oder au Menüchärtli, Mindestkonsumation und so). Han eifach wölle wüsse was ich gnau drunter mues verstah und was die dänn öbe in Rechnig stelle werded. Wet ja nöd öbis unterschriebe und nachher gheii den under de Tisch :-/ Es isch eigendli meh oder weniger klärt und mier händs gester unterschriebe und ich hoff es chunt guet :)
Lula D'Schueh sind hübsch!! Aber ich chönt glaub nöd mit dene laufe :-/ Ich wür au uf jede FAll no es Ersatzpaar bsorge :)
Dörf ich fröge was iher für en Fotografe händ? Mier sind jeze am umeluege, abr ich finds uuu schwierig...
Anmelden
wüsster scho woder häre weit??
wenn auso öper e guete Tipp fürne Cateringfirma het - Bitte melden
de könne mir uns guet zuerede das die pflänzli au wachse 
