ui 15 Siite zum nahläse :( ich würd soo gern chli meh läse und schriebe da ine, aber im moment fehltmer eifach d ziit dezue :(. fang ez aber mol a und hoff ich bin bald wieder „däbii“ :D chan aber s icher nöd uf alles iigah..
@littlefoot, meega schöni tortene, da hend dini chind sicher mega froid !! Und das mitem Autofahre chunt sicher auna guet :)! Sind mega schöni Kleider, vorallem s zweitletschte gfalltmer mega!
@sasileu: merci vielmal:)! nimmt mi denn wunder was du am 20igste z brichte hesch, gasch au uf züri i die zwei läde? hehe lahn dich nöd beiirre vo mim bricht, ich han vorher im forum immer gläse das alli so begeistered gsi sind vom liluca, und nöd vom merys, also ischs bi mir ez gnau umgekehrt gsi. und es chunt halt würklich sehr drufa, wer du als verkäuferin hesch. wird sicher en super tag muesch luege und bin gspanne uf dis kleid wod denn hoffentli findsch :)!
Tönd ja „luschtig“ dis Ehevorbereitigsgspräch, ich glaub min GG het da nöd chöne ernst zuelose und nicke zu allem ;) Hey die schueh sind au mega, so öppis hani mir au vorgstellt für mich :)! Aber han ja min Fuess das Jahr scho zwei mal operiert und schaffes nanig mit höche schueh, isch aber mis grosse ziil bis zum HZ :D!
@janedoe: die torte isch meeega schön! Und was ich bis ez so gseh han muesch meistens 11 – 15.- pro Person rechne wennd sone torte bstellsch. Hey die Holzdeko gseht ja mega us !! Ou nei isch ja mega ärgerlich mit dinere Verwaltig! Ich han au mal so en Zettel im Briefchaschte gha i minere erste Wohnig, aber das sind au ganz schlimmi Vermieter gsi und die hend a allem öppis uszeze gha, bi mir het sich ebe nach 3 Wuche! Schimmel bildet ade Decki und sie hend für das ernsthaft mir welle Tschuld gä :)… Oh mann so blöd mit dinere TZ und dim GG, tuetmer leid das detet i dem Moment nöd meh unterstützig gha hesch! Mini TZ würd aber gnau glich reagiere i dere situation wie dini =/ für sie isch halt au alles so „easy“ und sie verstaht min stress amigs au nöd.. und mim GG verzelli ebe nur s nötigste was s HZ abelangt, d.h. ich suech alles use woni wot und denn wenn ich mich sco entschiede han denn zeigis ihm, und wenni denn na säge wie günstig das das isch im verglich zu anderem finders e guet :p. Ich han halt gmerkt das au viel vo mine Idee und Gedanke bi mine engste nöd immer guet acho sind und denn vergaht mir echt d Luscht dra und das wotti nöd, drum verzell ich ez nurna wenig Sache und mache viel für mich.. Hoffe sehr eues Ässe hüt chönder i volle Züüg gnüsse und chönd in Rueh namal drüber rede! Ou hesch ihm d Manchetteknöpf gschenkt? Isch ja e super Idee :)!
@laprincipessa: hey gratuliere zu euere band, tönd ja nacheme haaammer agebot! Und das mit de kollegin wo dir d haare und alles chan mache tönd ja au super, lauft ja toll bi dir:D. Also ich han ja au zwei Termine gha a eim Tag und han das super gfunde, so hesch au grad de direkti Verglich! Bin eifach fix und fertig gsi am Abig :Also ich glaub mir wäred die Stüehl bitz z dunkel, chan mir aber guet Vorstelle dasses mit Schleife scho viel besser wird usgseh! Isch ja schad mitem Mami vo dim Gottemeitli, aber hoffe au sie lernts so wenigstens, isch ja würklich e frechi Afrag gsi!
@Fara: wiiterhin viel Chraft fürd Chemo!! Wie ischs gloffe mit de Bewerbig fürd Wohnig, hender scho News?
@squishy: sind meega herzig die Brutschueh, die würdi ez auna neh :D
@daenu: tuetmer wahnsinnig leid mit dim mami und chan mir vorstelle, dass sie gnau i so situatione na meh vermissisch und brüchtisch. Ich bin sicher din vater het gar nöd so wiit studiert und het nöd gmerkt, dass dich das so troffe het
@Taeboyana: oje, wünschder na ganz en guete abschluss im gschäft und dasses bald wieder berguf ghat bi dir! Ich bin vor zwei täg au namal zum arzt willis sit wuche nöd wegbringe, hoff s antibiothika nützt bald, isch immer nanig ganz weg.. nimmt mi denn wunder wies nach dinere impfig isch!
@Pfingstrose: also mis mami kennt d eltere vo mim GG, aber nöd soo guet. Und min papi kenneds gar nöd, aber dass isch au nöd wiiter schlimm ;). Hey wow das Kleid isch mega schön!Mis isch ja vode Art her öppe ähnlich und sie hend amigs scho es paar vo dere Art idä Läde, aber tüür sinds scho die woni probiert han :( Ich han halt ebe na Glück gha wills vode 2013 Kollektion isch, viellicht findsch ja auna so eis wo abegsetzt isch! Bstelle findi au heikel bi somene wichtige Kleid, dass würdi glaub nur mache wennd gnueg Geld budgetiert hesch zum imNotfall na es anders go poschte.
@malinchen: ich wär also sofort däbii bi somene bruutträff :)!! Oje, wieso wot sie das denn mit Hormon mache, wot sies nöd so probiere mit de Ernährigsberaterin? Ich ghan ja au, und es hilft würklch nur scho wennmer d Ernährig umstellt und uf paar Sache lueged. Aber isch herzig, dass sie das extra wägem HZ wet mache :)!
@me: bi mir lauft hochziitstechnisch grad nöd viel, ich han die ganz Wuche wieder 10-11h gschaffed und bin hundemüüde.. Freu mich uf mini zwe Feriewuche endi November, denn chumi au wieder mit mit läse und schriebe :)! Mir gönd am SA namal go Ring aluege, dassmal in Wädenswil bi 123 Gold. Han ebe na en schöne Ring gseh und drum hemer en Termin, freu mi mega. Eigentlich hemer eus ja scho entschiede aber mal luege obs öppis anders wird :). Am SA hemer na euses Shooting gha aber mer werdet eus gege sie entscheide, mer bruched eifach chli öppis anders fürs HZ… Mer wüssed au nanig obmer d Fotene chönd bruche fürd Iiladigskarte und ez wot min GG na es richtigs Shooting mache imene Fotistudio und das machemer ez am 9te :).
So, ez mueni go schlafe.. wünsch eu allne e ganz gueti Nacht und morn en guete Schlussspurt vo dere Wuche!
Juheeeeeeeeeeee es isch Fritig....bi mega froh hane strengi Wuche gha und viel Programm und mag nüm
littlefoot mir hei dänkt dasmer eifach de Spruch werde schribe: Das grösste Geschenk macht ihr uns, wenn ihr diesen besonderen Tag mit uns verbringt. Ansonsten freuen wir uns über eine finanzielle Unterstützung für unsere gemeinsame Zukunft. und dir??
janedoe und heiter es guets Gspräch gha...?
nala hmmm isch schwierig...het si de Sache los das Jahr wie schaffe oder so wo si GAR NID cha verschiebe oder sis Sache wo si ou evlt. chönti verschiebe? wüll i finde ize Brutkleidkauf scho sehr wichtig, wenns nid u wichtigi Sache het wo si los het chönt ja evlt. sis verschiebe..?
Pricana jööh isch aber härzig dass di GG nomal es Shooting wott mache?? wenn bechömeter de d Fotis??
Bruuttreffe i fändis e mega cooli Idee...wäri mega gspannt ou Gsichter zude Forumnäme z ha(obwohl teil hani ja scho uf wunderschöne Föteli döfe gseh)
me Mir hei Gestern definitiv d Flitterwuche buechet mir göh mit 2 Päärli vom 12. August bis 30. August 2014 zersch 3 Nächt uf Bangkok und ner direkt uf Bali freue mi gad mega und isch öpis grosses wo scho abghäcklet isch de heimer nachem Hochzitsfest no 2 Täg daheime und nere ab id Ferie Gestern hani mi am Abig no mit mire fründin troffe wo Grafikerin/Designerin isch und üs wird ds Einladungskärtli mache und ha ihre alles ufemne Stick geh und Morn heimer ds Treffe mit üsem Pfarrer
@pricana: Würum isch de öies Shooting nid guet gsi? Het eifach d Chemie nid gstumme? Findi ja mega härzig vo dim GG dass dir jetz no mal eis machet... Jaa, i verstah mis Mami ufne Wäg scho chli. Sie isch mega schlank gsi bevor ig und mi Brüetsch si ufd Wält cho u het när mega zuegnoh ide Schwangerschafte und isch das Gwicht eifach nie meh los worde, obwohl sie scho alles mügleche probiert het. U das mit denä Hormon isch irgend ä nöii Behandligsmethode. Aber i kennä mis Mami halt gar nid anders u finges ou überhoupt nid schlimm, dass sie zviel het, es isch ja nid so, dass sie meeeega schlimm übergwichtig wär u chuum meh chönnt loufe oder so. Daher findi die Massnahm jetz halt eifach chli drastisch... Aber ja, generell sägi immer es sölle sich alli Lüt i ihrer Hut wohlfüehlä, egal wie.
@Sue: Ou i bi de scho mega gspannt uf öii Chärtli... Und das isch sicher es mega cools Gfüehl wenn die Flittis buechet si!
lilian: isch herzig die idee. mir mached nur gad iladige, hend aber no kei ahnig was. das isch sicher e punkt wo mi GG wird vill entscheide, bi deko und so isch es ihm glaub eher glich :) danke :) hoffe eis vo dene staht mer so guet wie s einte woni scho agha han, vonere andere marke.
nala: find STD au cool, aber mir hends etz allne chli gseit und schicked defür d iladige chli früener :) ich find s zweite au mega, glaub aber das isch eis wos reifrock brucht. das wetti nid, isch mer z umständlich. gsehs ja denn am 7.12 :)) finds aso schad dass so viel problem händ mit de TZs. mis mami und ei schwöschter wohned in lausanne, die ander in biel und mini TZ in züri. und sogar so hends mir gschafft en termin in luzern z finde für d aprob. hoffe sie cha de termin wahrne. und susch würdi sie au nid mitne, wenns ihre nid so wichtig isch. usser sie hät termine wo me nid cha verschiebe, denn würds versta, aber das wird ja wohl nid de fall si i de nächschte zwei mönet :-) hui hermitage soso :-)
malinchen: lustig isch, das chleid wo du seisch hani scho mal usem internet ohni marke z kenne, eifach vom bild her usegsuecht gha. :) muss aber luege wies ishc mit de pölschterli, ob das au so schlank macht wie teilwis anderi .) ich wär au deby bimene treff, aber wird wohl eher schwierig. bi i de letschte zit ziemli vill furt, mit autoprüfig, hochzit...und mussj ja de immer mim GG säge weg de chind. herzig vo dim mami :-) aber wie isch das mit dene hormon, hani no nie ghört..? ehrlich, bisch so schlecht gfahre a de prüfig ? wohl doch nid so schlecht .)
pricana:danke. ja sie hend alig u freud :-) 123 gold sig glaub no guet. :-) ha au mal welle dethi, sind etz aber nid sicher weg de ring...voreme jahr hät mi GG ja zwei verlobigsring uf min 30. geburri poschtet, schwarz/silber..ich han en so gern a, villicht nehmed mir die, mal luege :-) chasch ja de brichte vom termin :-)
sue: de spruch findi total schön ! ich wett au so öpis ähnlichs. so reim sprüchli gfalled mer nid so.
Sue: Wuhuuuu, d'Ferii buächt und denn no so traumhafti! I merk scho, dass bii mir d'Vorfreud ufs Buächä wachst, wenn ii so vo dir lese!! Jo bii diir gots allgemein vorwärts, Kärtli chasch ja demfall au glii abhake!! Wünsch diir morn es erfolgriichs Gspräch! Was tüänd ihr so bespreche'
Pricana: Uf dä Homepage vo Wädenswil bin ii au sehr oft am gügslä. Sii hend wunderbari Sachä. Wünsch eu viil Vergniägä bim Ring aluätä. Tuäsch mir denn chlii verzelle, nimmt mii scho wunder ob d'Uswahl echt so riisig isch wiä uf dä Homepage! Schaad, hets nöd sölle sii mit dä Fotografin. Aber so büütet sich eu d'Möglichkeiit no in es Studio z'gooh! Schön isch dä Vorschlag au vo diim GG choh! Werum hets denn nöd gfunkt zwische eu und dä Fotografin?
Littlefoot: Woow, diin Hochziitkleidergschmack gfallt mir sehr. Vor allem s'erste und s'zweiite find ii wunderschön. All so schlicht und doch en eyecatcher! Das mag iich sehr! Hesch denn scho en Termin zum go ussuächä? Toorte isch meega herzig und meega pink! I het also miich unglaublich drüber gfroiit! I hoff sii het eu gschmeckt!
Pfingstroose: Wooow, es Traumkleiid! I denke, so Kleiider siind doch hützutags beliäbt, vo dem her sötts es in Läde ha. Am beschte giisch grad Bscheiid, nach was öpä suächsch, d'Läde selber werdets am beschte weisse
Janedoe: Ja, wiä isch eues Esse gsii? Schön, hend iihr eu au eiifach Ziit gnoh zum da z'kläre. Da find ii meega wertvoll! Hesch em d'Manschette gäh? I finds ä schöni Geschte! Schön hesch diiner TZ so direkt chönä sägä und het siis au guät ufgnoh! Hoff es got bii eu bergufwärts und du fühlsch diich wiider agnoh vo diim GG und ihre!
Blaseentzündig: Ojeeh, als ob da per Forum übertragbar wär I wünschä dä Taeboyana und dä Sue ganz schnelli und guäti Besserig!
Nala: I cha guät verstoh, dass sii truurig isch dass en unpassende Termin isch. Aber werum giit sii aah, sii chönt dä ganz Dezember und denn isch gliich nöd guät? Wa het sii den los? Öpis verschiäbbars? I cha au guät verstoh, dass nöd am Mäntig willsch goh. Da bruucht Ziit und nöd amene Tag wo meh no Schuäl het driiquetsche. Die perfekte Lösiig chan ii diir au nöd büüte. Es isch eiifach verzwickt. Red namal guät mit ihre, säg dini Standpünkt, SMS löst doch oft au nomol es unverständnis us... I persönlichs gsehs au nöd mit uf nächst Jahr verschiäbä. Für sii hesch es ja au scho in Dezember verschoobe und es het gliich nöd passt...
Malinchen: Ojeeh, mini eint TZ nimmt unser Hochziit au als Grund zum abnäh. Cha verstoh, dass diir da chlii Kopfweh macht. Befürchte au, dass sii sich übernimmt, da sii jo sus scho immer meega viil um d'Ohre het und jetzt muä sii no uf das luägä... Befürchte au, sii macht sich z'viil druck! Aber meega schön, dass du und diis Mami so lang telefonieret. I chönt mir da im Moment bii miim nöd so vorstelle (wer weiss, änderet viellicht wenn ii usziäh)
Principessa: Yess bliib hart, wenns denn am nüni gönd isch es diir viellicht gad au recht? I ha mir gad denkt, sii het jo gsaiit säg keiin Gast sondern Babysitter. Wenn da so wär und ihr no anderi Chind hend, chönt sii ja d'Unterhaltig für Chind machä Denn tritt siicher nöd nomol so eh Situation uf... Neii saiich, ii würd hart bliibe! Guät gmacht! I find d'Stüähl gar nöd so wüäscht! Es passt irgendwiä zu dem Ruum. Aber scho chlii gemeiin, hends eu da nöd vorher gsaiit. I hoff ihr chönt ä Lösig finde, wo eu guät passt! Viellicht Miäti für d'Stüähl ussem ard-deco-Saal??
Me & janedoe : Dini Holzdeco het mir so guät gfalle. I ha fast nöd glaubt dass da got. Will ii viil nu in PC inägugge zum BA schriibe, han ii mii mit Bastle abglenkt. Es isch eigentli en Prototyp. Tadaaadaaadaaaaa:
I bii nonig ganz z'friide. Es klappt zwar so wunderbar eiifach wiä s'beschriibe isch. Aber irgendwiä genau unter miim Gsiicht fehlt s'Foti. Da isch doch schaad Und uf dä Bastelaleitig find iichs so schön, dass d'Holzmusterig no dureschimmeret. Da machts bii uns gar nöd. Es Foti mit hellem Hintergrund oder eiifach bim Drucker Entwurfmodus chönt do viellicht helfe. Wer weiss, viellicht start ii hüt Namittag mii nächst Versuäch. Wa meiinet ihr dezue? I finds so kuul. Bruch ii viellicht nöd umbedingt fürs Hochziit (dert hend mir uns für Deko nonig so viil überleiit) Aber au sus, find iichs dä oberhammer
Würd gad kein Tag länger meh möge schaffe. De Herbst macht mich eifach so müäd.
Pricana Wiso häts den für eu soo nöd gstumme mit em Fotograf? Aber isch guet händer das usegfunde. Isch ja scho eine vo de wichtigste Teil amene Hochziit. Vorallem wenn du denksch ihr chönd d Fotis nöd mal bruche für d Ilade. Ohoh!
Janedoe Händer en schöne Abig gnosse? Dini Manschettechnöpf sind sicher megamässig acho bi dim Schatz! Hoffe es hät sich alles wieder igränkt und es isch jetzt klärt.
Sasileu Händir d Fotis immer nonig übercho? Bin mega gspanne - guet du sicher no meh!
Treffe Fändi au meeega cool. Aber das Jahr han ich kei Chance meh mit de Schuel und em Schaffe... Unmöglich!
Iladiege Hani eigenltich welle afange aber han gester no Schuel gha und nachher eifachnüme möge. Hüt abig isch min Schatz aber eh i de Schuel den hani schön Rueh und nimme de Laptop füre und dun sie fertig gstallte. Dete woni sie bstelle hends ebe bis am 30.10. no 15% Rabatt uf alli Iladige. Den zahled mir öpe 140 CHF. Findi en meega Priis. Suscht gits gaaaaarnüt neus bi mir! Nüt!
Sue Ich han ebe gar niemer im Fründeskreis wo scho ghürate isch.. vielleicht muessmer die Situation wirkli selber erlebt ha, um sie zverstah :) Gratuliere zu de Buechig!Coooool :)
littlefoot Sincerity wär min nächste Tipp gsi. Wirkli ganz tolli Chleider!
lil.lian Ha leider kei Antwort wegem Holz bis jetzt... aber mier fahred im Nov eh uf DE und min GG hed gmeint, dett bechunt mer das a jedem Ecke
nala a dinere Stell würdi also kei Rücksicht neh uf dini TZ. Es isch DIS Chleid und dini Hochziit, vo dem her denki, mer sött sich chli nach dier richte, ned du dich nach de andere. Ich ha mini TZ au ned mitgno bim erste Mal. Ha ihre jetzt s Datum füre zweit Termin gseit und ihre offeglah ob sie cha/will mitcho... Am wichtigst isch mier, das mis Mami debii isch. Finde du machsch das scho richtig. Chönnt aso au nöd bis is neue Jahr warte und mer muess ja au bedenke, dass die Chleider e langi Lieferziit bruched!
malinchen Ha ez zwar nüt meh ghört vode TZ aber ich denk es isch acho :) Dis Mami isch ja uh herzig aber was sind de das für Hormon?
Pricana Ich ha eben au denkt so 10-15 Stutz pro Stück muessmer rechne. Vo demher findis absolut okay :)) Hui heb unbedingt Sorg zu dier, so viel schaffe tued keim Mensch guet!!
squishy Du bisch ja die geilscht! Isch ja de Hammer! Findes also mega glunge. Hesch en Laserdruck gmacht' Mier hend ebe kein Laserdrucker... :/ Au suscht fehled no paar Sache us de Aleitig.. Jez chumi aber gad mega Luscht über das zmache :D
Pfingstrose 140 CHF für sooooo tolli Iladige. De Hammer!!
Bruuttreffe Mier möched mit de Mai Brüüt am 1.12. es Treffe, ich weiss ned, vielleicht chömmer das ja irgendwie grad 'zämälegge'?
me Fasses grad da zeme, isch glaubs am eifachste: GG und ich hend gester en wunderschöne Abig zeme verbrunge. Hend nomal über alles gredet und ich ha ihm versproche, dasi mi bitz zruggnimm und ned jede Tag nur s Hochziit im Chopf ha. Und denn hanem d Manschettechnöpf geh, ja :) Er hed sich sooooo mega gfreut und heds gar ned chönne glaube, öppe drüümal heder nahgfragt, ober die denn wirkli darf a de Hochziit alegge. Und womer heicho sind, heder grad sis Hochziitshemd füregno und hed usprobiert wies usgseht. Bin total froh, das mer das klärt hend und alles wider guet isch So jetzt muessi mi ufe Weg go schaffe mache.. Muess hüt bis am 21:00Uhr, bääähhh
@Littlefoot: haha, du chasch gar nid gloube WIE schlächt ig denn bi gfahre... I ha bim Iparkiere ds hintere Outo fiin tüpft (scho nid so dases ä Büle hätt chönnä gäh, aber trotzdäm...), ha mi bim Witerfahre vergässe wieder azgurte (ab däm Moment hani dänkt - ok, jetz bisch ganz sicher gfloge), ha uf dr Outobahn z lang gwartet mit Überhole, när hets gar nümme rendiert wöu scho wieder d Usfahr isch cho, u churz bevor mir wieder zrug bim Strasseverkehrsamt si gsi hani no fasch ä Velofahrer agfahre.
Das mit de Hormon isch ä ziemlech nöii Behandlig. Offebar nimmt me ab und gliichzytig bout dr Körper Muskle uf, was ja när wieder d Fettverbrönnig begünstigt... Aber schiinbar funktionierts nur bi Froue und mues vom Arzt verschribe wärde. Es halbs Jahr lang mues sie sich das jedä Tag sälber sprütze. D Ernährigsberatig isch gloub eher drzue da, dass sie das Gwicht de när ou cha halte. Aber das isch nur das woni vo ihre weis, ha vorhär ou no nie öpis vo däm ghört gha!
@squishy: Wow, das Bild gseht ömu cool us füre erst versuech... E hällere Hintergrund wär villecht würkli besser wägä dr Holzfaserig? Hihi, i ha mi mit mim Mami gar nid verstande woni no dehei ha gwohnt. Hei üs immer mega gfetzt, bi sogar chli wägä ihre so früeh uszoge... Aber inwzüschä hei mir würklech es sehr guets Verhältnis zunenang. Das chunnt sicher ou bi dir!
@Träffe: Ja also i däm Jahr wirds bi mir äuä ou schwierig. Aber villecht würde mir ja ä Termin so ändi Januar/Februar finde? We mir chli wit use plane, chönntes sicher ou meh Brüt irichte dass sie chönnte cho...?
guete morge! TGIF und morn foht z basel d herbstmäss ah juhuiii
malinchen: ich wünsch dim mami guets glinge bim abnäh, hoff aber au das si sich nid zviil druck macht. ws sin das de für hormon? hani nonie ghört.. i kum ebe au nid ganz drus bi minere tz.. si macht no e witrbilidig und het de schuel.. aber i vrstand nid wiso si mir de seit si ka im dezämbr.. mues mol mitere rede. ah mir hän de termin am 1.8., isch aso scho no chli zyt, aber i ha halt so vorfreud und wot gärn jetzt go.. si vrstoht das glaub nid, drbi wär si genau glich.
pricana: was isch den das für es shooting gsi, das ihr dänket dasme d fotis gar id ka bruche hoff ihr findet gli öper wo euch besser passt und dases gueti fotene git. findi voll härzig vo dim gg das er nomol es shooting wot mache.
littlefoot: jo doch anschiinend ka si in de nägste 2 mönet susch nie. ha witr unte no zu däm öbis gschriebe.
sue: toll hets so schnäll klappt mit flittis bueche! händir dämfall e guets agebot gfunde? du gisch jo im momänt richtig gas hochzytstechnisch! toll! het sich no öbis bezüglich caterer do? viil spass morn bim gspröch mitem pfarrer.
squishy: hihi so toll hesch du das usprobiert. aso i find für so de ersti vrsuech sehts nit schlächt us. jetzt kasch optimiere und de wirds sicher no schöner! finds au e tolli idee für susch deko deheime, het öbis! hm jo aso mini tz macht ebe momentan e witrbildig wo si am samstig ab und zue schuel het.. jetzt im novämber het si e priefig und dorum wil si de ganz novämbr reserviere um für die z lerne. und im dezämbr het si a däne samstige jetzt no schuel.. i ha de termin aber erst m 11.30, si könnt jo biz friener go.. aber das isch anschiinend kei option. i probier nomol mitere z rede.
pfingstrose: vil spass bim iladige mache
janedoe: ha merci für die liebe wort jo i dänk au das si den a de nächste termine mitko ka.. s git jo nid nur eine. wie gseit i mues nomol mit ihre schwätze.. schön hesch du das mit dim gg könne regle und das ihr e schöne obe mitenand vrbrocht hän jööö voll die härzig reaktion vo dim gg!
träffe: bini voll drbi! würd mi mega freue eu alli in ächt kennezlerne
Anmelden
Daher findi die Massnahm jetz halt eifach chli drastisch... Aber ja, generell sägi immer es sölle sich alli Lüt i ihrer Hut wohlfüehlä, egal wie.
I wünschä dä Taeboyana und dä Sue ganz schnelli und guäti Besserig!
Denn tritt siicher nöd nomol so eh Situation uf... 
Neii saiich, ii würd hart bliibe! Guät gmacht!
i probier nomol mitere z rede.