Guete Morge dir Liebe und TG es isch scho fasch Friday

I chume im Momänt chum nache mit mitläse geschweige denn mitschriebe... ha hüt mi 2. letschte Tag im Gschäft und mues no viu fertig mache u o emotional geits gad rächt ab mit Abschied näh etc... Het mi ziemli hert hie zga, ha u viu Lüt mega iz Härz gschlosse.

Wird mer aso niemaus möglech si, uf aus izgah, exgüse!

@Schueh: Squishy, i finde die im Fau super, u das heisst öpis wüu ig stah absolut nid uf rosa / pink. Und für mini Verhäutnis si die jetz nid soooo höch hani viu so Absätz i dere Höchi. Aber bi mir wott GG unbedingt chli Absatz, er isch 20cm grösser as ig. I wett u gärn roti Schueh die chönnti de ou süsch aube wieder alege, hingäge mit wisse Satinschueh wüssti ehrlech gseit nachem Hochzit nid viu azfah u me git ja zum Teil es Vermöge für die us, das wärs mer nid wärt... Hammer fändi Peeptoes, aber die düemer no schnäu weh vore. Mau luege, was sech finde laht.

@Janedoe: Wäg euem Bode: Pff, das isch doch dr typisch Vermietertrick, so e Quatsch! Weisch wie viu Böde würde sech wäue?? Mir lüfte o regumässig, aber vielech nid immer 2 mau am Tag 10 min, u bi üs wäuet sech nüt. Vielech wär dr Mieterverband no e Hiuf?

@daenu: So härzig wie du fliessig hägglisch und so schöni Dekoidee hesch. Gfaut mer! Und o vo mir e liebe Drücker wäg dim Mami... so Sache düe eim de bsungers weh, o wenns di Papi sicher nid bös het gmeint und sich äuö o gar nid bewusst isch gsi, was är drmit het usglöst. I finde euchi Fotos umwärfend, me gseht o as ussestehendi wo euch nid kennt, wie d Liebi knisteret zwüsche euch... und he, was wosch no meh a Action as dini wunderschön strahlende Ouge...?

@Nala und malinchen: Ou euchi Idee mit de Blueme i de Chüble findi sehr härzig. Das laht sech sicher umsetze!

@4 Hochzeiten: Ha gester afang d Fougene vo letscht Wuche fertig gluegt Die Sängerin isch ja würklech dr Hammer...! Genau so öpis würd mir mega gfaue. Het jetz öper usegfunge, wär das isch? I nime aber a, sowieso unbezahlbar, die hei ja e rächt tüüri Hochzit gha...

@me: Bi üs louft im Momänt hochzitstechnisch nid viu, i bi vou im Ändspurt und ha drum grad angers im Chopf. Morn wotti aber em ZSA alütte und hoffe, mir chöi de scho e Termin reserviere. Am Samsti gömer nomau i üsere Abelocation ga ässe, dasmau mit GGs Papi (da är säuber Choch isch, het är o die höchste Asprüch) u GGs Schwoscht. Bi gspannt, wie sie's finde.
Gsundheitlech isches chli es Uf und Ab bi mir. Sit em Sunntig hani immer wieder Problem mit dr Blase, ha zGfüu i bringes gar nümm richtig wäg. Isch ächt zum schreie. Isch gloub würklech guet, machi nächst Wuche die Impfig, weiss süsch ächt nümm, was no söu häufe. Aber vielech isches im Momänt o chli schwierig, wüus mi haut o emotional brucht mitem Jobwächsu, und Stress isch ja o nid gad förderlech mit so Sache.

Malinchen / Littlefoot: Grösseproblematik… Hihi! Hämmer au aber ich han eh nöd so gern höchi Schueh ah ussert mit Keilabsatz und das passt würklich nöd zumene Hochziitschleid. Ich wird weni finde schöni fiini goldigi Sandalette alegge. Ich bin 1.72 m und min GG 1.76 m.

Taeboyana: Ich wünsche dir en guete Endspurt im Gschäft! Und vorallem dass es Gsundheitlich wieder chli stabil blibed bi dir. Isch ja doof dass es nie richtig weg gand und du nöd mal rueh häsch. Hoffe die Impfig hilft dir.

Me: Mir händ d Fotis übercho vo de Fotografin!!! Aber mir sind gester so spat hei cho händ nüme gross Ziit gha zum no uswähle für d Iladig. Aber dureglueged hemmers uf jedefall. Jetzt chani endlich afange mit de Iladige.

Ich han mal no öpis welle fröge… Kenned bi eu allne sich d Eltere scho gägesiitig? Meine chli besser als nur so vom gseh her.

So Mädels hüt am Morge wett ich euch eifach mal es riese grosses DANKESCHÖN usspreche! Iher sind gold wärt! I vielne Hiisichte!

Ich han gester Abig mit minere Beschte telefoniert wo gliichziitig au mini TZ isch. Hanere alles gschilderet was passiert isch, womi so gnervt hed und sie hed tatsächlich nume glachet und gseit, ich seg es Monschter worde. Und das ich mal endli wider chli lockerer söll werde usw. Das hed mi meeeeega troffe. Ha ihre gseit, das ich bsp. bim DJ genauso reagiert hetti wenns ume Geburiparty gah würd oder so. GG isch neb mier gsässe währenddesse und woni ufghänkt ha hani irgend e Bemerkig gmacht und denn seiter 'gönn dier doch eifach mal en Tag Rueh!' Mier hend eus denn sowiit ine Diskussion verstrickt das mer nümme usecho sind und ich so verruckt und verletzt und enttüscht gsi bi, dasi ohni Ussprach bi go 'schlafe'. Ich ha jetzt wirkli z Gfühl ich gah allne nur no uf de Wecker
Dasi min GG mängisch nerve, das chani verstah. Er isch jede Tag um mich ume und muess das 'erträge' und klar interessierts ihn nöd, ob d'Bändeli um d'Vase ivory oder schneewiiss sind. Aber das mini TZ so reagiert, das findi krass. Wenn ich amigs da liese, wie tolli Hilf eu eui TZ sind, denn denki jedesmal glichziitig, mini TZ würd das niiiiiiie mache. Mier go helfe Deko, Iladige bastle? hahaha!

Drum iher Liebe, DANKE DANKE DANKE!!! Ohni eu würdi mängisch duredreihe!

Morge mitenand

Ich ha nid viel zum verzehlä, mis frei isch ume und jetzt mueni wieder schaffe, min GG isch am Obig amigs völlig k.O. debi mümer unbedignt na Feriezüg luege will mir am 4.11 wieder en Termin hend womer sötet wüsse wo wie lang mir wend blibe, und ich sorg mich nid so wie anderi drum dasi min GG zuquatsche Bi ald e Egoischt...nee aber i finde eifach er het um mini Hand ghalte, liebt mich und will au e schöns Fest...also wenn ich mich nid selber söll hürate wird er ald mit dene Details "plagt" wobi er muen jo nid mitbastle etc. aber er dörf wener wot
Trotzdem mueni oder woti mi amigs au echi zrug halte und nid immer das Thema Hochziit aspreche, will bi mir gahts jo au na e willi

Trotzdem will ich mich de janedou ahänke und eui au allne Danke!

Für die offene Ohr(Auge), eui Tipps, Ratschläg, Meinige und und undIsch supercool

@janedoe: Schicke dir e festi Umarmig! So Sache düe weh. Das isch mir denn genauso gange wie wo mir mini TZ het gseit, ig mali mir die perfekti Troumhochzit usem Hochzitsmagazin us und me chönns mir äuä eh nid rächt mache, wüu wenn ou nur ds chlinschte Detail angers sig as i mire Vorstellig, de gheii när für mi e Wäut zäme. U das nur, wüu ig öper bi, wo haut weiss wasi wott u was nid und mir viu Idee und Inspiratione im Internet, us Heftli und natürlech hie hole. Das het mi o meega troffe, wüu ig überhoupt nid sone Zicke bi, wo när usrastet wenn öpis nid genau nach mire Nase geit.
I gloub es isch haut eifach für sie as Ussestehendi (o wenn sie sogar scho säuber ghürate hei, wie mini einti TZ) zum Teil schwierig nachvollziehbar, wie fescht mir dert drinne si und üs mängisch o i Details chöi verlüre, wo für sie zwöitrangig si.

Mi lache zum Teil d Lüt o us, wüu ig scho d Stueuhussene organisiert ha (danke Nemo!) und o ds Chleid scho ha. De finge sie aube, mir chönnte ja scho morn hürate (denkste, ohni Musig, Iladige, Azug füre GG, Deko, Blueme und gnaus Menu??). Aber i säge mir de eifach lug, i due itz schön na dis na chli öpis organisiere und wirde de drfür (hoffentlech!) när im Juli nid zur Brautzilla, wüui nid ersch denn abartig i Stress chume. Ig mache sehr wahrschinlech vo Ändi März a no e Usbiudig füre Advanced Trainer im Tae Bo womi o rächt wird bruche und ersch afang Juli d Prüefig isch. Klar hürate mir ersch Mitti Ougust, aber i hamer churz glich überleit, ob das äch de nid zviu isch. GG het mi nume irritiert agluegt und nid genau gseh, wo ds Problem isch...

Drum mis Fazit: Tobe mir üs doch hie inne us und vrzeue üs aus, äbe o so Sache wo haut zwüschine enttüschend si, u lö die angere la rede. I bedanke mi o bi euch für aui super Idee, Ratschleg unds zuelose (bzw. -läse )! Isch würklech Goud wärt.

So und etz zum allgemeine :)

@Lula
Bi de au gspannt, ha de Brief gester Abig igworfe, weiss nöd ob sie ne hüt scho hed...

@nala
Dörfi frage waser für s weddingsingers zahled?

@littlefoot
Hehe, eigentli wemmer nöd uszieh wills e mega schöni Wohnig isch aber ha au scho zum GG gseit, dasi denn da nöd lang umediskutiere.
Mier werded am DJ scho eusi Wunschlieder duregäh wo mier unbedingt wend gspielt ha. Und suscht hemmer eifach en riese Wunschboge usgfüllt weli Richtige mier eus wünsched. Ich denk, er isch denn scho Profi gnueg, daser merkt, waser in etwa spiele söll...

Du sprichsch mir imfall us de Seel. Bi eus ischs wirkli genauso. Ich han mier jetzt eifach vorgno, gar nümme deheime vom HZ zrede und au mit de TZ nöd... Bis sie vonellei uf mich zuechömed und öpis wend wüsse... Ich verstah ihri Asicht aber sie schiined mich gar ned zverstah, und da ich immerno recht verletzt bi, lahnis ez lieber ganz bliibe und tuen eu im Forum eifach voll zuetexte

@Taeboyana
Du bisch ja au e Plageti! Armi! Meinsch es chönnt nöd demit zemehange, dass du etz so im Stress bisch mitem schaffe und de Planig? d Impfig isch aber sicher e gueti Sach! Hoffentli hesch de endgültig Rueh!

@Pfingstrose
Ohhhh wie toll wege de Bilder! Freue mi mit dier :)
Eusi Eltere hend sich eigentli recht schnell kenneglernt und schribed sich au immer Karte und telefoniered. am GG sini Eltere wohned ja in Düsseldorf. Wenn sie da sind bsuecheds au immer mini Eltere. Mier fiired au Wiehnachte als grosses Familiefescht. Das findi sooooo schön. Wie isches bi eu?
Danke für dini liebe Wort. Gell, im Moment wetti grad am liebschte au alles eifach hiischmeisse. Sölleds doch luege wie toll d Hochziit denn wird... Aber ich weiss genau das ich mich de scho wider ufraffe und wider genau so wiitermache wie vorher. Aber ich finde jetzt muess mal öpis vo dene zwei cho. Ich ha für eusi Homepage eusi beide TZ und eusi TM bätte, en chline Text über üs als Bruutpaar zschribe. Nur es paar Ziile. Das isch vor zwei Wuche gsi. Han gseit am 24.10. wetti dasi d Homepage cha fertig mache. Meinsch nur öpper hed drah denkt? Vergisses.

@sasi
haha ha grad müesse lache wie du das beschriebe hesch mit dim GG :D vielleicht sötti da au chli meh ego sii....