Mädels ich bin momentan soooo schribfuul, bzw lesefuul.. momentan ischs mer eifach chli zviel zum lese... sorry sorry

@daenu
Hahaha imfall ich ha de Florischtin zrugggschribe 'ehm, wie machsch das, hänksch gold und Diamante a das Züüg?!' und jetzt schribsch du praktisch z gliiche, ha grad müesse lache
D Idee mitem Bus zfahre findi de Hammer, also d Organisation weg de Schuelreis. E meeeega gueti Idee
Super schöni Deckeli wo du Högglisch!
Ehm, ich han jetzt das ehrlichgseit ned mitbecho aber irgendwie wenni so alles zemereime, denn hesch du dis Mami verlore? Mis herzliche Biileid. Das tued mer wirkli chli weh!

@Sue
Bim einte Caterer ischs eus au so gange. De isch für eus denn aber völlig weggfalle grad. Finde das macht mer eifach nid. Mier hend denn de KUHN in menziken usgwählt, hend dett es super Menü usgläse, sind bi ihne deheime gsi und hend dett öppis z trinke becho. Sie hend eus denn au zwei Büecher zeigt mit Impressione, würkli total schön... Schlussendli hend mier eus ja jetzt für es Restaurant entschiede wegem Uf und Abbau, das isch eus eifach zstressig. Aber ums Catering tueds mer sehr leid...

@Pfingstrose
Hey isch doch mega cool weg euem Cousin?! Würdi aso sofort au so mache! Isch ja hammer, da sparsch ja enorm Geld.
D'Idee mitem Rezeptbuech würdi so umsetze. So cool! Wär au was, womer eus chönnted vorstelle bi eusere Hochziit... Aber was, wenn de de Lüüt ihres Lieblingsrezept nöd in Sinn chunnt oder sies nöd uswendig wüssed?

@lil.lian
wie wender die Holzherzli bastle? Tönt nachere schöne Idee, chamer aber gar nüt drunter vorstelle :)
Eusi Fotografin isch e gueti Fründin vo mier. www.lauravercellone.ch
Wenn sies nöd gmacht hett, denn hett unbedingt d Sandra Marusic welle...

@nala
Mier hend für eusi Trauuig d weddingcrashers. Falls nomal was anders wettsch inelose :)

@squishy
Finde dSchueh gsehnd supi us, aber ich chönnt i dene kei zwei Stunde sii... Mier gönd im November uf Düsseldorf, isch ja nume e Chatzesprung nach Köln, fallsi dier die aso sött mitbringe seisches :)

@Budget
Mier hend im Exel es Budget erstellt. Hend dezue ganz viel Lischtene gno und denn eini individuell uf eus apasst. Dett inne hemmer aber nume d'Hauptpöste.
Deko z.B. chaufi immer fortzue i und träge das nöd jedesmal i die Lischte i. Also schlussendli wirds de nöd soooo genau stimme.

@me
Ich rege mi wege diverse Sache grad so extrem uf. Erstens, euse Bode: De Bodelegger isch am Mäntig dagsi und hed dLuftfüechtigkeit im Ruum gmesse und die isch im höchere Bereich gsi. Denn hed mier eusi Vermieterin aglüte (mier hend de Termin ebe nöd selber chönne wahrneh) und meint, mier müessed besser lüfte. Ha ihre denn gseit, das ich zweimal am Tag 10 Minute durelüfte. Hend de uh lang gredet und ich ha de scho gmerkt, dass sie immer wider uf dem lüfte umehacked. Hanere denn genau erklärt wie ich lüfte Und gester Abig chumi hei und han e 'Information zum richtigen lüften' im Briefchaschte. Hallo?! ich glaube sowieso nöd, dases a de Füechtigkeit cha ligge, das de Bode sich wölbt, suscht würd er das ja nöd eifach mal jetzt so zwüschetdure mache. Jetzt han ich denkt, dasi mal schriftlich dezue Stellig nime. Han gschribe, das ich mich vo ihre persönlich agriffe fühle und ihre alles nomal ufgschribe. Aber nerve tueds mi immerno.
Zweitens: d DJ Gschicht. Han hüt morge es Mail im Postfach gha. Iher erinnered eu a de DJ wo es anders Paar berücksichtigt hed und eus ned rückgfraget hed? Dem si Partner hed mer gschribe er welli Stellig neh. Hed es mega Mail gschickt und dett erklärt wie sich ihri Priise zemesetzed. Voll bescheuert. Mit dere Info chani ja gar nüt meh afange wenn ich gar nümm d Chance ha, die z bueche. Er hed au de Idruck gmacht, das nume sie gueti DJs sind und suscht niemer. Und nume sie chienged eus das Non-Plus-Ultra biete. Hed mi grad au no ufgregt. Vielleicht bini aber eifach au überempfindlich.

So und jetzt zu de erfreuliche Sache:
Am Friitig chömed eusi Iladige!!! Und ich han jetzt uf honeyhome en Afrag gschickt, zum ganz viel Sache miete: alti Büecher und Kanne für dTischdeko, en alti Schribmaschine als Deko zum Gästebuech und en alti Waag für s Candybuffet.
Denn bstelli dette sicher no PomPoms und Spitze und Säckli und und und. Tolli Siite!
Uuuund, ich han en neui Idee für d'Tischdeko woni au wirkli so umsetze will:
http://www.hochzeitswahn.de/selbstgemach...ummer-aus-holz/
Finde das mitem Holz passt mega guet zu eus und de Location. GG hed vorher per SMS au gad sis okay gäh. Ich denke es isch no rechti Arbeit aber das lohnt sich bestimmt und vielleicht chamer d'Bluemedeko sogar selber mache.
Was meined iher?

So min lange lange Egopost nimmt somit es End, tschuldigkeit

Zuletzt bearbeitet am 23.10.13 13:33

@sue: ou da würdi ou ä anderä Caterer sueche... Das tönt würklech nid so vielversprächend. I ha mal e Liste gmacht mit 3-4 Caterer wo mir nöcher wei aluege. Aber has gad nid da, mueses de dehei sueche.. Cha dirs gärn schicke wenn wettsch!?

GG u i wettä nach de Gruppeferie no as Sziget-Festival, das isch z Ungarn. Vo däm här würds sich abiete we mir uf Kroatie, Ungarn, Rumänie, Bulgarie, Griecheland oder so würde ga Gruppeferie mache. Aber gnau hei mirs no nid bepsorche... Klar isch, dass mir irgendwo as Meer göh.

@squishy: Die Schueh si ja wohl meeeega schön!!! Was die passe nid zum Chleid? Passt ömu super find ig... I würd gloub genau i däm Stil sueche, aber mi GG isch äbä nur knapp grösser als ig, drum legi fürs HZ flachi Schueh a.
Mir hei vom Resti ou nur e Bestätigung per Mail. Aber mir si ou imnä eher chliine Resti wo nid so viel Hochzyte het. I dänkä das isch eher üblech bi grössere Betriebe... Aber ä Bestätigung würdi scho mal verlange.

@nala: I ha ds Bild gester Abe mim GG zeigt und er hets ou super gfunde... Wahrschinlich mache mir würkli au so öpis. I ha aber när no überleit, ob evtl. Holzchübeli besser würde zu üsem Konzept passe. Muesi mir no überlegä...

@lula: Also, wägä de Schueh, mir gfalle äbä die klassische Brutschueh nid so. Irgendwie gfalle mir eifach die halb höche Absätz nid. Also isch für mi klar gsi entweder flach oder High-heels. Und da GG äbä nid viel grösser isch als ig, isch schnäll mal klar gsi dasi flachi nime. Drum hani ja scho die bling-bling-Flipflops bstellt. Also alles andere als klassischi Brutschueh...

@me: I ha gad ä Usfallstund wöu ä Dozentin chrank isch. Weni das gwüsst hät wäri äuä gar nid ersch id Schuel cho. Wär sini e-Mails regelmässig liest isch klar im Vorteil... I bi immer no chli am google für Floriste und Blueme-Deko. Süsch louft ou gad nid so viel...

@Pfingstrose
Weisch de hammer isch ja, das mier am besagte Tag extra die ganz Nacht sFenster offe glah hend. Und ich has öpper am Morge am halbi 7ni zuegmacht und sie hed de Termin am 8i gha, wenn sich also d Luftfüechtigkeit soooo schnäll veränderet, denn stimmt öppis a de Isolation nöd würdi säge. Ich warte jetzt mal ab was sie uf de Brief meint und luege denn wiiter...

@jane: ui, i ha di post gar nid gseh wöui no am schribe bi gsi! Hei, lah di uf kei Fall vo dinerä Vermieterin loh närve wäge derä Lüfte-Gschicht! GG und ig hei i üserä vorhärige Wohnig e mega Sach gha wöu alles gschimmlet het... Und ig hasse stickigi Rüüm, i lüfte wirklich ou regelmässig, mind. morge und abe weni hei chume. Das isch eifach sone Tick vode Verwaltige wo sie eim versueche d Schuld id Schueh schiebe dass sie nüt müessä investiere. Blib da uf jedä Fall dranne...

Und wägem DJ: was wott de dä jetz no? Dr ander het ja jetz eh kei Zyt a öiem Datum... erwartet er dass dir ds Hochzyt verschiebet wägä ihne oder was? Dues lösche und mach dir keini Gedanke meh um die!!!

@sue: Ha no gad es Mail gfunde woni mim GG d Caterer ha gschickt. (zum Glück lääri mi Postusgang fasch nie...)

http://www.mund-art.ch/
http://www.lacultina.ch/impressionen/restaurant/
http://www.hellenic-catering.ch/menue.htm

Si halt alles eher spezielli Sache... Und usprobiert hei mir ou no nüt wöui ja mi Crèpes-Plan no nid umgsetzt ha. Cha dir drum nid viel meh drzue sägä...