nicht registriert

Phuuu, mini Auge sind jetzt denn viereckig. I schriibe und schriibe, aber mini Bachelorarbeit wird nöd fertig

Sasilu: Danke für diis Feedback. I find ebe au, dass aah miim Hochziit umgedingt muä pink ume sii Und do unseri Bluämä rosa/pink sii werdet würdets doch ebe passe.
Demfall chömet d'Magnetli morn oder übermorn? Denn hend ihr ja viellicht gad am Wuchenend Ziit zum fertig bastle? I bii jo jetzt scho gspannt uf eui Föteli!!

Lula: I ha keii Ahnig wiä tüür d'Schuäh sind Sii sind usseme Bruutkleideratelier. Vo dem her nimm ii fest aah, sii werdet ihren Priis ha... Derum chan ii mir au no guät vorstelle, dass bequem chöntet sii, viellicht isch das au nu en Wunschgedanke vo mir
Diä Siite wo du entdeckt hesch tönt also au meega interessant! Chasch mir echt dä Link geh? Schuäh selber designe? Devo han ii jetzt no niä ghört und ii fänds no öpis kuuls!

littlefoot: Happy Birthdayy diim Chliine! Schön chönt iihr sini Geburt fiire!

janedoe: Hahahah ii ha müässä lachä. Hesch das wirkli so diiner Floristin gschriibä? Kennsch sii demfall guät? I het mii das niemols getraut!!!
Maiinsch das ernst, dass mir diä Schuäh mitbringe würdsch? Das isch jo so es meega hammer liäbs Agebot! I danke diir tuusig Mal defür! Aber ii denke, ii wott sowieso no warte mit dä Schuäh poste. Will es gat ja immerno 9 Mönet bis zum Hochziit und wer weiss, viellicht wott ii denn gliich wiisi Schueh? Sii hend ja en online shop, nu nöd diä schueh dert im Agebot. Viellicht wenn ii nett froge, schickets mirs denn gliich, wenn ii nächst Früähling immerno so uf diä abfahre.
Aber du bisch dä hammer!
Dini Vermieterin het ez also scho gad dä Vogel abgschosse. Meh schmöckts doch au dä Wohnig aah, dass ihr dii ganz Nacht lüftet?! Cha guät verstoh, dass du gad uf 180 obe bisch und ii hoffe für diich, dass es wiider besser wird und durch dä Briäf siich alles ufklärt!
Bim DJ blick ii voll nöd duure. Werum het er diir gliich no en Priis gschickt? I persönlich chönts nöd eiifach löschä. I würd wohl frech schriibe (will s'Interesse aah siim Agebot isch ja nümä do, denn muä meh au nüm höflich bliibe), dass ihr keii Interesse meh hend und in Kontakt mitemene fründlichere DJ stönd.
Diä Hölzer mit em Foti gsehnt ja also obermegaaffestark us! Got das wirkli so eiifach es Bild uf eh Holzschiibe tuä? I wott mir da umbedingt merke, da chömet mir gad tuusig Sache in Sinn, was meh demit machä chönt. Echt öpis schöns hend ihr da entdeckt!
So lustig, dass meh so alti Sache miete chan. Devo han ii no niiä ghört! Eui Dekoration wird siicher es Tröiimli! Und nur no 2 mal schlafe und eui Kärtli sind doh! I bii mit diir gspannt! I hoff diä erfreulichi Ereignis chönt diich chlii ablenke und beruhige!

Pfingstrose: So kuul, nachher hend ihr de Fingerabdruck vo all eune Gäscht. Da find ii eh lässigi Idee und muä iich irgendwiä minä TZ unufällig übergäh. I denke genau so Sache "Überraschige" chöntet sii ibauue ins Obigprogramm.

Malinchen: Jo, eiigentli wott ii au eher flachi Schueh. Aber diä hend mii eifach umghaue I hoff Ziit hesch guät überbrücke chönä. I wird zum Glück immer vo dä Kollegin gwarnt wenn irgendwas usfallt.

Wünschä eu allne ä guätä Endspurt und denn ä schönä Fiirabig!

@malinchen
Ebe gäll, hasse so stickigi Rüüm au. Drum lüftemer scho automatisch...

@Lula
Meine Worte. Da würds i mäng andere Wohnig no de Bode lüpfe und vorallem müesst das Problem bi eus ja denn uf beidne Stöck sii, was ja nöd de Fall isch.
Imfall nach dem Mailkontakt mit dem DJ bini no viel entsetzter. Janu schlussendli isches egal. Ich bi ja wahnsinnig glücklich mit dem womer jetzt buechet hend und die Freud chaner mier sicher nöd neh :)

@Pfingstrose
Mir wärded au es Fingerprint Bild mache. Bi eus würds de eifach e Baum werde... Wills zu dem rustikale Touch passe würd :)

@squishy
ich kenn sie nöd guet, nei, sie isch eifach i mini Paralellklass i de Primar, das isch ja scho ewig her und so richtig Kontakt hend mier nie gha.
Klar meinis ernst. Ich zerre min GG eh uf Köln (er hassts, als Düsseldorfer hasstmer Köln grundsätzlich). Mier gfallt dStadt ebe mega :) Aso fallses dier andersch überleisch, hehe, meldisch di eifach. Aber wenn sie afragsch und sie grundsätzlich ja en Online Shop hend, denn sött das vielleicht au mitem Versand klappe wenns denn sowiit wär :)
ich ha am DJ denn scho no zrugg gschribe, ned wirkli frech aber es nervt mi scho. d art und wiis.
Ich weiss ehrlich gseit nöd, obs so eifach isch... aber das chame ja usprobiere. Und so chönntemer d Föteli vom Shooting integriere id Deko und es gseht denn nöd eifach nur 'billig' anegstellt us Ich tue de sicher brichte, obs eifach gaht mitem'drucke'
Jaa, danke, die tolle Sache hebed mi chli über Wasser, sind ja wirkli au erfreulichi Sache passiert i de letschte Täg, das tued guet.

Zuletzt bearbeitet am 23.10.13 15:54

Sue: ouuu das isch würkli für dFüchs…das macht nöd grad Luscht uf meh bi dem Caterer. Bi üsem Caterer-Treffe hends ufem Tisch en Tablet PC gha und det isch di ganzi Zit e Diashow gloffe vo ihrne Apéros und andere Aläss und Kreatione. Ufem Tisch hets Selberbachnigs gha und mir sind au mit Getränk beschtens Versorgt gsi. Mir hend h2plus grad engagiert und sind sehr happy mit üsere Wahl – ghöred nur guets!!! Sie sind halt in Wil SG, das liet nöd grad ufem Weg…

Nala: ouu, gell s’Warte isch amigs doof. Hoff die Offerte chunnt bald.
Danke und danke. Ich bin am zweite dra, aber SchwiMu und mis „Pflegmami“ helfed no und hend auscho Fertigi. Glaub 4 sind scho fertig.

Squishy: schööööni Schueh

Sasileu: ich hoffes seeeehr, dass dFarbe denn toll usgsehnd! Ich wird denn sicher mol mit Blueme und Kerzli usprobiere und fötele
Budget: Mir hend chli Ahaltspünkt gha will mir mim Brüeder sis Budget als Vorlag hend dörfe ha. Mir hend also scho Maximalbeträg womer nöd drüber gönd – würkli nöd drüber!!!
Eifach damit mir nochem Hochzit nöd ruiniert sind. Mues aber sägä, grad bide Fotografin simmer denn doch bitz drüber (400 Fr) nach langem hin und her.

Lillian: Hach, etz bini grad am Sa z’Züri gsi…mueni echt mal goh, yammie! Danke

Janedoe: sooo luschtig das mir s’glich denkt hend wegem Gold und de Diamante!!! Unglaublich!
Jo gell, mir müends ja irgendwie verpacke. Am Afang hets mi scho chli gstresst dases nöd andersch goht als mitem Stadtbus…und i ha GG gseit i finds nur ok mitem Bus z’goh wenn mir als Brutpaar au mitfahred. Susch findis chli komisch…mir mit de Limo und sie mitem Bus – denn gsehts echt so us als ob mir bi ihne wetted spare. Und denn het mim Brüeder ebe die guet Idee gha das z’Inszeniere als Schuelreis (was ja würkli zu üs beidne passt). Meh wüssemer nonig…er het das voll id Hand gnoh und überrascht üs denn mit „Ufträg“.
Mami: Das Thema isch eigentlich mit de Fara und ihrer Krebserchrankig ufcho. Mis Mami het ebe au Krebs gha…susch hani das nöd so welle breittrette. Es isch 5,5 Jahr her. Aber geschter hani grad so en Moment gha…
Min Vater isch do gsi und het s’Album vo üsem Verlobigsfotishooting agluegt. Du hesch die Bilder ja gseh und bis jetzt hends alli so schön und romantisch gfunde und so wie bi eune Fotene, eifach dLiebe und dGfühl uf Bild feschtghalte und würkli vo Aug SICHTBAR. Und min Vater seit, das er sich chli meh Action uf dene Bilder würd wünsche und dass de „blablabla“ (sim beschte Kolleg sin Sohn) so mega gueti und witzigi Föteli gmacht het mit mega viel Wechsel ide Location.
Eifach so druflosplapperet…ohni gross z’Überlege was das i mir uslöst und wie sensibel die Aglegeheit für mich isch…Boah, woner weg gsi isch hani eifach nurno chönne brüele.
Und mir eifach nume gwünscht i chönnt mit mim Mami drüber rede und sie würdi mich verstoh und ich bi ganz sicher sie würd i dene Bilder das gseh wonich gseh!!! Da sind amigs sehr hilflosi Moment. Er meints jo nöd bös…aber er isch eifach nöd SIE!

@sasileu
Mir hend das jetzt gottseidank klärt und s isch glaub für beidi Siite wider okay :)

@daenu
Das tued mer wirkli sehr leid wege dim Mami. Für mich isch das unvorstellbar, obwohl ich natürlich weiss, das de Punkt irgendwenn wird cho... Verstah total guet, dass dich das extrem mag wenn din Papi so reagiert und dis Mami nümme da isch. Aber ich bin au ganz sicher, dass sie mega stolz uf dich wäri und genau wie du seisch, dLiebe würd gseh! Euchi Bilder sind en Traum, wirklich! Männer sind eifach Elefante. Und din Papi hed da wirkli chli unsensibel reagiert, aber wahrschinli wirkli nöd absichtlich. s'Mami chan leider kein Mensch uf dere Welt ersetze und niemer chan eim das Gfühl vom 'deheime' so vermittle wie sii... Das tued mier echt weh für dich. Hoffentli luegt sie vo irgendwo uf eu zwei abe und freut sich mit euch! Ich bin in Gedanke fescht bi dier und fühl dich umarmt!

@jane: Bi de gspannt, was Dini Vermietere u dr Rechtschutz drzue meint. Es chas ja nit si!

@me: bi ällei dehei u ha bi gad a de Folge "Die perfekte Hochzeit" vo hüet Nami am gugge, u närne gits äuä de nos perfekte Hochzytskleid.
Ha vori afe no chli am Zytplan umegfielet...
Wünsche euch no ne schöne hinech u morn e guete Start i Tag

guete morge liebi mitbrüt :-)

danke für d gratulatione für mini tochter. posete de no d turte woni ihre gmacht ha
isch mega schön gsi.

mal en allgemeini frag: sinder au so im hochzitswahn ? ich ga glaub mängisch am GG scho uf d nerve gester isch s gotti vo minere tochter da gsi und da ich sie scho lang nüm gseh han isch es halt s thema nr 1 gsi
ich muss mir jetzt mal säge, nöd jede tag heinomal :-) aber isch ja fast unmöglich...vor allem mit de TZ und em mami, da chömed denn sie wieder öpis go frage...naja :-)
zum glück hani ja oi

nala: ja denn gsehmer ois sicher :-) wär no lustig hoi z säge
cool weg de offerte ! freu mi gad mit dir.

squishy: herzig die schueh ! was häsch denn füres chleid ? ich würd sie au chaufe wenns nid gad allzu tür sind. frau cha ja nie gnueg schueh ha

budget: aso mir wüssed eifach dass me e gwüsse grosse betrag im mai händ vo de provision vom GG und de rescht zahlsch ja eh devor..aso es ungfährs budget hämmer aber so ganz gnau nid..

lilian: ha ebe au müeh wegem fotograf. hetted en ja gha, de ex arbetskolleg vom GG, aber de isch ja in NY und ebe...de luegi au scho chli ume, findes aber extrem tür.

daenu: mir tuts au sehr leid. cha versta dass es schlimm isch bsunders i so moment. sei lieb gedrückt.

janedoe: sone mischt wegem bode. hend sones ähnlichs problem mal gha mit schimmel. de vermieter het gseit es liggi am richtig lüfte. de het er eus sogar mal sones grätli ad wand montiert, wo rot sett azeige und wenn lüftisch orange und denn grüen. im winter hämmer d fenster alig e stund offe gha und es isch nie grüen worde sind denn uszoge.

cool weg de iladige. ich ha no ke plan was GG wett.
ich liiiiebe hochzitwahn isch mega schön dini deko. ich ha mini idee au all vo det

kochbuch: ich denke mini TZ tut allne vorgängig schribe und denn zämebastle. findi au besser als am hochzit selber. übrigens isch mini kollegin wo gester cho isch a 5 hochzite innert eim jahr gsi (!) und bi zweine häts das au gä

sue: suech doch en andere caterer, git ja so vill

malinchen: ha mir händ no vill gmeinsam bi 1.79 und mi GG 1.83, ich ha nie high heels a. finde die brutschueh au nid schön, gnau wegem absatz und ha denn gseit ich chauf öpe wissi sandale mit bling bling
wie häsch d floristin usgsuecht ? ich haa ke ahnig wie ich sell de lade in luzern ussueche..

pfingstrose: danke
schöni fingerprints hesch du da.

sasileu: oh mein gott, die schueh sind de wahnsinn. leider chani i derigne nid laufe und ebe grösseproblematik hani eh au no
ha die ebe au scho dehei die töpfli sind au recht günstig. idee hani vill dank de hp hochzitswahn

musig: uuuh...mir tönd ja nud standesamtlich de musi mir nur gedanke mache wegem fäscht..ha ebe mal en idee gha und ha wele es apero en musique mache während em apero im garte so eros, und xavier naidoo, und so chilligs abla...de während em ässe weissi nöd und denn isch ja de partyruum im huus ine, und det ebe mit dem ipod..finds aber schwierig. mini schwöschter und TZ het etz mal en vater vonere kollegin agfragt für en offerte..wie mached ihr das, säged ihr am dj all lieder wo unbedingt mönd vorcho oder wie ?