@principessa: Ah ok, i bi ebe nit so dr Shoppingfan, ämu nit wenni öbis bruch
Aso i finde di Stüehl jtzt ou schön! Guet mir gfaut Grau eh, aber si si schön u schlicht, u gseh ziemli bequem us... Du meinsch, Du würdisch zBeige lah si u drfür zGrau näh? Tönt ämu guet, ou mit Grau u Beige.
Schad, aber i gloube langsam es isch würkli eifach so, dass sech dFründschafte mit am Hochzyt verändere u me gseht, was ächt isch u was eifach isch.

la principessa: finds aso nid schlimm...mega schön d location. isch halt luzern gäll


lula: danke :-) ja sie hät die ganz zit gseit büsi büsi :-.)

weiss es nöd, entweder bini eifach müed (wasi ja bin) oder merke dass es gli ad prüfig gaht..aber erst endi november.

pfingstrose: gnau so muss es si ? het der zwei ähnlichi, bilder mit dim name

brautkleid: ich wett eis vo dene :-) weiss es jetzt glaubs.

Datei-Anhänge

	3664.jpg (48x) Mime-Type: image/jpeg, 72 kB
	3667.jpg (50x) Mime-Type: image/jpeg, 99 kB
	3671.jpg (44x) Mime-Type: image/jpeg, 69 kB
	37858.jpg (41x) Mime-Type: image/jpeg, 67 kB

nala
Han leider gar kei Unterstützig bim baschtle, nei. Mache alles chli selber. Ich maches aber au gern. Vo dem her...
De tönt doch das mit dinere Schwö als Fotografin für d StD wirkli guet :) Viel Spass!

lil.lian
Tönt wirkli schön mit dene Herzli. Chani mer super vorstelle. Hesch das Bild vom Holz vome dütsche Abieter? De hani nämli glaub grad gester agfragt ober eus das Holz würd id CH liefere... Uf de HP isches nämli nöd ageh...

littlefoot
Ja meldsch di eifach falls de Boge möchtsch :)
Mega schöni Chleider! Gfalled mer alli uh guet. Sind das Ladybirds?

Lula
Ha gad vorher nomal mitere telefoniert und sie blockt de immer ab und seit ich miech das scho alles super und alles chunnt guet aber ich ha ihre denn gseit, das ich wett, dass sie verstaht, das für mich die Hochziit absolut kein Stressfaktor isch und ich mier en TZ wünsche wo mich unterstützt und mier nid dauernd vorhebt, das ich nerve. Ihre chan ich so Sache zum Glück graduse säge ohni beschönige... Sie hed de gfunde so bewusst seg ihre das gar nöd gsi, sie heb eifach zGfühl dases ned so früeh Planig brucht aber sie sig sicher, das am Schluss alles perfekt wird und heb eigentli nur welle sägä, das ich mich nöd so verruckt mache söll...

Pfingstrose
Aso im Chez Janine hends scho einigi so bauschigi Chleider gha

principessa
Ich denk wenn mer mal en 'Lauf' hed, isch d'Page relativ schnell fertig. Drum nimm dir die Ziit, es lohnt sich uf jedefall. Mier hend bis jetzt NUR super Feedbacks becho, freut mi mega
Hmm, ich bin ebe au en extreme Husse Liebhaber, für mich ghöred Stuehlhusse eifach zumne Hochziit und uf die hetti nid welle verzichte. Das isch mini Istellig zu de Husse, d'Stüehl an und fürsich findi aber no schön! Sie gsehnd meega bequem us und gebed au was her... hmmm schwierig

me
jetzt sind grad no d Manschettechnöpf glieferet worde woni eigentli mim GG ufe Geburi hett welle schänke. Sind Iron Man Chöpfli will er so Fan isch. Jetzt hani mier überleit, da mier hüt zAbig uswärts wend go esse und nomal über alles reded, chönnt ich ihm die doch schenke als Zeiche, das ich ihn au möcht ibezieh und ihm sin Gschmack mier au wichtig isch. Was meinider?

Sue: wie machsch es de wegem gäld? Uf de iladige?
Favorit ? .... alli ? nei weiss nöd, muss mal luege wele sie händ und aprobiere. Tu mi nüm uf eis modell verstife, hemmer ja alles schomal gha
Du au blase entzündig? Oje, gueti besserig, au dir, taeboyana.

Janedoe: finds u herzig weg de manschette. Würds ihm au hüt ge
Nei d chleider sind vo sincerity hend no ganz vill meh schöni

Ja melde mi gern wenis bruche :)
Cool dass mit dinere tz häsch chöne rede. Kommunikation isch alles gäll

@littlefoot: aso jetzt zerst mol d std kärtli und i dänk den so im april d iladige (wär den 4monet vorher) jo mir wünsche uns gäld für d flittis, maledive oder hawai fände mir toll, do mien mir uns no berote loh
dini kleider gfalle mir guet! s zweite wär jetzt min favorit.

@lula: mir hän jetzt mol für d monja agfrogt, ha au scho antwort biko, si isch vrfüegbar
würde 400.- zahle plus afahrtspese (in userem fall 60.-).
hüt isch aber mini schwöstr (isch ä mini tz) ko und i ha ihre d website zeigt.. jetzt meint si si hetti no e kollegin wo au nid schlächt singt, si seht se morn und frogt grad.. findi toll vo ihre! wär mir au rächt wenn mir so könnte spare, natürli nur untr de vorussetzig si singt guet
hoff s kunnt öbis guets wäg de schueh use bi dir

@pfingstrose: ohh sooooo e tolls kleid! so öbis stelli mir ebe au no vor! i glaub i ha bi ladybird öbis in die richtig gseh bi aber nüm ganz sicher.

@principessa: mir hän uns nonig entschiede, d offerte isch erst gescht ko (i ha aber die nacht träumt mir hän im hermitage ghürote, das isch jetzt irgendwie min gheime favorit ) mir sin ca 65 lüt.
uii blöd wäg de stuehl hussene (mir hän ebe de artdeco-saal) aber mir gfallt au mit de graue stüel, ka mir vorstelle dases mit lätschli/schlaufe au schön usseht. mi persönlig würd das mit de hussene jetzt aber nid störe.
schad shets dini kollegin nid ganz ii, isch aber wenigstens guet für di hesch du dini sach mol könne los wärde!

@janedoe: ok wenns dir nüd usmacht sälbr bastle isch jo guet.
isch jetzt zwar chli spot, aber i hät d manschetteknöpf ihm glaub au grad hüt gschänk. isch e härzigi geste und passt guet zur situation.

@me: mini zweiti tz isch momentan glaub chli am lätsche i ha jo en termin für go kleider luege gmacht, ha drvor mini zwei tz's gfrogt wen si könne.. und si het gseit erst ab dezämbr.. aso hani de termin im dez gmacht. wo i das de mitteilt ha seit si jo nei am 7.12 und 14.12 ka si au nid! und das sin die einzige samstige wos no frei ka het. de het si gmeind mir sölle mol ame mändig go wil si den frei het oder erst im januar.. ich ka aber ammändig ame nid ha 12h vorläsig und i wot ehrliggseit nid bis im januar warte, würd gärn evtl no vo däm joor kleider könne aluege und wirkli am liebste würdi jetzt sofort go. ha ihre de vorschlag gmacht dasi halt ellei mit minere schwöstr und mami gang, sigi jo erst s erste mol.. d wohrschinligkeit dasi no susch noime hii mues isch jo nid klei.
sit däm hani vo ihre nüd meh ghört.. weiss jetzt grad nid so wasi drvo söll halte/mache, vrstand jo dasi gärn will mitko, aber nur wil si das ganze joor nie meh ka, sehni nid ii das uf nägst joor z vrschiebe.. oder bini do falsch??

@nala: Jetz hani no gad di Post gseh... Hmm, das isch ja würklech komisch mit dinerä TZ! Isch ja scho chli quer, wenn sie zersch seit im Dez. isch guet und jetzt cha sie denn plötzlech glich nid?! I ha ou 2 gad ufenand folgendi Samstige eifach festgleit und denn alli woni ha dänkt wär schön we sie drbi wärä gfragt. Wenn jetzt öper nid hätti chönne, wäri äuä ou trotzdäm gange. Nur mit mim Mami hanis vorhär abgsproche, das isch mir i derä Situation irgendwie am wichtigste gsi, dass sie drbi isch... I würd se gloub gad direkt druf asprächä! Bis im Januar warte würd i ou nid...

sorry, i weis gad nümme wenn dir hüratet - aber das geit ja de ou no rächt lang, bis ds Chleid när do isch, cha anschiinend scho so 4 Mönet duure und wenn när no muesch änderige loh mache etc. wirds unter umständ scho fasch stressig, wenns ersch im Jan. geisch ga sueche, villecht nid gad uf Ahieb eis findsch u no mal muesch gah...